[bmz_44]

المشهد الاول
المنظر : مدرسة صعيدية واخدة التلامذة بتوعتها (الصعايدة برضه) للمتحف المصري علشان تفسحهم.

وتشاور الابلة علي علبة بلاستيك قديمة متحاوطة بالازاز
المدرسة : شايفين يا ولاد دي ازازة جيل..
تلميذ : يا ميس , يا ميس
المدرسة : نعم يا ميكي يا حبيبي , عايز ايه؟
التلميذ : يعني ايه جيل يا ميس
المدرسة : الجيل ده يا حبيبي كانوا بيستخدموه قدماء المصريين قبل ما نخترع (الشعر ذاتي النمو) علشان يسرحوا بيه شعرهم , وكان منتشر بين الشباب علشان البنات يعجبوا بيهم.
التلميذ : ليه يا ميس هو مش البنات اللي المفروض يعجبوا الشباب زي ما انتي علمتينا.
المدرسة : ماهو زمان يا ميكي يا حبيبي كان الوضع يختلف كان الشباب هما اللي بيحاولوا يحذبوا البنات مش البنات هما اللي يجذبوا الشباب زي دلوقتي.
ميكي : ليه يعني ده حتي البنات اكتر من الرجالة.
المدرسة : يا حبيبي ماهما زمان مكانوش فاهمين كده.

ويتمشوا شوية في المتحف وهوب تقف المدرسة هي وتلامذتها قدام صندوق ازاز وجواه حاجة بلاستك.
تلميذ : ايه ده يا ميس؟؟
المدرسة : ده بقي يا تيمون يا حبيبي من اكبر الانجازات اللي حققها اجدادك قدماء المصريين , ولاعة بلاستك -صنع في مصر- بتولع لوحدها , ودي كانت اول انطلاقة للمصريين القدماء في مجال التكنولوجيا....ولحد النهاردة يا تيمون يا حبيبي محدش قدر يفسر السر اللي قدر اجدادك المصريين انهم يخترعوا الولاعة دي بيه.

وشوية وهما بيتمشوا كده تقف المدرسة قدام لوحة بكل فخر وتتصور جنبها
تلميذ : ايه الصورة دي يا ميس؟؟
المدرسة : دي يا فرامتشو يا حبيبي اقدم لوحة قدرنا نلاقيها لأجدادك قدماء المصريين , بتكشف لينا قد ايه اجدادنا كانوا ناس فنانين ومتكيفين...
تلميذ : متكيفين؟؟؟
المدرسة : ايوة يا حبيبي اصل الصورة دي بتحكي عن اتنين بيلفوا سيجارة حشيش , والمذهل في اللوحة انهم بيلفوها بطريقة اعجازية , شوفوا كده يا حبايبي بيلفوها بأنسجام كامل وبروح حماسية عالية ازاي....يا عيني عليهم.

المدرسة خرجت من المتحف هي وباقي التلامذة بعد ما اخدوا كل واحد تذكار عبارة عن ربع قرش حشيش ودفتر بفرة هدية من ممتلكات الاسرة المباركية في المتحف المصري.
**************************

المشهد الثاني
المنظر : بعد ما سابوا المتحف المصري ركبوا الطيارة الخاصة بالمدرسة علشان يكملوا رحلتهم ونزلوا من الطيارة ووقفوا قدام عشة مبنية من القش.

تلميذ : ايه ده يا ميس اللي احنا واقفين قدامه؟؟
المدرسة : ده يا كرانشي ياحبيبي مثال حي علي الصمود المصري وعلي فن المعمار اللي اذهل العالم كله واللي كان منتشر بقوة في المناطق العشوائية في مصر زمان.
التلميذ: يعني ايه عشوائية يا ميس؟؟
المدرسة : عشوائية دي يا حبيبي كلمة مصرية قديمة طلعت ايام الحاكم بأمر الله محمد حسني مبارك وكانت عبارة عن اماكن كان الحاكم بأمر الله مبارك بيوفرها للمصريين علشان يعيشوا فيها بأمان وراحة وللأسف الشديد مبقاش عندنا دلوقتي عشوائيات.
التلميذ : يا ميس يا ميس , انا نفسي اعيش في عشوائيات.
المدرسة : كل الناس نفسهم يعيشوا في عشوائيات يا حبيبي بس نعمل ايه الحاجات دي بقت قديمة.....

المصدر: †† ارثوذكس †† - من قسم: الضحك والفرفشة

[bocyd]

ههههههههههههههههه
بجد مستقبل باهر
هى دى مصر فعلا وانجهازتها الا عملتها
ميرسى على الناظرة المستقبلة
وموضوعك الجميل
ربنا يعوض تعبك ويباركك

[كرستين صفوت]

الأسره المباركيه........... ههههههههههههههههههههه شكرا

[la tristeza y el dolor]

دفتر بفره ! !

مصر هو امى و اللى يجيب سيره امى . . . . . .

هههههههههههههههههههههههه

موضوع جامد .

[كرستين صفوت]

ماتقولش يابندق مصر أمك . أمك نايمه عاندك.هههههههههههه

[bmz_44]

بصراحة الخوف مش من مستقبل مصر الخوف من الحاضر , المستقبل احتمال كبير يكون احسن لكن المشكلة انهم هيفتكروا عصرنا في التاريخ انه عصر همجي ويمكن احفادنا يسبوا ويلعنوا فينا كمان......وميرسي كتير ليكم علي مروركم وتعليقاتكم اللي زي العسل

[la tristeza y el dolor]

المشاركة الأصلية كتبت بواسطة كرستين صفوت ماتقولش يابندق مصر أمك . أمك نايمه عاندك.هههههههههههه

هههههههههههه عرفتى منين يا كرستين انتى مراقبانا ولا ايه ؟

[twaty]

ههههههههههههههه بجد حلوة اوووووى
ميرسى ليك

[bmz_44]

ميرسي كتير يا تويتي والاحلي مرورك

[فرجينا]

ههههههههههههههههههه