[viyola]

*** ( قال ايه مسيحي!!!)***
الأسم : فلان
ممكن يكون روماني_ مايكل_ ايمان او اي اسم كان
وظيفتي : في الحياه مجرد انسان
وديانتي : انا بعبد رب الاكوان
اللي علشاني اتصلب واتهان
يعني مسيحي ؟؟؟؟
ايوة مسيحي
بس السؤال اللي بيخطر علي الاذهان
** هل فعلا مسيحي بجد ؟؟؟؟
** ولا زيك زي اي حد ؟؟؟
... يعني ايه ؟؟
.. يعني ياسيدي هل:
يوم أجازتك حضرت القداس وصليت؟؟
ولا كسلت وقعدت اليوم ده في البيت!!
طب لو رحت هل كان فعلا للقداس؟؟
ولا علشان يشفوك الناس !!
ويقولوا عليك مسيحي بجد... وأنت في المسيحية
مالكش أساس!
... طيب...
هل بتجاهد في الصلوات؟؟
هل بتصلي من الاجبية سبع مرات؟؟
.. ولا سيادتك مشغول دايما بمسلسلات أو ماتشات
.... طيب....
هل بتعترف؟؟ هل فكرت في مرة تتوب؟؟
ولا لسه مقضيها ذنوب!!!
... طيب...
هل بتقرأ في الانجيل؟؟ هل بتصوم؟؟
هل بتعطف علي محتاج؟؟أو حتي بتنصف مظلوم؟؟
هل جربت تزور مسجون؟؟ هل جربت تدي عشور؟
واسئلة كتير... وانت فين من كل ده!!
طب اذا ماكنتش بتعمل كل ده... تبقي مسيحي علي اي اساس !!!
ده انت عامل زي شجرة تين خضرة من برة وجواها تراب ينداس
.... ياريت ....
.. ياريت تفكر... حاول ترجع
.. ياريت لكلام انجيلك تسمع
.. مش الشطارة أننا نقول احنا مسحيين
.. واحنا من جوانا ناس تانيين
..فياريتنا نصلي ياريتنا نصوم
.. وماندورش علي مجد باطل ما بيدوم
.. ياريت نحاول طول عمرنا
..نفكر بس في اننا نرضي ربنا
..ولو عملت كده انت وانتي وانا
..هانكون وصلنا لمبتغانا وحلمنا.

المصدر: †† ارثوذكس †† - من قسم: القسم الادبي

[بنوتة مارجرجس]

كلام صح ومقنع جدا

ربنا يعوضك

[viyola]

ميرسي اوي ليكي يابنوتة مارجرجس لتشريفك للموضوع ربنا يحافظ عليكي ويبارك حياتك.

[كارين بنت يسوع]

كلام في منتهي الروعه يا فيولا
احنا حقيقي بعيد اوي
واللي بيدوق نعمه المسيح بيكون حاسس وعارف اكتر مننا
واحنا بجد مسيحيين بالاسم
مقصرين في حقه جامد اوي

عاشت ايدك فيولا ودام صليبك
وميرسي للموضوع اللي بجد ممكن يكون تنبيه يفوقنا من غفوتنا
تسلم ايدك وربنا يباركك

[دميانة لطفى]

ده انت عامل زي شجرة تين خضرة من برة وجواها تراب ينداس
فعلا كل واحد منا محتاج يسأل نفسه هل هو مسيحى بجد؟؟
موضوع فوق الرائع تسلم ايدك

[عماد حسنى]

كلماتك يا فيولا فى منتهى القوه والتأثير والعمق
وكتير اوى اوى محتاجين لتنبيه قبل فوات الاوان
والاكتر محتاجين لمسه من صاحب اللمسات الشافيه
محتاجين لمسه تقويهم وتعينهم وتخليهم ينتبهوا لحياتهم
طبعا منهم واولهم انا ..
شكرا جدا جدا لموضوعك الاكتر من رائع
ومتظرين المزيد من كتاباتك الاكتر من رائعه
ربنا يكون معاكى ويفرح قلبكوحياتك

[حنين سنين]

بجد موضوعك فوق الرائع فعلا تايهين ونائبة رب الأمجاد ميرسي ليكي يا فيولا

[viyola]

ميرسي اوي اوي ياكارين لحضورك وزوقك اللي نور الموضوع .. وفعلا كلنا واولهم انا محتاجين التنبيه.. ربنا يباركك

[viyola]

شكرا لمرورك اللي شرفني يادميانه .. وصحيح لازم كل واحد يسال نفسه هل هو مسيحي بجد لا وكمان قدم ايه لفاديه .. ربنا يباركك ويعوض محبتك

[viyola]

ميرسي جدا ليك ياعماد علي زوقك وتشجيعك .. فعلا كلنا محتاجين ليه وحقيقي لمسته لينا بتطهرنا من جوة ومن برة مش هانكون تاني زي شجرة التين .. ميرسي اوي لتعليقك الهادف دايما ومرورك اللي بجد شرفني.. ربنا يبارك حياتك ويفرح قلبك.