[Jesuslittlegirl]

(¯`v´¯)
`*.¸.*´
¸.•´¸.•*¨) ¸.•*¨)
(¸.•´ (¸.•´ .•´ ¸¸.•¨¯`•.


ليس اجمل من ان تنظر الى قلب انسان يحبك

يحبك من قبل ان يراك

يحبك حتى و هو فى اشد حالات الألم و الضيق

انت يا ملك الدهور معلق على الصليب . انت هنا من اجلى انا و من اجل كل آثامى و ضعفاتى

انت يارب تعرف معنى الحب الغافر حتى فى اقسى الظروف و انت تعلم انهم سيسلمونك لتصلب و تجلد و تموت . كل هذا من اجلى انا


انت يا صاحب الرحمة لم يستعملوا معك الرحمة حتى انا الى هذا اليوم اشعر بقساوة قلب عندما اخطئ اليك

لم استمع يوماً الى صوتك ينادى ان لا اخطئ و ان اعود اليك و انا برضو بعيد و مش سامع

لم استمع اليك عندما بكيت على حال اورشليم الذى هو حالى و حياتى التى اصبحت و امست فى خطايا كثيرة تسلمنى فيها الواحدة الى الأخرى



صلبوك على مكان مرتفع و كأنهم ارادوا بك ان يروك الناس كلها و يا للعجب انا لم أراك

حاجات كتير يا رب بتبعدنى عنك مع انك واضح جدا فى حياتى بس انا اللى حاطط الف ساتر و حاجز بينى و بينك و حتى بينى و بين ضميرى



ارفع راسى يا رب عايز اشوفك
------------------------------------

امسك ايدى يا رب عايز المسك .
مشاعرى بقى حاسة بيك و عارفاك بس انا كاتمها و مش سايب نفسى ليك

مش سايب نفسى تحبك

مش سايب قلبى يطير و يبقى حر من قيوده

لو كانت دموعك جوه قلبك خللى المسيح يشوفها . صدقنى هيفرح بدموعك جدا . دى مش دموع الحزن و الكآبة . دى دموع الخاطى اللى مستنى حد يحضنه

دموع القلب اللى شاف محبتك الحقيقية . دموع واحد تعبان و نفسه يرتاح

دموع النصرة على القيود و التعب و الكسل و الضعف


يا رب عايز احبك و اشوفك و اعرفك فى كل حياتى بيتى و شغلى و كنيستى


(¯`v´¯)
`*.¸.*´
¸.•´¸.•*¨) ¸.•*¨)
(¸.•´ (¸.•´ .•´ ¸¸.•¨¯`•.

المصدر: †† ارثوذكس †† - من قسم: التأملات الروحية والخواطر الفكرية

[وردة حزينة]

امسك ايدى يا رب عايز المسك .
مشاعرى بقى حاسة بيك و عارفاك بس انا كاتمها و مش سايب نفسى ليك

الله جميل النداء لربنا
بس هو للى قال امشى خطوه وانا اجيلك اتنين
واول الخطوه ده انى اطلب واحس انى عايز ارجعله واجيله واكيد هو ميش هايسيبنا
جميل اوى تاملك

[Hanyking]

الله عليكى بجد موضوع جميل اوى ربنا يباركك ويعوض تعبك
اخوكى كابوووو

[nana222]

موضوع جميل جدا