[روماني عادل النمر]

معــقـول حبيبي معقول هتكون لغيري
معـقـــول حبيبي أنـحرم منك ياطيري
معقول كــدا؟ فـــيــه فــي الــدنيا كدا؟
بس امانه عليك حبيبي ماتنسي خيري

مبروك حبيــبي و بــدعـي الله يسعدك
مــبـــروك حبــيبي وكان منايا أسعدك
مبــروك..وانـــــا.. أنــــا مش مهم أنا
أنــــا لازم أنســي لازم أبــعد وأبعدك

الـــدنــــيــا مالها بالقلوب مالها بتلعب
مايل ليه حـالها وعلي حالها دا هنتعب
خايف نفوق علــي ذكـــريــات وشوق
ولـــو تـقابلنا بكره حالنا علينا يصعب

زمـن طـويل سـنـين وأنا نفسي معاهد
مكـــنش غير ليـــك وأنــت عليا شاهد
قولي أمتي خان قلبي اللـــي يـاما هان
هتقوله ايه وأنت اللي عنه كنــت باعد

من غيري عيش أفرح وانا حزني عادي
ومتنسانيش رغـــم فـــراقـــي وبعادي
دي ذكــــريــات دا عمر بحاله فــــات
ياحب كان طول الزمـان ساكن فؤادي


كـــــلـــمات/ رومــانــي عـــادل

المصدر: †† ارثوذكس †† - من قسم: القسم الادبي

[كيرو رافت]

ما اصعب هذه اللحظات المملؤة بالقسوه والالم
لفراق من احببناهم
وما اجمل هذه المشاعر المضحيه الراضيه بحالها المتمنيه الفرح والسعاده لمن احببناهم
هايل بجد يا استاذ رومانى
تعبيراتك رائعه وقويه
ربنا يفرح قلبك يا رب

[روماني عادل النمر]

ميرسي لمرورك العطر الذي دائما ينير مواضيعي أ/ كيرو ربنا يباركك ويفرح قلبك دائما