[روفــــا]

ما هو الشي الذي غير حياتك ؟؟

يعيش الإنسان فترة من الزمن في ركود تام أو روتينقاتل

ولكن فجأة تظهر في حياته أمر أوشيء يقلب حياته 180 درجة ..

يغير حياته ويجعل لحياته معنى وهدف ويقلب موازينه ويجعلهيعيش

ويستمتع بكل لحظة في حياته وكأنها آخر لحظة في حياته يعيشها

بكل حب وبهجة وسعادة ومرح ..

و الآن ما هو الشيالذ ي غير حياتك ؟؟

هل هو كتاب قرأته :

دورة حضرتها :

معلم علمك :

ام اب اعترافك:

هل هي عظة سمعتها :

هل هي محاضرة :

أوشخص قابلته :

أو وفاة عزيز :

أو فقد محب :

أو بلاءإنسان :

أم ترنيمة سمعتها :

هل هو إنتقاد من شخص كان له بالغ الأثر فينفسك :

أم نصيحة صديق محب :

أم أنك أحببت شخصا:

المصدر: †† ارثوذكس †† - من قسم: الموضوعات الشبابية

[kottah_sh]

اكدب عليك لو قولت عارفه ايه اللى غيرنى بس ممكن اكون ابتديت اصلى باستمرار شويه علشان خطيبى كان بيشجعنى على كده
تفتكر دى حاجه صح ولا غلط انى اسمع كلام خطيبى واصلى علشان دى رغبته ولا المفروض استنى لما تبقى نابعه منى؟؟؟؟؟؟؟؟؟؟؟؟؟؟

[روفــــا]

المشاركة الأصلية كتبت بواسطة kottah_sh اكدب عليك لو قولت عارفه ايه اللى غيرنى بس ممكن اكون ابتديت اصلى باستمرار شويه علشان خطيبى كان بيشجعنى على كده تفتكر دى حاجه صح ولا غلط انى اسمع كلام خطيبى واصلى علشان دى رغبته ولا المفروض استنى لما تبقى نابعه منى؟؟؟؟؟؟؟؟؟؟؟؟؟؟

المفروض ولا تسمعى كلام خطيبك ولا تستنى انتى المفروضتبتدى من جواكى او حتى تبتدى بانك تصلى وتفتكرى ربنا بس انتى كدة بيتصلى علشان خطيبك
انتى ابتديتى علشان ترضى خطيبك مشو علشان ربنا وموش لازم تكمون نابعة من جواكى اصل عمرك ما هتصلى وتلاقى نفسك نابع من جواكى انك تصلى انتى تبدى بصلاة عادية خالص وتدعى من ربنا ان يخليكى مشتاقة للصلاة ومعرفته ويقوى ايمانك اكتر ووموش لازم تبقى نابعة من جواكى انتى لما تبتدى من غير اى مقدمات ربنا هيخلى النور اللى جواكى بنور من اول وجديد وكل دة علشان ربنا وترضية موش علشان خطيبك انتى تتغيرى علشان اللى خلقك موش علشان المخلوق
انا اسف جدا لو كنت ضايقتك او زعلتك بس انا حبيت اقولك على حاجة انتى سالتينى ومتزعليش ولو كلامى ضايقك ممكن الغى الرد بيتاعى
وشكرا على مرورك وردك الجميل
واسف لتانى مرة لو كنت ضايقتك
اذكرينى فى صلواتك

[moky]

المشاركة الأصلية كتبت بواسطة روفــــا ما هو الشي الذي غير حياتك ؟؟ يعيش الإنسان فترة من الزمن في ركود تام أو روتينقاتل ولكن فجأة تظهر في حياته أمر أوشيء يقلب حياته 180 درجة .. فعلا يا روفا الانسان طول حياته بيفضل يمشي يدور على الحاجة اللي تغير حياته و تخليه سعيد بس بصراحة كدة ماحدش ممكن يغير الانسان 180 درجة غير ربنا فقط ذي ماغير حياة الانبا موسى الاسود من مجرم قاتل و زاني و سارق الي قديسن من اعظم القديسين و القوي في الايمان يغير حياته ويجعل لحياته معنى وهدف ويقلب موازينه ويجعلهيعيش ويستمتع بكل لحظة في حياته وكأنها آخر لحظة في حياته يعيشها بكل حب وبهجة وسعادة ومرح .. امممممممممم ردي هيبقى تحت بقى انتظرونا ههههههههههه و الآن ما هو الشيالذ ي غير حياتك ؟؟ برده انتظرونا هههههههه هل هو كتاب قرأته : في كتب كتيييييير قريتها غيرت فيا بعض انواع التفكير الغلط ادتني ثقافة شوية بس مش غيرتني ككل بس طبعا اعظم كتاب خلق فيا المحبة و حب الناس جميعا هو الكتاب المقدس ده بقى اللي يقدر يغير بجد دورة حضرتها : لا لا لا دي ممكن تغير تفكير لكن تغير من الداخل و تحسس بالفرح و السعادة لا معلم علمك : اها في معلمين كتيييييير جدا اثروا في حياتي لكن ماغيروهاش في بقى معلمي الكبييييييير اوي اوي و حبيبي جدا جدا جدا اللي لسة لغاية دلوقتي بشرب من تعاليمه و محبته و اعماله هو البابا كيرلس ده اللي بجد اقدر اقولكم انو فعلا غيرني كتييير اوي ام اب اعترافك: اب اعترافي بالنسبالي هو مرشدي اللي لما اقرب اقع في الحفرة بيخرجني منها و يقولي حاسبي هنا في شوك لا هنا في ينبوع ممكن تشربي منه برده ليه تأثر كبيييير جدا في حياتي لكن مش تغيير هل هي عظة سمعتها : كتيييييييير جدا بسمع وعظات و بتعلم و بستفيد منها كتييييييييييييير جدا بس لغاية دلوقتي مالقتش الوعظة اللي تغير حياتي يمكن قدام شوية ربنا يلمس قلبي بكلمة كدة و لا اتنين من وعظة جميلة ذي مالمس قلب الانبا بولا بأية حلوة خلته ترك كل الدنيا اواختار طريقه هو هل هي محاضرة : برده لا مش محاضرة كل الحاجات دي ممكن تعلمني تأثر فيا شوية لكن تغيرني لا أوشخص قابلته : في شخصية قابلتها غيرت فيا حاجات كتييييير جدا جدا و دي كانت راهبة ببجد حبتها من قلبي و خلتني افهم كويس يعني ايه كلمة خدمة و بصراحة كدة الحاجة اللي بحسها غيرتني من جوة و حستتني بمعنى الفرح الحقيقي كانت الخدمة أو وفاة عزيز : لا دي لسة ما جربتهاش و ياريت مش اجربها لاني مش احب اتغير على حساب موت حد بحبه أو فقد محب : برده لسة و مش احب برده كدة يعني ماتغيرش غير لما اخسر حد أو بلاءإنسان : لا برده أم ترنيمة سمعتها : لا برده مافيش ترنيمة غيرتني ممكن تكون اثرت فيا بس هل هو إنتقاد من شخص كان له بالغ الأثر فينفسك : لا بس بجد نفسي في دي اوي نفسي حد يكون عنده كدة شجاعة ادبية هههههه و يقولي انتي فيكي كذا و كذا و كذا غيري من نفسك اعملي كذا ياريت الاقي حد كدة بجد هحترمه جدا جدا جدا أم نصيحة صديق محب : اكيييييييييد نصيحة صحبتي ليا دي بيبقى ليها طابع خاص عليا بس برده مالقتش النصيحة اللي تغيرني أم أنك أحببت شخصا: ياااااااااااه يا روفا بجد دي بجد احلى حاجة امنية حياتي اني الاقي الشخص اللي اتغير علشانه بجد بس طبعا يغيرني للأحسن نكمل بعض نحس بس النقطة بقى الاهم لو احنا حبينا ربنا بجد بجد و من قلبنا ده بقى اللي في لحظة يغي حياتنا و من جوانا و يخلينا نحس فعلا ان احنا اتولدنا من جديد اتغيرنا من جوانا بيدينا روحه بييدنا الفرح و السعادة اللي بجد ربنا ده اللي بجد مافيش حاجة صعبة عليه هو الوحيد اللي لو حبيته من قلبك اوي و سلمته حياتك اوي هو اللي فعلا يغيرك اوي اوي اوي اوي و يخليك انسان تاني خالص اللي بجد عايز يتغير و حاسس انه مش لاقي حد يغيره بجد بجد ربنا ده احن من كل انسان و من اي حد يلجئ و ليه و يقوله محتاجاك تغيرني بس كدة

ارد بقى على السؤال و اقولك ايه اللي غير حياتي بجد و ايه اللي مستنياه يغيرني اكتر و اكتر
اللي غير حياتي بجد هي الخدمة
الخدمة دي لما بجد عرفت معنى الخدمة اللي بجد و انك تساعد حد و انت مالكش هدف من حاجة غير المساعدة و بس ده فعلا غيرني اداني سعادة غير طبيعية فعلا فعلا لما بكون شايلة الهم و مضايقة و مجروحة و زعلانة اشوف و داور على حد يكون محتاج مني اي خدمة محتاج مساعدة و اجري عليه و اقوله انا تحت امرك بجد بجد بعد ما بخلص الخدمة دي بجد ببقى حاسة اني طايرة من السعادة و من الفرح يا سلام بقى لو في خدمتي كدة قدرت ابسط حد و اخليه سعيد سعادته الصغيرة دي بتبقى عندي و جوايا فرح الدنيا كله جوة قلبي
يسلام بقى لو كمان قدرت تخلي طفل مريض بعد ماكان عيان يقدر يعب و يطنطط ذي بقية الاطفال بجد بتبقى قمة السعادة فاللي بجد حساااه غير فيا كتيييييييييييييييير جدا جدا جدا هي الخدمة

اللي مستناه بقى يغيرني اني الاقي الانسان اللي بجد احبه من كل قلبي و اديله كل مشاعر الحب و اتغير علشانه هو
بس ياسيدي اسفة لو طولت عليك بس اعمل مواضيعك جامدة و تساهل الرد بجد

ربنا يباركك يا رفوا و يعوض تعب محبتك امين يا الهي
اذكرني في صلواتك كتييييييير جدا جدا جدا
اختك الغلبانة موري

[marian william]

مرة سمعت متكلم بيقول ان جوة كل انسان فراغ على شكل ربنا وبيحاول كتير كتير انه يملاه بأى حاجه تانيه وكل ما يحاول يملاه بيكبر اكتر لحد ما يزهق و يتعب ويقف مكانه مش عارف يعمل حاجه و اول ما يقول بس انت فين يا رب سيبنى ليه اتخبط في كل حته يلاقي حياته اتقلبت 360 درجة و يفضل يقرب يقرب ويعرف بعد كده ان الفراغ الى كان جواه ما يملاهوش غير ربنا ويعرف انه كان هو الى بعيد ومش شايفه و يبتدي يندم حتى على عمره الى مكانش مع ربنا وكان تعبان وشايل حمل تقيل قوي عليه ومش عارف ان فى واحد عايز يشيله هو و حمله على الاكتاف (تعالو يا جميع المتعبين و ثقيلى الاحمال و انا اريحكم)

[روفــــا]

ميرسى على يا مورى على ردك الجميل دة وبجد موش عارف اقولك اية انتى ردودك بجد بيتعجبنى
وميرسى ليكى انتى كمان يا ماريان وليم وعلى ردك الجميل والرائع
وميرسى على مروركم الجميل
اذكرونى فى صلواتكم