[اناستاسيا]

سلام ونعمة ومحبة يسوع مع احلى منتدى دخلتة فى حياتى
اولا انا بشكر اختى الغالية ايمى اللى بتدينى اكثر من قيمتى
ثانيا انا فرحانة جدا لانى اخت ليكم فى هذا المنتدى العظيم اللى بعتبرة كنيسة من منازلهم بحب اوى الدخول هنا لانى بلاقى كل حاجة احتاج ليها معكم واحلى حاجة كمان هى الافتقاد فى المنتدى
هكلمكم عن حاجات كتير بس يا رب ما تزهقوش منى بس ميعاد
نومى جاء والمفروض اشرب اللبن قبل ما انام يلا تصبحوا على خير ونكمل غدا احلام سعيدة مع الملائكة ويا رب تاكلوا معاهم رز بلبن

[اناستاسيا]

سلام اخواتى الاعزاء رجعت لكم تانى واتمنى ان اكون ضيفة خفيفة عليكم
طبعا عايزين تعرفوا الاسم والسن ووووو
من جهة السن هسيبكم تخمنوا وعشان اسهلها عليكم هنبتدى من 20الى 99 يلا مفيش اسهل من كدة دة من ناحية السن الجسدى ولكنى احسب عمرى باللحظات التى اقضيها فى وجودى مع اللة وانا حسبتها فوجدت اننى مازلت طفلة رضيعة لازلت احبوا
انا خادمة فى كنيستى مار جرجس بخدم الملائكة وكم احب هذة الخدمة جدا وبالاخص هذة المرحلة لانى بكون معاهم وكانى مع المسيح ذاتة عندما اقبل يد احدهم وكأننى قبلت يد السيد المسيح وعندما تبتسم لى طفلة او طفل وكأن يسوع ذاتة هو من يبتسم لى
انا اصدقائى كلهم سنهم ما بين 2الى 6 سنوات حقيقى بجد مش بهزر بامانة معندييش اصدقاء كبار كتير غير القديسين اصحابى وصديقة جديدة هى ايمى فانا اعشق صداقة القديسين اولهم طبعا امى الغالية العذراء مريم وكمان حبيبى القوى الانبا موسى الاسود فهو حارسى الخاص حد يقدر يفكر يعمل حاجة معى كدة على طول اصدر الانبا موسى وهو يقوم بالواجب وكمان من اصدقائى البابا كيرلس ومار مينا وكتييييير كتييييير ووطبعا القائدالاعلى للقوات المسلحة بتاعى هو مار جرجس وهو لة افضال كتير عليا اسيبكوا ترتاحوا شوية وارجع اقول لكم عن تجربة شخصية لمار جرجس معى باى

[اناستاسيا]

سوف احكى لكم عن تجربتى مع مار جرجس
كان يوم عيد استشهادة وكنت حكيت للاطفال فى الخدمة عن قصتة وشرحتها بطريقة مختلفة تماما عن كل مرة وكان جميع الملايكة فرحانين بيها جدا جدا وبعد ذلك عندما خلصت ذهبت الى اختى وهى لها طفلة رائعة عندها فى ذلك الوقت سنة واربع شهور كان معها شيبسى فوضغت واحدة فى فمها وعندها حدث لها اختناق وبدء جسدها كلة يتحول الى اللون الازرق وتوقف النبض وعلم الجميع انها انتهت وبدء الصراخ وبدون ان اشعر صرخت لمار جرجس واعاتبة كيف انا فى الكنيسة اكلم اطفالك عنك وعن معجزاتك وانت تعمل معى كدة يعنى بقولة دى اخرتها ودة طبعا غلط ولكن كان فى وقت صعب وهو بيستحمل كتير وفجاءة وجدت الطفلة تبكى وتنظر لى وكانها تريد ان تتحدث ولا تستطيع وبعدها سمعت صوت بيقول كدة خالصين
ومن بعدها عيد ميلادها اصبح مع عيد استشهاد قديسنا العظيم مار جرجس
اخوتى صداقة القديسين عظيمة جدا فهم معنا وبيتدخلوا ولكن فى الوقت الذى يسمح بة اللة بركة شفاعتهم جميعا تحرسنا وترعانا امين
ارجوا ان لا تكونوا مليتوا من حديثى فانا طولت الكلام كثير
اشكر ايمى لانها اعطتنى الفرصة الجميلة دى ان اكون معكم وايضا اشكر استاذ نادر على هذة الفكرة الجميلة واشكركم لحسن متابعتكم ميرسى كتير سلام انا كدة خلصت باى

[emmmy]

حبيبتى انستاسيا الجميلة حقيقى استمتعنا معاكى جدا بحوارك ووجودك الرائع فى برنامجنا وحلقتنا اشكرك كتيررر كتيررر
وبصراحة من الصعب جدا معرفة سنك بس انا حاسة انك كبيرة مش مراهقة يعنى ههههههههه لان تفكيرك وطريقتك واسلوبك بيدل على انك ناضجة عموما خليها مفتوحة لكل واحد يخمن بمزاجة بقى ههههههه
مش هتفرق --- والكتاب المقدس بيقول لا يستهين احد بحداثتك
احلى حاجة عجبتنى فى كلامك وفيكى صداقة القديسين وصداقة الاطفال اخترتى انقى واطهر القلوب معاهم مش هتتعبى ابدا
وانا يسعدنى ويشرفنى حقيقى انى اكون اختك وصديقتك الجديدة دة كتيررر عليا اوى مرسى يا حبيبتى
انا لفت نظرى جمال روحك ونقاءك وعمق تفكيرك وبساطة روحك من خلال ردودك وخصوصا فى الموضوعات اللى صاحبها بيعبر عن حزن والم ويأس وكأن مفيش خلاص مفيش فداء ومفيش يسوع حنان كنت بلاقى ردك مميز وبيدل على روح التفائل اللى جواكى ووجود المسيح فيكى
الرب يبارك حياتك بالنعمة دايما ويفرحك يا قمر بحضورة فى قلبك على طول



ودلوقتى الحوار مفتوح يا احبائى اللى عاوز يقول حاجة لاختنا الحبيبة انستاسيا يتفضل عاوزة تعليقاتكم بقى متنموش

[اناستاسيا]

المشاركة الأصلية كتبت بواسطة emmmy حبيبتى انستاسيا الجميلة حقيقى استمتعنا معاكى جدا بحوارك ووجودك الرائع فى برنامجنا وحلقتنا اشكرك كتيررر كتيررر وبصراحة من الصعب جدا معرفة سنك بس انا حاسة انك كبيرة مش مراهقة يعنى ههههههههه لان تفكيرك وطريقتك واسلوبك بيدل على انك ناضجة عموما خليها مفتوحة لكل واحد يخمن بمزاجة بقى ههههههه مش هتفرق --- والكتاب المقدس بيقول لا يستهين احد بحداثتك احلى حاجة عجبتنى فى كلامك وفيكى صداقة القديسين وصداقة الاطفال اخترتى انقى واطهر القلوب معاهم مش هتتعبى ابدا وانا يسعدنى ويشرفنى حقيقى انى اكون اختك وصديقتك الجديدة دة كتيررر عليا اوى مرسى يا حبيبتى انا لفت نظرى جمال روحك ونقاءك وعمق تفكيرك وبساطة روحك من خلال ردودك وخصوصا فى الموضوعات اللى صاحبها بيعبر عن حزن والم ويأس وكأن مفيش خلاص مفيش فداء ومفيش يسوع حنان كنت بلاقى ردك مميز وبيدل على روح التفائل اللى جواكى ووجود المسيح فيكى الرب يبارك حياتك بالنعمة دايما ويفرحك يا قمر بحضورة فى قلبك على طول ودلوقتى الحوار مفتوح يا احبائى اللى عاوز يقول حاجة لاختنا الحبيبة انستاسيا يتفضل عاوزة تعليقاتكم بقى متنموش

ميرسى كتير يا ايمى على كلامك الرقيق اللى انا لا استحقة على
فكرة شكلك كدة بتخمنى انى عديت ال80 سنة على العموم انتى قربتى خالص يلا عشان بعد كدة تقولى لى يا تاتا انستاسيا

[hany1982]

اولا انا بقدم اعتزاى لهانى وبتمنى انة يكون بخير لانى معرفشى ظروفة وسبب غيابة

انا بجد اللى اسف جدااااااااا ليكى يا ايمى ولكل اعضاء اورثوذكس بس صدقونى غصب عنى لأنى دايما باجى وقت قليل قوى ومش بقعد كتير واليومين دول بنشتغل ليل ونهار عشان نعمل حامل ايقونات جديد لكنيسة العدرا بامبابه بدل اللى حرقوه ولاد التييييييييت وبإذن ربنا هكون معاكو واكمل كلامى بعد العضوه الجميله اناستاسيا (واضح انها جميله من اسمها)
معلش يا ايمى انا عارف انك زعلانه وزمانك بتدعى عليا يلا بقى ربنا يسامحك هههههههههههه بس اول متخلص اناستاسيا ادينى اشاره وانا هنطلق على طول فى الحوار

[emmmy]

حمدا على السلامة يا هااانى ما بدرى يااارجل
انا بدعى عليك ؟؟ كدة بردوا طيب يارب يارب يوفقك
ولا يا سيدى مش زعلانة ولا حاجة انا مش بزعل من حد
ونشكر ربنا انك بخير دى اهم حاجة بجد انا بكون مبسوطة بوجودك
ربنا يحافظ عليك وممكن تبدأ كلام اول ما تدخل كدة ال 24 ساعة خلصوا مع العضوة الجميلة انستاسيا واتعرفنا عليها شوية -- شوية صغيرين مش كتير ههههههههه بس يلا زى بعضوا انا شخصيا استكفيت باللى عرفتة عنها كان جانب جميل جدا فى حياتها بشكرها حقيقى على استجابتها الدعوة ومحبتها الجميلة ربنا يفرحك

فى انتظارك يا هانى لما نشوف بقى هتدخل امتى لحسن الحلقة بتاعتك دى معقربة اوى مش عايزة تخلص هههههههههه

[hany1982]

فى انتظارك يا هانى لما نشوف بقى هتدخل امتى لحسن الحلقة بتاعتك دى معقربة اوى مش عايزة تخلص هههههههههه

انا جيييييييييييييت لأ مش معقربه ولا حاجه انا اهه ويلا نتكلم مع بعض

انا قولتلكم قبل كده وابتديت عن كنيستى فى المنوفيه واكيد ناس كتير اول مره تسمع عن الانبا صرابامون الاسقف والشهيد لأنه مش مشهور قوى وملوش غير كنيستين بس فى المنوفيه وفى مصر كلها وهوه غير الانبا صرابامون ابو طرحه . وكنيستى اغلى مكان فى حياتى واللى مقدرش افارقه ابدا مده طويله مهما حصل والمكان اللى اتربيت فيه واللى كانت رجلى بتودينى ليه من غير ما ادرى من وانا صغير خالص ، وكل ركن فيه بيحكى قصه عشتها فى حياتى . ممكن احكيلكم قصه منها وهيا مش بعيده قوى من وانا فى الكلية بس .
كنت زمان بسمع عن صلاه اسمها التسبحه وكنت بشوف شمامسه بتقف تصلى بعد العشيه لفتره طويله وللاسف مكنتش عارف هما بيقولوا ايه ؟ لأنى مكنتش اعرف غير بالعشيه والقداس وبعض صلوات الاجبيه بس لحد ما وصلت الثانويه وبسبب طبعاً انشغالى فى المذاكره كان فكرى اتمسح جيت بعد ما خلصت الثانويه لاقيت اصحابى بيقولولى بعد ما دخلنا اعداد خدام اننا نبقى نحضر ولانى غيور جداا على اكتشاف المجهول وحبى للتعلم وافقت وروحت وطبعاً وقفت ولا عارف اى حاجه ولا كنت بعرف انطق العربى حتى لدرجة انى كنت خارج مضايق قوى قوى وزعلان من نفسى جدااا وقولت ياريتنى تركت المذاكره وفضلت فى الكنيسة وطقسها بس طبعاً حبيتها جدااا وحبيت كل الحانها الجميله وكانت بترن فى ودانى وفضلت احضر وانا مش فاهم حاجه لمدة طويله يجى شهر وبعد كده بدأت بالعربى ارابع مع الشمامسه وكنت انا واتنين زمايلى اصغر اللى كانوا بيحضروا وطبعاً ولا كنت بعرف اضرب دف ولا تريانتوا وفضلت مواظب طول سنين الجامعه على التسبحه (تسبحه نصف الليل) لدرجة انى كنت بتمنى انهم يزودوا قداسات فى ايام الاسبوع عشان اروح بالليل اعمل التسبحه انا وزمايلى الشباب وبطقوسها المختلفه على مدار السنه ومقولقوش بقى على رخامتى مع الشمامسه الكبار اللى كانوا معانا اللى كنت بزن على دماغهم دايماً عشان يحفظونى الالحان الطويله كنت دايماً اخلى حد منهم قاعد فاضى اجرى عليه عشان يعلمنى ويحفظنى او حتى اخد منه ميعاد او اخليه يعلمنى ضرب الدف والتريانتو
وبعدين هكمل بعدين يلا باى

[emmmy]

لية ما بلاش بعدين دى
لحسن انت يومك بسنة هههههه
خلص الحلقة بتاعتك دى يا هانى دى غرمتنى كتير اوى وجت عليا بخسارة انت مش فاهم بس انا ساكتة من محبتى لية ومن غلاوتك بس هههههههه

[emmmy]

ها يا هانى يسهلك ربنا
روحت فين تانى ؟؟؟
هههههههههههه