[ميلاد صدقى]

الجزء الاول ضبط واحضار
الجزء الثانى فسرت باختصار
الان الجزء الثالث حقاءق واخطار

حقائق واخطار

وتمت المواجهة بين الجانى والمجنى عليها
واوال ماشافها الحبيب جرى وانحنى وقبل ايدها
الحب نحن نحقق فى بلاغك علشان نحميكى
وكمان عايزين نعرف هو بيعك ولا شريكى
انت متهم فى جريمة شروع فى انتحار
الحبيب انا لم افعل وهنا قاطعة الحبيبة وقالت باكية
هى استنى انت حبيبى انا هاتكلم واشرح الموقف
وهاحكى انا الوضع اللى اصبح فعلا مؤسف
انا وحبيبى نقدم بلاغنا الان ضد البطالة
الحب يعنى اية مش فاهم عايزين بلاغ ضد مين
هى وهو ضد البطالة والواسطة والتعصب وكل المسؤلين
هى هو حبيبى اتخرج قبلية بكبشة سنين
وحاول يجمع شغل علشان يبنى لينا مستقبل
هو كان حلمى اى شغل غير تخصصى مش هاقبل
هى كل اللى حصل على يدى ولما تعب قال اى مجال
فكر فى الواسطة ودفع ووقع فى حرامى ونصاب ودجال
فكرنا سويا فى قرض ومشروع ونكون بية احرار
لقينا شروط القرض صعبة وخوفنا نفشل ونتكوى بالنار
هو فكرت اسافر ولاقيت التاشيرة غلية ولف وتعب ومرار
قلت اسافر زى الشباب يعنى هجرة غير شرعية
لمونا شلة اكتر من مية وحشرونا فى مركب شراعية
نص الليل وسط الموج المرعب هانعوم ورمونا فى المية
زمايلى ماتوا وشفت الموت بعنية ولية هانت نفسى عليا
قبض علينا بهدلة وسجن وترحيل وخيبة امل معايا هدية
هى وكمان اشتغل سائق كوكتيل واللى يكسبة للمرور دية
هو ومندوب فى شركات النصب اوزع اردئ خامات صينية
هى ودة شغلانة مش لواحد اتعلم وتعب وسهر النهاية عاوطلى
حاولت انا يا حب اساعد علشان نكون لبعض والحياة تضحكلى
مش هو السبب فى قدومى على الموت والانتحار
ولا بشجعة على الكسل ولا بخلقلة حجج واعزار
حبيبى انا معاك ومش هانسلم وهانبدا من تانى
هو عرفت يا حب مين فينا الجانى ومين علية مجنى
الحب انتهى الاعتراف وحكمت المحكمة حكمها على الحقيقة مبنى
الحكم ببراءة الحبيب والحبيبة بضمان احلامهم
والاشغال الشاقة المؤقتة للبطالة لحين صدور حلول لجيلهم

اسف جدا على الاطالة بس كان لازم اخرج اللى جوايا من كبت
وميرسى ليكم على الانتظار وانتهت الاخطار اللى فية كنت
ميلاد صدقى 10/4/2009

المصدر: †† ارثوذكس †† - من قسم: القسم الادبي

[نبيل نصيف جرجس]

مرسى اوى يا باسون ميلاد للكلمات الحلوة دى بجد جميلة كتير
ربنا يخليك يا رب

[zaza2006]

موضوعك جميل شكرا استاذ ميلاد

[سمير الضعيف]

جميله اوى يا ميدو النهايه واقيعيه من الحياه فعلا
مستنين مواضوعاتك الجامده دى دايما
ربنا يباركك ويكون معاك

[nermos1982]

موضوع بجد جميييييييييييل يا استاذ ميلاد. ربنا يباركك ويكون معاك دايما

[ميلاد صدقى]

المشاركة الأصلية كتبت بواسطة نبيل نصيف جرجس مرسى اوى يا باسون ميلاد للكلمات الحلوة دى بجد جميلة كتير ربنا يخليك يا رب

ميرسى ليك يا بلبل على تشجيعك وحلاوة كلامك
الموضوع زاد بمرورك ورسالة شكر وتقدير الى كل
من زار موضوعى وانت منهم بل تكاد تكون اولهم
يسوع والامة يبارك وتكون بخير فى حضنة دايما

[ميلاد صدقى]

المشاركة الأصلية كتبت بواسطة zaza2006 موضوعك جميل شكرا استاذ ميلاد

ربنا يباركك يا نهى ويخليكى وميرسى على وقتك الثمين
اللى قضتية فى قراءة موضوعى انت اللى ليكى كل الشكر
ليكى منى كل التقدير اسبوع الالام يكون سبب بركة ليكى

[ميلاد صدقى]

المشاركة الأصلية كتبت بواسطة سمير الضعيف جميله اوى يا ميدو النهايه واقيعيه من الحياه فعلا مستنين مواضوعاتك الجامده دى دايما ربنا يباركك ويكون معاك

اشكرك يا ابو سمرة على مرورك الذى اسعدنى كثيرا
فعلا يا سمير دة حال ناس كتير ولكن يسوع والامة
يباركاك وشكرا لتعاونك نورت الموضوع ودة من محبتك

[ميلاد صدقى]

المشاركة الأصلية كتبت بواسطة nermos1982 موضوع بجد جميييييييييييل يا استاذ ميلاد. ربنا يباركك ويكون معاك دايما

ميرسى ليكى يا نرمين على تقديرك ومحبتك وتشجيعك
نورتى الموضوع ويسوع يباركك والامة تكون معاكى دايما
انتى من الذين يشرفنى ردك على مواضيعى ميرسى

[وردة حزينة]

هى النهايه صدمه طبعا بس للاسف وقعيه جدا ياما حب مات من قبل مايكمل عشان الظروف للى الكل عايش فيها
ربنا مع كل الشباب ويساعدهم فى المعاناه ده
كلمات جميله اوى بجد ياميلاد تعيش وتكتب