[per]

ازاى تخلى البنت تحبك

أولا : البنت بتحب الولد التقيل ,خلى دمك تقيل عليها سوق الرخامه عليها سوق التلامه والغلاسه ولو ما بتعرفش تسوق طلع رخصه..... مطلعتش....اضرب رخصه.
ثانيا : البنت بتحب الولد الغنى اسرق .... انهب ..... اعمل اى حاجه عشان يبقى عندك فلوس فلوس كتير... كتير اوى اوى اوى كمان مره ..مش ضرورى حلال يستحب انها تكون كمان حرام عشان تحس ان انت كريم عبد العزيز فى حرميه كيجى2ولوما عندكش فلوس .......وفاشل يا فاشل يا ابن الفقراء الفاشلين استهبل ارسم عليها انك غنى اشتغلها.. هو انت يعنى لاقى شغل يا فاشل اشتغلها واعملها شغلانتك
ثالثا : البنت بتحب الولد الى ما تفهموش خليك متخلف فى اسلوبك وطريقتك معاها خليك اهبل فى كلامك ماتديهاش كلمه مفيده ابدا تفهمها منك وان فهمت كلمه منك ارجع قولها عكسها خليها تتهبل ولا تفهمش حاجه خالص
رابعا : البنت بتحب الولد الكداب افتح عليها علب احكيلها عن رحلاتك للمريخ وغزواتك وفتوحاتك كلمها عن اختراعك للبنسلين وعن قدراتك الخارقه على الطيران وقرايه افكار الناس وانك بتعرف كل حاجه فى الدنيا
خامسا :البنت بتحب الولد الحبوب المحبوب استخف نفسك وخليك كده فريش طول الوقت وهزر فى اى وقت وبداعى ومن غير داعي , حسسها ان كل الناس بتحبك تهزر معاهم.
سادسا : البنت بتحب الولد الى مش راجل خليك ناعم كده وبسكوته وحساس أوى خالص جدا موت علي الاخر ياى حس شويه بقا.
سابعا :البنت بتحب الولد الى يفهمها انها احلى بنت اوصفلها فىجمالها واحكيلها قد ايه هى فاتنه وحلاوتها مدوباك ومسهراك يا حبه عين امك وانها الوحيده فى العالم الى حلوه وهى بس الى يتبصلها لان البنت لازم تحس انها احلى واحده
ثامنا : البنت تموت فى الولد الى شكله معتوه البس لبس غبى ....لازم تسقط البنطلون ولازم كل الناس تشوف هدومك الداخليه البس تيشيرتات مرسوم عليه افران وكلاب وحميرالبس جزم حمرا وكوتشات خضرا وخليك بلياتشو حاول تغير فى أسلوب لبسك البس هدومك بالمقلوب وبرضه ما تنساش تسقط البنطلون طول شعرك ولو شعرك اكرت طوله برضه واحلق خط بعرض 3سم فى نص راسك بالطول لو عمردياب مره حلق حواجبه اوع تتردد اديها حواجب قرعهعلي طول
تاسعا : البنت بتحب الولد التافه اتكلم ع التمثيليات وبرامج التليفزيون والاغانى الجديد هوالفيديو والكليبات و والمطربات والمطربين وخد بالك من النقطه الجايه دى بقى أقنعها أن أنت صوتك حلو وبتغنى وقريب هيكتشفو موهبتك وهيخلوك تغنى فى برنامج مواقف وطرائف الحيوانات او قول لها انك لعيب كوره وأحسن من ابو تريكه بس ملكش حظ كمان عرفها ان احساسك بيقول انك هدخل التاريخ فاهم خليك تافه اوي
عاشرا : البنت تحب الولد الى بيحب غيرها عمرك سمعت عن بنت حبت واحد بيحبها (لا )طيب خد النصيحه دى.. أهم نصيحه وسر نجاح اى علاقه باىبنت ,البنت ماتحبش اى واحد يحبها.. وتحب اى واحد تكون هىولاعلى باله ..طنشها واركنها ولا تحسسها انها بنى ادمه واهم حاجه الكلام الى فات ده كله شرط انك تعمله مع اكتر من بنت ويستحب يكونو خمس بنات او من مضاعفات العدد خمسه لان ده الرقم الى بيمنع الحسد اوع تكون هى الوحيده فى حياتك
نوع كده وخليك واد كووووووول

المصدر: †† ارثوذكس †† - من قسم: الموضوعات الشبابية

[Team Work®]

هههههههههههههههههه

شكرا على الموضوع

[وردة حزينة]

ههههههههههههههههههههههه
موضوع عسل موت
ميرسى ليك

[melanora]

هههههههههههههههبجد بجد موضوع حلو مووووووووووت

[per]

شكرا لردودكم

[مادلين بنت المسيح]

هههههههههههههههههه
اوعي حد يسمع كلامه
هنكرهكم مش هنحبكم
هههههههههههههههههه
ميرسي كتير ليك ربنا يعوضك

[cat girl]

هههههههههههههههههههه جميل اوى اوى بس مفيش بنات كده صدقنى انت غلطان احنا مش وحشين اوى كده حرام عليك انت جبت الكلام ده منين يبنى هههههههههههه

[keroo82]

يا نهار ابيض على الكلام يا جدعان
هههههههههههههههههههههههه
موضوع يموت من الضحك
شكرا ليك
ربنا يباركك

[M@@@NOOOO]

ههههههههههههههههههههههههه هه
كلاام كبيررررررررررر اووووى
ميرسى ليك كتير يابير على موضوعك الجميل ده
ربنا يبارك حياتك
وفى انتظار المزيد

[per]

هههههههههههههههههه
اوعي حد يسمع كلامه
هنكرهكم مش هنحبكم
هههههههههههههههههه
ميرسي كتير ليك ربنا يعوضك

شكرا لمرورك متنسيش الكره موجود موجود
هههههههههههههههههه