تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد


  †† ارثوذكس †† > كل منتدايات الموقع > ادب وعلم وثقافة > القسم الادبي

القسم الادبي لمن يهوى الشعر والنثر وكتابة القصص والتاليف

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


قصيدة جمدة جدا اتحدا الى يسمعها وميبكيش

كلمات القصيدة قصيدة كلمات من مبداء الى اختشاء مات نفسى افتح لك قلبى واقولك كلمات من مبدأ اللى اختشى مااااات.... بيعدى

اضافة رد

 
أدوات الموضوع انواع عرض الموضوع

رقم المشاركة : ( 1 )
الصورة الرمزية اسامة ثروت
اسامة ثروت
ارثوذكسي فضى
اسامة ثروت غير متواجد حالياً
 
رقم العضوية : 15722
تاريخ التسجيل : Feb 2008
مكان الإقامة :
عدد المشاركات : 4,213
عدد النقاط : 10
قوة التقييم : اسامة ثروت is on a distinguished road
Rose قصيدة جمدة جدا اتحدا الى يسمعها وميبكيش

كُتب : [ 09-01-2010 - 03:12 AM ]




كلمات القصيدة



قصيدة كلمات من مبداء الى اختشاء مات







نفسى افتح لك قلبى واقولك كلمات
من مبدأ اللى اختشى مااااات....
بيعدى عليا وقت بخاف
لا تكون قناعاتى وكل حياتى بلا اهداف
ومسيرتى ف درب الدنيا خلف خلاف
اوصافك مختلفة بين الكل ومحدش شاف
خايف لا يكون كل كلامهم عنك حواديت صالونات
علشان كدة بفتح لك قلبى واقولك كلمات
من مبدأ اللى اختشى مات





وانا لسة صغير حكولى عن جلدك بالسوط
عن قبرك وقيامتك وصعودك للملكوت
سيبك من انى مفهمتش ازاى ربى يتسلم للموت!!
ولا عارف ارد عليهم عن شتمك ولا لطمك ولا عار الصلبوت
بس سؤالى؟؟؟؟
ملقتش طريق تانى غير الجرسة والاهانات
اسمحلى افتح لك قلبى واقولك كلمات
من مبدأ اللى اختشى مات





واحد ربه عظيم جبار مالى الدنيا خوف وعويل
والتانى شافله اله فنان قضى حياته ف سحر الليل
وايشى شكله متحنتف وجميل
وايشى اطول من ايفل واسرع من الخيل
وانت يارب نصيبى
شكلك مجروح وعليل
كل اصحابك شاكين ناكرين
مش فاهمين
ودة غير الخيانات
اعذرنى بقى لما افتح لك قلبى واقولك كلمات
من مبدأ اللى اختشى مات





فى الرايحة والجاية يعيرونى
فى الرايحة والجاية يعيرونى
بحكاية لوط وبناته
واللى لفرعون ادى مراته على عينه فى حياته
واللى نصب على اخوه وعملها فى ابوه
ونشل بركاته
واللى شهدت لقلبه بنفسك
فين مزاميره وفين صلواته؟

سيرة كلها ذل وعار تيجى اية دى جنب الفتوحات!
سامحنى.. بفتح لك قلبى واقولك كلمات
من مبدأ اللى اختشى مات






طب ما تحليها ياربى بشوية بهارات حبة حركاتي
عنى دهب وقصور وبحور وحوريات
وبدل ما نخوض ف اعراض الناس وف خطاياهم والزلات
اكتب ف كتابك بس اللى يشرفنا بالحسنات
ولو ملقتش منشردش.. نملاه سلامات وتحيات
معلش انا بفتح لك قلبى واقولك كلمات
من مبدأ اللى اختشى مات
بالنسبة لى قعدت كتير وكتير مستنى الاشارات.. فك الشفرات
لحد ما شكيت ف الرد محدش هيعبرنى ولا بعد مئات السنوات
ومنيش اجدع من توما ولا شايف نفسى داوود قدام جليات
انا حتة بنى ادم عادى عايز افهم مين هو الحق.. مين هو الرب اللى بيدى حيات
من حقى افتح لك قلبى واقولك كلمات


اخر ما يئست.. لميت لخبطتى و ضعف ارادتى مع لعناتى وشوية بركات
حطيت العمر بكل مافيه
من قراءات.. وبركة وعظات
..ودمع صلاة.. ومئات الاعترافات
صريت الكل ف قلبى الميت..
وكتبت علية يسلم يدا" بيد للساكن ف السموات
ما انت مردتش عليا..
قررت ابعت لك قلبى تقرا ما فيه من كلمات
وكلها من مبدأ اللى اختشى مات



واستنيت
حبة كتير.مش فاكر
يوم اتنين
اسبوع شهرين
يمكن سنتين
واخيرا جانى الرد
شكاك خايف مش مؤمن
بوسطة..ايوا امين
الرب اخيرا رد علياوجريت وفتحت وانا بذرف بدموع العين
بصيت جواه.. لقيت صورتى
اية دة ياربى؟؟
انت باعت لى صورة مين؟؟
لاهو انا مش عارف شكلى؟؟
مناخيرى ..وبقى.. ودقنى.. وحتى سواد العين!!ا
اى مرايا ف بيتنا هتفكرنى بشكلى بدل المرة الف و الفين
هو دة سؤالى؟؟
مش عايز اعرفنى عايز اعرفك انت مين انت وفين؟؟
وبصيت ف ضهر الصورة
لقيت شوية كلمات
من مبدأ اللى اختشى مات





سلام ونعمة ورحمة......



صورتك دى
مش صورة لمخلوق عادى
دى صورة لابنى الغالى
اللى لما خلقتك
شكلتك على صورتى ومثالى
واديتك سلطانى على كل العالم البالى
كانت خطتى ليك انك هتعيش ف السما ويايا ف العالى
عهدى ووعدى انك هتكون نجم عظيم بيضوى ويلالى
لكن كدبت كلامى
وكل وعدودى
وصدقت الى سثط قبلك من عالى
واكلت الشر مضغته ف جوفك حتتك بتتك حلالى بلالى
لوثت طبيعتى اللى رسمتها فيك ومحيت ريس مالى
حطمت لى كل امالى
اخدت حتة كبييييييرة من قلبى
ورميتها ف مملكة الظلمات
منا قلبى معاك
بس بموتك كان لازم تبعد عنى
اصلى منيش اله اموات
عاوزك تعرف كلمة ف سرك

انى بكيت
ايوا بكيت

مش مرة لكن مرات

ومليت الكون بصرخ باهات

اهات من مبدأ اللى احتشى(فى احشائى) مااااااات
صورتك دى دليل على انى
مفرتتش فيك واديتك تانى حياة
من يوم ما مشيت وانا قلبى وحيد
مستنى اجيبك تانى تعيش جواه
اوعى تفكر انه مش فارق مع قلبى وجودك فيه
وبقول انشالله ماعنة اهو جاة
واياك فاكر ان وظيفتى اله
اتأمر واتكبر واتجبر واتنطط على خلق الله
انا عايزك حتى لو عضم ف قفة
هدفع فيك ارضى موطئ قدمى
لا
انا هدفع فيك ملكى ومجدى
هدفع فيك عرشى وسماه
ودة مش كلام فض مجالس وخلاص
انا جيت فى خلاص
بصليب لحياة
عرونى
جرونى
اهانونى
شتمونى
جلدونى
كل دة علشانك يا عيونى
يا موالى وتسبيحتى
ياأحلى صلاة
صورتك دى بتحكيلك عن حبى وعشقى
مهياش مجرد كلمات
زى ما بتقول من مبدأ اللى اختشى مات
لكن من مبدأ اللى
حب
وحب
وحب
وحب
وحب
لحد ما مااات

ودة لنك تحميل القصيدة
http://www.4shared.com/video/9LcD_WN...ml?err=no-sess





التعديل الأخير تم بواسطة اسامة ثروت ; 09-02-2010 الساعة 01:04 AM
رد مع إقتباس
Sponsored Links
بياناتي
 رقم المشاركة : ( 2 )
كيرو رافت
عاشق الرومانسيه
رقم العضوية : 5852
تاريخ التسجيل : Nov 2007
مكان الإقامة : فى بيتى فى الدور الثامن
عدد المشاركات : 9,852
عدد النقاط : 24

كيرو رافت غير متواجد حالياً

افتراضي رد: قصيدة جمدة جدا اتحدا الى يسمعها وميبكيش

كُتب : [ 09-01-2010 - 04:05 PM ]


يا نهار ابيض على جمال وروعه الكلمات دى
قد ايه رائعه ومؤثرة
فعلا بجد اتحدى ان اى حد يسمعها ومايبكيش
الله بجد على اختيارك الرائع يا اسامه
ايوه كدا تعيش ايديك
بجد بجد ما اروعها هذه الكلمات
واداء فريد النقراشى فى منتهى الرقه والاحساس

ميرسى يا سمسم

رد مع إقتباس
بياناتي
 رقم المشاركة : ( 3 )
كيرو رافت
عاشق الرومانسيه
رقم العضوية : 5852
تاريخ التسجيل : Nov 2007
مكان الإقامة : فى بيتى فى الدور الثامن
عدد المشاركات : 9,852
عدد النقاط : 24

كيرو رافت غير متواجد حالياً

افتراضي رد: قصيدة جمدة جدا اتحدا الى يسمعها وميبكيش

كُتب : [ 09-01-2010 - 04:06 PM ]


يا ريت يا اسامه لو تقدر تنزلها بلينك تحميل علشان الكل يقدر يستمتع بيها

رد مع إقتباس
بياناتي
 رقم المشاركة : ( 4 )
اسامة ثروت
ارثوذكسي فضى
رقم العضوية : 15722
تاريخ التسجيل : Feb 2008
مكان الإقامة :
عدد المشاركات : 4,213
عدد النقاط : 10

اسامة ثروت غير متواجد حالياً

افتراضي رد: قصيدة جمدة جدا اتحدا الى يسمعها وميبكيش

كُتب : [ 09-01-2010 - 04:18 PM ]


ميرسى ياكيرو بجد وانا مش اقدر اتاخر عنك ياباشا
دة لنك لتحميل القصيدة
http://www.4shared.com/video/9LcD_WN...ml?err=no-sess


رد مع إقتباس
بياناتي
 رقم المشاركة : ( 5 )
كيرو رافت
عاشق الرومانسيه
رقم العضوية : 5852
تاريخ التسجيل : Nov 2007
مكان الإقامة : فى بيتى فى الدور الثامن
عدد المشاركات : 9,852
عدد النقاط : 24

كيرو رافت غير متواجد حالياً

افتراضي رد: قصيدة جمدة جدا اتحدا الى يسمعها وميبكيش

كُتب : [ 09-01-2010 - 04:24 PM ]


ميرسى يا حبيب قلبى على تعبك
ربنا يخليك يا غالى

رد مع إقتباس
بياناتي
 رقم المشاركة : ( 6 )
اسامة ثروت
ارثوذكسي فضى
رقم العضوية : 15722
تاريخ التسجيل : Feb 2008
مكان الإقامة :
عدد المشاركات : 4,213
عدد النقاط : 10

اسامة ثروت غير متواجد حالياً

افتراضي رد: قصيدة جمدة جدا اتحدا الى يسمعها وميبكيش

كُتب : [ 09-01-2010 - 04:28 PM ]


ميرسى ياغالى على محبتك وزقك


رد مع إقتباس
بياناتي
 رقم المشاركة : ( 7 )
nermos1982
ارثوذكسي ذهبي
رقم العضوية : 394
تاريخ التسجيل : May 2007
مكان الإقامة :
عدد المشاركات : 8,638
عدد النقاط : 18

nermos1982 غير متواجد حالياً

افتراضي رد: قصيدة جمدة جدا اتحدا الى يسمعها وميبكيش

كُتب : [ 09-01-2010 - 10:05 PM ]


رائعة بجد. ميرسى يا اسامة على القصيدة الهايلة دى . ربنا يعوض تعبك ويكون معاك

رد مع إقتباس
بياناتي
 رقم المشاركة : ( 8 )
zaza2006
بنت تماف ايرينى
رقم العضوية : 24995
تاريخ التسجيل : Apr 2008
مكان الإقامة :
عدد المشاركات : 8,861
عدد النقاط : 38

zaza2006 غير متواجد حالياً

افتراضي رد: قصيدة جمدة جدا اتحدا الى يسمعها وميبكيش

كُتب : [ 09-01-2010 - 10:20 PM ]


بجد يا اسامة فظيعة جدا تعيش وتكتب انا مش لاقية كلام اقوله من روعة كلماتك

رد مع إقتباس
بياناتي
 رقم المشاركة : ( 9 )
MRAMER
حبيبة العدرا
رقم العضوية : 32114
تاريخ التسجيل : Jun 2008
مكان الإقامة : أسوان
عدد المشاركات : 4,499
عدد النقاط : 23

MRAMER غير متواجد حالياً

افتراضي رد: قصيدة جمدة جدا اتحدا الى يسمعها وميبكيش

كُتب : [ 09-01-2010 - 10:28 PM ]


ياااااااااااااااااااه
بجد كلماتها رائعة ومؤثرة جدا
ربنا يعوض تعب محبتك


رد مع إقتباس
بياناتي
 رقم المشاركة : ( 10 )
lovejesus2011
ارثوذكسي متألق
رقم العضوية : 107471
تاريخ التسجيل : Jun 2010
مكان الإقامة :
عدد المشاركات : 1,252
عدد النقاط : 17

lovejesus2011 غير متواجد حالياً

افتراضي رد: قصيدة جمدة جدا اتحدا الى يسمعها وميبكيش

كُتب : [ 09-01-2010 - 10:38 PM ]


فعلا قصيدة مؤثرة و جميلة جداااااا

رد مع إقتباس

اضافة رد

مواقع النشر (المفضلة)

الكلمات الدلالية (Tags)
اتحدا, الى, جدا, جمدة, قصيدة, وميبكيش, يسمعها

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كل قصائد سيدنا البابا شنوده الثالث Rss مواضيع منقولة من مواقع اخرى بخدمة Rss 0 09-16-2010 10:42 AM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 10:42 AM.