[مارينا جورج منير]

باسم الله القوى
رد على دة كبرية
تحية طيبة & ........بجد يكوكو دة موضوع يستاهل تسقيفة جامدة قوى (تشجيع )أنت جدع فى هاذا الموضوع , فعلا أنا معاك فى أن البنات وألأولاد برضة بيضورو على السهل والعادى فى قاموس الشارع وبيجبوة معاهم فى الكنيسة , وممكن لو ماكنش قد كدة رأيى ممكن أقول كمان , أنا خايف من المستقبل علشان دة موضوع بيزعل من بين أب وبين بنتة وبين ألأم لاكن مهم يكون فية حاجة تشجع على التفاهم بين جميع الأطرف , !!
دلوقتى أصبح فى الكنيسة نهضة أجتماعية حول التفاهم بين حديسى الزواج ممكن تكون هية دية البوابة التى تكون ألأرشاد الروحى فيها قوى.
لكن مش هاتكون مهمة من غير منكون إحنا عاوزين إية؟؟ عاوزين نكون نور العالم ولا؟؟؟؟؟؟؟؟؟؟؟؟؟الرب يسوع يحيطكم بنور السلام bayyyyyyyyyyy
abow marina

[keroo82]

و إحدى الصديقات قامت بنقل ردود البنات عن سؤالها لهم: إنت ليه لابسة كده فى الكنيسة؟! و كانت الردود كالآتى:
( م ): هى دية الموضة
( و ): انا مش معقدة علشان كدة بلبس بالشكل دة
( س ): الناس كلها بتلبس كدة اشمعنى انا؟! هوة انا هبقى شاذة لية عن الناس؟!
( د ): يعنى ملقتيش غيرى انا تسأليه؟! و يعنى هوة انا اللى هصلح الكون؟!
( ي ): علشان ابقى بنت روشة و كووووووووول
( أ ): و اية يعنى؟! ولا انتى عوزانى البس زى الناس البيئة؟! انا يا بنتى من الناس الهاى كلاس.
( ر ): علشان ألفت نظر الاولاد ليا علشان يكلمونى و اقدر ارتبط.
حد يرد علشان الكلام واقف فى زورى لو سمحتم.

سامحونى أنا مش قصدى أدين حد لكن "غيرة بيتك أكلتنى"، و لو حد قال "لو البنت لابسة كده بلاش إنت تبص" يبقى ييجى يسحبنى جوه الكنيسة علشان مطرح ما حأبص حألاقى نفس المنظر و نفس اللبس، و بالتالى يبقى حأمشى مغمض.

[keroo82]

كلام فى الهوا


١. هل الموضة هي أن نعري الفستان من أعلى ونقصره من أسفل ونضيقه بأقصى درجة أم
أنها أزمة قماش وسببها الوضع الاقتصادي الحالي؟ (يتجاوز ثمن بعض هذه القطع المهلهلة عدة
آلاف من الجنيهات لمجرد أنها تحمل توقيع مصمم أزياء عبقري في التعرية!!!).

٢. لماذا تضع الكنيسة غطا ء أبيضًا جميلا ومطرزًا على كتف العروس بد ً لا من أن تمنع ارتداء
الفستان العاري سواء للعروس أو للمدعوات داخل بيت الصلاة؟؟

٣. هل أصبح رجال هذا العصر متسامحين
والخال والعم والصديق المخلص، حد يرد علي؟؟

٤. هل أصبح كل من يطلب احترام بيت الله شاذًا ومتحجرًا ولا يساير العصر وكأن الغيرة على
كنيستنا لا ثمن لها، هذه التي وصل إيمانها لنا بفضل أنهار من دماء الشهداء الأطهار رجال
ونساء وأطفال؟!

"طيب على إيه نروح الكنيسة؟ ما كفاية نخرج ونتفسح ونلبس وخلي الجواز في قاعة
فندق أو نادي وبلاش نجيب الكلام للمسيح رب المجد!!" بصراحة أنا الدم بيغلي جوه دماغي
ومعرفش إذا كان كلامي ده ممكن يغير حاجة ولا زي عنوان الباب الذي أكتب به مجرد كلام في
الهواء. أقول لكم، أنا هاصلي وياريت تشاركوني هذه الصلاة:

"ربي يسوع المسيح أشكرك على عطاياك الكثيرة، أشكرك على الإيمان الذي وصل إلينا على دماء أولادك
الشهداء.
ربي يسوع المسيح إلمس قلبي بحبك، ذلك الحب الذي يقدر قيمة الهبة التي منحتنا إياها، الحب الذي يخشى
أن يسبب أي ألم أو تعب أو حزن لقلب الحبيب.

ربي يسوع المسيح لم يتبق في العمر الكثير ولم يتبق في عمر العالم أيضًا الكثير، فلا تجعل منا سدوم
وعمورة بل ضع فينا الإشتياق إلى أرض الموعد إلى الحياة الحقيقية إلى الماء الذي يشبع ويروي.

ربي يسوع المسيح إغفر لنا خطايانا الظاهرة والخفية - وما أآثرها - فنحن لا نعرف ماذا نفعل لأننا لو
عرفنا فلا نستحق من يدك إلا أشد عقاب.

ربي يسوع المسيح إجعل من آلاماتي جرس إنذار يدق في قلوب أولادك لنعرف معنى بيت الله ونقدر قيمة
الحب الذي قدمته لنا.

سامحني على ضعفي وساعدني لأكون ملحًا للأرض وسراجًا يدعو الآخرين للإيمان وليس إدانة ونقداً
للتعاليم التي نقشت تفاصيلها بدمك الطاهر على الصليب.

ساعدنا يا الله أن نضع هذا الصليب داخل قلوبنا ولا نضعه على مظهر لا يليق فنجلب لك العار ونطعن جنبك الطاهر بجهلنا... أمين.


ارجو ان محدش يزعل منى

[بندقة]

الاول ربنا يعوضك انت معاك حق هدوم البنات دلوقتى بقت فضايح ودة ميلقش بالكنيسة بس لو كل الاباء الكهنة قالوا كدة فى ناس كتير هتبطل تروح الكنيبسة لازم دة يكون نابع من جوا البنات نفسهم ويعرفوا ان دة غلط

[kottah_sh]

خد عندك بقى يا كيرو النهارده وانا فى النهضه لقيت بنت تتجاوز 19 سنه قاعده فى الكنيسه ولابسه كات بجد كان نفسى اجيبها من شعرها
يعنى مش موضوع افراح بس
ومره تانى كان معانا بنت فى ثانوى كان لبسها عادى ومحترم وفجاه لقيتها اتغيرت ولبسها بقى فظيع والخدام احتاروا فى الكلام معاها وبصراحه كنا مره فى الخلوه مع بعض وكان فيه لعبه اسمها البريد يعنى ( لوحه كبيره عليها اظرف جوابات وعليها اسم كل واحده فينا والمطلوب انا كل واحده تبعت جواب للتانيه من غير متعرف مين ) انا انتهزت الفرصه وقولتلها نفسى ترجعى زى زمان كان لبسك شيك اوى وانتى حلوه وقعدت امدح فيها شويه وافهمها انها زمان كانت احلى لقيتها زعلت وقعدت تحاول تعرف مين اللى كتبلها الكلام ده
تفتكروا انا كده غلطت ؟؟؟؟؟؟؟؟؟
ولقيتها بتقربلى وعايزه تصاحبنى وانا بحاول فى كده انى اقربلها

[فاديه غالى]

مرسي علي موضوعك الجميل يا كيرو

[نيفو]

انا مع كيرو فى الموضوع ..... حتى مبقاش الموضوع دا بس فى حفلات الاكليل او الخطوبه بقى دلوقتى اللى بيروحوا الكنيسه فى وقت الاحاد كمان بقى كل واحده تتظاهر بالطقم اللى بتلبسه وغير كدا بقوا يستهينوا بموضوع المكياج وقت المناوله ..... ولو حد كلمها وقال لها طيب ياريت تمسحى الروج ازاى حد يقول لها كدا دا انا كنت خادمه وفهمه الاصول ...... ربنا يرحمنا ويوسع من مخنا شويه لكى نتفهم الامور ولا نستهين بتعليمات الكنيسه

[keroo82]

ميرسى ليكم يا اخواتى على مروركم وردكم الجميل
ربنا يباركم ويفرح قلبكم الموضوع دة محتاج لصلوات كتير واهتمام اكتر من الكنيسة

[baby_face]

المشاركة الأصلية كتبت بواسطة mina_reda انا ليا تعليق بصيت ان فى واحد بردو كان كاتب ان برضو فى بنات لبسيين لبس غير لئق وكامن بيقول انو شفهوم فى الكتدرائية طيب الاخ الى راح الكتدرائية انتا ايه الى يخليك تبوس على البنات متخليك فى حالك ولا هوا كان رايح يعاكس ومعرفش بس اديئ فى حاجات برضو من الولاد فى حجات غلاط وبيروحو الكنيسة يعنى الشاب ان يكون رايح الكنيسة يدخل اى نعم بس بيكون مستنى وحدة ولما تجيلو يخرجو من الكنيسة يعنى الموضوع بصراحة مش للبنات بس بل للولاد

كان رايح يعاكس

لا ياحبيب قلبي انا كنت رايح مع خطيبتي واندهشت من اللي شوفته ثم انته مش من حقك تدين لكي لا تدان انا مش بدين الناس كلها بتتكلم علي البنات المسيحيه والاستيل بتاعم وانا ارجع واقول حاجه واحده طريقه التربيه في اوربا غير التربيه في مصر غير التربيه في الصعيد كل مكان وليه طريقه وفي الاول والاخر ديه حريه شخصيه وديه مش علي كل الناس
بيكون مستنى وحدة ولما تجيلو يخرجو من الكنيسة

عموما ربنا يهدي الجميع

[mooo7sen]

هو انا متفق معاك ياكيرو ان احترام الكنيسة شئ واجب طبعا .. و اللبس اللائق بوقار الكنيسة دى نقطة مهمة وهى تخص البنات والاولاد كمان...لان ممكن الاولاد برضو يلبسوا لبس مش لائق بالكنيسة ...لكن الموضوع مش فوضى اوى كده يعنى...لان الاباء الكهنة بينبهوا على الشعب بخصوص الموضوع ده ..و فيه كنايس بتبقى فيها خادمات ومعاهم قطع قماش كبيرة زى لفايف التناول وبيدوها للسيدات اللى يكونوا فى الكنيسة ولبسهم مش مظبوط اوى...وفيه نقطة مهمة ان الخطايا اللى بقت عادات وطبع فى الناس بتبقى عملية التخلص منها مش سهلة ...علشان كده ماينفعش التعامل مع الناس اللى لبسها مش كويس على انهم جراثيم يجب تطهير الكنيسة منهم ولكن المفروض يكون عندنا محبة ليهم زى محبة ربنا ...والمشكلة تتعالج من غير مايدخل جوانا النرفزة والغيظ والادانة بحجة الغيرة على بيت ربنا....وكمان التوبيخ والانتهار ده مش من سلطة اى حد لكن ده من سلطة رعاة الكنيسة وهما اللى ليهم السلطان ده...المهم بجد اننا نصلى للموضوع ده وكل واحد فينا يبتدى يبص لنفسه هل هو بيحترم بيت ربنا (باللبس -وعدم الكلام فى الكنيسة -والتركيز فى الصلاة ....الخ.)ولا فيه تصرفات بيعملها غلط ولازم يتخلص منها.....وربنا يباركك ياكيرو ويحفظنا كلنا من كل خطية