[nona queen]

انا بقول وهفضل اقول خير الامور الوسط هى اسيوط دا رايى لو عاوزينه اوك وهى الوسط انتوا ايه رايكم يعنى لكن على فكرة حتى لو حددنا المكان او البلد هتبقى ممكن اقول ( مشكلة ) الا وهى ميعاد هذه الخروجة يا اخواتى اعملوا حسابىىىىىىىىىىىىىىى

ميرسى يا ارميا ربنا يخليك للاسايطه
وهاخليلك ساندوتش كفته وصافى وساموووو لع لع لع
ههههههههههههههههههه
طيب ممكن اقترح دير الامير تاوضروس المشرقى
على فكره هو بعيد عنى برضه يا سامووو لانه فى منفلوط بس فيه ميزه انه على الطريق الرئيسى يعنى مواصلاته سهله جدا مش للاسايطه بس
لا وللكل كمان مجرد الوصول لاسيوط ومن هناك لمنفلوط والعربيه تنزلك قدام الدير علطول وحمدلله على السلامه ادينى وصفت الطريق عشان ميبقاش ليكوا حجه
ههههههههههههههههههه
وطبعا اتمنى بجد اشوفكم كلكم دا منتهى امالى

[elphilasouf]

انشالله انشالله
مش هتتفقوا
ولو اتفقتوا ع المكان مش هتتفقوا ع الميعاد
ولو اتفقتوا ع الميعاد مش هتتفقوا ع الاكل
وانشالله خروجه مطينه بطين
ويوم اسود عليكوا كلكوا
تعالوا اسماعيليه اسهل
ايه رايكوا ؟
وام فيلو هتعملكوا السندوتشات الى انتوا عاوزينها
وابو فيلو هيخدكوا بجوله حول اشجار المانجه

[armia1987]

لكن دا يا فيلو شعر ولا ايه انتا كمان شاعر يعنى احنا مش قادرين نوفقها لاسيوط وانتا عايزها الاسماعلية دا انتا مش عايز حد ياجى دا انتا عاوز مصر كلها تروح هههههه

[الناى الحزين]

على العموم اللاخبطه دى متوقعه
بتفكرونى بمؤتمرات جامعه الدول العربيه مفيش مره يتفقوا على رائى او حل


الخروجه اللى فاتت كنا زى كدا مش عارفين نتفق على ميعاد ولا مكان
وفى الاخر قولت حددت ميعاد انا وملاك سكر وقولنا للكل عليه
سامو قال لا مش ينفع خليها الاسبوع اللى جاى قولتله لا يا سامو الكل اتفق على كدا مع ان محدش كان اتفق اصلا
وبعدها ملاك سكر قالت ياريت تخلوها الاسبوع اللى جاى علشان الشغل وش ضامنه ظروفى
قولتلها برضوا مش هينفع لان الكل رتب نفسه على كدا واتفقنا
قالتلى محدش رتب الميعاد ده غيرى وغيرك
قولتلها
ان انا اتفقت مع الكل وظبط الميعاد
لو تفتكرى يا ملاك
مع انى مكنتش اتفقت مع حد
وفى الاخر اتقابلنا فى الميعاد اللى اتحدد
وسامو يومها قالى انت عارف لو كنت سمعت كلامى وأجلتها مكنتش انا جيت لان ظروفى اتلخبطت
فاكر يا سامو
وبرضوا يومها ملاك سكر وارميا جم
وكان معاهم اجمل فوفا
علشان كدا لازم ناخد الموضوع بجديه شويه
حددوا انتوا المره دى الميعاد والمكان مع بعضكم
وانا اى وقت واى مكان يناسب ليا المهم انه يكون يوم حد
رتبوا الميعاد وانا موجود
مش هتدخل تانى فى تنظيم ميعاد ولا مكان
وماليش دعوه باى حاجه
بس ياريت تاخدوها جد شويه
شكرا

[SAMOOOOO]

هههههههههههههههههههههههه
كلامك صح يا ناى

بصوا بقى خلينا فى ناحيه ناحيه

الاول بتوع الوجه القبلى اتسقرينا على الانبا بضابا خلاص؟

هاااااااااااااااااااااا

مستنى رايكم


ثانيا بتوع اسيوط (اللى عاملين لينا ازعاج)
هههههههههه
بهزر طبعا

بصو عندى اقتراح حلو

هو فعلا دير ابونا يسى مواصلاته صعبه

عشان كده نخليها فى الانبا شنوده على اساس نتجمع كلنا فى كنيسه مارجرجس بسوهاج ونروح مواصله كلنا مع بعض ونرجع مع بعض

ولان دير الانبا شنوده كبير ونقضى وقت حلو جدا فيه ولان كمان فى صحراء كبيره عشان لو اتضايقت من اى حد نرميه هناك وخلاص
هههههههههههههه

لا بجد هو ده الحل الوحيد

وانتى يا نونا متقلقيش هنوصلك لحد القطر او العربيه اللى هترجعك لاسيوط بالسلامه
ومش عاوزين منك اى ساندوتشات

وبعدين محدش يتكلم على المسافات
لما انا اهو جايلكم من قطر يعنى دوله تانى
وطيران رايح جاى
عاوزين ايه تانى
هااااااااااااااااااااا

[اسامه سمسم]

انا معاك يا كابتن فى اى حتى
حتى لو قولت نروح بلاد تركب الافيال
برضوا معك
بس انتو استقروا على مكان
ماشى
ويا بخت من وفق راسين فى الحلال
ولا دايم الا وجه الله

ههههههههههههههههههههه
قصدى ربنا يسهل للخروجه دى

[SAMOOOOO]

طبعا لازم هتيجى بارادتك او بغير ارادتك يا سمسم

يعنى جاى جاى بازن ربنا

امال مين هينورنا يعنى

[Malak sokar]

المشاركة الأصلية كتبت بواسطة armia1987 هاى ملاك سكر ايه عاملة بجد i miss all forum المنتدى كله واحشنى كله وشكرا على الكلام الحلو ده

لاولايهمك ياارميا احنا اخوات هو انت حاليا موجود فين

[Malak sokar]

انا مش عارفة هبقي معكو ولالا عشان كدة سمحوني
مش هعرف ارد



بس عشان اريحكو بجد دير الانبا بضابا حلو اوي بس محدش يجي يقلي انت الي حددتي اهو بقلكو من دلوقتي
انا مضمنش ظروفي
وربنا يكون معكو يارب تبقي خروجة حلوة بجد
ياريت يكون يوم احد هههههههههههه

[elphilasouf]

جواز مبارك انشالله