[eternal]

فى يوم من الايام اللى مطلعتلهاش شمس دخلت و احدة زى القمر مطعم شيك ومحترم وكان معاها شنطة صغيرة فيها علبة صغيرة
دخلت و قعدت .... و اقعدت تنده على المتر
بس بس بس انت يا متر -

الراجل المتر جه و هو راجل محترم ابن ناس كدة زيكوا بس الزمن جار عليه و اشتغل متر بعد ماعيلته فلست و باع عربيته و متجوزش البت شلبية اللى كان بيحبها المهم مش دة موضوعنا




قاللها : أأمري يا هانم
قالتله : عايزة واحد سكلوب و واحد سلطة
قالها : بس كده
قالتله : لا و كمان عايزة 2 جوز حمام و 3 كيلو كباب و فرختين

الراجل عينيه و سعت و قال بس هنعمل شغل النهاردة

و قالها : بس كل ده كتير يا هانم انتى مستنية حد ؟

قالتله : لا الكباب و الحمام و الفراخ للحشكبوللى الصغير

الراجل بص للسقف وقال حشكبوللي؟

المهم قالها تحت امرك


*****


الراجل مشى وعمال يفكر مين الحشكبوللي الصغير ده انا مش شايف معاها حد

جاب الطلبات و مشى و قعد مستنى يشوف مين الحشكبوللي الصغير ده

الست قعدت تاكل فى الاسكلوب و السلطة و سابت الباقى لحد ما تخلص

الراجل قال اكيد لسه الحشكبوللى موصلش

المهم الست خلصت و طلعت العلبة الصغيرة و قعدت تدخل الاكل جوة العلبة .. والراجل قاعد يتفرج ودماغه هتشت

الست تدخل الاكل و الاكل بيخلص و تدخل الاكل و بردة عمال يخلص وهى تتدخل الاكل و عمال يخلص

المهم الاكل خلص

خدوا بالكوا 3 كيلو كباب و 2 جوز حمام و فرختين

و قالتلوا
بس بس بس انت يا متر -

الراجل راحلها بعد ما عينيه احوّلت وقالها : تحت امرك يا هانم

قالتله : معلش اصل الحشكبوللي الصغير لسه ماشبعش ياريت تجبلى كمان 3 كيلو حمام و 2 جوز حمام و فرختين

المتر قالها : انا امرك تحت يا فندم...و مشى وهو بيعرج و جاب الاكل و حصل نفس اللى حصل و الست تتدخل الاكل فى العلبة و الاكل يخلص

راحت ندهتة تانى و راح الراجل قالها : اكيد الحشكبوللى لسه مشبعش اصل انا عارفة طفس

قالتله : وانت تعرفوا منين دة محدش شافوا قبل كدة امشى يلاّ هاتلى 2 دستة جاتوة و فرووت سلات و 3 ام على علشان الحشكبوللى الصغير عايز يحلّي


*****


الراجل مشى و هو بيدعى على نفسه و يلعن اليوم اللى اتولد فيه وقال عليّا الطلاق من البت شلبية اللى ماتجوزتهاش ما انتى ماشية قبل ماعرف العلبة دي فيها ايه

و جاب الحاجة والست طبعا قعدت تدخل الاكل العلبة لحد ما الاكل خلص و ندهت المتر و قالتله : الحمام فين عايزة اغسل ايدى

الراجل ورّاها الحمام و قال بس فرصة افتح العلبة واشوف فيها ايه

المهم مكدّبش خبر و اول ما الست راحت الحمام راح يفتح العلبة

بيفتــــــــــــح العلبة و بص فيها
..
..
..
..
..
..
..
..
..

لقى حشكبوللــــــــــــــي صغيّر ...

ومحدش يسأل ايه هو الحشكبوللى الصغير

المصدر: †† ارثوذكس †† - من قسم: الضحك والفرفشة

[minabobos]

ربنا يشفنى

ههههههههههههههههههههههههه هه
ههههههههههههههههههههههه

[astra9500]

بعد كل الرغى وال لكلك لكلك ده طلع حشكبوللى صغير ده أنت فاجئتنى يا أخى و دى الأماره

ههههههههههههههههههههههههه ههههههههههههه ههههههههههههههههههههههههه هههههه هههههههههه

[M!SS N@NO]

نهارك مش فايت
دا انا قرب يجيلى شلل رعاش
حرام عليك يا أخى
فيه هنا مرضى ضغط عالى
ذنبهم فى رقبتك
ربنا يخدك أأأأأأأأأأأأأأأأأأأأأصدى ربنا يباركك

[كيرو رافت]

ايه ده ومين اللى حاسب بقا الست ولا الحشكبولى الصغير
هو موش راجل بقا ويحاسب هو ولا لسه نوغه
الله يسامحك انت والمتر علشان ما خلصش على الحشكبولى

[nermos1982]

ربنا يسااااااااااااااااااااامح ك .ادعى اقول ايه بس ؟حرام عليك ده انا كنت هاحصل حنان .انت جاى تجيب شلل للمنتدى كله .
بس بجد موضوع يجنن

[كاترينا]

ههههههههههههههه


جميله اوى اوى

[eternal]

هاهاهااههاهاهاهااهاهاها
شكرا شكرا شكراا

ميرسى على الردود اللى زى العسل دية
والله ما عارف اقول اية
ربنا يبارككوا
اهه

ههههههههههههههههههههههههه هه