[bolalover]

سلام و نعمة لكل اعضاء منتدانا الغالي ارثوذوكس

اولا انا اسف جدااا علي التاخير الكبير ده
بس ربنا هو العالم بحال ظروف شغلي

ثانيا انا هنزل هنا جميع الاجابات و الشعر الي جالي
و كمان يومين بالظبط هنزل تقيمات لجنة التحكيم لكل شعر و لكل مشترك

الاشعار هتتعرض بترتيب الي بعت الاول
و بصراحة شغل الناس الي بعتت جميل جدااا بجد
و لجنة التحكيم هتحتار كتير في التقيمات من قوة القصايد

احب اشكر كل الي شارك معانا ة بتمني التوفيق للجميع

نبتدي العرض

-1- الاستاذ ظريف

المشاركة الأصلية كتبت بواسطة ظريف الملك المغرور كان فيه ملك مغرور ...... وقلبه مليان خطايا وشرور وعمره ماشاف النور ...... ودايما بالكبرياء منظور وفى يوم كتب منشور ...... عاوز أبنى قصر أعيش فيه منصور وجاله مهندس مشهور ...... وكان إسمه مسرور وبنى القصر فى ست شهور ...... والملك من الفرحه بقى مخمور القصر يشبه صبايا الحور ...... ومن عيون العدو مستور الملك طلب من مسرور ...... يفرجوا على القصر المشهور وبقوه وكل فجور ...... وقعه فى المحظور وفى لحظه مات مسرور ...... ودى كانت هديته من الملك المغرور وأصبح الملك بالخطيه مجرور ...... والشر فى قلبه دايما محفور

-2- brokenheart

المشاركة الأصلية كتبت بواسطة brokenheart فى يوم من الايام كان هناك ملك عظيم وهو عظيم وله منا كل التعظيم كان الملك فى طباعه مغرور كان عنده بدل القصر قصور ذات يوم اراد ان يبنى قصر والتكنولوجيا فيه لاعد لها ولاحصر ولا يوجد من القصر مثيل فالملك كان لم يكن بخيل ذات يوم جمع مستشاريه قال (هاتولى مهندس نشتريه) رشحوله مهندس عبقرى جدا واعطوه مبلغ مغرى جدا كان المهندس بارع فى التصميم وتم بناء القصر العظيم كان القصر الوحيد فى المدينه التكنولوجيا فيه تكون كثيره وبعد الانتهاء من البناء اراد الملك ان يرى مهندس الذكاء وماذا فعل بقصره العظيم وهل بناه رائع التصميم! وراى الملك القصر واعجبه جدا واصدر امر عند سطح القصر خان الملك المهندس وقذفه .. قذف اشطر مهندس ومات مهندس الذكاء وحياته اقبلت الانتهاء وعندها ضحك الملك وقال اليوم اضمن انه مات فى الحال ولن يشيد قصرا مثل قصرى واكون انا افضل غيرى وهذه كانت قصه الملك المغرور الملك المجنون ببناء القصور

-3- b o b b a

المشاركة الأصلية كتبت بواسطة b o b b a ازيك يا بوب دي الاجابه هحكلكم علي قصه واتخيلوا معايا ومتناموش مني وصحصحوا كده معايا تخيل بعد ماتعبت في حاجه ونسيت عشانها مليون حاجه فخرك بيها في ثانيه يضيع ومن فوق احلامك تقع صريع مهندس عبقري وذكي وفنان ابداعه باين في كل مكان وكان الملك عايز يبني قصر يشهد علي جماله كل زمن وعصر سال الرعيه وقالهم مين اختار قالولوا احنا نعرف مهندس انما جبار قالهم هاتوه وبسرعه راحوا جابوا وقام شارحله اللي عايزين يبنوه قالوا يا مولاي كل العصور هتشهد ان القصر ده من بين الكل هو الاجمد وتعب المهندس وبني وخطط وبجمال القصر فرح واتنطط وراح نادي الملك وقاله بص وشوف وكان مستني الملك يشويله خروف مكنش يعرف ان قلب الملك مليان جشع وحقد وكره علي كل الالوان واخد الملك يفرجه علي القصر من فوق وفاجاه راح واقع من فوق ميت مزقوق زقه الملك من فوق القصر وقتله عشان ميعملش قصر تاني شبهه دي قصه ملك جشع وكمان مغرور ومهندس غلطته انه في الذكاء ميسور عشان هو عبقري وافكاره عظيمه كانت حياته مهدوره ومن غير قيمه شفتم حكايتي حلوه ولا ملتوته استنوني هبقي احكلكم كمان حدوته b o b b a

-4- القطة كيتي

[IMG]file:///C:/DOCUME%7E1/XPPRESP3/LOCALS%7E1/Temp/moz-screenshot.jpg[/IMG]

المشاركة الأصلية كتبت بواسطة القطة كيتي الشمس طاله والامل وياها طالع حلمك بيندة وانتا وحدك لسة سامع صوت سفينتك بتناديك قبل الرحيل الكل نادى بموتك وانتا مش سامع عماله تحفر الايدين تبني ف قصور الدنيا كاس على الجميع لازم يدور بعد السعادة والغنى وطمع النفوس لفين تروح لغير مكانك ف القبور ماشى ف جنازة وانتا مش عارف دا مين عمال بتبكى مش علية ولا م الحنين دانتا خايف يجي بكرة تبقى زى اللى راحو متشلين اشرب ونادى الجرسونات يملو كمان وكل ف مزة وانطرب عزف الكمان عمال بتشرب يمكن تنسي اية جرالك وانتا بتجدد ف احزانك من زمان علب الكبريت اترصصت وسكنها ناس والكل باعها واشترى حسب المقاس على قد جيبك ما اتملت فية الفلوس تدوس برجلك على الجميع وتدوس نايم وعينك لسة صاحية وجوة منك دمعه ماحية صوت السكون اصبح ماليك لا حد سامعك ولا حتى بتغمض عنيك واقف وفارد ضهرك ع الزمن وبكرة هتشوف الزمن هيفرد ضهرة عليك ازاى وترجع تقول ياريت الي جرا ماكان لكن عمر مكلمت ياريت كانت بتعمر بيت

-5- ssweetgirlhana

مللللللللللللللك
مغوار فى الظلم جبار
زيه زى الزمن من نفسه بيغار
انسان ملك ملو ك و بحب الذات مرموق
وكل اللى حواليه
بنى ادمين بيشبهم بالسعلوق
ارجع لنفسك دا كله فوق الرمل مهدوم
وافتكر ربك اداك قلبك وعقلك
تحيا بيهم مش بظلمك تدوم
مريض انت بداء العظمه
وكله عندك معدوم
ابنى فى حياتك قصور
واعلى اعلى فوق كل دور
لكنك!!!!! مهما تعلى
هيجى عليك الدور
تقدم حسابك
للى خلقك وسابك تهد كيان انسان وتبنى قصور بقضبان
لعلك ترجع وتعود لانه دايما موجود
وهو ملك الملوك
وانت ملك على اسواروقصور

-6- عماد حسني

المشاركة الأصلية كتبت بواسطة عماد حسنى أوعى تبص لحاجه أوعى تبص لحاجه .. اوعى تتشد أليها مسيرك هاتسيب الدنيا .. وتزول كل ما فيها أوعى تقول أنا عايز .. اوعى تقول انا نفسى انت النهارده فى يومك .. ماهو رايح مابيرجعشى خليك فى يومك وأشكر .. واقول انا راضى وأنظر فى غيرك كتير محتاج .. بيتمنى نص اللى معاك اوعى حب الذات .. وكفايه تتمسك بالدنيا وأعرف ان اللى عطاك .. ممكن يطلبك فى ثانيه أرجع لربك وقوله .. انا عايش فى حنانك من غيرك كان زمانى .. غريب مش من ولادك قوله أنا أيه يارب أكون .. غير أخطى واحد فى الكون وأزاى هادبر أمرى .. وانا أضعف مايكون قوله مش ممكن انسى أنى ..أن أنت لوحدك تعينى وانا مهما هازرع وهاسقى .. أنت اللى بأيدك تنمى قوله أقبل ندايا وصلاتى .. واملانى من محبتك وشيل قسوتى وزلاتى .. وأملانى من محبتك قوله فلتكن ياربى مشيئتك .. فى حياتى أصنع عملك رجايا وأملى أكون .. ماشى بحسب اردتك

-7- MICKEY

المشاركة الأصلية كتبت بواسطة MICKEY كانت الجلالة وخداني ويارتها ماخدتني قضت علي حياتي ومن فوق السطوح رمتني انا مهندس معماري وكان عندي ضمير وأي حاجه قبل ماعملها لازم افكر كتير جالي واحد مرة الخيمة كان امير كبير قالي عاوزك تعمل قصر ميكونش ليه نظير خدت منه العربون واشتغلت شغل مرير عشان اطلع احسن حاجه يوصل ليها التفكير جبتله معايا احسن مقاولين واحسن نجارين وكمان عبده بتاع الرخام وسعيد بتاع البتومين حفرنا اساس وعملنا احواض والناس كانوا مبهورين ورنش ياجلال اكنس ياوحيد ارمي السقف ياعوضين ركب لمبات ركب شبابيك اشتغلوا انتوا الاتنين زود اسمنت ، زود رمله ، المونه راحت فين ادهنلي القصر اعملي السور وحديقة مابين الاتنين خلصنا القصر وجماله جمال مشفتش زيه العين فرجته عليه اوضه اوضه مانا جوايا طموح والدور الاول والتاني ووصلنا لحد السطوح من طول القصر وارتفاعه اللي يبص تحته يدوخ قالي تعالي نشوف الناس من تحت حجمها ايه صدقت كلامه ورحت معاه ورماني ابن الأيه ومكنش تحتي غير الاسفلت ينزل جسمي عليه اه ياني اه ياني اعضائي وجعاني دماغي مفتوحه نصيين وايديا الماني ماهي خبطة شديدة قوية طيرتلي سناني خلتني اسيب العالم ده واروح لعالم تاني بس ارجع واقول ده قدري وقدر كل معماري

-8- ramy.journalist

المشاركة الأصلية كتبت بواسطة ramy.journalist ماما يا ماما احكيلى حدوته ....طيب يا ابنى احكيلك ايه قوليلى حكاية يكون فيها آيه ....علشان اشوف الدنيا دى ايه طيب هحكى بس تقولى رايك ايه كان فى ملك فاكر نفسه....انه هيملك كل العالم ووهم العالم عظم شخصه ...خلاه قاسى وحاكم ظالم حكم أمره وإدا اوامره...قال لمهندس عاوز قصر راح المهندس صمم هندس...قصر مالهش مثيل فى العصر فرح الملك الظالم وقلبه ...كان مليان بالهنا والفرح قال للمهندس يالا يا مبدع...نتفرج سوا سوا عالسطح طلعوا سوا والمهندس كان فرحان وطاير فى سماه راح الملك الظالم غدر ومن عالسطح زقه رماه ليه يا ماما رماه ليه...هو المهندس عملله ايه مكانش عاوزه يبنى لحد زى القصر نسى انه هينام عالارض ويخش القبر توته توته وادى الحدوته خلصت قولى رايك ايه ماما ياماما...اللى بيعمل خير فى الدنيا.. بيبقى جزاؤه الشر ده ليه؟ اصل شيطان العالم يا ابنى شايف شغله وباكى عليه اوعى شيطان الشر يحاول ..يخدع قلبك يلعب بيك يسقى ضميرك مجده الباطل..ويملى بمر الشر عنيك عاوزاك دايماً تعمل خير ماشى يا ماما تصبحى على خير مع تحياتى/رامى فايز

-9- kamel

المشاركة الأصلية كتبت بواسطة kamel للقصة عدة جوانب منها الروحى ومن الحرفى فاللمشاركة الحرفية أقول: أنا..أنا..أنا الملك أنا ملككم وبيدى زمان أموركم إن أشرتُ إليكم بإصبعى تأتونى بكل طوعكم ساجدين لى تحت أرجلى منكسين رؤسكم وإن رفعتُ أصبعى تولون هاربين مخبئين وجوهكم أسمعتم ؟؟ يا ويلكم إن لم تسمعوا ما أقولُ لكم إنى أرى قصورى وقد تشابهت مع بيوتكم إريدُ قصراً لا مثيل لة يبهر الزائربن يسر الناظرين كل من يراة يقول هذا محال هذا خيال هلما يا وزراء هلما يا خدم اّتونى بمن يحقق رغبتى اّتونى بمن يكون لة الشرف إبحثوا بأنفسكم ولا ترسلوا العسس وبعد البحثُ والتدقيق حالفهم التوفيق للتوصل على ذاك المهندس المنشود!!!! الذى يشيد القصر المرموق وبعد جهد شاق وتفكير عميق توصل لبناء القصر الذى يليق وزينة بالمجوهرات والعقيق فأعجب الملك الغرور !!!!! بذلك القصر الفريد ومن كثرة حبة لنفسة وللذات ألقى المهندس المصمم من أعلى البنايات وبينما يتهاوى المهندس من أعلى أخذ يقوووووووووول يا أيها الملك المغرور يا محب البهجة والسرور رأيتُ الدهر مختلفا يدور فلا حزن يدوم ولا سرور وقد بنت الملوك بة قصورا فلم تبقى الملوك ولا القصورا لا تعجبوا إن صحتُ يوما صيحتاً ووقعتُ من أعلى القصور قتيلا يامن يريد الأنتحار وجدتةُ إن المهندسُ لا يعيش طويلا وهناااااا صمت للأبد!!!! ؟؟؟؟ ؟؟؟ ؟؟ ؟

-10- tamatem

المشاركة الأصلية كتبت بواسطة tamatem المال.......هو الملك المغرور المهندس.......هو روح البشرية(المهندس) -------------------------- أنا أملك كل شىء على كوكبى عندما أسير..تسير الناس ورائى عندما أقف يقف كل شىء خلفى عندما أغيب تتمنون حضورى تتهافتون..تتنافسون على وجودى الكل يلهث....... ورائى إذا تواجدت عند أحدكم صار سيداً لكم يأمر ويتحكم بكم ينهى..لا صوت يعلوا فوق صوتة.. فالكل عندة خدم إذا صار على أهوائى وترك كل شىء من أجلى ورضى بى سيدا لة أحقق لة ما يريد..ما ينشد.. من الكبرياء من التفاخر من اللذات بواسطتى!!!!! يختك يشق البحار يعبر الأنهار طائرتك تعلو فى الأجواء ترى نجوم السماء بسيارتك تطوى الطريق خلفك فلا تمل من طوااااال سفرك سأشيد لك ناطحات السحاب سأبنى لك القصور وما بها من ألعاب سأعلو..أعلو..أعلو بك ونهايتك على يدى السقوط والإنحدار ------------

بجد كل الموضوعات جميلة جداااا
و غاية في الروعة
انتظروا تقيمات هذه القصائد
كمان يومين بالظبط
و بتاسف تاني علي التاخير
معلش بجد بس هي دي ظروف شغلي
و هنظبط و انتظم معاكم بس سمحوني
و بشكر تاني كل الناس الي بعت اجابات
ربنا مع الجميع و اتمني التوفيق للكل

المصدر: †† ارثوذكس †† - من قسم: القسم الادبي

[MICKEY]

شوية اشعار جميله جدا جدا
لكن عجبني حاجه حبيت اخدها اقتباس

ماما ياماما...اللى بيعمل خير فى الدنيا.. بيبقى جزاؤه الشر ده ليه؟ اصل شيطان العالم يا ابنى شايف شغله وباكى عليه اوعى شيطان الشر يحاول ..يخدع قلبك يلعب بيك يسقى ضميرك مجده الباطل..ويملى بمر الشر عنيك عاوزاك دايماً تعمل خير ماشى يا ماما تصبحى على خير

انا في انتظار النتائج
وربنا ينجح الجميع
وشكرا يابولا علي مجهودك الجبار ده
ربنا يخليك لينا
انت وكل فريق العمل

[brokenheart]

يالهووووووووووووووى انا داخله وسط دول؟؟؟؟؟ ده انا داخله نمله وسط عمالقه لالالا انا بجد مستحقش اكون اسمى وسط العمالقه دول انا بجد مش بهزر اكتر واحده بتاعى مش حلو بجد كلكوا ضرب ناااااااااااااااااااااااا ار جامدين جدا ربنا معاكوا اما انا.......... ربنا يتولانى ههههههههههههههههههههههههه ههه ميرسى اوى يا بولا بجد على التعب والشغل الجامد ده

[Malak sokar]

بجد حاجت فوق الروعة يارب كو تفوزو لان بجد كل الاشعار
جميلة وكل واحد ناقش اموضوع من وجة نظرة ربنا مع الجميع

[كيرو رافت]

لالالالالالالالالالالالال الالالالالالالالالالالالا لالالالالالالالالالالالال الا
بجد حرام
دا منتهى الاجرام
لالالالالالالالالالالالال الالالالالالالالالالالالا لالالالالالالالالالالالال ا
بجد صعب جدا تختااااااااااااااااار
الكل جاوب بفن وابهار
بجد مبسوط ان المنتدى فيه كل العمالقه دول
اعتقد ان المهمه هاتكون انتحاريه على لجنه التحكيم
بجد الموضوع صعب جدااااااااااااااااااااااا ااااااااااااااااااااااااا ااااا
صدقونى بجد انتم عمالقه الامس واليوم والغد

[MICKEY]

نياهاهاهاهاها
رأفت يابكاش
ياأحلي من الجلاش
قلبي في حبك باش
وعاوزله قطن وشاش

[brokenheart]

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههه

[MICKEY]

المسابقه محتاجه متابعه
دي مسابقه حلوة اوي
ارجوا الاهتمام بهي اكثر من اللازم

[brokenheart]

ياااااااااااااااااااااريت يارب الاجابات تنزل باه

[bolalover]

باذن الله بكره بليل
هتكون التقيمات عندكم
بس بجد اعزروا لجنة التحكيم
الموضوع صعب اووووي
هيقيموا الموضيع دي ازاي
بجد كلهم حلوين