[menalove2031]

كان جون شاب لسه مخلص ثانوية عامة وكان مستنى النتيجه واول ما النتيجة طلعت ومجموعه مكنش قد كده يادوب يدخله تجارة اصل كان مدمن بلاى استيشن وكورة وهما دوا الى ضيعوه المهم الى حصل حصل وبعد ما خلص جون كده باسبوع جاله التليفون ده:

أبونا جرجس : ازيك يا جون عامل ايه

جون : تمام يا قدس ابونا

ابونا : انت مش خلصت امتحانات

جون : اه حوالى من اسبوع

ابونا : امال ما بتجيش الكنيسة ليه

جون : اه يا ابونا الواحدلسه بيفوق

ابونا : هههههه محسسنى انك كنتفى غيبوبه المهم انا عايزك تنزل معايا خدمة مدارس الاحد

جون : بجد يا ابونا

ابونا : اه بجد المهم انا هستناك يوم الجمعة خلاص

جون : خلاص ماشى يا ابونا

طبعا جون يا جماعة مكنش مصدق نفسه وكان مبسوط خالص لانه خلاص نزل الخدمة وبقى خادم واسبرتيج وكل الحاجات ديه وفعلا راح قابل ايونا ونزل خدمة ابيتدائى وكان الحماس واخدة وكانت خدمته حلوة قوى ولكن سنه مع سنه لا ان خلاص الحكاية بقت عادية وانا ضمن ان كل سنه ضمن التوزيعة الجديدة للخدام ومحدش يقدر يسيبه الخدمة

طبعا الى بيقرا القصة ديه هيقول بس القصة ديه هتتكلم عن تقصير جون فى الخدمة ومش عارف ايه والكلام ده كله لا انا مش هخش فى الكلام ده انا هخش فى حته تانى

الخدمة طبعا عبارة عن خدام وخادمات واه لو النوعين اتجمعوا فى فصل واحد يبقى احل شغل لانه كل واحد بيحاول يظهر احلى ماعنده ويبذل اقصى طاقته عشان يعجب النوع التانى ويقوله عليه بسم الصليب ده فلان ده شعله فى الخدمة لو غاب يوم الدنيا كلها توقف ( بس على فكره بجد فى خدام بيخدمه للربنا من قلوبهم يعنى ديه مش قاعدة عامة عشان محدش يزعل بس) المهم نرجع تانى لعم جون عم جون حب خادمة معاه فى الفصل فى الال قال ان ده اعجاب ومش هينفع يرتبط بيها لانها خادمة مؤدبه جدا ومحترمة قوى واكيد هترفض راح جون قال انا استنى لما اخلص لو وهى كمان تخلص الدراسة يعنىوبعدين اتقدم ليها ويمكن يكون ده اعجاب بس واقابل واحدة تانيه فى الجامعة وهى ديه الى احبها وفعلا يا جماعة كلام جون طلع صح قابل واحدة فى الجامعة فيها نفس صفات البنت الخادمة الى حبها وكمان قريبة منها فى الشكل فقال خالص انا ارتبط بيها وافتحها لان على فكره البنت الخادمة الى حبها جون اعلى منه فى الشهادة (انا مش بقلل من بتوع تجارة دول احسن ناس ) المهم فى مره البنت التانيه الى مع جون فى الجامعه اتصلت بيه فا جون فكر وقال بس انا هكلمها عن مشاعرى نحيتها فراح رد على التليفون وسلاموا علىبعض بعد كده قالتله انا عايز اقولك حاجة قالها قولى قالتله انا اتخطبت بووووووووووم كانت الصعقة على جون الكلمات الى فاتت فجون عرف من ساعتها انه ملوش غير طريق واحد هى الخادمة الى معاه وفاتت السنين وخلص جو وكان واخد عهد علىنفسه انه مش هيرتبط باى واحدة الى الخادمة ديه بعد ماخلص جون المفروض انه يحم قرار وقال انا لازم اتقدم للخادمةديه لكن هيقدم بايه وهو لسه مخلص يبقى اكيد هيترفض المهم وجونبيفكر فى حل للمشكلة وقع فى مشكله اكبر ملهاش حل وهى

البنت بتاعةالجامعةالى حبها جون اتصلت بيه وقالتله انا فكيت الخطوبة وبكده اطربقت على جون وبقى قدامه 3 اختيارات مش عارف يختار ما بينهم

1 – انه يغير رايه ويطلي ايد زميلته الى فى الجامعة

2 – انه يثبت على قراره ويطلب ايد الخادمة الى معاه

3 – يكلم الاتنين ويشوفمين هتقبله ومين هترفضه

وعلى فكره جون بقى فى حيرة ومش عارف ياخد قرار لانه لو كلم الخادمة واترفض هيكون شكله وحشه فى الكنيسة والخدمة وكمان اكيد هتحكى لاب اعترافها وبالتالى هتهز صورته وسط الكنيسة واو اتقدم لزميلته هو مش عارف هل هو بيحبهاصح ولا لمجرد انهابتفكره بالخادمة الى بيحبها رغم انه زعلجدا لماعرف انها اتخطبت وكانمضايق وصلت انه عيط بجد جون فى مشكلة مفيش قرار ينفع يتاخد فيها بسهولة

المصدر: †† ارثوذكس †† - من قسم: القصص النصية

[mmg]

اه دى من مسابقة ستار اكاديمى ............ ههههههههههه

قريتها قبل كدة

[minabobos]

بص هو اهم حاجه يعملها ياخد راى ربنا ف الموضوع
وبعدين يدخل اب اعترفو
وربنا يرشدوا للخير

[كريستين غريب]

2 – انه يثبت على قراره ويطلب ايد الخادمة الى معاه

انا من رائى يا مينا ان جون...........ياخد القرار التانى

[اسامه سمسم]

اولا حمدالله على السلامه يا مينا وحشنى بجد ليك فترة مش باين
ثانيا هو المفروض يكون مستقبله الاول وبعدين يفكر فى الارتباط
ده من وجهة نظرى وربنا يوفقه

[menalove2031]

شكراً لكل إلىقرا الموضوع وعلق عليه وكمان على الحلول الجميلة إلي قدمتوها وأنشاء الله الجزء هكتبلكوا قريب جون عمل ايه واذكروني فى صلواتكم

[بنت الانجيل]

انا من راى بردو يكون نفسة وبعدين يفكر ولو هى نصيبة اكيد هتكون لية حتى لو طال الزمن انا كنت عاوزة حد يساعدنى لو عاوزة اعرض مشكله وتساعدونى اعرضها ازاى