[elphilasouf]

"إن أعظم أداه لتغيير العالم هى قدرتنا ع تغيير نظرتنا تجاهه"
ماريان ويليامسن

كان فى شخصين كل واحد فيهم عنده عربيه صغيره شويه
لكن اختلفت نظره الشخصين دول لسيارتهم
فواحد منهم كان
بيحس بالضيق والالم انه مش قادر يجيب عربيه اكبر واغلى
وشخص تانى خالص
كان شاكر ربنا ويقول انا عندي عربيه احسن من غيري الى معندهوش
كمان انا المفروض انى احاول اجتهد فى شغلى اكتر واعرف واتدرب اكتر عشان انمى واكبر شغلى وابقى قادر انى اشتري عربيه اكبر

لاحظنا ان الاتنين عنده مشكله واحده
وهى عربيه صغيره لكن وكل واحد فيهم عاوز يكون ليه عربيه اكتر
واحد فيهم بص بنظره امل وانه هيحاول يجتهد اكتر عشان يجيب عربيه اكبر
والتانى كانت نظرته نظره كأيبه عاجزه وبدل من انه يفكر فى حل او طريقه عشان يحقق حلمه ده ابتدي يلعن فى حظه ويلوم نفسه

يعنى احنا ممكن نكون فى موقف واحد لكن نظرتنا للموقف ده تختلف
طيب هل انا ممكن اتدرب انى اغير نظرتى واخليها نظره سليمه ؟
اكيد ينفع

طب ازاي ؟؟
1- هتفادي 5 سلبيات
2- اكتسب 6 ايجابيات
3- خطه تغيير النظره

الخطوه الاول تفادي الخمس سلبيات
1- اللوم
كتير بنلوم بعض ونلوم نفسنا واولادنا واخواتنا وابهتنا واعضاء معانا هنا ونلوم الزمن و الحظ والجو والدنيا ...ألخ

الا ان اللوم بيكسر مقديف الانسان وبيقلل ثقته بنفسه
وكمان بيضر بالعلاقات بين اللائم والشخص الذي يلومه وغيرها من الضرر
ده غير انه بيشعل الانسان عن التفكير فى حل مناسب ومجهود ع الفاضي

نلاحظ ان مثلا كنت انت وواحد صحبك ريحين مشوار بعربيتك وفى الطريق أتفاجئت ان العربيه البنزين الى فيها قرب يخلص
بدل ماتلوم نفسك وتلوم صحبك وتلوم الدنيا ...المفروض انك تحاول توصل لاقرب بنزينه

بدل ماتلوم ابنك انه منجحش فى الامتحان وتقعد تهزق فيه كتير فانت لحد دلوقتى محلتش المشكله

وفر مجهودك فى اللوم وحاول تعرف منه المشاكل الى خليته مينجحش وتحاول تفكر معاه فى حل للمشاكل دي

باختصار وفر مجهود فى لوم نفسك والناس بسبب المشكله الى وقعت فيها واحسنلك حاول تفكرلها فى حل

"عندما تلوم الاخرين والظروف والمواقف فأنك بذلك تعطيهم القوه لقهرك، فيجب عليك أن تتوقف عن لوم الاخرين ، وان تتحمل مسئوليه حياتك"

يارب يكون الموضوع اتفهم وعجبكم وممكن يفيدكوا ويطور من حياتكوا
للموضوع تقريبا هيكون 4 اجزاء ده اول جزه منهم
والباقى قريب فتابع القسم

الجزء التانى
https://www.orsozox.com/forums/f35/t27913/

المصدر: †† ارثوذكس †† - من قسم: قسم المناقشات الثقافيه والعلميه

[nona queen]

يا فيلو حرام عليك
طب ايه النظره العلميه فى الموضوع ده بالظبط عشان تحطه فى القسم العلمى
وبعدين ايه اللى بدل ما تلوم نفسك واخواتك وامك وابوك والدنيا والناس ايه العقد دى
ايه النظره التشائميه دى
حب الحياه تحبك يا عم هههههههههههههههههه
انا بهزر بس بجد موضوع جميل ايه الشغل الجامد ده يا بروف

[ماروجيرافك]

بجد يا فيلو الموضوع جميل اوي
والاجمل طريقه عرضه

[elphilasouf]

المشاركة الأصلية كتبت بواسطة nona queen يا فيلو حرام عليك طب ايه النظره العلميه فى الموضوع ده بالظبط عشان تحطه فى القسم العلمى وبعدين ايه اللى بدل ما تلوم نفسك واخواتك وامك وابوك والدنيا والناس ايه العقد دى ايه النظره التشائميه دى حب الحياه تحبك يا عم هههههههههههههههههه انا بهزر بس بجد موضوع جميل ايه الشغل الجامد ده يا بروف

ده علم اجتماع يا طنط نونا
ومش ميرسي لردك هيه بس

[elphilasouf]

المشاركة الأصلية كتبت بواسطة ماروجيرافك بجد يا فيلو الموضوع جميل اوي والاجمل طريقه عرضه

الاجمل هو ردك الحلو يا اجمل مارو
ميرسي ليك كتير

[zaza2006]

موضوع رائع يا فيلو بجد كنت محتاجاه تسلم ايديك

[elphilasouf]

تسلم ايدك انتى ع كلامك الرقيق ده ربنا يعوضك

[rozy lover]

فيجب عليك أن تتوقف عن لوم الاخرين ، وان تتحمل مسئوليه حياتك"
موضوع كتير كتير جميل ميرسى على الموضوع

[Malak sokar]

"عندما تلوم الاخرين والظروف والمواقف فأنك بذلك تعطيهم القوه لقهرك، فيجب عليك أن تتوقف عن لوم الاخرين ، وان تتحمل مسئوليه حياتك"

اللة عليك يافيلسوفتي بجد روعة روعة ربنا يباركك وتكون سبب برطكة وراحة لالاخرين

[الماكس مايكل]

ميرسى يا فولتى على موضوعك الجميل لوى ده
ربنا يباركك