[Narmar]

:red_heart:أزيكم يا أحلى أعضاء :red_heart:
موضوع غريب كالعادة بس هو بصراحة نرفزنى
:beat_shot:

المهم

امبارح انا مش دخلت المنتدى خالص ولا النت اصلا لاول مرة من فترة كبيرة جدا جدا جدا يعنى

والسبب : لانى كنت عند واحد المفروض يعنى انه دكتور ولا بيقولوا هههه
متعرفوش باين كان لسة بيتعلم الطب ولا اية:unhappy:
انا من وانا صغير صدرى تعبان حبة

فساعات بطخبط فى دماغى واروح لدكتور كل فترة

كل مرة واحد فيهم يعقدنى

اية دة ....... ؟
هو انا رغاى كدة لية
ماتخش يا عم فى الموضوع وتخلصنا
هههههههههه دة انا زهقتلكم
:haha:

المهم انا كنت بقول اية ؟
اه افتكرت
هههههههههههههههههههه بامانة نسيت تانى
اه افتكرت
بعد اما خلصت كشف
سالنى سؤال عجيب غريب مريب ؟؟؟
:36_6_6:

قالى يا ترى انت بتشرب سجاير ؟؟؟
ps:

بصراحة انا سمعت الكلمة من هنا
وتنحت من هنا
مش عشان كرة فيها لا
لان ازاى هو بيسالنى عن حاجة زى دى وانا مش بشرب
h:
بصراحة كان نفسي اقتلة :36_6_8:

قلتلة هو انت بتسالنى انا ولا العيان الى كان قبلى ؟؟
:super_fman:
اللى غاظنى وحرق دمى انه قعد يضحك

:36_1_38:
قالى طيب طيب افهم من كدة انك مش بتشرب
قولتلة ايوة مش بشرب
قالى انا مش اقصد الشرب بمعنى الشرب لا
قالى انت اكيد بتعد فى اماكن مقفولة كتير ومع مدخنين كتير
قولتلة ايوة
:still_dreaming:
قالى اوكى مش تقلق خالص وادانى ورقة بيضا مختومة بالختم بتاعة ( باين مش بيعرف يمضي ) .
:beat_plaster:

سالتة اية كل اللى مكتوب فيها دة قالى الدوا دة تاخدة فى معادة
ومش تتعد فى اماكن مقفولة
قولتلة لية
:big_sfmile:

قالي ابقى تعالى بعد اسبوعين عشان اطمن عليك مع الدوا و مرضاش يرد عليا :@ خنقنى

المهم المهم المهم
الله
هو انا قاعد ارغى كدة لية هفففففففففففففففف
طبعا زهقتكم
يلا مش مهم محدش قالكم تخشوا الموضوع
:victfory:
انا بقولكم كل الرغى دة لية ؟؟
أقولكم السبب
udency:
طبعا كلة بيقول ارغى يا عم صدعتنا
المهم
:secret_sfmile:
انا مش بعدى اى حاجة تحصل كدة و خلاص
لالالا
انا بفصلها واعد اتخيل فيها اد كدة
لدرجة انها ممكن بعد كدة تبقى فيلم سينما
ههههههههههه
طيب اية اللى انا استفدتة
بعيدا عن الدكتور المتخلف
لو بصينالها من ناحية تانية

نشبة السجاير بالخطية و عصيان كلام الله
لو جينا بصينا كدة
هنلاقي انى اما حد جة يحلل الحالة عندى
سالنى انت خاطى ؟
قلتلة باستغراب لا !!!
طبعا والجواب مكنش مظبوط لان الجواب الحقيقي هو اة
والمشكلة الكبيرة انى فاكر نفسي مبشربش
أتارينى طلعت أكبر مدمن
لان اللى عرفتة ان الخطر على اللى بيجى علية الدخان اكتر من الللى بيشرب
يعنى الكل بيضر
يارب تكونوا فهمتوا قصدى
ومعلش بجد انا عارف انى رغاااااااى جدا جدا جدا
فاسف جداجداجدا
( انت لسة هتتأسف )
امشي يا جدع انت
Narmar

المصدر: †† ارثوذكس †† - من قسم: الموضوعات الشبابية

[Narmar]

اللى هيرد من غير تريقة ومعلش عشان بجد مش بعرف اشرح

[katrain]

هههههههههههههه
جامده اخر حاجه مرسي ليك

[Narmar]

هههههههههههههه جامده اخر حاجه مرسي ليك

اشكرك جدا جداجدا يا كاترين
ويشرفنى طبعا ان مشاركة رقم واحد ليكى تبقى فى موضوعى
منورة بجد
شكرا لمرورك
ربنا معاكى

[بنت الراعي]

هههههههههههه
موضوع متميز كالعاده يا نارمر واسلوب رائع هههههههه
وفعلا المعاشرات الرديئه تفسد الاخلاق الجيده
زي ما قولت بالظبط كده زي اللي مش بيدخن لكن
بيقعد مع مدخنين
ميرسي يا نارمر والف سلامه عليك
ربنا يعوضك ويباركك ويفرح قلبك

[جوسى]

ميرسى ليك يا نارمر و احييك على اسلوبك فى الكتابه

ربنا مععاك

[Narmar]

هههههههههههه موضوع متميز كالعاده يا نارمر واسلوب رائع هههههههه وفعلا المعاشرات الرديئه تفسد الاخلاق الجيده زي ما قولت بالظبط كده زي اللي مش بيدخن لكن بيقعد مع مدخنين ميرسي يا نارمر والف سلامه عليك ربنا يعوضك ويباركك ويفرح قلبك

الف شكر ليكى يا بنت الراعي
ويارب يكون عجبك والله يسلمك

وربنا يخليكى وشكرا مرة تانية

[Narmar]

ميرسى ليك يا نارمر و احييك على اسلوبك فى الكتابه ربنا مععاك

شكرا جدا جدا يا جوسي على ردك الجميل
نورتى الموضوع

[روفــــا]

بجد موضوع جميل

[cat girl]

حلو اوى اوى يا نارمر وانا بشجعك على اسلوبك الجميل ده ف الكتابه بجد عرفت توصل النصيحه بطريقه جميله وسهله ميرسى ليك وربنا يحافظ عليك