[ايمو2]

قصيدة الشهداء

اود ان اعزيكم جميعاً على مرور الأربعين يوما التى مضت على فراق الشهداء الأحباء
واتقدم بخالص التعزية لمطرانية نجع حمادى وأبى وسيدى المحبوب الآنبا كيرلس أسقف نجع حمادى وللشعب المسيحى القاطن فى تلك المنطقة المُحبة للمسيح
واتقدم باحزانى القلبية لأسر هؤلاء الأبطال التى روت دمائهم أرض نجع حمادى فأصبحت بحق مدينة الشهداء متمثلة فى ذلك بمدينة اسنا مدينة الشهداء أيضاً

استلهمت افكار هذه القصيدة من الوقفة المباركة الأخيرة التى وقفها أبنائنا وأبائنا الأعزاء بفناء الكاتدرائية المرقسية الكبرى بالعباسية..وقد اسميت هذه القصيدة بعنوان
وقفة قوية
قلت فيها الآتى...........
وقفنا فى المرقسية
بقلوب طاهرة ونقية
دمعة رايحة ودمعة جاية
لكن الصلوات قوية

وطلبنا الرب المسيّا
ورأينا يدهِ القوية
والجنود العلوية
سبّحت مع البقية

والصلاة صعدت نارية
للمسيح ربى وفاديا
دى صلاة البار قوية
ليها قوة وفاعلية

إفتكرنا المجدلية
لما بكت فى الجسثمانية
على رب البشرية
فى البستان ساعة الفجرية

* رجّعنا أيام داؤد
رنمنا معاه ع العود
لكَ ينبغى السجود
انت وحدك المعبود

* يللا يارب بسرعة سود
والسلام لينا يعود
قُم وروّض الأسود
قم وحطم السدود

* انت آله حىّ وموجود
انت خالق كل الوجود
مين غيرك علينا يجود
لينا يحقق الوعود

* قوّى ايمان الجدود
يبقى ايماننا بدون حدود
انزع شوكنا وحط ورود
خلى شراعك لينا مفرود

= خلى بابك لينا مفتوح
وبإيدك ضمّد جروح
جدد فينا الماء والروح
خلى الحزن عنا يروح

= لو فينا مريض أو مجروح
فى سرير الأوجاع مطروح
مدّ ايديك يا طبيب الروح
بحنان قلبك اشفى قروح

+ع الأرض هنا الملايين
عايزينك يارب تعين
المرضى والمحتاجين
والضعفاء والمطروحين

+ دا انت لينا حصن امين
نلجأ ليه من بعد آنين
فى حماه احنا فرحانين
مرتاحين مطمّنين

* صلّينا وقلنا التراتيل
كيريالسون بالتهليل
ارحمنا يا عمانوئيل
شيل عن شعبك حمل تقيل

* مين غيرك فى الدرب دليل
تحت صليبنا بحب يميل
يرفع عن ابنه ويشيل
ويقوله مفيش مستحيل

* مين بيكون مع كل ذليل
فى طريقه ينوّر قتاديل
ويعلّمه كلام الإنجيل
فيكون شمعة دموعها تسيل

*مين ذكراه من جيل الى جيل
يرعى النملى يأكل فيل
حلقه حلاوة وكله جميل
ويمهد فى البحر سبيل

// انت هو الألف والياء
وطريق وحق وحياة
طيّب قلب أم الشهداء
إرسل روحك يُعطى عزاء

من ابنكم واخوكم وتلميذكم الصغير خالص
الشماس / ايمن مكرم/ شاعر منتديات بحبك يا يسوع

المصدر: †† ارثوذكس †† - من قسم: القسم الادبي

[totty fruity]

جمييييييييييييييله جدا جداااااااااااااااا
بجد حلوه
ربنا يباركك

[ايمو2]

اشكر صديقى توتى على تعليقه الجميل الرب يبارك حياتك