[نبتة من غرس يمينة]

ظل الاول يشفي المرضي ومناديل وعصائب الاخر تخرج الشياطين وتشفي الامراض

تعالو بينا نتامل يا اصحابي في حياة واعمال وجهاد الرسولين بطرس وبولس
هتقولوا اشمعني الرسولين دول بالاخص
السبعين رسول قديسين طبعاً واعمالهم عظيمة ولكن الحقيقة دول اعظم جهادا ومحبة لرب المجد يسوع
حياتهم زاخرة ومليئة بكل ما هو نفيس ويستحق بالاشادة والتقدير والتامل فيها
معلمنا بولس ومعلمنا بطرس كمان فية حجات كثيرة مشتركة بينهم



تعالو نشوف بداية بولس


كان شاول الطرسوسي اكثر واحد مضطهد للمسيحية والمسيحين وكان فظيع في تعزيبة ليهم ومجاهد في ابادتهم
لغاية ما نظر الية الرب وتعامل معة
شاول شاول لماذا تضطهدني صعب عليك ان ترفس مناخس
عارفين اية هي عظمة معلمنا بولس
انة فتح قلبة لربنا
وصارت اول صلاة منة لربنا لما قالة :
ماذا تريدني ان افعل يا سيد
كتير انا وانتم ربنا بيكلمنا وبيرسل لنا كلامة في الكتاب المقدس او علي لسان كاهن او في اي شيء ولكن مين مننا يسمع لكلمة ربنا ويقولة ماذا تريدني ان افعل يا سيد ويغير حجات في حياتة تغير كلي وشامل زي معلمنا بولس



نعمة ربنا تعطي شجاعة وقوة وغلبة


دي من النقاط اللي مشتركين فيها الرسولين بطرس وبولس
بطرس اللي انكر ربنا يسوع لما الجارية قالتلة انت لغتك مثلهم وانت واحد منهم وهو انكر انة حتي يعرف الرب ثلاث مرات عند صياح الديك اتغير جدا بنعمة ربنا
لف بلاد يكرز باسم الرب ومشي اميال وتعب كثيرا جدا للتبشير وصارت عظة واحدة منة تخلي الوف يامنوا برب المجد
ووقف قدام الامبراطور نيرون يشهد باسم الرب ويقول ويخبر عن المسيح ويشهدلة
من اوجة الشبة او الحجات المشتركين فيها بطرس وبولس انهم اتحاكموا من نفس الحاكم وهو نيرون
بطرس رفض انة يتصلب مثل سيدة ومخلصة وقال انا مستحقش اني اكون مثل سيدي يسوع ولكن اصلبني منكس الراس
مع العلم صلب الانسان منكس الراس دي بيولوجياً دي من اصعب الميتات الماً وتعزيباً
ولكن طبعاً مفيش الام اقوي واصعب من اللي زاقها مخلصنا لاجلنا
القوة والشجاعة والتحمل والجهاد دة جة من النعمة والحب لربنا
دنا وانت عزيزي القاريء من اقل شوية تعب واقل مشكلة تقابلنا مبنتحملش ولا بنصبر
معلمنا بولس فضل يلف بلاد ويجول اسفار وترحال في التبشير لكل الامم وهو في جسمة ثلاث امراض متعبة جدا
اباء الكنيسة اللي اتاملوا واتعمقوا بحياته قالوا ان كان في جسدة دمامل واورام ملازماة وايضا عين من عيونة كانت مريضة وضعيفة وايضاً كان عندة مرض الملاريا اللي كان احياناً ينتفض منة
القوة دي نعمة من ربنا والصبر في التبشير مع الامراض دي محبة عظيمة لربنا
بولس لما كان في سجنة هو وسيلا كان بيفضل يصلي طول الليل والنهار وهو مكبل بالقيود الحديدية ومش في سجن عادي دا كان في سجن مطبق يعني مكان داخل السجن بعيد جدا ليس فية ضوء ولا هواء
تخيلو كمل التعب والاعياء والحالة النفسية اللي كان بيبقي فية ومع كدة كان بيفضل فرحان بربنا ويصلي ويزكر اسم اللة
ولما اتحل الحديد بصلوات بولس وسيلا وخرجو حصل ان السجان امن وطلب يبقي مسيحي واخدهم لبيتة وغسل لهم الجروح
من فين جالك الحنان والحب دة يا سجان
نعمة اللة تحول الجافي حلاوة
اللة علي عظمة الرسل
ظل بطرس كان بيشفي المرضي
والمناديل والعصائب اي قطع القماش اللي علي جروح بولس كانت تشفي الامراض وتخرج شياطين
دا غير انهم قوموا طبيثة وغيرها من الموت طبعا مش يقوتهم ولكن بالنعمة المعطاة لهم من روح الرب
علي قدر ما كان بولس اكبر مضطهد للمسيحين علي قدر ما اصبح اكبر مبشر وكارز بالمسيح واكمل جهادة العظيم واستشهد للرب بحد السيف



ربنا يعطيني ويعطيكم النعمة اللي بيها نتحمل اتعاب زمانا وايام غربتنا ونجاهد ونكمل سعينا الي ان نلاقي الرب
الكلام عن الرسولين بولس وبطرس يحتاج كتب ومجلدات
مش هطول عليكم احسن تزهقوا ومتقروش الموضوع
ازكروني بصلواتكم

المصدر: †† ارثوذكس †† - من قسم: المنتدى العام

[sawsaw]

تاملاتك رائعه وتفكير عميق الرب يباركك ويفرح قلبك ويبارك تعب خدمتك خير اختى فى الرب يسوع

[نبتة من غرس يمينة]

sawsaw
شكرا لكي اختي الحبيبة
اسعدني مشاركتك بموضوعي
الرب معك

[نبتة من غرس يمينة]

اشفعوا فينا امام الرب ايها القديسين العظيمين

[Dr.PeRO]

علي قدر ما كان بولس اكبر مضطهد للمسيحين علي قدر ما اصبح اكبر مبشر وكارز بالمسيح واكمل جهادة العظيم واستشهد للرب بحد السيف

تأمل جميل جداا بجد، ربنا يبارك حياتك، أحب اقول حاجة صغيرة على كلامك الممتع، فى القداس فيه حاجة اسمها دورة البخور، الكاهن بيدور حول الكنيسة ويبخر فى كل اركانها تذكاراً لأن الرسول بولس بشر فى دول كتير بمختلف انحاء العالم، وهو ليه دور اساسى وحيوى جدااا فى انتشار المسيحية فى العالم كده .. بس يا خسارة، الأغلب مسيحيين اسماً بس، ربنا قادر انه يفنقد ولاده

[نبتة من غرس يمينة]

اضافة جميلة جدا يا دكتور بيرو
بشكرك انك احضرتها لزهننا
نعم ربنا قادر انة يجعلنا اولادة اسما وفعل ايضا

الرب معك ويثمر في خدمتك

[نبتة من غرس يمينة]

انظروا الي نهاية سيرتهم وتمثلوا بايمانهم

[اشرف وليم]

من فين جالك الحنان والحب دة يا سجان
نعمة اللة تحول الجافي حلاوة
اللة علي عظمة الرسل
ظل بطرس كان بيشفي المرضي

[نبتة من غرس يمينة]

نورت الموضوع يا استاذ اشرف
الرب يبارك حياتك