[magdy totti]

دعوة فرح ....... هل هتقبلها؟؟؟




والان توقفوا معي وفكروا بكل جديه
!!!!


اذا دعتك حبيبتك او حبيبك الى حضور زواجها او زواجه !!..؟؟ هل سوف تحضر ؟؟


وبرر موقفك اذا رفضت واذكر السبب اذا وافقت الحضور ؟؟

المصدر: †† ارثوذكس †† - من قسم: الموضوعات الشبابية

[رفقة شحات]

بصراحه انا مش عارفه انا هاعمل ايه ساعتها بس انا فكرت فى نفس الموضوع دا قبل كدا
لقيت انى اروح الفرح اللى بحبه مع انى هاحس ان سكينه مغروزه فى قلبى
بس طالما انا بحبه يبقى لازم ارضى له الخير والسعاده ويشوف نصيبه مع حد تانى يمكن هتسعده اكتر منى

[emmmy]

اية السؤال الغريب دة يا مجدى ؟؟
انت بتفرع فى دماغك فجاءة اسئلة غريبة
بجد ربنا يسترها معانا هههههههههه

طيب بص يا مجدى ولو انى مجربتش المشاعر الرخمة دى بس هتكلم بصفة عامة على حسب وجهة نظرى المتواضعة يعنى ويارب اقدر افيدك
الحبيب والحبيبة لو متفقوش بعد ما دخلوا للعمق يبقى فى حاجة غلط اكيد من الاول من الطرفين
طيب هتكلم بصورة اوضح وابسط لو فرضنا ان انا عرفت شخص وحسيت ان فى حاجة شدتنى لية وهو كمان تفكتر دة كفاية ولا الاول نعرف بعض بصورة اوسع وبصدق اكتر ولو لقينا الظروف حلوة ومتفقة وكلة تمام والطرفين ليهم نفس المشاعر ندى اشارة للقلب يشتغل ويمارس دورة ويخلق الجو العاطفى الجميل والحب اللى مبنى على هدف واضح وفى نور المسيح
غير كدة يبقى فى حاجة غلط وفى تسرع فى المشاعر وفى عدم تفاهم واتفاق من اى نوع
وبكدة يبقى لما ينفصلوا دى تبقى نهاية طبيعية جدا
ويعتبروا نفسهم هما الاتنين استفادوا من التجربة ويخرجوا منها من غير بقى جرحتنى وخانتى وتعبتنى وعذبتنى وحطمتنى وسودت عيشتى وكرهتنى فى الدنيا وكل التعبيرات الغريبة والضخمة اللى بيستخدمها بعض الشباب دى وبيحبسوا نفسهم بنفسهم جوة دايرة من الصعب الخروج منها بسهولة

لو كانت قريبتة او هو قريبها هتحضر فرحة عادى خالص وفى قلبها سلام وتمنى حقيقى بالسعادة للطرف التانى وهما الاتنين يكونوا واثقين ان اختيار ربنا بيكون الافضل فى النهاية

مفيش اى قرابة من اى نوع خلاص مش مهم
مش ضرورى


اى خدمة يا مجدى

[elshbah]

التعبيرات الغريبة والضخمة اللى بيستخدمها بعض الشباب دى وبيحبسوا نفسهم بنفسهم جوة دايرة من الصعب الخروج منها بسهولة
انتى لو عيشتى دور الشباب وحسيتى احساس الشاب فى الوقت دة مكنتيش قولتى كدا انا عارف ان البنات جرحهم بيبقا اصعب من الشباب بس البنات بسهولة بينسو لو حبو واحد هيقدرو يحبو تانى لكن الشاب ميقدرش يحب واحدة حب حقيقى وينساها بسهولة لا انتو فاهمين غلط
وانا بقا عاوزك تحطى نفسك فى الموقف دة وتتخيلى ان حبيبك اللى تعرفية من سنين اللى ملاء الدونيا عليكى فرح وسعادة وعلمك يعنى اية حب وحياة سابك وراح اتجوز واحدة تانية وبعتلك دعوة اية ياترى هيكون رد فعلك ؟؟؟؟


انا عن نفسى هروحلها واغنلها اعذورينى يوم زفافك ههههههههههههههه السؤال دة فى الجون يا مجدى تسلم ايدك يا باشا
نايس توبيك

[emmmy]

عزيزى وصديقى نادر انا مقدرة مشاعرك صدقنى بأمانة
واضح انك انسان حساس جدا ورقيق جدا وعاطفى كمان
كلامى مش معناة انى مش ممكن اتخيل الموقف انا عشت مراحل حياتك كلها يا نادر واقدر اتخيل اى حاجة انت بتفكر فيها انت يمكن بس علشان لسة مخرجتش من تجربة معينة ودة اللى انا حسيتة من كلامك على حد تعبيرك ولاكثر من مرة وفى اكثر من مكان دة اللى مخليك متصور ان مشكلتك ضخمة جدا
يا نادر انت لسة صغير والحياة قدامك بطريقها كاملة والتجارب تقويك مش تكسرك تجعل منك حكيم وعندك خبرة من غير ما تهزك بس انت اوعى تستسلم ابدا للحزن والتعبيرات اللى بتدل على الانسان المجروح واليأس والمهزوم انت امير وابن ملك يعنى تبقى راسك مرفوعة قدام نفسك ولما تختار تختار اميرة زيك تختار صححححح
انت بتقول عندك 20 سنة طب بجد تفتكر ان دة سن يقدر مسئولة الحب ---

وعلى فكرة ملحوظة :
البنت مش بيكون جرحها اخف من الولد ولا حاجة كلة بيرجع لنوع الشخصية القوية والضعيفة اللى عندة ثقة فى ربنا جواة وفى نفسة واللى معندوش اللى عندة ارادة واللى معندوش
سواء كانت بقى بنت او ولد

[elshbah]

انا بشكرك على احساسك الراقى والجميل وكلامك اللى بجد حاسيسنى كتير بأمان داخلى
سورى بقا عندى تعليق
انت بتقول عندك 20 سنة طب بجد تفتكر ان دة سن يقدر مسئولة الحب ---
هوا تقدير الحب بالسن ولا اية ؟؟؟

[emmmy]

انا اللى بشكرك على محبتك ورقتك
وطبعا يا نادر الحب يرتبط بالسن اكيييييييييد
اسمع يا نادر الحب فى سنك بيكون جميل اوى ارقى واجمل مشاعر خلقها ربنا فى الوجود بيبقى حلم لذيذ وجميل مش عاوزين نصحى منة ابدا ابدا بتبقى المشاعر شفافة ورقيقة والقلوب صافية لسة مفيهاش هموم ولا احزان ولا مسئولية بتبقى زى صفحة بيضة ويا دوب بتكتب فيها حاجة جديدة
لكن كل دة مجرد مشاعر سطحية وطبيعية بحكم سننا الصغير جربناها يا نادر وعشناها صدقنى يعنى انا مش جايلك من كوكب تانى ولا حاجة
انت خلصت دراستك يا نادر ؟؟
خلصت جيش ؟؟
اشتغلت ؟؟
عندك استعداد دلوقتى تبقى مسئول عن بيت وزوجة واولاد
عندك استعداد تبقى اب وتشيل المسئولية دى كاملة ؟؟
وحتى لو فرضنا ان اجابتك كانت نعم وان ظروفك مختلفة شوية وفى دعم من الاهل
هتعرف تربى اولادك صح وتديهم الشبعى الروحى والنفسى يا ترى عندك الخبرة الكافية لدة ؟
واية هيكون سبب الاستعجال وشيل الحمل دة وانت عندك 20 سنة يعنى فى ربيع العمر وعلى ابواب مراحل الشباب وفى اجمل سنين عمرك
اوعى تقولى اية علاقة كل دة بالحب --- بعدين ازعل منك هههههههه
انت اتصدمت ولا اية ؟
هو دة الحب يا نادر هى دى نهاية اى علاقة صحح وحب حقيقى
الحب مسئولية وتعاون وشركة ورسالة
مش عواطف وكلام شعر جميل وتلفونات ورسايل وووو-----الخ

[la tristeza y el dolor]

اللى بينى و بينها حاجه
و اللى بينى و بين نفسى حاجه
يعنى اللى بينى و بينها انتهى خلاص يبقى موش هبين اى حاجه هعمل الواجب واروح
لكن بينى و بين نفسى اكيد هيبقى حزن عمييييييق

[elshbah]

المشاركة الأصلية كتبت بواسطة emmmy انا اللى بشكرك على محبتك ورقتك وطبعا يا نادر الحب يرتبط بالسن اكيييييييييد اسمع يا نادر الحب فى سنك بيكون جميل اوى ارقى واجمل مشاعر خلقها ربنا فى الوجود بيبقى حلم لذيذ وجميل مش عاوزين نصحى منة ابدا ابدا بتبقى المشاعر شفافة ورقيقة والقلوب صافية لسة مفيهاش هموم ولا احزان ولا مسئولية بتبقى زى صفحة بيضة ويا دوب بتكتب فيها حاجة جديدة لكن كل دة مجرد مشاعر سطحية وطبيعية بحكم سننا الصغير جربناها يا نادر وعشناها صدقنى يعنى انا مش جايلك من كوكب تانى ولا حاجة هههههههه لالا مش كوكب اخر ولا حاجة وعارف ان الحياة تجارب انت خلصت دراستك يا نادر ؟؟ نعم خلصت خلصت جيش ؟؟ لسة هنترحل بعد 4 ايام اهو اشتغلت ؟؟انا من وانا عندى 7 سنين وانا شغال عندك استعداد دلوقتى تبقى مسئول عن بيت وزوجة واولاد عندك استعداد تبقى اب وتشيل المسئولية دى كاملة ؟؟اكيد لاء طبعا وحتى لو فرضنا ان اجابتك كانت نعم وان ظروفك مختلفة شوية وفى دعم من الاهل هتعرف تربى اولادك صح وتديهم الشبعى الروحى والنفسى يا ترى عندك الخبرة الكافية لدة ؟اكيد مكنش فى حد بردو اول مبيتجوز بيبقا كدا واية هيكون سبب الاستعجال وشيل الحمل دة وانت عندك 20 سنة يعنى فى ربيع العمر وعلى ابواب مراحل الشباب وفى اجمل سنين عمرك اوعى تقولى اية علاقة كل دة بالحب --- بعدين ازعل منك هههههههه انت اتصدمت ولا اية ؟بصارحة اتصدمت انتى غسلتينى بس انتى كبرتى الحوار شوياااااااااات هو دة الحب يا نادر هى دى نهاية اى علاقة صحح وحب حقيقى الحب مسئولية وتعاون وشركة ورسالة مش عواطف وكلام شعر جميل وتلفونات ورسايل وووو-----الخ تومام معاكى فى كلامك

اى نعم ان الحوار دة مش اساس الموضوع بس جميل جدا والمفروض انة ينزل ويتناقش مع اعضاء كتير من الشباب
ودى هنسبها على ايمى بقا البركة فيها تغسل افندينا بس مش عليا هههههههههههه
شكرا ليكى يا ايمى ولكلامك الجميل والحساس انتى بجد اكيد عشتى ايام زى كدا علشان كدا حاسة وعرفة دماغ الشباب كويس ربنا يبركك ويعوضك يارب

[Dr.PeRO]

اذا دعتك حبيبتك او حبيبك الى حضور زواجها او زواجه !!..؟؟ هل سوف تحضر ؟؟ وبرر موقفك اذا رفضت واذكر السبب اذا وافقت الحضور ؟؟

أكيد أكيد أكيد بالتلاته مش هروح الفرح
عشان انا عندي استفسار داخلى الأول، اذا كان العلاقة انتهت (سواء فجأة أو من قبل كده بالاتفاق بين الطرفين) يبقى ايه اصلا اللى هيخلينى اروح احضر؟؟ أحضر بصفتى ايه أصلاً؟؟