[menalove2031]

ممكن تحس مفيش امل
ممكن تبقى حياتك ملل
ممكن تلاقي نفسك بتتعب
ممكن تكون مش فادر تغلب
ممكن احزانك تكتر عليك
ممكن احلامك تضيع ممن ايديك
كل اللي فات ممكن يحصلك
لكن الاكيد ربنا منتظرك
مستني يمسلك ايدك
ويكون معاك هو طبيبك

هيقولك اول ما يجليك
ليه تملى كده على طول تنسى
وبتجي عليا وبتقسى
وبتنسى ان انا عايزك ليا
وامسح دموعك بايديا
فكرت في الارض ومالها
ولا نابك منها الا ألامها
ولا شوفت بعيونك فرحة
ده كلامك كان قبله دمعه
حبيت بايديك تبني قصور
وتملاها فرح وسرور
ونسيت ان الفرح معايا
وقصور وهم ملوش غاية
حبيت في الدنيا تجنى وبس
ولا كنت عايز بوجود تحس
وحصدت ده كله بدموعك
زودت بايديك جروحك
لو كنت جيتلي من الاول
كان الالم مش هيطول
بس خلاص هنسى الماضي
ما دمت اخترت اكون قاضي
هتمشي معايا وفي حمايا
وهحط لدموعك نهاية

المصدر: †† ارثوذكس †† - من قسم: القسم الادبي

[عماد حسنى]

هتمشي معايا وفي حمايا
وهحط لدموعك نهاية

اه يا مينا كلنا محتاجين نكون فى حمايه يسوع
كلنا محتاجين اوى يحط لدموعنا نهايه

الف شكر لموضوعك المعزى ده يا مينا
وحمدلله على سلامتك .. وحشتنا موضوعاتك وكاتباتك جدا
ربنا يكون معاك ومعانا

[menalove2031]

شكرا يا استاذ عماد الله يسلمك يا باشا

[كيرو رافت]

مينا حبيب قلبى الغالى جدا
اهلا بيك من تانى فى بيتك واخيرا ظهرت
وما اجمل ظهزرك اللى صاحبه موضوع ولا اروع منه
كلمات بجد فى منتهى الجمال والرقه والصدق
تسلم ايدك يا مينا ومنور الدنيا كلها

[menalove2031]

ربنا يخليك يا كيرو وبجد انا مستحقش كل الكلام ده وربنا يبارك على محبة قلبك