+بسم الاب والابن والروح القدس+
مجروح من حاجه معينه وملقتش الحب الى انتى مستنيه ؟......
بتدور كتير ليه وتطلب حب من لا يستحق وسايب الى حبك وانت متستحقش حبه
مش مجرد كلام بيتقال انت عارف ان هو بيحبك وانت لازم تعترف انك منفضله..................تنكر ؟!!
ولما انت تعمل كده فى واحد حبك الحب ده كله وانت اصلا متستحقش حبه يبقى انت كمان مش بتبحه ...صح ولا لأ ؟!!
يعنى عمال تدور فى حب ناس ميستحقوش........ وسايب واحد حبك وانت متستهلش حبه وكمان مش بتحبه
تفتكر واحد حبك وكمان فداك بدمه اقل حاجه تقدمهاله انك تعمل ايه ؟
مش تبدله نفس الحب ده ؟ وابقى قبلنى لو عرفت تحبه بجزء صغير من حبه ليك
جيه الوقت الى اهمس فيه فى ودنك واقولك يللى تعالى غير حياتك واعدل موازينها........
طيب لو خلاص قررت تغير حياتك
هتغيرها ازاي ؟
كلمه الله الموجوده فى الكتاب المقدس لها القوه ع تغيير الحياه.
فهى :
1- تجدد الخأطئ وتغيره
2- تخليك قادر انك تحارب الخطيه – سلاح قوي .
3- تكشف لنا عن اخطائنا - ترقيه النفس للاحسن .
4- هى الغذاء الروحى الذي يغذي نمونا الروحى - حب المسيح .
5- تعمل فينا لتقربنا من صوره المسيح -تحببنا فى المسيح اكتر.
، وذلك اذا اطعنا التعاليم الموجوده فيه .
__________________________________
انا بصرحه كنت سايب الكتاب المقدس لفتره ومش بقري فيه
بس حبيت ارجع اقري تانى بس اقري مع دراسه
وقولت استغل اجازه نص السنه فى انى ابدا فى حاجه وادرسها
وقولت كمان ليه لا لو نبدا مع بعض وكلنا نستفيد ونشجع بعض
فأخترت
رساله بولس الرسول الى اهلا تسالونيكى الاولى
عشان صغيره كده وجميله
ومعظمها بيتكلم عن الخدمه والضيق والفرح فى المسيح
كل يوم هناخد حوالى 5 ايات بس ندرسهم ونتناقش فيهم ولو فى حد عنده أي اسأله نتناقش فيها
وانشالله نخلصهم فى اسبوعين بس مش اكتر
المفروض اننا نتابع كل يوم الموضوع هنا عشان كل يوم هاضيف تفسير خمس ايات من الرساله
بس معلش يا جماعه بلاش أي ردود غير فى مناقشه الموضوع وايات اليوم
يعنى بلاش تهريج وبلاش كلام شكر بعد اذنكم
وياريت المشرفين يحزفوا أي رد فيه تهريج او أي كلام شكر
وبخصوص الاقتراحات انا بروفيلى مفتوح للزوار
وياريت لو فى ملاحظه تسبهالى هناك بعيد عن الموضوع
عشان الموضوع يكون متركز فى الدراسه بس
*طبعا انا زي اغلبكوا اول مره ادرس رسايل
وطبعا مستحيل اجيب كلام من دماغى
فالتفسير بالنص من كتاب
ابونا انطونيوس فكري
وفى معلومات زياده فى المقدمه من بعض المواقع الارثوذكسيه الموثوق منها
انا دوري بس انى هنظم الجرعات وازود توضيحات بسيطه بلون مختلف عشان تبان
لتنزيل كتاب
تفسير رساله تسالونيكى الاولى لابونا انطونيوس فكري
http://www.4shared.com/file/82152731/e5506967/1Thessalonians.html
التفسير كتاب للقراءه ع النت للذهاب اضغط ع الرابط التالى
هبدأ من بكره احط هنا المقدمه
وبعد كده تتوالى الجرعات الدراسيه
مش هحطها فى موضوع جديد لا هحطها كرد هنا
وافكركوا تانى بلاش نملى الموضوع هنا بحاجه مش هتفدنا فى الدراسه
حتى لو مجرد كلمه شكر عشان بامانه هطلب حزفها ومحدش يزعل
انا عملت الموضوع النهارده عشان بس اعرفكوا بالوضع ونبدأ من بكره ع طول بالمقدمه
، ياريت نصلى ونطلب من الروح القدس ان يخلينا قادرين اننا نحس الكلام المكتوب ونستفاد فيده حقيقه من الدراسه دي
نعمه ربنا يسوع المسيح تكون معانا ومتنسوش تصلولى
مشاهدة صفحة طباعة الموضوع
أرسل هذا الموضوع إلى صديق
المواضيع المتشابهه
العرض الشجري