دول علي رأي تيتو شوية اسئله ضغنين
اى حاجه من تيتو تبقى حلوه
ما هو تعرفك للمجنون؟؟
عاقل فى نظر نفسه
العاقل؟؟
بيتحمل المسئوليه و مبيعملش تصرفات مالهاش لازمه
المتكبر؟؟
غلس و مبحبش التعامل معاه
المتواضع؟؟
عسل و بعشق التعامل معاه
ايه رايك فى نفسك ؟ شايف ايه اهميتك فى الدنيا ؟
الحمدلله, اهميتى لسه موش عارفها
و هل انت راضى عن نفسك ؟
نص نص
و امتى حسيت انك ملكش لزمه فى الدنيا دى ؟
لما دبلرت
و امتى حسيت بالغرور اوى حتى لو من جواك ؟
هههههههه لما بلعب كوره حلو
وما هي المجالات التي تتمنى ان تأخذها منهاجا في حياتك ؟؟
خدمه ربنا تبقى اولويات فى حياتى موش وقت فراغ بس
ماذا تعني لك
الصداقة:
احيانا بحتجلها
الوحدة:
على طول بحتجلها
الحزن:
فأن الحزن الذى يوافق مشيئه الله ينتج توبه تؤدى الى الخلاص و ليس عليه ندم , و اما حزن العالم فينتج موتا,
انا بعشق الايه ديه
الحب:
مسئوليه
الشجاعة:
قلب جامد
التهور:
قلب ميت
الغباء:
قلب قاسى
انفصام الشخصية:
احساس جميل
الغرور:
مالوش لازمه
الشهرة:
موش شرط تبقى مصدر السعاده
التميز:
نعمه من عند ربنا
القوة:
لازم تكون فى الخير
الجهل:
ابشع حاجه بيتكلم عنها سفر الامثال
السرعة:
بتخلى الواحد يندم
اللامبالاة:
بتخلى الواحد مكروه
الهدوء:
اجمل صفه
النوم:
مبجيليش خالص اليويمن دول
الشر:
اخره موت
الخير:
اخره ملكوت
مساعدة الآخرين:
اسمى احساس
ما رأيك بالذي يضحي بنفسه من أجل الآخرين و هو على علم بأنهم لن يقدرو جهده في حال فشله
طيب انسان طيب و حساس اوووى
ما رأيك بالذي يقول أكثر مما يفعل
هيجى يوم و يندم على كلامه اوى
ما رأيك بهذا الكلام
إذا كان السكوت من ذهب فالكلام من الماس
دا الكلام دهب صينى مضروب و السكوت هو اللى ماس
التكرار يطفش الشطار
ههههههههههههه ممكن برضه
قم للمعلم و اشرب الكوكولا كاد المعلم أن يكون دراكولا
بكرهه المعلم اووى
أسئلة التفضيل
الحيوان المفضل:
فار ابيض
الأكلة المفضلة:
بانيه
اليوم المفضل:
الخميس
الوقت المفضل:
العصر والفجر
اللون المفضل:
رمادى
الأسئلة الأدبية
الكتاب إلي عجبك أكثر شيء
توم سوير
هل قرأت قصص لأغاثا كريستي و ما هي القصة التي أعجبتك من قصصها
لا
هل تحب الشعر
موش اوى
هل تحب الخواطر
شويه
هل تحب تأليف القصص و الروايات
بحب اقراها
ما هو نوع القصص الذي تفضله(تاريخ،أكشن،كوميدي الخ)
مغامرات
كم صفحة تقرأ في اليوم(جميع الكتب)
فى الدراسه متعدش
كم ساعة تخصص للقراءة
فى الدراسه متعدش
هل تحفظ العديد من الحكم و الأمثال
من الانجيل
ما هي الحكمة أو المقولة أو المثل الذي تفضله
تنفع ايه : فكرهت الحياه لانه ردى عندى العمل الذى عمل تحت الشمس لان الكل باطل و قبض الريح
ما رأيك بهذه الحكم
إذا كان الكلام من فضة فالسكوت من ذهب
ايون كلام جميل
في التأني السلامة و في العجلة الندامة
زى الفل
لا تجــــــــــــــــعل مشاعــــــــــــــرك أرضا يـــــــــــــــــــداس عليها
بــل أجعــــــــــــلها سماء يصعـــــــــــــــب الوصـــول إليها
دا توقيع كيرو رأفت
من يضحك أخيرا يضحك كثيرا
مووووش شرط
الدفاع أحب طرق الهجوم
لا لا
الوقت كالسيف إذا لم تقطعه قطعك
اكيييييييد
ما طار طير و ارتفع إلا مثلما طار وقع
لا
أن لا تعيش خير لك من أن تعيش و كأنك لا تعيش
موش بالضروره
أسئلة الأكل
الأكلة المفضلة:
بانيه
الشراب المفضل:
قهوه
كم مرة تاكل في اليوم
1 او 2
أيهما تفضل الفواكه أم الخضروات
الخضروات
ايه رايك بالطعام الياباني و الصيني
عمرى ما جربته , بس نفسى اجربه واكل بالعصايتين دول
هل تاكل باليد أو بالملعقة و السكين و الشوكة
ههههههههههههههه كل اكله و حسب يعنى اكيد الشوربه بالمعلقه و البوفتيك بالسكينه و البطاطس بالشوكه والمانجه بايدى
أسئلة الالوان
لون باب غرفتك:
ابيض
لون جدار غرفتك:
لووووون غريب موش بحبه و نفسى اغيره
هل تفضل السماء عندما يكون لونها ازرق أم احمر أم اسود:
ااااااااحمر
هل تحب قوس قزح؟ شنو الالوان إلي يتكون منها(ههههههه)
شنو ايه هو انت من فلسطين ولا ايه
ايه لون فرشاة أسنانك
لبنى شفاف
أسئلة المدرسة
المواد المفضلة
رياضه
هل تكره المدرسة
اه
موقف خاص حصل لك في المدرسة
كنت عاوز اسوق الاتوبيس بتاع مدرستنا بس ربنا موفقنيش ههههههههه
كم مرة هربت من المدرسة
ولا مره و انا اروح ليه اصلا انا اخر تلات سنين فى المدرسه مروحتهاش اصلا
هل تغيب بكثرة عن المدرسة
يووووووووووه قول روحت كام مره
ايه رايك بهذي المواد
الفيزياء:
كانت عاملالى عقده
الكيمياء:
بأمانه كنت شاطر فيها و كنت بذاكرها
الاحياء:
مدرستهاش بس اسمع انها صعبه موت
الرياضيات:
بمووووت فيها
العربي:
بلاش نتكلم فى الموضوع دا
الدين:
هههههههههه ليه الاحراج دا , كنت بسمع الموبيل فى حصصه
الجغرافيا:
ييييييييييييييييييييييييي يع
التاريخ:
يييييييييييييع يييييييييييييييييييع
الجيولوجيا:
ولا اعرفها
الانجليزي:
حبييييييييييييب قلبى بحبه اووووووى
أسئلة الألعاب
اللعبة المفضلة في المنتدى
يووووووووه كتير
أسئلة رياضية
هل تحب الرياضة
جدااااااااا
هل توقف إلى جانب منتخب بلادك في مبارياته
اساسى
النادي المفضل
موش عارف اقرا السؤال دا
اللاعب المفضل
فورلان
ايه رايك بمادة الرياضة
مفيش حاجه اسمها ماده الرياضه
ايه النشاطات الرياضية إلي تقوم بها
كوره و جيم و سويدى
مواقف
أذكر لي موقف مضحك حصل لك
تانى , سلمت على ابو واحد صاحبى بدل صاحبى اللى كنت فاكره هو
موقف محرج حصل لك
ركبت تاكس و قولتله يوصلنى المكان اللى انا راكب منه اصلا
ههههههههههههههههه
موقف محزن حصل لك
واحده غاليه عندى راحت السما
موقف سعيد حصل لك
لما شوفت عيلتى من امريكا
موقف الحظ وقف فيه إلى جانبك
لالالالالالا مفيش حاجه اسمها حظ كله اراده الله
الأعضاء
من العضو إلي نفسك تتضرببه دلوقتى
ميكى
العضو المقرب بالنسبة لك
كتييييير و فيهم اللى مشى
أعضاء مفضلين
نهى و قصصها الجامده , اشرف وليم و تأملاته التحفه
كيرو و شريف وترانيمهم , طبعا فى ناس تانيه بتتعب خالص
من العضو إلي دايما يحاول يرفع ضغطك
مواضيع ميكى المستفزه
بس يرجع و يستفزنى عادى موش مشكله
من العضو إلي تعطيه لقب المغرور
محدش
من العضو إلي تعطيه لقب خفيف الدم
ميكى
من العضو إلي تعطيه لقب الغامض
مووش عارف
من العضو إلي تعطيه لقب المشهور
هيما
من العضو إلي تعطيه لقب الشرير
محدش برضه
من العضو إلي تعطيه لقب الطيب
ميرا
من العضو إلي تعطيه لقب المسلي
تيتو
من أول عضو عرفته في المنتدى
فادى الماجيك
من العضو إلي تبقى تعرف عنه أكثر
اسامه سمسم
من إلي عرفك بالمنتدى
بنت خالتى
أسئلة الهوايات
ايه هواياتك
الكوره و الموسيقى
ايه أغرب هواية شفتها
اللى بياكلوا الازاز و حاجات غريبه كدا
أسئلة الأفلام
من هو الممثل المفضل بالنسبة لك
نيكولاس ايدج
من الممثلة المفضلة بالنسبة لك
ساندرا بولك
البلدة إلي تحبها
امريكا
البلدة إلي تكرهها
الجزاير
كم مرة تعرضة للخيانة
ولا مره
إذا تعرضت للخيانة ايه شعورك لحظتها
هبعد عن اللى هيخونى فى سكوت
هل تؤمن بوجود صداقة حقيقية
اه خالص , بس احنا منعقدهاش و هنلاقى ناس جميله ربنا هيديهنا فى سكتنا
و دلوقت الاسئلة المرقمة الخفيفة
1 - ايه مضايقك دلوقتى حالا
انى بغير لون الاجابه بتاعتى كل شويه
2 نفسك فى ايه تحققيه من غيرر ما تقول حاجات كتير لازم تكتبهم
اسافر
3 - كم مره حسيت انك غلط فى حد ومش حاسس ان ده غلط
3 مرات
4 - مين اقرب شخص ليك فى المنتدى (من غير ذكر كلمه كل المنتدى )
اسامه سمسم
5 - مين اقرب شخص ليك خارج المنتتدى ( من غير ذكر كلمه كل الناس )
محدش
6 - ايه اكتر عيب فيك
عصبيتى و ضغطى اللى بيعلى دايما
7 - ايه اكتر ميزه فيك
موش عارف بس اكتر حاجه بشكر ربنا عليها ان سيرتى موش وحشه على لسان الناس
8 - ايه اكتر حاجه بتتفائل بيها
لما بروح الكنيسه قبل الحاجه الخايف منها
9 - ايه اكتر حاجه بتتشائم بيها
بعدى عن ربنا بيرعبنى
10 - ايه اللى يخليك تعيط
لما حد بحبه يفارقنى
11 - ايه اللى بيفرحك
راحه البال
12 - حالك دلوقتى عامل ازااى ( قلقان - فرحان - مستني خبر حلو وقلقان - مستغرب من شئ - مش عارف تعمل ايه من الفرحه - مش عارف تعمل ايه من الحزن ) أختار واحده بس
قلقان على النتيجه
13 - كام مره حسيت بانك متقدرش تعيش من غير حد
مرتين
14 - ايه الالوان المفضله
الرمادى و الاسود و الابيض
15 - ايه المواد المفضله فى الدراسه
الرياضه
16 - ايه اكترر حاجه قلقاك
النتيجه
17 - ايه اكتر حاجه مفرحاك
لسه لما تظهر النتيجه
18 - ايه هدفك فى الحياه
اسافر
19 - كام مره حبيت
مره
20 - ايه رايك فى مقوله الحب صح صح والهجر كوخ كوخ ههههههههههههه
انت هتهزر و احنا قلقانين كدا
21 - مارايك فى المسامحه هل بتشوفها ضعف ولا قوه ولا كبرياء ولا مش موجوده ولا ايه بالظبط عاوز وجهه نظر حضرتك
المسامحه ديه بتكون علشان حب و تنفيذ وصايا ربنا و ممكن تكون قوه روحيه موش ضعف
22 - ليه احنا عايشيين
علشان الله عاوز كدا
23 - ممكن تكره حد
اكيد مفيش انسان بيحب كل الناس
24 - ايه مواصفات القوه فى وجه نظرك
الحق والعدل والشجاعه
25 - ايه مواصفات الضعف فى وجهه نظرك
الطرق الملتويه و النقص
26 - ايه اكتر شئ مزهقك
انتظار النتيجه
27- ايه اكتر شئ بيعجبك فى اكتر حد بتحبه
طيبته
28 - ايه اكتر عيب فى شخص بتحبه ونفسك تقتله بسببه
يعنى هو موش صريح شويه
29 - ايه اكتر ميزه فى المنتدى
المحبه طبعا
30 - ايه اكتر حاجه حاسس انها بتهدد االمنتدى
غياب الناس و بعدها عنه
31 - ايه اكتر قسم بتحبه فى المنتدى
القصص والتأملات و الترانيم
32 - ايه اكتر موضوع شدك فى المنتدى
الضيق عنايه من الله
اشرف وليم
33 - ايه اكتر موضوع حسيته انه لازم يتحذف
موش هينفع اقول
34 - لو شفت حد ماشى فى الشارع بيقوول يا جماعه انا المسيح هتقولى ايه هههههههههه
ولا حاجه موش هصدقه و اللى ممكن يسمع نصيحتى هقوله ابعد عنه
35 - هل حد يقدر يقنعك بسهوله و مين ده اللى يقدر يكسر حاجز العناد الشخصي اللى جواك زى ما فى اى حد بس بيبقى بنسبه وتناسب من شخص لاخر
لا لا لاانا اى واحد يقدر يقنعنى بسهوله لانى موش عنيد
36 - هل انت عنيد
لا خالص
37 - ايه رايك فى الاستايل الجديد للمنتدى
استايل : امممممممم روش اوى
38 - تتمنى ايه للمنتدى
اتمنى ان يتشهر اووووووووى يبقى اشهر منتدى مسيحى فى العالم
39 - ايه اكتر حاجه بتطلبها من ربنا
يغير قلبى الشرير دا
40 - ايه رايك فى الاسئله دى ( زكيه - متلاعبه - ملهاش لازمه - لف ودوران هههه - متنوعه - ملهاش لازمه )
متنوعه
خلصوا موووووووش مصدق نفسى
رد: كرسى الاعتراف
المواضيع المتشابهه
العرض العادي
