[عماد حسنى]

تعالى يا حبيبى

تعالى يا حبيبى مالك تعبان .. تعالى يا أبنى عندى السلام
وعدى ليك طول الزمان .. انا معاك كل الأيام

تعالى ياللى شاكك فيا .. تعالى كفايه بعاد وآسيه
تعالى وجرب وعودى الغاليه .. هتعرف انك غالى عليا

ازاى نسيت يابنى كلامى .. نسيت ازاى ليك احسانى
مش ممكن ابداً اسيبك بتعانى .. دانا بوهبلك كل حنانى

تعالى من اللى بيحربوك .. وأترمى بضعفك فى حضن ابوك
سلملى أمرك من غير قيود .. واطمن لا يمكن يغلبوك

خلى يابنى رجاءك فيا .. وبلاش تحزن م الدنيا الفانيه
كل حاجاتك وزياده شويه .. ممكن اديلك يابنى فثانيه

بس سبنى أدبر أمرك .. فى وقتى الصالح هتلاقى طلبك
واوعى تخاف انا دايما جنبك .. واطمن قلبى كتير بيحبك

تعالى من كتر همومك ديه .. تعالى احزنك بتأثر فيا
هاشيل عنك كل اتعابك .. دانت ابنى ولا تهون عليا

تعالى وأفتكر كلامى ليك .. سلامى وحبى انا هاعطيك
بمد إيديا مد إيديك .. تعالى بسرعه انا مستنيك

المصدر: †† ارثوذكس †† - من قسم: القسم الادبي

[miso]

انا مبسوطة بالموضوع ده بشكل
مش عايزة اقولك مريحنى اد ايه
ههههههههههههههههه كان ربنا خلاك تنزله علشان يقولى انا حاجة

[عماد حسنى]

المشاركة الأصلية كتبت بواسطة miso انا مبسوطة بالموضوع ده بشكل مش عايزة اقولك مريحنى اد ايه ههههههههههههههههه كان ربنا خلاك تنزله علشان يقولى انا حاجة

شكرا جدا جدا يا ميسو على مشاركتك الحلوه دى
والحمد لله ان الموضوع عجبك كده
ربنا يفرح قلبك دايما ويكون معاكى
شكرا جدا لحضورك الجميل

[كيرو رافت]

ازاى نسيت يابنى كلامى .. نسيت ازاى ليك احسانى
مش ممكن ابداً اسيبك بتعانى .. دانا بوهبلك كل حنانى

الله يا عمده يا ملك الحب والسلاااااااااااام
الله عليك وعلى احلى كلااااااااااااااااااااااا ااااااام
يا ابنى انت بجد خلاص خلصت فيك كل الكلام
بحس معاك انك بتنقلنى من عالم الاوهام
الى عالم سعيد ملئ بالاحلام

[شمعة]

بس سبنى أدبر أمرك .. فى وقتى الصالح هتلاقى طلبك
واوعى تخاف انا دايما جنبك .. واطمن قلبى كتير بيحبك

اللة يا عماد موضوع مطمئن ومعزى اوى
ربنا يباركك يا شاعرنا وبكلامك توصل رسالة لينا
ومنتظرين المزيد من لابداع

[بنت الراعي]

طب ارد اقول ايه طيب
بجد مش عارفه
ايه الجمال ده والكلمات المعزيه اللي فعلا بتعبر
عن حالنا فعلا ربنا يبنادي علينا مهما ايدينا سابت ايديه
ومهما ابتعدنا عنه بيردنا تاني اليه ومهما تهنا في عالم باطل
يفضل هو مستني رجوعنا بلهفه ويدور علينا وفعلا دموعنا واحزانا بتتعبه
الله عليك يارب مااعجب حبك يا الهي الحبيب
ميرسي يا عماد علي الكلمات اللي اقل مايقال عنها انها رائعه بل اكثر من رائعه
ربنا يعوضك ويفرح قلبك ويباركك

[كلوديا]

اللة حلوووو اوى ياعماد
بجد روعة انا دخلت اراد علية
بجد حكاية ربنا يباركك

[الناى الحزين]

تعالى من كتر همومك ديه .. تعالى احزنك بتأثر فيا
هاشيل عنك كل اتعابك .. دانت ابنى ولا تهون عليا



تعالى وأفتكر كلامى ليك .. سلامى وحبى انا هاعطيك
بمد إيديا مد إيديك .. تعالى بسرعه انا مستنيك


كالعاده تألق غير عادى
كل قصيده بتنزلها بتبقى احلى من التانيه
بجد مش عارف اختارلك قصيده واقول فيها دى احلى قصيده لعماد
لانهم كلهم فيهم ابداع واحساس مش عادى

بجد يا عمدا ربنا يفرح قلبك ويعزيك
زى ما مواضيعك بتفرحنا وتعزينا

[nermos1982]

بس سبنى أدبر أمرك .. فى وقتى الصالح هتلاقى طلبك
واوعى تخاف انا دايما جنبك .. واطمن قلبى كتير بيحبك



تعالى من كتر همومك ديه .. تعالى احزنك بتأثر فيا
هاشيل عنك كل اتعابك .. دانت ابنى ولا تهون عليا

كلماتك جميلة اوى ياعماد.ياريت بجد نسيب حياتنا فى ايد ربنا يدبرها هو حسب مشيئته
ربنا يفرح قلبك يارب ويكون معاك

[حنين سنين]

بس سبنى أدبر أمرك .. فى وقتى الصالح هتلاقى طلبك
واوعى تخاف انا دايما جنبك .. واطمن قلبى كتير بيحبك



تعالى من كتر همومك ديه .. تعالى احزنك بتأثر فيا
هاشيل عنك كل اتعابك .. دانت ابنى ولا تهون عليا

مش لاقيه رد على موضوعك طب اعمل ايه ؟؟
بجد مش لاقيه اى كلام ممكن يتكتب
لكن كل اللى اقدر اقوله ربنا يتمجد ويعطيك نعمه وبركه
ويخليك دايما مبسوط وفرحان ميرسى على الموضوع يا عماد