[جانو]

أرفض إنى اكون ورقة فى كتاب حياتك
أرفض إنى اكون جزء من ذكرياتك
أسفة متجيبش عليا الملام
ما أنا طالت بيا الأيام
وانا كل يوم فى آلام
وعايشة حياتى فى ظلام
وكل يوم بستناك ترجع ليا
أو حتى تفكر تسأل عليا
بس للأسف لقيتك وهم
وضيعت فيا الحلم
وكل اللى بنيته إنهدم
فى لحظة ما كان بينا وهم
وأنا أرفض أكون جزء من وهمك
أو حتى أكون جزء فى حلمك
وأسفة إنى أقولك ممكن أكون فى يوم حبيتك
أو حتى إنى فى يوم هويتك
وصدقنى هنساك
جيت فى يوم أقولك إدينى حب وحنان
لقيتك بترمينى وسط الأحزان
ما أنا ياما كتير إديت
بس للأسف ما لقيت
غير الحزن والدموع
وخلاص ما عدتش فيها رجوع
سبت جوايا جرح كبير مش قادرة عليه
بس مسير الأيام تشفيه
أنا علشانك نسيت الناس
وأديتك كل إحساس
أنا شيلتك من حياتى خلاص
وودعت معاك الإخلاص
مفيش ما بينا كلام
صدقنى هنساك أوام
وخلاص هقدر أنساك
وأقدر على فرقاك
ويلا سلام ما عادش ينفع كلام
ومن كل قلبى بدعيلك
كل سعادة وفرح ربى يديلك

المصدر: †† ارثوذكس †† - من قسم: القسم الادبي