[3ml3ml]

أولا الفيستا :

هو ويندوز جديد من ميكروسوفت به تعديلات رهيبة لكل من استخدمه ده طبعا بجانب العيوب و هنقولهم بعدين
بس أولا فيستا مش ويندوز واحد لأ ده ليه كذا نسخه و ده الفرق بينهم



و دلوقت متطلبات تشغيل خاصة عشان تقدر تسطبه و تشغله

بالنسبة للنسخ Ultimate, home Premium, Enterprise, and Business

فالمتطلبات كا الآتى
بروسيسور 2.1 و يفضل 2.4 و أى من النوعين 32x أو 64x له نسخه خاصة بيه
رامات 1 جيجا
هارد 40 جيجا على الاقل به مساحة فارغه 15 جيجا لتسطيب الويندوز عليهم
كارت شاشة 128 على الاقل و لكن يفضل 256 ( ملحوظة سيتم طرح فى مارس المقبل فى السوق العالمية كروت شاشة 1 جيجا أو 1024 و تعمل dx10 و شيدر 4 لكى تناسب ويندوز فيستا و ستكون طبعا تمنا فوق السحاب )
و يفضل تركيب dvd rom بدل cd لتحسين التشغيل

دلوقت بقى متطلبات نسخة Home Basic
و هيا طبعا أقل مستوى من الباقى

هيا نفس المتطلبات اللى فوق بس الفرق هو ممكن الهارد يكون 20 جيجا بس بمساحة 15 جيجا فارغ
و الرامات ممكن 512


دلوقت بقى نيجى للأمكانيات
فويندوز فيستا كل من يراه ينبهر جدا و يشعر بالاستقرار معه و ذلك لسبب بسيط و هو الشكل و الثيمات و طريقة التعامل مع الالوان المبهرة
لكن نسبنا من الشكل و نشوف القاع بتاعة

و يندوز فيستا مصمم لكى يريح المستخدم لأقصى درجة ممكنه من حيث السرعة ( التى تأتى على حساب قطع الجهاز المركبة ) و الامان ( اشك فيه لأنه بالطبع ويندوز و الكارثة جاية ورا ) و الشكل ( طبعا فهو عامل زى حلاوة المولد ) و سهولة الاستخدام ( ده طبيعى لأنه نظام تشغيل يتحكم فى المستخدم و لا يمكن للمستخدم التحكم به )

فويندوز فيستا من أشهر تعديلاته و والوضحه جدا و هيا start menu و بها تعديلات جميلة الحقيقة و هيا
1- قائمة بحث و هيا أسهل و أسرع من فتح البحث بتاع explorer العادى
2- بدل ما كنا بنقعد نفتح programs فى قوائم كتير قدامها بتملا الشاشة ففيستا أختصارها فى قايمة واحدة و بها امكانية الاستبدال ( فى نظرى غير عملية لأنها هتزهقك عبال ما تصل للبرنامج المراد )

نيجى للأضافات فى explorer و هيا طبعا شالو الشريط الرخم بتاع help , file و أختصروه بوضع بس سهمين للتقدم و التأخر فى الملفات ده بجانب شريط toolbar بيسهل تصفح الهارد ( بقى ليه استبن فى ويندوز xp للعايزة )

و طبعا مننساش الاعجاز العلمى ( هو و لا اعجاز و لا حاجة ده سرقينه من apple ) و هو sidebar أو الشريط الجانبى الذى به العديد من الاضافات السريعة المبهرة لكل شخص يستخدمه
و طبعا ليه كمان مميزات كتير لم نذكرها و لكنها جميعا تعتمد على الشكل

تأتى الى العيوب :
طبعا كل واحد عجبه أوى اللى فوق و المميزات الرهيبة التى به
نأتى للعيوب و قبل ان أكتبها لازم اذكر العيب الخطير و المؤثر فينا جميعا
و هو Money أو الفلوس لأن طبعا ويندوز بالمواصفات دى هياكل الجهاز فلازم يكون الجهاز يعتمد عليه من كل النواحى و ده طبعا بيتطلب الدفع ( بسرور مش بسرور ده اجبارى )

من أشهر عيوب ويندوز فيستا هيا انه بيستهلك كمية كبيرة من امكانيات الجهاز هو و البرامج التى ستعمل عليه
و الدليل سيعرفونه من يستخدمو norton 2007 فلو شافو كمية الرامات التى يستخدمها و البروسيسور هيولعو فى الجهاز لأنه بيستمد السرعه من استغلال الجهاز فى التشغيل ( انا بتكلم عن اجهزتنا انما بقى لما تشترى هاز محترم بامكانيات عاليه فهيكون الاستهلاك بالنسبالة متوسط )

الامان بصراحة عشان مضحكش عليكو انا أشك فيه لسبب واحد
ان أول ما طهرت النسخة المعتمدة من ميكروسوفت لفيستا و هيا RC1 و مفيش يومين و انتشر على النت فيروس لهذه النسخة و هذا يدل على انهم وجدو ثغرات به
تكلمت ميكروسوفت بهذا الشأن و قالت انه مغلق الثغرات بشكل كامل و لكنى صعقت عندما قرأت باقى الكلام بأنها فى ابريل القادم ستنزل تحديث أمان لفيستا و ده ما أثار شكوكى انها عايزة تزل المستخدم ليشترى النسخة الاصلية باللتى هيا أحسن

و من العيوب التى لا يعرفها أحد و هيا مش لفيستا الحقيقة و لكن لمستخدمى xp و 2000 و هيا الالعاب
فقد قلت سابقا ان فى كارت شاشة هينزل قريب بامكانيات عاليه و هو ما ستعدمد عليه باقى الالعاب القادمه لأنه بيدعم dx10 الموجود مع فيستا ( سيتم تسطيبه تلقائى عند شرائ الكارت الجديد ) و كمان شيدر 4 الذى يساعد الالعاب على التشغيل أسرع
و بما ان الكروت بتاعتنا لا تدعم النسخدين الحديثتين دول فكل واحد مغرم ألعاب لأما يبطل لأما يصرف لأما ينتحر و يريح نفسه

ـــــــــــــــــــــــــ ـــــــــــــــــــــــــ ـــــــــــــــــــــ

بالنسبة للينكس فأنا مش هتكلم عنه لأنى كتبت موضوع شامل جدا ليه و تقدر تشوفه براحتك

----------------

الكلمتين دول رأيى الشخصى
اللى شغله على الكمبيوتر مجرد ألعاب و أفلام و أغانى يستخدم الفيستا أو الويندوز عموما

أما اللى شغله جد على الجهاز من برمجة و جرافيك و يريد أن يشعر انه المتحكم الوحيد فى الجهاز فاليستخدم اللينكس


رجاء محبة محدش ينقله لأنه مجهودى الخاص الا باذن منى

المصدر: †† ارثوذكس †† - من قسم: منتدى الويندوز

[Team Work®]

شرح جميل بجد ومعلومات فوق فوق فوق الرائعة

شكرا ليك وربنا يبارك حياتك

شكرا

[st_tomas]

شغل جميييييييييييل جدا يا مايكل
ربنا يبارك حياتك

[Cheeeva]

perfect ya maaaaaaaaaaaaan

[HEAVENXP]

شكرا علي تعب محبتك وياريت تتابع معان بمعلوماتك لأن كتير منا محتاجة وربنا يباكك

[armia1987]

شكرا على الشرح