[miso]

المشاركة الأصلية كتبت بواسطة فضفضلي محتاجه جدا اتكلم وحتى لو مفيش حد يرد بس محتاجه من اخواتى انها تسمعنى انا بنت عمرى 22 سنه مش عارفه ليه حاسه انى مظلومه حاجات كتير اوى بتحسسنى بكده بتحسسسنى انى فعلا مينفعش احللم حلم كده كبير انا مبرمجه نفسى على كده متحلميش حلم كبير عليكى مادام مش هاتقدرى تكمليه بدايه حياتى من اخر سنه فى الكليه بددات اشتغل وانا بدرس كان عندى ماده واحده بس لكن فضلت انى ابدا شغل بدرى المهم الموضوع عجبنى واثبت نفسى جدا وبقيت عارفه اهدافى وكل حاجه وفى وسط شغلى احس باحاسيس انهم عاوزيين يمشونى وهما لما يحبوا يمشوا حد بيعرفوا يمشوه اوى بطريقه او باخرى جيت لوالدتى وبلغتها قولتلها بالحرف ماما انا مش هاقدر اكمل ردها ببساطه لا عشان باباكى مش هايوافق انك تقعدى فى البيت مع العلم احنا حالتنا الماديه متيسره جدا المهم اللى كان فى بالى حصل وفعلا حاولوا يمشونى بطريقه فعلا تجرح اى بنت وبالزات لو بنت حاسه انها محترمه او بمعنى ادق فعلا محترمه تتخيلوا معى طريقه المشى ازاى تخيلوا يدبرلى قضيه سرقه انا معرفش عنها حاجه ويصروا انى امضى على استقاله غير مسببه وقتها كان تقريبا عندى 20 سنه او 19 وبعدها لما اصر اصحابى يدخلوا للمدير يفهموه انى مش انسانه تستاهل كده تخيلوا يرد ويقول انا معنديش بنات تتلمس عشان تعلى تخيلوا ده تاثيره ايه عليا ولم اخد اى مرتب او اى مستحقات ماديه وسبت الشغل وفعلا رجعت البيت وانا مستاءه جدا من ماما لدرجه انها فعلا خافت تقرب منى لانى مكنتش وقتها بعد ماسبت الشغل بكلم حد من كتر الخوف والرعب اللى حصلى وبعدها ربنا يكرمنى بشغل افضل بكتير اوى ومرتب اضعاف واوافق مع انى مكنتش عايشه فى بيت فى بلدى فى بلد تانى والمسافه مابين شغلى الجديد والبيت الذى اقيم فيه اكثر من ساعتين رايح وساعتين جاى بجد كنت ساعات بطلع من بيتنا 6 الصبح بدخل البيت 12 بليل شغل اه مش صعب بس مرهق جدا وفعلا ابتديت اشتغل من ضغط والدى عليا لان بين الشغل الاول والتانى قعدت فى البيت مده 4 شهور وكنت تعبانه اوى جسديا فى شغلى الجديد بس نفسيا مرتاحه قولت ربنا هايكرمك وانتى مخدتيش حقك وربنا هايعوضك وفعلا حسيت ان ربنا عوضنى اوى ويحصل شى غريب جدا كان يجبرنى على سيبان الشغل وهوه شى خارج عن ارادتى اللى كنت عايشه معاهم فى الشغل الجديد حصلت ظروف وسابوا الشقه وفعلا والدى ووالدتى قدروا للمره الاولى انى لابد من ان انى اسيب شغلى وفعلا سيبته ولغايه اللحظه ديه بقالى تقريبا5 شهور واكثر وانا فى البيت فعلا بسال نفسى ليه كل البنات مش كده رديت وقولت صليب ولازم هاستحمله بس عارفيين بجد اكتر حاجه وجعتنى اوى فى الموضوع فى المره الاولى بابا بعد ماهديت بيكلمنى بيقولى حصل ايه بقوله قالوا عليا سرقت فمشيت تخيلوا رده يكون ايه وماله لما قالولك كده يعنى الكلمه هاتلزق كنتى كملتى دلوقتى صدقونى انا بقيت خلاص مش بقدر اطلب اى حاجه ولا لبس ولا فلوس يعنى قاعده فىا لبيت مش مخساراهم اى حاجه وبرده مش سالمه من كلام والدى تخيلوا مره بقوله بابا عاوزه فلوس قالى لغايه امتى هافضل اديكى تخيلوا جابلى شغل بقوله بعيد مش هاقدر انا مش بقدر اركب اتوبيسات كتير بجد ياجماعه بتعب يرد ويقولى انتى عاوزه شغل تحت العماره بجد موجعنيش ابويا بس اللى دمرنى ان امى احلى انسانه فى حياتى بعشقها بجد ياجماعه بعشقها تبقى موجوده وسامعه كلامه ومتردش بجد اتوجعت اوى اصلها امى طيب يعنى مين يحس بيا قدها مع العلم بجد انا حاسه ربنا فى حياتى تخيلوا وصل بيا الامر انى ادور على فلوس فى مكان انا كنت متعوده ساعات بحط فيه الاقى اكتر من 900 جنيه فى مكان انا كنت بدور فيه على 10 جنيه لدرجه خلتنى بكيت حسيت ان ربنا حنين اوى عليا واكتر حد بيحس بيا بجد قبل مااقول الاه بيحسها صدقونى بجد بكيت كتير اوى لما حسيت باهتمام ربنا واخيرا انا اسفه انى طولت عليكم بس كنت حابه افضفض واوريكم نعمه ربنا الكبيره اوى لينا وادعولى باه بشغل مستقر اسفه صدعتكم

اول حاجة مفيش صداع ولا حاجة ويارب بعد ما خرجتى كل الكلام اللى محبوس ده تكونى ارتاحتى شوية
بس عارفة انتى انساسنة جميلة جدااااا عارفة ليه لانك متحملة صليبك بشكر وربنا واضح فكل كلمة بتقوليها ان بعد كل جرح بيدوايكى
متزعليش من والدتك امهات كتير بتسكت بس صدقينى من جواها هتلاقيها بتتقطع
اصبرى ربنا هيكرمك بشغل مريح وناس تحترمك وتقدرك ربنا هيعوضك على تحمل صليبك ده
بس انتى دورى فالمواقع بتاعة التوظيق وفالاعنات الوظايف وفمكاتب التوظيف اللى فالكنايس هتلاقى حتى لو شغلانة بمرتب قليل بس على الاقل هتخفى الضغط اللى والدك عملة عليكى
انتى بجد انسانة جميلة وربنا يارب يعوضك بشغل جمييييييل وحلو
هتدخلى كمان كام يوم وتقوللنا انا لقيت شغل ربنا بعتلى شغل
بس صلى بقى وصللنا معاكى.

[MICKEY]

حد عنده مشاكل تاني ؟؟

[فضفضلي]

انا حد مخنوق جدااااااااااا مكنتش عايز اتكلم فمنتدى من المنتديات عن الحاجات اللى بتضايقنى بكتم جوايا اللى بيضايقنى بعد ما حسيت ان العتاب دلوقتى مبيجبش فايدة ولو جاب بيبقى اسهل حاجة ان اللى عاتبته يبعد
انا حاسس انى لوحدى رغم ان فى حواليا ناس كتير بس مش عارف حاسس برضو ان لوحدى بحس باى حد متضايق وبفضل ورا لغاية لما يتكلم بس انا لما بتعب بسكت وبتلكم مع نفسى وحتى لو حد حس بتبعبى بهرب باى حاجة علشان متكلمش
ولو اشتكيت بحس ان اللى قدامى تعب بسببى او ممكن الاقى استهتار ولو قولت بس بقى انا قرفان سبونى فحالى
الاقى الرد انت هتقرفنا معاك
بجد انا مخنوق اووووووووووووووووووى لما ببكى ببكى لوحدى وكتير بقول ااااااااااااه بس من جوايا
انا مش عارف اقول ايه جوايا حاجات كتير خنقانى
تتخيلو وانا بكتب دلوقتى مخنوق انى بفضفض
ما علينا اهو شوية كلام وخلاص ومش عايز اللى يرد ينصح ويرشد لان بكره النصايح
ممكن تقرو وتمشو لانى مش مستنى رد انا كنت عايز اتكلم وخلاص

[miso]

المشاركة الأصلية كتبت بواسطة فضفضلي انا حد مخنوق جدااااااااااا مكنتش عايز اتكلم فمنتدى من المنتديات عن الحاجات اللى بتضايقنى بكتم جوايا اللى بيضايقنى بعد ما حسيت ان العتاب دلوقتى مبيجبش فايدة ولو جاب بيبقى اسهل حاجة ان اللى عاتبته يبعد انا حاسس انى لوحدى رغم ان فى حواليا ناس كتير بس مش عارف حاسس برضو ان لوحدى بحس باى حد متضايق وبفضل ورا لغاية لما يتكلم بس انا لما بتعب بسكت وبتلكم مع نفسى وحتى لو حد حس بتبعبى بهرب باى حاجة علشان متكلمش ولو اشتكيت بحس ان اللى قدامى تعب بسببى او ممكن الاقى استهتار ولو قولت بس بقى انا قرفان سبونى فحالى الاقى الرد انت هتقرفنا معاك بجد انا مخنوق اووووووووووووووووووى لما ببكى ببكى لوحدى وكتير بقول ااااااااااااه بس من جوايا انا مش عارف اقول ايه جوايا حاجات كتير خنقانى تتخيلو وانا بكتب دلوقتى مخنوق انى بفضفض ما علينا اهو شوية كلام وخلاص ومش عايز اللى يرد ينصح ويرشد لان بكره النصايح ممكن تقرو وتمشو لانى مش مستنى رد انا كنت عايز اتكلم وخلاص

انت مشكلتك انك مش حاسس بحب الناس اللى حواليك لو حاسس بحب حد بجد هتقدر تتكلم لو فضلت تكتكم كتير هتيجى وقت ومش هتقدر تكتم اللى جواك لانك انت بتسكن مش بتداوى التعب
وكمان فى عتاب اسمه عتاب محبة يعنى اللى بيحب حد بيعاتبه مش شرط يكون عتاب جارح
طول ما انت حاسس انك لوحدك طول ما انت هتفضل حزين كدة
انا منصحتش اهو ههههههههههه لحسن تدخل تزعق
يالا صلى لربنا احلى حاجة الدنيا هو هيشيل كل التعب ده

[فضفضلي]

اولا اسف على كل الكلام اللى هاقولة بس هو خارج من القلب
ثانيا لا اضمر لاحد من كل الاعضاء فى المنتدى اى كراهية او ضغينة
ولكن لى عتاب فى عدة امور لو تم علاجها او الاقلال منها تدريجيا وهذا
سوف يكون المنتدى فى تقدم مستمر وسوف يكون من احسن المنتديات
مش عارف ابدأ منين هناك امور تغضبنى وتثير لدى القلق ومن نتائجها
تجعلنى فى بعض الاحيان غير متحمس للدخول او المشاركة او الاندماج
1- لما بيغيب احد اعضاء المنتدى فترة ليست قصيرة لا يسال علية احد
لماذا غاب اية هى اسباب غيابة
2- وايضا لما يغيب احد الاعضاء المعروفين تجد المنتدى كلة ينقلب راسا
على عقب وتجد المقربين منة يشجبون هذا الخروج ويتوعدون من كان السبب
3-توجد ايضا شيللية بمعنى كل شلة مع بعضها تسال على بعضها والباقى
فى داهية يدخل يخرج مش فارقة
4--لما يطلب احد الاعضاء ايميل احد الاعضاء يرفض دون اسباب وتعرف بعد ذلك
ان ايميل هذا العضو من نصف المنتدى ولكن هذا لا ينطبق على الكل هناك من
تتطلب ايميلة تجدة يستجيب لماذا لا يكون الكل كذلك
5-- لماذا يتفق بعض الاعضاء (الشلة) على المنتدى لمحاربة الاخرين وهدمهم
وخصوصا اذا كان هذا العضو او العضوة محبوب من البعض وناجح فى علاقتة بالاخرين
اكتفى بهذا القدر من السلبيات التى اود ان يتدخل اصحاب المنتدى او المسؤلون
عنة بالعلاج وان يتعامل الكل زى بعض حتى نكون الكل فى واحد واسف على خطاياى

• <LI class=smallfont>

[nermos1982]

اولا لما بيغيب حد صدقنى الكل بيسال عليه وبعدين اساسا محدش يقدر يبعد عن ارثوذكس .
ثانيا صدقنى مفيش شللية فى المنتدى الكل هنا اخوات والكل بيسال على الكل . كل واحد فينا لما دخل المنتدى مكنش يعرف حد لكن بالمحبة ابتدى الكل يتعرف ومتهيالى ان المحبة دى لسه موجودة
ثالثا انا شايفة ان موضوع الايميلات دى حرية شخصية انا عن نفسى اعرف ناس مش بتدى ايميلها لاى حد خالص ومش بتميز حد عن حد فى الموضوع ده . ده مبدا عندهم

بتمنى بجد يكون رايى وصلك ولو بجزء بسيط لان اللى هايوصلهولك بجد هى روح المحبة اللى بين الاعضاء واللى اكيد انت شايفها

[فضفضلي]

ازيك يا جماعة فى الاول وانا طبعا
مش افرق معاكو واحد من المنتدى ولا مش واحد من المنتدى فى الاول
لا بس انا واحد من المنتدى وانا ممكن اقول على اسمى عادى جدا
مفيش مشكلة وعشان انا والحمد لله من اكتر الناس فى الدنيا دى الى ممكن
تحل مشاكل غيرها وبكل سهولة مهما كانت صعوبتها وبتيجى عند
مشاكلها بتواجهة لاكن مش بتعرف تحلها
طبعا سيبكو من الرغى الفاضى دى لان عارف انو مش هيفيد حد خالص
المهم نخش فى الموضوع انا من الناس الى وسطيكم هنا يمتاز بصحبة جميلة اوى
ومن اكتر الناس الى بتحب ارثوذكس بجد لاكن فى الواقع انا حياتى الشخصية هى
سبب مشكلتى الحقيقية صدقونى انا مشكلتى هى مشكلة هاييييييييييييييييييييييي ييييييييييفة
اخر حاجة وممكن اى طفل يحلها بس عشان هيافتها دى انا مش هقولها
عشان طبعا لو قولتها تلات اربع المنتدى هيعرفنى
انا بعانى من حاجة زى التدخين عارفين التدخين كدة
الى مينفعش تسيبو مهما سببلك من اضرار انا الحاجة دى بجد
لو روحت حللت ممكن الاقى عندى السكر بسببها بس بردو مش قادر
اسيبها ساعات قليلة اوى بتفرحنى وبتبقى فرحتى اكبر فرحة فى الدنيا
وساعات كتييييييييييييير اوى بتخلينى اتعس انسان فى الدنيا
انا مش قادر ابطل الحاجة دى لانى من صغرى بحبها اوى
ومش قادر ابعد عنها
وارجو الى يخش مش يقولى الصلا والصوم
وقراية الانجيل طبعا الكلام دا كلو على عينى وعلى راسى
لاكن لا يمت للواقع بصلة بالنسبة للشباب
فا ارجو الى يخش يقولى على تجربتو مع حاجة مكنش قادر
يسيبها وتركها او بعد عنها متشكر اوى
واسف للاطالة وشكرااااااااااااااااااااا اا

[kottah_sh]

بص يا فضفضلى ياللى معانا فى المنتدى
انا هديك مثل بسيط جدا
تخيل لو معاك واحد صاحبك وماسك عليك حاجه
(زله يعنى ) سورى
تفتكر هيكون ايه رد فعلك
هتحاول تغير من نفسك علشان تثبتله العكس
ولا هتسيب نفسك ليه
وكل شويه يعايرك بيها
الشيطان كده بالظبط
مش هيسيبك فى حالك وهفضل وراااااااك
لحد مانت تقتنع وتبطل الحاجه دى
وتبينله انك جدير

انا عن نفسى حاجات كتير اوى كنت
بحس انها غلط وعارفه انها مش صح
لكن وقفت مع نفسى واصريت انى اتغير
ودا طبعا بالصلاه

مش لوحدى


ربنا يدبرلك امورك للخير

[فيفيان عزت]

انا بجد نفسى ارد على مشكله البنت الطيوبه قوى بتاعت الشغل بجد انتى انسانه عسوله قوى وكمان حساسه بس مشكلتك انك لازم تلقيلها حل
طبعا مبقصدش الشغل لا بس انا اسفه المشكله باباكى كلامه جارح شويه انتى بنت وعايزة تشتغلى وميش لاقيه شغل زى كتيــــــــــــــــر من الشباب الولاد والبنات دى مشكله جيل مش مشكله فرديه مفروض باباكى يفهم كده هو تقريبا حاسس انه لو قال كده هتشتغلى وللاسف مش فاهمك انك بتحولى مش مقصره بس لازم اب اعتراف باباكى يعرف روحى كلميه فى الموضوع ده واكيد اب اعتراف باباكى هيفهم ويريحك ويفهم باباكى اما بالنسبه لموضوع الشغل واللى عمله المدير بتاعك فى الاول فصدقينى (كل الاشياء تعمل معا للخير للذين يحبون الله)
ممكن يكون خير ليكى ان تسيبى الشغل فى الوقت ده ممكن انتى حاسه انه ظلم ليكى بس بعد مرور الوقت هتعرفى ان ربنا ليه حكمه
احنا البشر مش عارفين

[فضفضلي]

انا بجد محتاجة اتكلم معاكم ومحتاجة حد يساعدنى انا فى 2 كلية وبحب واحد وهو بيحبنى بقالنا مع بعض 3 سنين وهو عنده 23 سنة اتقدملى واحد جارنا وطلع بيحبنى من فترة و عائلتى كلها موفقين عليه شايفين انه كويس ومحترم ولما قولت للى بحبه فى الاول قالى قوللهم انا لسه صغيرة ومفيش بنت فى سنك بترتبط لسه بدرى ولسه عندى دراستى انا فعلا رحت قولتلهم كده لاقيت ماما بتقولى انا عارفة انك بتحبى واحد وماما عرفاه قالتلى واكيد ده كلامه بس هو لو بيحبك بجد كان جه اتكلم وصارحنا كلنا قولتله الكلام ده قالى خلاص هكلم مامتك كلمها على الموبيل قالها انا اخواتى الاتنين لسه خاطبين من قريب وعشان انا اقدر اخطب قدامى سنتين وسنتين كمان عشان اتجوز يعنى 4 او 5 سنين طبعا ماما معجبهاش كلامه وقالتلى متكلمهوش تانى وانا فعلا سمعت كلامها ومكلمتهوش فضل يتصل بيا مش برد ويكلمنى على النت يقولى انا عملت كل اللى اقدر عليه وانتى موقفتيش جمبى قولى لاهلك لا هما مش هيقدروا يغصبوكى على حاجة زى كده انا ابعد عنك بس قوللهم لا مش موافقة قولتله لا انا مقدرش اقف قدام اهلى وبعد فترة كلم واحدة صحبتى وقالها اخلى مامته واخوه يكلم ماما يقوللها هو عاوز يرتبط بيها بس اخر ما تخلص دراستها يجى يخطبها طبعا مامتى زعقت وقالتلى كلام تليفونات الحاجات دى مينفعش فيها كلام التليفونات والموضوع انتهى على كده لحد ما كلمنى امبارح ويقولى انا كنت هخليهم يكلموا الاول فى التليفون عشان ميبقاش فيها احراج لاى حد ويجوا البيت عندك قولته انت مقولتش كده يقولى بس هو ده اللى انا اقصده وكل شوية يقولى قوللهم انا لسه بدرس ولسه صغيرة انا تعبت مش عارفة هو عاوز ايه ما يسبنى فى حالى طلاما مش قادر يخطبنى وانا محطوطة فى مشاكل بسببه كلامه بيحسسنى عاوزنى اعد جمبه وانا اللى اتحط فى كل المشاكل واحلها وهو ميعملش حاجة مش عارفة اعمل ايه اصدق كلامه ولا اوافق على اللى متقدملى انا اسفة طولت عليكم اوى بس محتاجة اتكلم