ايوه اخواتى راحو بلاش
صح فى بلدى ليّا مبقاش
بتقول مصرى...لا منساش
اصلها بلدى من زمن بعيد
وانا قاعدلك فيها اكيد
وبرضو هلبس لبس العيد
صح الدم ملى الاركان
ومغاره راحت منها الالوان
وخضار شجرتى اتلّون احزان
بس انا مش زيك عنيد
وهدّى لفرحى عمر جديد
وبرضو هلبس لبس العيد
جايّلى بعربيه تخوّفنى
معلش..اصلك مش عارفنى
انا لايهمنى رصاص يصرفنى
ولما تمسك حتة حديد
فاكر نفسك كده سعيد
طيّب شوفنى بلبس العيد
كل مناسبه تنكّد عليّا
يا اخويا ..صدقنى ..النكد مش ليّا
مكتوب عندى الاحزان ملغيّه
وعمرك ما هتحطلى قيد
خليك فى غابتك وحيد
وتعالى شوفنى يوم العيد
علشان انا هلبس لبس العيد
مشاهدة صفحة طباعة الموضوع
أرسل هذا الموضوع إلى صديق
وبرضه هلبس لبس العيد
المواضيع المتشابهه
العرض الشجري