تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



قسم المسرح الكنسي يناقش كل ما يخص المسرح من تمثيل ورويات وتاليف وموسيقى وديكور ومؤثرات صوتية

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


اضافة رد

 
أدوات الموضوع انواع عرض الموضوع

بياناتي
 رقم المشاركة : ( 21 )
توميان الغلبان
ارثوذكسي صانع
رقم العضوية : 94760
تاريخ التسجيل : Feb 2010
مكان الإقامة :
عدد المشاركات : 441
عدد النقاط : 10

توميان الغلبان غير متواجد حالياً

افتراضي رد: مسرحيات

كُتب : [ 11-20-2010 - 11:26 PM ]


مسرحية تجريبيه لعماد و لكل إخواتي
يا ريت تقروها و تقولولي رأيكم
أخي العزيز عماد
متأسف جداً إني إتأخرت عليك
مسرحية تجريبيه، تجرب فيها، يارب تعجبك
صلي لأجلي
أخد بركه لو حضرت العرض بتاعها
Stop
يوسف وحده على المسرح
يوسف
:
مغلوب يا مغلوب، إنت يا مغلوب. يدخل مغلوب عامل الكافتيريا
مغلوب
:
نعم يا بيه؟
يوسف
:
بص يا مغلوب، أنا نجحت..
مغلوب
:
مبروك يا بيه
يوسف
:
طيب، المهم إني عازم واحده معرفه و عاوزك تظبط لي ترابيزه محصلتش، عاوزها تحلف بالعزومه دي طول حياتها
مغلوب
:
يعني عاوز إيه بالظبط؟
يوسف
:
طبعاً أول حاجه الدرينكات، المشروبات يعني، عاوز كل أنواع البيبسي تتحط على الترابيزه و.. إكتب، و بعد
:
الدرينكات، نخش على الشوربه
مغلوب
:
شوربة لحمه و لا دجاج؟
يوسف
:
شوربه لحمه و شوربه دجاج و شوربه عدس و شوربه نابت كمان، آه ماتخليش حاجه
مغلوب
:
غلبتني
يوسف
:
من زمان كان نفسي أعرف ليه إسمك مغلوب، أتاريني أنا السبب
مغلوب
:
طب و الطبق الرئيسي؟
يوسف
:
عندك كام طبق رئيسي؟
مغلوب
:
في 3 أطباق دجاج و 4 أطباق دجاج و بالنسبه للسمك في ....
يوسف
:
بقولك إيه.. هات من كل طبق 2
مغلوب
:
بس كده كتير أوي!
يوسف
:
مش مهم، و في الحلو بقى، عاوز أوبن بوفيه
مغلوب
:
أوبن بوفيه على فردين؟!
يوسف
:
مش مهم، ما أنا قلت لك عاوزها حفله
مغلوب
:
طب و حساب الحفله دي على مين؟
يوسف
:
عيب عليك يا مغلوب، ماهو كله على النوته
مغلوب
:
حاضر، عيني "يخرج ثم تدخل أماني"
يوسف
:
إيمان، أهلاً يا إمانى
أماني
:
أهلاً بيك يا يوسف، في إيه خضتني؟
يوسف
:
لا مفيش حاجه، كل الموضوع إني أنا نجحت
أماني
:
مبروك
يوسف
:
و بالمناسبه دي أنا عازمك النهارده هنا لوحدك
أماني
:
بجد؟!
يوسف
:
آه، لحظه واحد أروح أتمم على الأكل و الطلبات "يخرج و أماني تستخدم الموبايل"
أماني
:
آلو، أيوه يا ساره أنا أماني/ أنا كويسه، بصي عاوزه أقولك على حاجه/ يوسف عازمني في كافتيريا غاليه جداً/
:
إسمها كله على النوته/ أيوه هي الغاليه أوي دي/ ما أنا عارفه إنه مش هايقدر يدفع عشان كده خايفه أبقى
:
لوحدي/ بجد! ده إنتي جنبينا بقى/ طب ما تيجي/ عشان خاطري يا ساره/ معلهش يا ساره خليكي معايا/
:
يدخل يوسف و أماني تخبئ الموبايل
يوسف
:
بتكلمي مين؟
أماني
:
لا مفيش، إلا قولي يا يوسف، إنت جبت كام؟
يوسف
:
أنا جبت 50%
أماني
:
كام؟ 50% و عامل الهيلمان ده كله؟!
يوسف
:
مش المهم إني نجحت "تدخل ساره"
ساره
:
بجد نجحت؟! ألف مبروك يا يوسف
يوسف
:
إيه ده؟ ساره!
أماني
:
أهلاً يا ساره (توشوشها) شكراً إنك جيتي
ساره
:
مش لوحدي "يدخل عماد و إيريني"
عماد
:
إيه ده؟! هو إنتو هنا؟ تخيلي يا إيريني دول طلعوا هنا
إيريني
:
شوف الصدف
ساره
:
آه إحنا هنا
أماني
:
تصدقوا يوسف نجح و جاب 50% و عامل عزومه كبيره أوي هنا
عماد
:
بجد يا يوسف
يوسف
:
طبعاً، إلا.... هو... إنتو إتأخرتوا ليه؟
عماد
:
المواصلات بقى يا يوسف، شوف إنت عقبال ما نيجي من بيوتنا، بنركب كام موصله؟!
ساره
:
طب بلاش إنت بالذات، ده إنت ساكن في أخر الشارع
يوسف
:
طب إنتي يا ساره، قوليلي إيه اللي أخركم؟
ساره
:
أصل إنت .... إحنا... يعني، هو مفيش سبب محدد يعني.
إيريني
:
أقولك أنا يا يوسف على السبب
أماني
:
إيه يا إيريني؟!
يوسف
:
سيبها يا أماني تقول اللي هي عاوزاه، في إيه يا إيريني؟ عاوزه تقولي إيه؟
إيريني
:
أنا كنت عاوزه أقول... أقولك... أقولك يعني.... إن ... آه، ألف مبروك و عقبال كل سنه
يوسف
:
شكراً
أماني
:
آه صحيح يا يوسف، ألف مبروك
ساره
:
عملتها يا واد و نجحت، مبروك يا عم
يوسف
:
متشكر جداً يا جماعه
إيريني
:
مبروك يا يوسف، عقبال الإبتدائيه يا ولا
يوسف
:
الحقيقه يا جماعه، إنتوا عارفين إني أنا و الحمد لله، نجحت، إزاي ماعرفش بي أهو، أمري لله
عماد
:
معلهش بقى يا يوسف، كلنا لها
يوسف
:
و طبعاً بالمناسبه دي، أنا عازمكم كلكم هنا، على حسابي، يا متر، يا متر
أماني
:
إنت ها تعزمنا هنا بجد؟!
يوسف
:
آه و ماله؟
ساره
:
لأ يا يوسف، المكان هنا غالي أوي
يوسف
:
و إيه يعني؟ هو أنا هانجح كل يوم؟!
عماد
:
بس حرام يا يوسف المصاريف دي
إيريني
:
بص يا يوسف، إحنا قابلين عزومتك.. ماشي، بس في أي مكان تاني, على أدك يعني
يوسف
:
يا بنتي ما هو ده أدي، أنا مضحي النهارده "يمسك فلوس بيده"
المخرج
:
من وسط الجمهورStop إيه اللي إنتو بتعملوه ده
عماد
:
إيه يا ريس؟ في إيه؟
المخرج
:
يوسف عمل غلطه ممكن تبوظ المسرحيه كلها
يوسف
:
أنا! إزاي؟!
المخرج
:
إيه الفلوس دي؟
يوسف
:
دي إكسسوارات، لزوم الدور
المخرج
:
يعني إيه لزوم الدور؟
يوسف
:
يعني حاجات كده مهمه عشان أحبك الدور
المخرج
:
يا راجل؟! أنا إديتها لك؟
يوسف
:
لأ
المخرج
:
أنا قلت لك تجيبها؟
يوسف
:
لأ
المخرج
:
أومال مين إداهالك و ليه؟
يوسف
:
أنا لما قريت النص، لقيت فيه...
المخرج
:
الدور فيه فلوس؟
يوسف
:
آه
المخرج
:
إنت متأكد؟!
يوسف
:
أيوه
المخرج
:
أيوه؟!!!
عماد
:
يا جماعه، الميه تكدب الغطاس
إيريني
:
يعني إيه؟
ساره
:
أنا فهمت عماد قصده إيه، هو يقصد نشوف المؤلف كاتب إيه في النص
أماني
:
و النص أهو
يوسف
:
هات يا أماني... أهو يا ريس
المخرج
:
يقرأ: إيريني تقول بص يا يوسف، إحنا قابلين عزومتك ماشي، بس في مكان تاني يكون على أدك يعني
:
يوسف يجيب
يوسف
:
أنا، أنا
المخرج
:
يوسف يجيب، ما هو ده أدي، أنا مضحي النهارده...
يوسف
:
خدوا بالكم من الحته اللي جايه دي
المخرج
:
و يضع يوسف يده في جيبه و ...
يوسف
:
ظهر الحق و .. إيه؟ و إيه يا ريس؟
المخرج
:
و يتباهى
يوسف
:
طيب، أهو
عماد
:
أهو إيه يا بني آدم؟!
أماني
:
ده مفيش فيها سيرة الفلوس خالص!
يوسف
:
أومال هايتباهى بإيه؟ ماهو أكيد المؤلف يقصد فلوس
المخرج
:
بجد؟!
يوسف
:
آه طبعاً
المخرج
:
لأ طبعاً.. المؤلف ما يقصدش كده، أنا واثق
أماني
:
ليه يا ريس؟
المخرج
:
لأن في أخر المشهد يوسف مش ها يدفع حساب الكافتيريا و ها يهرب كمان
إيريني
:
يا نهار إسود! يعني إنت ها تعزمنا و إنت مفلس؟!
أماني
:
مش قلت لك يا ساره
ساره
:
لأ و في البريك بيتمنظر علينا و يقول أنا الوحيد في المسرحيه اللي بعزم
يوسف
:
بس يا بنات بقى، بلاش لعب عيال خلي الريس يكمل، كمل يا ريس
المخرج
:
أكمل؟
يوسف
:
كمل يا ريس, إتفضل
المخرج
:
أكمل: في المشهد اللي بعد كده، قدامك حل واحد، لازم تشوف حد يدفع الديون اللي عليك
عماد
:
هاتشحت يا ولا؟
يوسف
:
أنا ليه خليتك تكمل؟!
أماني
:
طب و بعدين يا ريس؟
المخرج
:
لأ، مفيش، مجرد إن ديونه تسدد، كل مشاكله تتحل
يوسف
:
أنا مش ممكن أستلف من أي حد
عماد
:
مش لما نشوف لك حد الأول تستلف منه، تبقى تتشرط بعد كده
أماني
:
ماهو كل الشخصيات في المسرحيه محدش معاه فلوس
ساره
:
إيه ده! فعلاً! ده أنا كنت فاكره إني أنا بس اللي مفيش معايا فلوس
إيريني
:
و أنا كمان
عماد
:
طب و بعدين يا ريس؟ ده كلنا مش معانا فلوس، الراجل ده هايستلف من مين؟
المخرج
:
مش مهم يستلف من مين، المهم...
يوسف
:
قلت لكم مش هاستلف
المخرج
:
المهم يعرف إنه مديون و إنه لازم يستلف
يوسف
:
لأ، مش هاستلف أبداً
أماني
:
يعني هاتفضل طول المسرحيه هربان؟!
يوسف
:
مش مهم، ما أنا بعد المسرحيه ممكن أبقى...
المخرج
:
بعد المسرحيه؟! إنت نسيت إن مفيش حد مديون بينزل من على المسرح، و لا بيحي الجمهور، هاتقف إزاي
:
قدام الناس و إنت مديون؟! مش ها ينفع
ساره
:
إيه ده؟! هو مش ها ينفع؟
المخرج
:
لأ
عماد
:
يعني كل واحد لازم يسدد ديونه هنا على المسرح؟!
المخرج
:
المفروض
إيريني
:
طب و اللي مش معاه فلوس؟
المخرج
:
لازم يتصرف و يستلف
أماني
:
طب و لو مستلفش؟
المخرج
:
يعني مش عارفين؟
يوسف
:
للأسف عارفين
المخرج
:
خلاص، الإختيار ليكم، لازم تطلب المساعده يا يوسف، عشان تسدد ديونك
يوسف
:
أنا مش عاوز مساعدة من حد
المخرج
:
ماتاخدش قرارك كده بسرعه، خد وقتك... أنا هاديكم بريك المخرج يخرج
ساره
:
هاه يا جماعه، طب و بعدين؟
عماد
:
دي حوسه و مالهاش مخرج
إيريني
:
وقعنا ولا حدش سما علينا
أماني
:
طب و بعدين؟ هانروح في داهيه؟ مفيش أي أمل؟
يوسف
:
مالكم؟ متلخبطين كده ليه؟ ده أنا اللي هاداين مش إنتوا
ساره
:
لا أبداً، و لا متلخبطين ولا حاجه
عماد
:
أيوه، إحنا مش متلخبطين، إحنا بس قلقانين عليك
إيريني
:
أيوه.. إحنا قلقانين عليك، لكن إحنا كويسين
أماني
:
إحنا كويسين، لكن إنت الوحيد اللي هاتداين
يوسف
:
معاك حق، انا الوحيد اللي هاتداين
عماد
:
إستنوا، إستنوا، إستنو، و تداين ليه يا إبني؟
يوسف
:
يعني إيه؟
عماد
:
يعني إحنا دلوقت قلقانين و عمالين نفكر في حل لمشكلتك و عمالين ندور على حد يسدد ديونك اللي إنت لسه
:
هاتداينها، طب ما إنت يا بني ما تداينش من الاول
كل
:
آه
عماد
:
إنت يا بني ما تعرفش طعم الدين إيه؟
كل
:
آه
يوسف
:
الموضوع مش في إيدي
ساره
:
لأ يا يوسف، الموضوع في إيدك
يوسف
:
يا جماعه، ما ينفعش
إيريني
:
لأ يا يوسف ينفع، صدقني يا أخويا ينفع
يوسف
:
إنتوا مش عارفين حاجه، مقدرش ماداينش
أماني
:
لا تقدر
يوسف
:
لأ مقدرش ماداينش، مقدرش مقدرش، لأن أنا أصلاً مديون فعلاً، مديون
ساره
:
مديون؟!!!
يوسف
:
أيوه مديون، أومال فكركم أنا إزاي عايش في المسرحيه دي؟ مش لازم، أكل و أشرب، لازم أعيش, و عشان
:
أعيش، لازم أكون مديون
إيريني
:
طب لمين؟! يدخل مغلوب بزي الكافتيريا
مغلوب
:
لي أنا طبعاً، أنا السلطان مغلوب، صاحب المسرح ده
أماني
:
لأ، إنت مش صاحب المسرح
عماد
:
أيوه، مش إنت مغلوب اللي كنت ممثل في المسرح و مانفعتش
ساره
:
أيوه هو، و طردوه و بقى فراش المسرح، و أخيراً عمل نفسه مدير مسرح
إيريني
:
كمان إتجرأت و بتقول إنك صاحب المسرح، ده أنا لو مكان صاحب المسرح كنت زماني دلوقت...
مغلوب
:
صاحب المسرح؟! هو المسرح ليه صاحب غيري أنا؟!
كل
:
آه
مغلوب
:
طب فين هو؟ أو مين هو اصلاً؟ يضحك
أماني
:
المؤلف، كلنا عارفين إن المؤلف هو صاحب المسرح ده
مغلوب
:
يضحكطب هو فين؟
عماد
:
معاه حق، هو فين المؤلف، صاحب المسرح ده؟
ساره
:
صح، مابنشوفهوش خالص، مابنشوفش غير المخرج
إيريني
:
المخرج راح، المخرج جه
يوسف
:
لكن المؤلف، صاحب المسرح، مابيجيش لمسرحه خالص، هو اللي غلطان
أماني
:
يعني هو غلطان إنه واثق فينا؟ و مطول باله علينا؟
مغلوب
:
بقلوكم إيه، الكلام ده ماياكلش معايا، وقت الحساب قرب
عماد
:
يعني إيه؟
مغلوب
:
يعني أنا رايح أجيب الاوراق بتاعتي عشان أحصل بقى
ساره
:
لأ بلاش الأوراق
مغلوب
:
لأ، لازم الأوراق عشان أحاسب
إيريني
:
يعني لازم تحاسب؟
مغلوب
:
عشان أحصل
أماني
:
لازم تحصل دلوقت؟
مغلوب
:
المهم إني لازم أحصل
يوسف
:
يالا، يعني هي موته و لا أكتر!
مغلوب
:
ما هي لو كانت موته، ماكنش حد غلب يضحك و يخرج
عماد
:
موته؟! إنت بتقول ليه موته؟ إيه الكلام الغريب ده!
يوسف
:
أصل أنا ماضي على ورق
أماني
:
و إيه يعني؟ الورق ما بيموتش
يوسف
:
أصل في شرط جزائي لو ماسددتش
ساره
:
شرط جزائي؟!
يوسف
:
أيوه شرط صعب شويه
إيريني
:
شرط إيه يا يوسف.....شرط إيه؟
يوسف
:
شرط.. إنه ياخد تعويض عن فلوسه من.. ياخد من.. إنه يا خد من.. من دمي لو ماسدتش
عماد
:
و حد يمضي على الشرط ده؟!
يوسف
:
و هو أنا أعمل إيه يعني؟ ما أنا كنت جعان، عطشان، تايه ماليش مكان أنام فيه، يعني كده كده كنت هاموت،
:
جالي في لحظه كنت فيها فعلاً محتاج أي لقمه أسد بيها جوعي، أي نقطة ميه أروي بيها عطشي، جالي و في
:
إيده الميه و الأكل و الأيد التانيه
عماد
:
و الأيد التانيه الورقه، مديت إيده للأكل، رفعه لفوق و نزلي الورقه
أماني
:
خدتها من إيده، إترعبت لما قريتها، شعر راسي وقف و قلبي إتهز من مكانه، عقلي إترج من الحيره
ساره
:
طب ياترى أختار إي؟ أموت من الجوع، و لا امضي و أكل، و ماكنش عندي فرصه أفكر، مضطره أمضي
إيريني
:
مضيت، و أنا بعيط، راح رامي لي الأكل على الأرض في التراب، إترميت عليه، و كلته من على الأرض،
:
و هو مليان تراب و كمان مبلول بدموعي
يوسف
:
و من ساعتها و أنا تحت رحمته، بمشي حسب أوامره هو بس... إيه ده! إنتوا عرفتو الكلام ده منين؟!
أماني
:
ماهو اللي حصل لك يا يوسف، حصل لنا كلنا يا صاحبي
إيريني
:
كلنا مديونين، كلنا تحت رحمته
يوسف
:
طب و بعدين؟!
عماد
:
و لا بعدين و لا قبلين، هانتحاسب معاه
ساره
:
زمانه جاي دلوقت عشان ياخد بفلوسه دم
أماني
:
طب مفيش حل؟ مفيش أي حل؟
عماد
:
مفيش يا أماني
إيريني
:
لأ في
يوسف
:
يعني إنتي عندك حل و ساكته! بالزمه ده كلام؟
ساره
:
قولي يا إيريني، قولي
إيريني
:
إحنا نستلف، المخرج قالي إن إحنا ممكن...
أماني
:
نستلف من مين بس؟ إذا كنا كلنا مديونين!
إيريني
:
طب نجمع اللي معانا
عماد
:
و إحنا معانا إيه؟! محدش معاه فلوس
ساره
:
لا يوسف معاه
يوسف
:
يوسف مش معاه حاجه
أماني
:
لا يوسف معاه فلوس، أنا شفتها في البروفه
إيريني
:
كلنا شفناها
يوسف
:
مالكوش دعوه بيوسف
ساره
:
يوسف، إنت معاك فلوس، كلنا شفناها
يوسف
:
سيبوني في حالي
أماني
:
عاوزين نسدد ديونا يا يوسف، ولا إنت مخبيها عشان تسدد بيها ديونك؟!
يوسف
:
سيبوني في حالي، سيوبي في حالي، سيبوني في حالي
إيريني
:
ليه يا يوسف؟ هاتسيبنا مديونين كده؟! يدخل مغلوب بورق و سكاكين
مغلوب
:
أيوه جاي، مين بيقول ديون؟ مستعجلين ليه على الديون؟ ما أنا جاي أحاسبكم و أحصل أهو
عماد
:
و إحنا جاهزين؟
مغلوب
:
يعني إنت اللي هاتدبح الأول؟
عماد
:
لأ، إحنا جاهزين ندفع لك فلوسك
مغلوب
:
بجد؟! ياريت، بس إزاي؟ منين؟!
أماني
:
إحنا معانا فلوس، هات يا يوسف
ساره
:
طلع الفلوس يا يوسف
يوسف
:
سيبوا يوسف في حاله
إيريني
:
هات يا يوسف الفلوس تخطفها ثم تصرخ و تلقيها
مغلوب
:
يضحك هي دي الفلوس اللي ها تدوها لي؟!
يوسف
:
دي فلوسه، فلوسه هو، هو إداهالي، إشتراني بيها، الفلوس دي تمن لحمي، ما هو كده كده ها ياخد دمي عشان
:
سداد الديون، ياخد لحمي بالمره كمان، الفلوس دي تمني أنا، بعت بيها نفسي له "يبكي و مغلوب يضحك"
يوسف
:
إيريني، إنتي عرفتي الفلوس دي إزاي لما شفتيها؟
إيريني
:
ماعرفتهاش
يوسف
:
لأ عرفتيها يا إيريني
إيريني
:
ماعرفتهاش
يوسف
:
لأ عرفتيها، عشان كده صرختي و رمتيها على الأرض، عرفتيها منين، عرفتيها منين؟
:
إيريني تبكي و نخرج فلوس تلقيها على الأرض ثم كل الممثلون، مغلوب يضحك
مغلوب
:
كلكم ملكي، كلكم ملكي، كلكم ملكي، مضيتولي على دمكم، و لحمكم كمان إشتريته بفلوسي، كلكم ملكي كلكم، و
:
و دلوقت جه وقت الحساب، أبتدي بمين، أبتدي بمين؟ "الكل يتراجع هاتروحو مني فين يرفع السكين"
المخرج
:
Stop
:
المخرج يتكلم في الموبايلمساء الخير، كنت عاوز اخد رأيك في حاجه، طبعاً المسرحيه ها تتقدم زي ما إنت
:
عاوز، طبعاً، إنت المؤلف، بس لي طلب، لو كان ممكن، اللقطه اللي جايه دي تتغير، طبعاً زي مع إنت عاوز
:
يا باشا آه آه... مش ممكن... طبعاً طبعاً فاهم " المخرج يقف مكان يوسف ويقول Action"
عماد
:
إيه ده؟! إيه اللي حصل؟
يوسف
:
مش عارف، كل اللي أنا عارفه إني سليم
أماني
:
و مين اللي إضرب ده؟
ساره
:
ده المخرج
إيريني
:
إيه ده؟! إيه اللي جاب المخرج دلوقت؟
عماد
:
الستاره بتقفل
أماني
:
و مغلوب جاي علينا
مغلوب
:
هاتروحوا مني فين؟ المسرح كله ملكي
ساره
:
يبقى نسيبهوله
أماني
:
يعني إيه يا ساره؟
ساره
:
الستاره قدامنا اهي بتقفل، نلحق نخرج قبل ما تقفل علينا
عماد
:
معاكي حق يا ساره
يوسف
:
معاها حق إيه؟! إنتوا ضامنين إيه اللي هايحصل لو خرجنا
أماني
:
لأ، بس عارفين إيه اللي هايحصل لو قعدنا
ساره
:
أنا خارجه عن نفسي، يالا بسرعه يخرجون جميعاً و الستاره تقفل
إيريني
:
على فكره إحنا هنا برضو مش في أمان
عماد
:
أنا حاسس كده برضو
يوسف
:
ما إحنا طول عمرنا مش في أمان، المسرح كله مفهوش أمان
ساره
:
لأ، مش دايماً
إيريني
:
أوعي تقولي إنك كنت بتحسي بأمان على المسرح
ساره
:
بصراحه آه
أماني
:
إمتى بقى؟!
ساره
:
لما كان المخرج بيبقى معانا، كنت بحس بأمان شديد في وجود الريس وسطينا
إيريني
:
معاها حق، حتى كلامه كان بيطمننا، فاكرين لما قال ليوسف، يكفي بس تعرف إنك مديون و تنوي تستلف...
عماد
:
طب و بعدين؟ الكلام ده هاينفعنا بإيه؟ ماخلاص راح المخرج، بقينا من غير ريس
يوسف
:
إستنوا، تعالوا نفكر بهدوء، دلوقت الريس دفع ديونا بنفسه و مات هو
إيريني
:
مات و سابنا لوحدنا تحت رحمة مغلوب
أماني
:
إيه ده؟ يا جماعه في حاجه غلط
عماد
:
إيه هي؟
أماني
:
إحنا شخصيات مسرحيه، من تأليف المؤلف
عماد
:
متشكرين على المعلومه
أماني
:
بتكلم بجد، دي نقطه مهمه، إحنا شخصيات مسرحيه و المخرج مش شخصيه مسرحيه، يبقى إزاي الموت بتاعنا
:
هنا على المسرح يأثر فيه؟!
يوسف
:
آه صحيح، إزاي؟!
ساره
:
مش يمكن عشان هو المخرج يقدر هو بإرادته يشبهنا
أماني
:
قصدك إنه يكون عامل حسابه على كده؟
ساره
:
طبعاً هو عامل حسابه على كده، ده خلع لبسه الشيك و لبس لبسنا، و ساب النضاره و الموبايل, ومات مكاننا
إيريني
:
معاكي حق، يمكن.. إيه ده؟ هو دخل المسرحيه إزاي أصلاً؟!
يوسف
:
يعني إيه؟
إيريني
:
إحنا كشخصيات مسرحيه، بندخل و نخرج المسرحيه بأمر المؤلف، لكن المخرج، دخل المسرحيه إزاي؟
ساره
:
بقولكم إيه يا جماعه، حل كل المشاكل دي عند الباشا المؤلف
إيريني
:
آه فعلاً، إزاي ماخدناش بالنا؟
عماد
:
يعني نعمل إيه دلوقت؟
إيريني
:
نتصل بالمؤلف و نقوله على اللي حصل بكل صراحه
يوسف
:
و نكون جد مره واحد بقى، و نقول إننت مش عارفين نعمل إيه؟
ساره
:
أيوه معاكم حق، هو المؤلف، أكيد هنلاقي عنده حل
إيريني
:
رقمه موجود أكيد على الموبايل بتاع المخرج الموبايل يرن
عماد
:
ألو مين معايا؟
باشا
:
أيوه يا عماد، أنا المؤلف
عماد
:
ده الباشا يا جماعه، أيوه يا باشا
باشا
:
أصل أنا عرفت إنك إنكم عاوزني
عماد
:
و إنت عرفت منين يا باشا؟
باشا
:
إنت نسيت إني المؤلف و لا إيه؟
عماد
:
معاك حق يا باشا
أماني
:
إديهولي يا عماد، أيوه يا باشا
باشا
:
نعم يا أماني
أماني
:
في مشاكل كتير بتحصل يا باشا
باشا
:
خير؟
أماني
:
حصل بعض حاجات كده، و في شوية أمور..
باشا
:
إيه اللي حصل
ساره
:
إديهولي يا أماني، آلو
باشا
:
نعم يا ساره
ساره
:
بصراحه يا باشا، إحنا غلطنا و محتاجين مساعدتك
باشا
:
إيه اللي حصل يا ساره؟
ساره
:
إنت أكيد عارف يا باشا، و أكيد عارف إننا وقعنا مع مغلوب
إيريني
:
تمسك الموبايلبصراحه يا باشا، إحنا إتسببنا في موت الريس، المخرج مات
باشا
:
طب تعالوا
إيريني
:
حاضر ها نيجي، الباشا بيقول نروح له
يوسف
:
يمسك الموبايلنيجي فين ياريس؟ إنت فين بالظبط
باشا
:
أنا موجود على خشبة المسرح، تعالو لي
يوسف
:
بس أصل مغلوب...
باشا
:
تعالوا
يوسف
:
حاضر يا باشا يفتحوا الستاره و يجدوا مغلوب
مغلوب
:
آه، رجعتولي تاني، أهلاً و سهلاً، نتحاسب بقى
باشا
:
صوت فقطمتهيألي إننا إتحاسبنا قبل كده يا مغلوب
:
مشهد القيامه، ثم يظهر المخرج
ساره
:
إيه ده الريس أهو
عماد
:
إنت لسه عايش يا ريس؟!
المخرج
:
ماهو الموت بتاعكم مايقدرش يمسكني
إيريني
:
طب و مغلوب؟
المخرج
:
مغلوب شاف دم، يبقى خد حقه خلاص
أماني
:
يعني ديوننا...
المخرج
:
ديونكم إتسددت كلها
يوسف
:
طب فين الباشا؟ المؤلف لسه مكلمني و قال إنه هنا
كل
:
أيوه صحيح، هو فين؟
المخرج
:
إنتوا مش شايفني ولا إيه؟
ساره
:
شايفينك طبعاً يا ريس، بس كان نفسنا كمان نتعرف على الباشا المؤلف
المخرج
:
ما أنا أهو
إيريني
:
الباشا المؤلف! طب و صاحب المسرح؟
المخرج
:
أنا برضو
أماني
:
يعني إنت يا ريس، الريس و الباشا و المالك
يوسف
:
يعني إنت المخرج و المؤلف و صاحب المسرح
المخرج
:
هو أنا
ساره
:
هو ، هو... هو الوحيد اللي سدد لي ديوني
يوسف
:
هو وحده اللي فداني بدمه
عماد
:
هو الوحيد الي مات لأجل خطاياي
إيريني
:
هو وحده اللي إداني الحريه
أماني
:
هو وحده اللي حسسني بالامان
المخرج
:
إني أنا هو
صلوا لأجلي الـريـس،،

رد مع إقتباس
Sponsored Links
بياناتي
 رقم المشاركة : ( 22 )
elmooon
ارثوذكسي جديد
رقم العضوية : 111468
تاريخ التسجيل : Jul 2010
مكان الإقامة :
عدد المشاركات : 5
عدد النقاط : 10

elmooon غير متواجد حالياً

افتراضي رد: مسرحيات

كُتب : [ 12-09-2010 - 11:53 PM ]


انا محتاج مسرح العرائس ضروري نصوص مختلفة


رد مع إقتباس
بياناتي
 رقم المشاركة : ( 23 )
maroo_87
ارثوذكسي جديد
رقم العضوية : 123271
تاريخ التسجيل : Dec 2010
مكان الإقامة :
عدد المشاركات : 1
عدد النقاط : 10

maroo_87 غير متواجد حالياً

افتراضي رد: مسرحيات

كُتب : [ 12-24-2010 - 10:36 PM ]


عايزة اسكتش عن عيد الميلاد ضرورى للاطفال [email protected]


رد مع إقتباس
بياناتي
 رقم المشاركة : ( 24 )
marollamarolla
ارثوذكسي جديد
رقم العضوية : 37568
تاريخ التسجيل : Oct 2008
مكان الإقامة :
عدد المشاركات : 8
عدد النقاط : 10

marollamarolla غير متواجد حالياً

افتراضي رد: مسرحيات

كُتب : [ 01-23-2011 - 01:57 AM ]


سلام ونعمة رب المجد يسوع تكون معكم امين انا كنت عايزة مسرحية كنت اعمى والان ابصر من فضلك لو امكن تجبها اكون شاكرة جدااااااااا وربنا يعوض تعب محبتك وسلام ونعمة الهنا يسوع المسيح لة كل المجد والكرامة تكون معك اخى العزيز امين


رد مع إقتباس
بياناتي
 رقم المشاركة : ( 25 )
marollamarolla
ارثوذكسي جديد
رقم العضوية : 37568
تاريخ التسجيل : Oct 2008
مكان الإقامة :
عدد المشاركات : 8
عدد النقاط : 10

marollamarolla غير متواجد حالياً

رد: مسرحيات

كُتب : [ 01-23-2011 - 02:09 PM ]


سلام المسيح كنت عايزة مسرحية كنت اعمى والان ابصر لو امكن ان تجبيها ابقى شاكرة جداااااااااااا وربنا يعوض تعب محبتكم ممكن تبعتها على الاميل دة [email protected] ولك جزيل الشكر ومحبة ربنا والهنا ومخلصنا يسوع امين


رد مع إقتباس
بياناتي
 رقم المشاركة : ( 26 )
كيمو المتعلم
ارثوذكسي جديد
رقم العضوية : 61812
تاريخ التسجيل : May 2009
مكان الإقامة :
عدد المشاركات : 13
عدد النقاط : 10

كيمو المتعلم غير متواجد حالياً

افتراضي رد: مسرحيات

كُتب : [ 04-13-2011 - 06:33 PM ]


سلام الرب معاك
اناخادم فى مدارس الاحد و عايز نص مسرجيه عن احداث القيامه و حتى العنصره
ممكن مساعدتى


رد مع إقتباس
بياناتي
 رقم المشاركة : ( 27 )
ملاك لورد
ارثوذكسي جديد
رقم العضوية : 76102
تاريخ التسجيل : Sep 2009
مكان الإقامة :
عدد المشاركات : 2
عدد النقاط : 10

ملاك لورد غير متواجد حالياً

افتراضي رد: مسرحيات

كُتب : [ 10-07-2015 - 02:15 PM ]


[font="arial black"]ربنا يبارك في خدمتك
لو ممكن مسرحية تناسب 6 ابتدائي
تنفع في حفلة راس السنة[/font]


[email protected] الايميل



التعديل الأخير تم بواسطة ملاك لورد ; 10-07-2015 الساعة 02:18 PM سبب آخر: [email protected] الايميل

رد مع إقتباس
بياناتي
 رقم المشاركة : ( 28 )
micheal366
ارثوذكسي جديد
رقم العضوية : 25762
تاريخ التسجيل : Apr 2008
مكان الإقامة :
عدد المشاركات : 2
عدد النقاط : 10

micheal366 غير متواجد حالياً

افتراضي رد: مسرحيات

كُتب : [ 06-16-2020 - 10:20 PM ]


محتاج نصوص للمسرح ربنا يعوضك


رد مع إقتباس
بياناتي
 رقم المشاركة : ( 29 )
اثناسيوس خيري
ارثوذكسي جديد
رقم العضوية : 137434
تاريخ التسجيل : Jul 2021
مكان الإقامة :
عدد المشاركات : 1
عدد النقاط : 10

اثناسيوس خيري غير متواجد حالياً

افتراضي رد: مسرحيات

كُتب : [ 07-09-2021 - 10:42 PM ]


معلش لو سمحت إحنا عندنا كرنفال هيتعمل وكنا محتاجين اسكتش عن التنمر لو موجود حاجه زي كدا عند حضرتك ياريت تبعتهالي
[email protected]


رد مع إقتباس

اضافة رد

مواقع النشر (المفضلة)

الكلمات الدلالية (Tags)
خدمه،مسرح، أنشطه، نصوص

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
انا محتاج نصوص مسرحيات mena575 قسم المسرح الكنسي 11 05-05-2010 08:01 PM
مسرحيات – فوازير – العاب – افكار مبتكرة لحفلة رأس السنة 2008 eng_mina_2007 أعلانات وأحتياجات 7 03-09-2010 12:51 PM
هل تبحث عن نصوص مسرحيات مسيحية تناسب مرحلة سنية محددة الان ولاول مرة على شبكة الانترن Rss مواضيع منقولة من مواقع اخرى بخدمة Rss 0 07-30-2009 10:00 PM
هل تبحث عن نصوص مسرحيات مسيحية تناسي مرحلة سنية محددة الان ولاول مرة على شبكة الانترن Rss مواضيع منقولة من مواقع اخرى بخدمة Rss 0 07-24-2009 09:50 AM
هل تبحث عن نصوص مسرحيات مسيحية تناسي مرحلة سنية محددة الان ولاول مرة على شبكة الانترن Rss مواضيع منقولة من مواقع اخرى بخدمة Rss 0 07-08-2009 10:10 AM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 12:09 PM.