[مايكل عبد الشهيد]

كما اعتدنا فى الآونة الأخيرة ، فقد واصل النادى الاهلى مسلسل تدريس كرة القدم لنادى الزمالك الذى أصبح فى المركز الخامس بعد أن تخطاه – كل الفرق التى هزمته هذا الموسم – ولا يعلم أحد فى أى مركز سينهى هذا الموسم !!... عموما ، كانت المباراة متوسطة فى فترات كبيرة منها ولم ترتقى مثلا للمباراة الرائعة فى نهائى كأس مصر العام الماضى .

كل ما يهمنا هنا أن ننفرد بأرقام خاصة جدا للاعبى النادى الاهلى فى هذه المباراة ، ونرى من خلالها المباراة من منظور حقيقى وواقعى يفيد لاعبينا وقارئينا سواء بسواء .

·مرر لاعبوا النادى الاهلى طوال المباراة 33 تمريرة خاطئة ، منها 16 فى الشوط الاول و 17 فى الشوط الثانى .. ولكن بالفعل من خلال مراجعة هذه التمريرات ، وجدنا أنها لم تكن مؤثرة كثيرا فى سيطرة النادى الاهلى على فترات طويلة نسبيا طوال المباراة .. حيث لم يخطئ اللاعبون فى تمريرات خلفيه كثيرا مما منع من تشكيل هجمات مرتده قوية من قبل لاعبى نادى الزمالك ، وكانت معظم التمريرات المقطوعة فى المناطق الأمامية لملعب الأهلى وبعيدا – فى أغلب الأوقات – حتى عن منطقة الوسط.

·كما كتبنا فى تعليقنا على مباراة الأمس فانها انقسمت لعدة مراحل ، حيث سيطر الأهلى تماما على أول 20 دقيقة فى الشوط الاول .. انتزع بعدها نادى الزمالك عصا الخطورة فى اللقاء وان كان لم يشكل تهديدا كبيرا سوى فى كرتين احداهما لم تكن لتضيع أبدا من مصطفى جعفر حتى ولو كان يرتدى نظارة سوداء فى الظلام الحالك .. استمرت الفترة حوالى 10 دقائق ، وبعدها عاد الاهلى مرة أخرى لهجماته الضاغطة وان تبادل فى آخر 1/4 ساعة الهجمات الخطرة مع الزمالك وكان لمتعب وجعفر – كما ذكرنا عاليا – الفرصتين الأكبر للتهديف .

·مع بداية الشوط الثانى بدأ الزمالك بالخطورة واستمر مسيطرا حوالى 12 دقيقة بلا تواجد كبير للأهلى ، وبعد فرصة بركات الجيدة والتى أطاح بها فوق العارضة وتمثيلية جمال حمزه ، نجح احمد فتحى فى التقدم للأهلى وبعدها – كالعادة – انهار الزمالك ولعب الأهلى كما يشاء حتى كانت لحظة الهدف الثانى والتى أنهت المباراة .. استمر الزمالك فى امتلاك الكرة فى وقت أطول ولكن الاهلى – لو أراد – كان من الممكن أن يزيد غلته .

·ونأتى للاعبى خط وسط الأهلى الآن لنقيمهم حسب أرقام دقيقة للغاية – وكما قلت سابقا فان خط الوسط تحديدا هو مقياس أداء الفريق وخاصة مع الكرة الحديثة – ولذلك هاهى أرقام خاصة بكل لاعبى وسط الاهلى طوال المباراة :


·حسام عاشور : 50 تمريرة منها 4 خطأ ، بنسبة نجاح 92 % ... وحسام أكثر من رائع فى وسط الأهلى حاليا .
11 للأمام منها 2 خطأ ، 9 للخلف
13 لليمين ،13 لليسار منها 2 خطأ

·أحمد فتحى : 46 تمريرة منها 5 خطأ ، بنسبة نجاح تقريبا 89% ... وأعتبر أن أحمد فتحى هو أروع صفقات الاهلى منذ فترة.
11 للامام منها 3 خطأ ، 2 للخلف
13 لليمين منها واحدة خطأ ، 18 لليسار منها واحدة خطأ

·محمد بركات : 36 تمريرة منها 3 خطأ ، بنسبة نجاح تقريبا 91.5%
13 للأمام منها 3 خطأ ..
7 للخلف، 3 لليمين ، 12 لليسار

·جيلبيرتو : 40 تمريرة منها 3 خطأ ، بنسبة نجاح هى 92.5% ... وهو الآخر منذ نهاية كأس الأمم وهو يتألق مع الاهلى.
11 للأمام منها 3 خطأ ، ولا تمريرة لليسار
10 للخلف ، 18 لليمين

·بوجلبان : 22 تمريرة منها 5 خطأ بنسبة نجاح تقارب 72%
10 للأمام منها 3 خطأ ، 2 للخلف
6 لليمين منها واحدة خطأ ، 4 لليسار منها واحدة خطأ

·أحمد عادل : 18 تمريرة منها 4 خطأ ، بنسبة نجاح 77%
7 للأمام منها 3 خطأ ، 2 للخلف
8 لليسار منها واحدة خطأ ، و تمريرة واحدة لليمين

·محمود سمير : 16 تمريرة بلا أى خطأ فى التمرير بنسبة نجاح 100% ، وهى مؤشر لهذا اللاعب الواعد بالفعل والذى ننتظر منه
الأفضل فى الفترة القادمة .. وان كانت قطعت الكرة فى عدة غزوات فرديه ولكن يبدو أننا سنرى بالفعل أبو تريكة جديد.... كانت تمريراته كالأتى ،
7 للأمام - 3 للخلف - 4 لليمين ، ولا تمريرة لليسار .

·أدار جوزية – كالعادة – اللقاء بحنكة كبيرة ودهاء عودنا عليه وأكد لنا وجهة نظرنا عندما سحب بوجلبان الذى لم يكن موفق فى الشوط الاول وهو الواضح أيضا من نسبة تمريره للكرة وكان جوزية المايسترو عند حسن ظننا به دائما ، وأعتقد بعد تألقه الشديد – فى المؤتمر الصحفى – وظهوره كأهلاوى صميم وكبير أنه مستمر معنا وفى طريقه باذن الله لحصد المزيد والمزيد من البطولات – ولا عزاء لكارهى جوزيه والاهلى وانتصاراتهما معا .

·تعليق أخير على هدف الأهلى الاول ، 3 تمريرات - هات وخذ – بين أحمد فتحى وفلافيو بلا أى مضايقة من خط الوسط المدافع الزملكاوى ، وانطلق فلافيو فى ناحية اليسار لينقض عليه 3 لاعبين تاركين أحمد فتحى لينطلق وحيدا فى اليمين – وتركه تماما وياللكارثة رقيبه محمد أبو العلا – ويسدد فلافيو لتصطدم بالكتل البشريه لتذهب بعيدا لفتحى ، وبالطبع غطى بشير التابعى ببراعه من أجل عدم ازعاج فتحى بالتسلل ، ليودعها بمنتهى السهوله .... فقط راجعوا هذا الهدف ليتأكد الجميع ان الزمالك لم يتخلص بعد من طريقة قديمة انتهجها وهى ( اللى يمسك الكورة الاول .. يشوط ) .

آخر كلام

·لا يسأل عبد المنصف عن أى هدف ، وبالفعل هو ليس محظوظا بخط دفاع مثل هذا .... لك الله يا أوسه

·أمير عبد الحميد أمسك 6 تسديدات من لاعبى الزمالك - وهى كل ما سددوه- ليؤكد أن الأهلى ( فوق الجميع ) .

·أوضحت الاعادة البطيئة ان اللاعب / جمال حمزه ألقى بنفسه قبل أن يصطدم بأمير عبد الحميد .. ماذا يدور فى عقل حمزة ؟

·السباب المتواصل من الجانبين يعود بنا الى نقطة الصفر ، أين روح بطولتى افريقيا للأمم 2006-2008 ؟!

·الزملكاوية كرهوا توفيق الاهلى – من وجهة نظرهم – المبالغ فيه ، ماذا سيفعلون بعد تأهل الاهلى بدون لعب لدور الـ16 الافريقى ! أتمنى ألا يخرجوا فى دور الـ 32 ... اتمنى ملاقاة الزمالك فى بطولة هذا العام من باب التفاؤل.

المصدر: †† ارثوذكس †† - من قسم: قسم الرياضة

[M@@@NOOOO]

مـــــــــــــــــــــيرس ى ليك يامايكل على مجهودك الحلو
والف مبروك للاهلى على الرغم من انى زملكاوى وحزين
بس بشكرك على مجهودك الحلو

[المتشفع بمارجرجس]

الف مبروك للاهلي وربنا يباركك امين انا سعيد يامايكل ان في واحد اهلاوي زي في القسم لاني كنت الوحيد الاهلوي هنا بس لازم يامايكل نقول للزمالكاويه ونادي الزمالك هارد لك ومعلش امامكم الكاس ربنا يبارك حياتكم امين

[ELMAGEK]

zamalek4 Ever

لا تأسفنّ على غدر الزمان لطالما


رقصت على جثث الأسـود كلابُ

لا تحسبنّ برقصـها تعلـو على



أسيادها تبقى الاسدُ أسدٌ

والكلابُ كلابُ

[مايكل عبد الشهيد]

ههههههههههههه ولله يا ماجيك انت شكلك عسل وشاعر كمان انا كمان شاعر على فكره واهقولك شعر برضو زيك يافرحه ماتمت خادها فتحى وطار وعلى فكره يا ماجيك انا عايز اعرف بس هو متعب عمل ايه لبشير قاله بخ ياعنى ولا فكره ببيبو وبشير متعب والجون الغريبه يا اخى ان اسامى لعيبه الاهلى ببتغير من بيبو لفاروق لابو تريكه لبركات اشمعنى كلهم اساميهم بتيجى بعديها بشير وبعد كده نلاقى الكوره فى الجون واخيرا للاهلاويه ارفع راسك انت اهلاوي الاهلى فوق الجميع واللى خايف يروح

[ELMAGEK]

ههههههههههههههههههههه
بقولك اية يا ابو الكباتين
عشان تعرف انى الى ملهمش فيها بيشجعو الاهلى مين فاروق دة وبركات عمرة ماجاب جون وبشيرموجود
وابو تريكة محطشغير جون واحد وبشير موجود
والاهلى خسر الماتش دة
ههههههههههههههههههه
الى ملهمش فيها بيشجعو الاهلى
هههههههههههههههههههه

هههههههههههههههههههههههه

[مايكل عبد الشهيد]

ماتعرفش محمد فاروق وبتتكلم على الكوره ماتخفش انا مش قاصدى فاروق جعقر اتعلموها بقى ههههههههههههههههههههههه

[ELMAGEK]

هههههههههههههه
لالالا طبعا عارف محمد فاروق
الى بيلعب فى بتروجيت
هههههههههههههههههههههه
مش بقولك ان الى ملهمش فيها بيشجعو
الاهلى
طيب وبعدين على فكرة يا اخ
بركات بتاعك دة عمرة فى تاريخ حياتة مجاب جون وبشير موجود واما بقى عن عماد مقلب دا بقى الاعب المنحوس
الى اول مرة يجيب جون وبشير موجود
وعايز افكرك بس بحاجة
يا اخ ان بشير الى مش عاجبك دة
كان لما بيبقى فى فاول كانو الاهلوية كلهم بيخافو منة
حتى اسال السد الواطى الا
هوة راح نادى سيفون
ودلا دى اشاعة
هههههههههههههههههههه

[مايكل عبد الشهيد]

يراجل يخافو من مين بس اهو دى بقى مشكله الزملكاويه اللى مش بيشجعو بالعقل ياعنى بيشجعو بدماغ عم مرتضى ثم هو بشير ده يا راجل يا اللى مخلينى حاسس ان مصر كلها مافيهاش دماغ كروى غيرك بقى صالح للاستهلاك الكروىده يابنى بقى اكس باير وياعم ماجيك يا كابتن ماجيك يا استاز ماجيك لو مافيش بشير كان فى القبانى ولو مافيش القبانى فى يامن ولو مافيش يامن فى زكرى وكلهم واحد على فكره يشوفو اى رقم من ارقام 9او 8 او 22 ودلوقتى كمان 24 لو شافو الارقام دى فى النتيجه حتى اسالهم ايه انطباعهم وطبعا غير فلافيلو فلافيو حبيب الكل اخيرا وليس اخرا بدال ما عمال ترد كده رد غريب كونو رابطه عزاء للزمالك ولا عزاء لكل ماهو احمر عشان الله اما لا شماته ملحوظه الكلام بينى وبين ماجيك مع جزيل الاحترام والتقدير لبقيه الزملكاويه العاقلين والفاهمين ان دلوقتى الزمالك بجد فى ازمه حقيقيه ومش محتاج محامى بيقدم مرافعات اقل ما توصف ان الطفل ممكن يضحك على الكلام اللى فيها

[ELMAGEK]

متشكرين يا استاذنا بس انا كلامى
التريقة دة كان بسبب الرد الى قبل كلامى
وليس لمجرد التريقة ولاكن واضح انك
بتحب تتريق على خلق الله
وخصوصا الزملكاوية لانهم قلبوهم بيضة
ولاكن انتو المغرورين بفريقهم
طبعا لكل جواد كبوة وانتو كبوتكو هتبقى
كبيرة اوى