[rose]

شفتو ا مش مصدقين صح بس متفرحوش قوى انا قلت المنحوس منحوس ولو علقو على راسة فانوس
جالى خالى وقالى شوفى ياعثل انا عندى ليكى خبر حلو (خير اللهم اجعلة خير قلبى مرفرف زى الطير)
انا عندى ليكى واد انما اية هدية (كان فاضل شوية واديها عشرة بلدى بس قلت يا بت خليكى تقيلة وانا حموت واعرف التفاصيل ) هيييييييييييييية
واد دكتور بس اية (يا حلاوة يا حلاوة) بيطرى بس اية (مش مهم اهى باضتلك فى القفص انتى كنتى لاقية) بس اية (خش فى التفاصيل قصر ولم المتكسر) بيتكلم عايز عروسة انا قلت فى سرى مفيس احسن من بنت اختى حببتى
شوفى بقى احنا حنيجى بكرة تشوفية يمكن ميعجبكيش(هو انا كنت لاقية هاته يا عم النهارة )
جة وياريتة ماجه
انا طبعا مش حقولكم انا استعملت كافة انواع وطرق التنظيف من الشامبو والصابون وجميع انواع الماسكات من زبادى وخميرة وردة ودقيق وماء ورد وصنفرة (للولاد دى وصفة كيكة متخدوش فى بالكم ) حتى وصلنا الى الكلور ماهو من مواد التبيض::
طبعا البنات عارفة الحاجات دى ولبست مستنية عريس الغفلة قبل المعاد ب5 ساعات
(عادى يعنى بس عشان يعرف انى منضبطة )
وشرف وصل حاجة كدا (ما علينا هو احنا لاقيين الموجود)
ودخلت عاملة مكسوفة وانا ببص من تحت لتحت
واتكلم وياريتة متكلم وقتها عرفت ان الخرس نعمة شوفوا قال اية بعيدا عن بعض التفاصيل ال كل ما افتكرها الضغط يرتفع عليا
طبعا كل اللى قاعدين عملوا انهم عايزين حاجة من جوة ودخلوا يجبوها
ساكته وهو ساكت(اية جايبلى عريس اخرس)
ونطق (اخيرا بيتكلم يا حلاوة عريس يا امة)
اية مبتتكلميش لية
عادى مفيش حاجة (بينة غبى )
لا انا اصلى جاى عشان اسمع (حد قالة انه هيخطب ام كلثوم)
ايه مش محضرة شوية اسئلة عشان تسأليها (حد قال انى مدرسة وهو تلميذ)
(طب لو معرفش يجاوب امدة على رجلية ولا اية)
عادى يعنى مفيش حاجة فى دماغى انت عايز تسال فى حاجة او توضح حاجة
تخيلوا يرد يقول اية
لا انا جاى اسمع
اخواتى البنات قالولى اسمعها كويس وحاول تعرف ردود افعالها ولو تقدر استفذها
(يا صبر ايوب سبحان من صبرنى )
انا طبعا قلت بانت من اولها لا اخد حقى
يعنى ايه تستفذنى
يعنى اعصبك ارخم عليكى اعرف درجة انفعالك عند كام
لا انت اصلك متعرفنيش لما بتعصب
اية بتعملى اية
ممكن احدفك بأى حاجة قدامى
يا سلام (الاخ غبى باين كدا)
طيب والله حاجة حلوة خالص (انا قلت باينة )
سيبته وقمت ومش حوصف كان هاين عليا اطوحة من البلكونة حتى لا يأذى الاخرين
دخلت وكان هاين عليا اخنق خالى
وعدت الليلة بغض النظر على ماحدث فيها
تانى يوم اتصل ب بابا وطلب معاد علشان يتكلم فى التفاصيل
طبعا بابا قالة كل شئ قسمة ونصيب
يقوم ولا على اية يقول لبابا لية هو حد حيدفع فيها اكتر منى (على اعتبار انى معزة مهو بيطرى )
بابا قال مفيش نصيب رد وقال طب انا هزود 5000 كمان على الشبكة رد بابا معلش مفيش نصيب قوم اية يرد بص بقى اخر كلام هما 10000 زيادة ودا خر كلام هى متشويش اكتر من كدا
فعلا بابا لاتعليق وقفل التليفون فى وشة
بالذمة شفتوا الهنا اللى انا فية
ورد على حد قبل كدا
حــــــــــــــ ـــــــــــــــ ـــــــــــــــ ــــــــــــرام

المصدر: †† ارثوذكس †† - من قسم: الضحك والفرفشة

[sawsaw]

:36_6_10:معلش معلش هما كدا كلهم اليومين دول وعلى راى المثل جات الحزينه تفرح جابت شريط حكيم وقعدت ترقص بكره يجيلك سيد سيدة ههههههههههههههههههههههههه ههههههههههههه

[جوسى]

معلش يا روز هو ميعرفش قيمتك
انتى تستاهلى اللى احسن منه
ولا يهمك

[peter333]

معلش سامحية و خدية على قد عقلة اصلة غبة و المسامح كريم
متزعليش بكرة يجيلك سيد سيدة و يكون جزار
و يدفع فيكي ارنب بحالة ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههه:106 00:

[BESHO BAVARIOS]

معلش بقى يا rose انشاء اللة يبعتلك ابن الحلال


اخوكى بيشو بوتى

[القطة كيتي]

توء توء توء توء لا ياروز متزعليش بكرة ربنا يبعتلك الي احثن منه ياعثل انتي ثكر وبعدين متخديش عريث متخرج من طب بيطرى هيبقا مش رومنثي خالص ممكن ينثى ويقولك يامعزتي بدلا من حببتي ههههههههههههههههههههههههه ههههههه عثل ياروز

[minabobos]

ههههههههههههههههههههههه

هو انتو طيلين نص عريس بقه

معلش يا بنتى ربنا يخليكم كده مرتحين

ماله البيطرى ع الاقل هيوفر ف الاكل ممكن يقول مع ...............
هههههههههههههه


معلش تعيش ويجيلك عريس غيرة

[نانانادر]

معلش يا روز ...بكرة يجيلك واحد يعرف يقدرك كويس ....
انا لو مكانك مكنش روح على رجلية .... كنت عملتلة عاهة مستديمة..علشان ميدخلش بيوت الناس تانى .....ويبقى يسمع كلام اخواتة تانى....

[جوسى]

يابنتى قلبظى دماغك منه
ده ممكن يفرشلك الشقه قش و برسيم بدل السجاد
ههههههههههههههههه
ربنا معاكى

[اللة يرعانى]

معلش عرسان اخر زمن كنتى حدفتية من البلكونة ربنا يبعتلك احسن منو