[magdy totti]

عسكري مرور يزعم أنه ابن الرب لوجود شبه بينه وبين صورة المسيح
عسكري مرور يزعم أنه ابن الرب لوجود شبه بينه وبين صورة المسيح
عسكري مرور روسي سابق في سيبيريا نظر إلى نفسه في المرآة فوجد أن ملامحه تكاد تشبه ملامح صورة السيد المسيح بذقنه وشعره الطويل وملامحه العامة ، وبدأ يراوده احساس داخلي بأنه السيد المسيح المنتظر عودته بعد ألفي عام من أحداث صلبه .
ولم يمض وقت طويل حتى كان هناك في جعبته ما لا يقل عن 5000 آلاف من التابعين والمريدين المخلصين من سكان قرية (مينوسينك) في سيبيريا من بينهم مفكرين وفنانين ورجال أعمال محترفين وباتوا من رغبته يعبدونه في منطقة تبعد 2000 ميل عن العاصمة الروسية موسكو .
الغريب والمثير في الأمر أن البعض من هؤلاء الاتباع قد قام بنزع صورة المسيح الموجودة بمنازلهم واستبدالها بصورة ذلك الشرطي السابق البالغ من العمر 48 عاما واسمه (سيرجي توروب) والمعروف حاليا باسم الـ (Vissarian) .
ويقول الشرطي الذي يدعي بأنه ابن الرب أن الله قد بعثه غلى الأرض ليبلغ البشر بخطورة وشرور الحروب وسلوكيات البشر تجاه البيئة التي تأتي على الأخضر واليابس .


يجدر الاشارة إلى أن أتباعه هم الآن من النباتيين الذين لا يدخنون ولا يشربون الخمر ، ولا يدخلون في معاملات مالية . كما أن لهم كنيسة معروفة باسم كنيسة (العهد الأخير) .

















.................................................. ..................................................

المصدر: †† ارثوذكس †† - من قسم: قسم الأخبار

[miro_rook]

مش عارف اضحك
ولا ابكي بجد
بس انا فرحان عارف ليه لان ربنا اتنباء وقال سوف ياتي بعدي مسحاء كذبه
فا الاخبار ياكد للناس كلها اني المسيح هو ابن الله العارف بكل شئ

[دميانة لطفى]

بجد ولا انا موش عارفه اضحك ولا ابكى
فعلا قال سوف ياتى بعدى مسحاء كذبه
ولكن ليس المنتهى بعد
ربنا يحمينا ويحافظ علينا

[Stray sheep]

شئ محزن جداً
ربنا ينور قلوبهم المظلمة

[la tristeza y el dolor]

يا جماعه انا موش فاهم يعنى دا لما لقى بينه و بين السيد المسيح شبه قال انه هو السيد المسيح ولا قال انه ابن الرب ,

يعنى هو قصده يقول انه هيتصلب مثلا من تانى و لا هو السيد المسيح اللى اتصلب

[la tristeza y el dolor]

طبعا كلامى دا كله على اساس اعتقاداته هو موش انا , انا عاوز اعرف يعنى هو بيفكر فى ايه و عاوز اعرف مدى تصديق الناس ليه يعنى , وعلى اى اساس ,

عامتا انا برضه مقدرش اعتب عليهم لان انا ضعيف برضه ,

بس موش معنى كدا انى اعبد حد غير ربنا يسوع المسيح .

[miro_rook]

المشاركة الأصلية كتبت بواسطة la tristeza y el dolor يا جماعه انا موش فاهم يعنى دا لما لقى بينه و بين السيد المسيح شبه قال انه هو السيد المسيح ولا قال انه ابن الرب , يعنى هو قصده يقول انه هيتصلب مثلا من تانى و لا هو السيد المسيح اللى اتصلب

لا يا بندق هو كل الموضوع
انه لما لقي نفسه
شكل المسيح اكيد مكنش هينفع يقول انا المسيح عشان كدا
بعد عن الكلمه ومسك انه ابن الرب بدل حتي بدل انه يستخدم كلمه ابن الله

[la tristeza y el dolor]

طيب دا راجل لماح اوووووى , طيب لما هو اصلا مأمن بالمسيح فلما لقى شبه بينه و بين المسيح قال انه ابن الرب , معنى كدا اصلا انه مؤمن بان يسوع هو المسيح و ابن الله ,

ميرسى يا مراد لتوضيحك ,و ربنا يثبت ايمانا يارب .

[Stray sheep]

المشاركة الأصلية كتبت بواسطة la tristeza y el dolor طبعا كلامى دا كله على اساس اعتقاداته هو موش انا , انا عاوز اعرف يعنى هو بيفكر فى ايه و عاوز اعرف مدى تصديق الناس ليه يعنى , وعلى اى اساس , عامتا انا برضه مقدرش اعتب عليهم لان انا ضعيف برضه , بس موش معنى كدا انى اعبد حد غير ربنا يسوع المسيح .

سلام ونعمة
فى العقيدة اليهودية إعتقاد خاطئ بأن المسيا المنتظر لم يظهر حتى الآن وهو فى انتظاره
وأكبر دليل على ذلك هو رفضهم للإله الحقيقى ( السيد المسيح ) وقت مجيئه

فبالتالى ضعاف الإيمان يكونون كالشجرة التى تذريها الرياح عن وجه الأرض
يعنى كلام يجيببهم
كلام يوديهم

[la tristeza y el dolor]

المشاركة الأصلية كتبت بواسطة stray sheep سلام ونعمة فى العقيدة اليهودية إعتقاد خاطئ بأن المسيا المنتظر لم يظهر حتى الآن وهو فى انتظاره وأكبر دليل على ذلك هو رفضهم للإله الحقيقى ( السيد المسيح ) وقت مجيئه فبالتالى ضعاف الإيمان يكونون كالشجرة التى تذريها الرياح عن وجه الأرض يعنى كلام يجيببهم كلام يوديهم

ميرسى لتوضيحك , بس برضه دول ميعتبروش يهود لانهم امانوا بيه لما لقيوا شبه بينه و بين السيد المسيح , يعنى معنى كدا انهم كانوا بيؤمنوا بالسيد المسيح , فهل بقى هما منتظرينه يتصلب على اساس اعتقادهم انه المسيح ولا معتقدين انه يسوع و هو المسيح اللى اتصلب من 2000 سنه ؟؟؟؟