[قهوة ساده]

هناك من شكك فى ذكاء الإنسان المصرى وبناء عليه قرر عمدة القرية الذكية اجراء اختبار لقياس مستوى ذكاء المواطن المصرى ، استلمت الأسئلة وقمت بالاجابة عنها ملتزما بالشروط التى ذكرت فى رأس ورقة الأسئلة التى تنص على أن زمن الاجابة فترة واحدة تجدد بموافقة مجلس الشعب ، وان الاجابات يشترط اجابتها بقلم حبر فوسفورى وأنه لن يلتفت الى أوراق الاجابة غير المرفق بها طابع شرطة وان الامتحان سيكون تحت اشراف القضاء .

يا مسهل بدأ يفتح ورقة الأسئلة ويجاوب :

# هل صحيح ان كتر السلام يقل المعرفة ؟

ــ صحيح فيما عدا السلام مع اسرائيل ، كتر السلام معاها يعمق المعرفة والبيزنس .
.

# تقرير :45% من الشعب المصرى مصابون بمرض السكرما تعليقك ؟
ــ آدى اللى خدناه من" الحلوانى " اللى بنى مصر .

# ما أهم مظاهر الفهلوة عند المصريين ؟

ــ انهم يشكون فى الشحات ولا يشكون فى النصاب

.

# ليه الحزب الوطنى بيعمل اعلانات لنفسه مع ان البلد كلها بتاعته ؟

ــ زى ما شبكة الأوربت بتعمل اعلانات لنفسها على شاشة الأوربت .

# ما الفرق الأهم بين مصر وأمريكا ؟

ــ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .

# ما أهم قاعدة موجودة فى مصر ؟

ــ ان مفيش قاعدة لأى حاجة

# ما وجه الشبه بين السد العالى وقانون الطوارىء ؟

ــ الأثنان مصدر " للكهرباء!!!" .

# لماذا يطلق المصريون على زوجاتهم لقب " الحكومة "؟

ــ لصعوبة تغييرها مهما تسببت فى كوارث .

# أين يمكنك أن تلاحظ سوء نية المصريين ؟

ــ عندما يغنون للطفل البرىءبمنتهى الخبث قائلين .... يارب يا ربنا " تكبر وتبقى زينا.

# ليه أكتر ناس بياخدوا مواقف معارضة جريئة هم الناس بتوع الغزل والنسيج ؟

ــ علشان بيشتغلوا فى القطن , و " القطنة ما بتكدبش " زى ماقلت مدام نظيفة.

# امتى بتحس ان البلد حلوة ؟

ــ ما باحسش ان بلدنا حلوة غير لما داليدا تقول : " حلوة يا بلدى "( .... بغض النظر انها قالتها وانتحرت…)

# امتى هناكل جوافة من انتاج مزارع توشكى ؟

ــ لما نلاقى المشمش!!!!!

# ما العلاقة بين عصام الحضرى وسمن روابى ؟

ــ الطعم فلاحى وتحدى .

# هل لك أقارب استشهدوا فى الحرب ؟

ــ لأ عندى أقارب استشهدوا فى السلام ..... " السلام 98" .

# 60 %من الرجال المصريين يشخرون وهم نائمون ...... ما تعليقك ؟

ــ ال 40 % الباقيين بيشخُوروا وهما صاحيين .
# ما تعليقك على أن المصريين لا يتحدون الا لما يكون المنتخب بيلعب ؟

ــ الاستاد هو الحل !
# ما الدليل على أن مصر بلد الامان ؟

ــ الدليل ان الواحد بيتردد كتير قبل ما يدخل أى قسم شرطة.
# ايه الكلمة اللى ما بتحبش تسمعها وانت فى أوضة العمليات ؟

ــ يا خسارة .
# ما الفرق بين الزوجة المصرية والزوجة اللبنانية ؟

ــ 0 4 كيلو جرام على الأقل .
# بماذا ستجيب كمصرى عند سؤالك عن عمرك فيما أفنيته بعد عمر طويل ؟

ــ أفنيته فى اشارة قصر النيل مستنيها تفتح ، وفى صلاح سالم مستنيه يتحرك ، وعلى كوبرى أكتوبر مستنى لما رئيس الوزراء يروح .

# من المستفيد من الزحام الذى يسيطر على شوارع القاهرة ؟

ــ شركات المحمول ، كله واقف فى الاشارة ماسك الموبايل ، بيخلص شغل أو بيعتذر عن التأخير أو بيسلى نفسه على الأقل ، وبالتالى تعتبر الادارة العامة للمرور هى المستفيد الثانى " مخالفات استخدام المحمول أثناء القيادة ".
المستفيد الثالث هى الشركة الشرقية للدخان حيث يتزايد معدل الحرق على سبيل " التنفيث " .

المستفيد الرابع هو الهيئة العامة للبترول حيث يتزايد حرق البنزين على الفاضى اثناء الوقوف وهو الأمر الذى يبرر اختفاء البنزين من المحطات وبالتالى يصبح المستفيد الخامس هم أطباء الأمراض الصدرية .

المستفيد السادس المعلنون على اذاعة نجوم fm وبالتالى يصبح المستفيد السابع الشركة المصنعة للأدوية المهدئة بالتساوى مع صيدليات على على .

## ليه بيقدموا الساعة ساعة عندنا فى الصيف ؟

ــ علشان البلد تتقدم بينا .
## ايه اكتر حاجة بتجمعنا كمصريين ؟

ــ حبنا للكابتن ابوتريكة .
ــ حبنا لأبو تريكة بيخلينا ندعى له من قلوبنا يارب يخف يارب يلحق ماتش المنتخب يارب أبوتريكة ينزل دلوقتى ، ما أظنش ان فيه حد فينا دعى لمصر بأى حاجة من زمان .
ــ حبنا لأبو تريكة خلانا نصفق له ونقف وراه لما رفع فانلة عليها " تعاطفا مع غزة " ، لكن لما الغزاوية دخلوا عندنا شوف بأه .
ــ حبنا لأبو تريكة خلا معظمنا يمشى فى الشارع لابس تى شيرتات عليها رقم 22 ، حد فيكم فكر يعلق علم مصر فى البلكونة عنده ؟ .

### لماذا يقال عن الشعب المصرى انه شعب فوضوى ؟

ــ علشان بيكره " النظام . "

# اذكر اسم شخصية عامة معروفة ما بتكبرش أبدا
؟

ــ بـــــــــــــــكــــــــ ــــا ر

المصدر: †† ارثوذكس †† - من قسم: الضحك والفرفشة

[الناى الحزين]

# اذكر اسم شخصية عامة معروفة ما بتكبرش أبدا ؟ــ بـــــــــــــــكــــــــ ــــا ر

الاجابه دى خطأ
الاجابه الصحيحه ميكى
وعمره ما هيكبر ابدا ولا انتى شايفه يا ياااااااااااااااااااااااا اا
يا ساده

[الماكس مايكل]

هههههههههههه
موضوع جامد اوى يا ساده
ميرسى ليكى
بس كبيرى الخط شويه يابت

[@ حبيبة البابا كيرلس @]

ههههههههههههههههههههههههه ههههههه
حلوه يا ساده احسن سكر زيده

[zaza2006]

هههههههههه حلوة

[يسوع ربى]

حلو اووووى

[nona queen]

ههههههههههههههههههههههههه ه
هو دا الذكاء والعبقريه
جامدين اوى يا ساده
ميرسى ليكى

[@M@R!N]

ههههههههههههههههههههههههه ههههههه
ههههههههههههههههههههههههه هههههه
حلوين اوي كل الاسئله بجد

# ما الفرق الأهم بين مصر وأمريكا ؟
ــ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .
# ما أهم قاعدة موجودة فى مصر ؟ــ ان مفيش قاعدة لأى حاجة


ههههههههههههههههههههههههه فعلا مفيش اي قواعد

[MICKEY]

هههههههههههههههههههه
موضوع جامد بأمانه ياقهوتي

وفينك مختفيه ليه يابت
وايه الغيبة دي

بس بجد عوده قوية

وميرسي علي التوبيك

[ZEZOMERO]

جااااااااااااااااامد اوى يا سلفانا جميل بجد