[eng_samweel]

الخطيب = هاي حبيبتي


الخطيبة = هاي .. ايه نسيت إن لك خطيبة؟


الخطيب = لا والله ... ازاى انسى و احنا بقالنا 7 سنين مخطوبين؟


الخطيبة = لسه ماقررت ايمتى هنتجوز؟


الخطيب = أمال ليه اتصلت بيكى؟ عشان نحدد معاد الفرح


الخطيبة = لكن خليها الخميس الجاي كتب الكتاب والفرح بنفس اليوم


الخطيب = لأ .. مش هنلحق .. نعمل الفرح الخميس
وان شاء الله بعد أسبوعين نروح نكتب الكتاب


الخطيبة = ياسلام .. و مستعجل كدا ليه ؟
نعمل الفرح الخميس ونخلى كتب الكتاب بعد ما نجيب ولد


. نروح نكتب الكتاب و نسجل الولد بنفس الوقت
عشان ما نفضلش رايحين جايين هى مشوره ع الفاضى


الخطيب = والله فكره حلوة ، بس إزاى نجيب الولد


الخطيبة = و أنا ايه اللى عرفنى ؟؟أحسن حاجه أسأل بابا .....

بس على ما اعتقد دول رزق من عند ربنا زى ما ماما بتقول

يعني احنا ملناش علاقه بالموضوع


الخطيب = اووووووووووووووه .. طمنتيني

بس أخاف ربنا يرزقنا من أوسع أبوابه ويبعتلنا ستة أو سبعة


الخطيبة = لا لا لا ... أنا رشيقة وبطني ما تتحملش أكتر من واحد


الخطيب = ليه هو بالبطن؟؟


الخطيبة = ايوا بالبطن جنب المعدة .. و لازم كل أسبوع اروح اشوفه عالكمبيوتر

بس خايفة يطلعلك مش حلو


الخطيب = مش مشكله لو مش حلو نفرمت الكمبيوتر


الخطيبة = والله فكره ، لكن أنا ليه قبلت بيك؟ لأنه انت اذكى مني حبتين


الخطيب = لكن .. أنا بعجبك لما بفكر .. ولو إني أحياناً بتعب من التفكير


الخطيبة = وأنا كمان أحياناً بيغمى علي من كتر التفكير


الخطيب = من شويه اتصل بيا النجار وسألني عن غرفة النوم

ازاى تحبيها ؟ مزدوجة لشخصين ؟ والا منفصلة (بسريرين) ؟؟

الخطيبة = لا لا .. منفصلة أحسن لأنه أنا من أول مابنام أحلامي كلها جمباز وملاكمة

ومش عايزه أخبطك ضربة وازعجك وانت نايم

الخطيب = شكرا حبيبتي دلوقت عرفت أد ايه انتي بتحبيني

الخطيبة = حبيبي و مش عايزين نتأخر بالفرح، لازم نرجع بدرى

عشان أنظف البيت وأجهزلك الأكل

الخطيب = أوكي حبيبيتي

الخطيبة = نروح للحفلة ونشوف المعازيم .. وبعدين يزفّونا

انت بزفّوك للفندق عشان تقضي شهر العسل على راحتك

وانا بزفّوني لبيتنا واستناك بالبيت

وبعد شهر تيجى ان شاء الله وتلاقى الغدا جاهز

الخطيب = والله عندك أفكار عظيمه .. الحمدلله ، ربنا ادانى خطيبة جمال وذكاء ..!!

الخطيبة = ايه دا غزل؟

الخطيب = العفو .. يعني ايه غزل؟

الخطيبة = غزل: يعني صوف وخيوط !!

المهم انت اليوم رحت فين؟

الخطيب= رحت ع الملعب .. وحضرت مباراة بين الأهلى و الزمالك

الخطيبة = أكيد اتسليت

الخطيب = لا والله .. طلعت المباراة إعادة من السنة الماضية

الخطيبة = و امال ازاى إفتكرتها

الخطيب = نفس الهدوم ، ونفس الحكم لابس اسود ، والكوره نفسها مدوره ولونها ابيض

الخطيبة = كان لازم تتأكد قبل ما تروح الملعب

الخطيب = اه والله .. فاتتني الحكايه دى .. لأني انهاردا أنا مش مركز

الخطيبة = خير .. ان شا الله .. فيه حاجه ؟؟

الخطيب = لا مفيش بس الحج والحجه بقالهم فتره متخانقين

الخطيبة = ايه ايه ايه ... ليه ؟

الخطيب = معرفش بقالهم أسبوعين فى أوضتهم وقافلين الباب، و لدلوقت ما طلعوش منها

الخطيبة = يكونوا نايمين

الخطيب = لا .. اكيد لسه بيحلوا المشكله

الخطيبة = أي مشكلة؟

الخطيب = معرفش..ما فهمتش .. من أسبوعين سمعت الحج بيقول للحجه:

أنا خايف أموت عشان كدا عاوز اعترفلك بخيانتي الزوجية

أناكنت بخونك ، وكنت كل ما اخون بحط حباية فاصوليه بالمزهرية

جاب المزهرية طلعوا 3 حبايات فاصوليه

وبعدين الحجه قعدت تعيط وقالت: وانا كمان خنتك ،

وكنت كل ما اخونك بحط حباية عدس بالمزهرية
وجابتله المزهرية وطلعوا يتعدوا على صوابع الايد الواحده

بس قالت عشان الحلال والحرام انها طبخت منه ست مرات شوربة برمضان.

وعينك ما تشوف الا النور بعدها اتنرفز الحج أوى
_ معرفش ليه _ و سمعت صوت ضرب

الخطيبة = ليكون مبيحبش شوربة العدس؟

الخطيب = يمكن ..بس معناها ايه الخيانة الزوجية؟

الخطيبة = يعني مثلاً الحجه تقول للحج انها رايحه للخياطه عشان تخيط فستان

وهي كذابة تروح السوق وتشتري جاهز
وانت عارف تعرف الجاهز أغلى من التفصيل..!!

الخطيب = ايوا ... بكره تعملي معايا خيانة زوجية .. بقيت بعرفها

أصلاً كل ما تحبى تروحي عالخياطة هاروح معاكى

الخطيبة = أمرك .. وأنا فين مارحت هاخدك معايا

الخطيب = أصيله .. الله يساعدني و أسعدك

الخطيبة = أنا هاقفل التلفون .. بس ما تنساش تقول لأهلك عن ميعاد الفرح

الخطيب = هافضل أخبط ع الباب لحد ما يفتحولي
و أصالحهم على بعض عشان يحضروا فرحنا ..

الخطيبة = بلاش دلوقت يكونوا ناموا خليها للصبح

وانت كمان نام بسرعة و ما تفكرش فى حاجه

الخطيب = احاول ... بس مش بايدى بحب افكر

المصدر: †† ارثوذكس †† - من قسم: الضحك والفرفشة

[وردة حزينة]

ااااااااااوف دول شلوينى بغبائهم
ماجمع الا موافق بصراحه
ميرسى خالص يابشمهندس على الشلل ده
هههههههههههه

[Tony M]

رائع ممتع جذاب لذيذ

حاجة تغيظ

[zaza2006]

يالهووووووووووى دا انا اتخنقت من غبائهم ده غباء مستورد
شكرا على الشلل ده

[finyara]

الطيور على اشكالها تقع
ده تلاقى الحج والحاجة قتلوا بعض وعفنوا فى الاوضة والاستاذ مش حاسس هو فى كده برضوا
دوول فاقدين الوعى والاحساس والعقل يعنى جم الدنيا غلط ههههههههههه

[قلب المحيط]

ههههههههههههههههههههههههه هههه

يالهوي علي فقع المرارة دة تلافي الحج والحجة انتحرو هههههههههههههه

[@ حبيبة البابا كيرلس @]

الله ياسمحك يا بشمهدس

[lolaemo]

يارب ارحمنى اية الشلل ده
بس حلوة منك
توقيعك حلو انت ووردة حزينة توقيع رائع بجد

[ابتسم من فضلك]

ههههههههههههههههه جابولى شلل

[رفقة شحات]

حراااااااااااااااااااااام
دول جابولى العصبى والشلل
ايه الغباء ده
دول مدرسه غباء بحلها