[bassem8800370]

فطيرة التفاح




اولا الفطيرة دى حشوتها تفاح بس ممكن تتعمل بالكمثرى
و ممكن كمان اى حشوة تانية

مقادير العجينة

2 معلقة مائدة ماء دافىء لتدويب الخميرة
2 معلقة و ربع صغيرة خميرة فورية
رشة سكر
1/2 كوب حليب دافىء
6 معالق مائدة سكر
5 معالق مائدة زبدة فى درجة حرارة الغرفة
معلقة صغيرة ملح
2 صفار بيض
بشر برتقالة
2 1/4 كوب دقيق

الحشوة

1/4 كوب زبدة
1/2 سكر بنى
6 تفاحات مقشرة و مقطعة (ممكن كمثرى)
بشر برتقالة
بشر ليمون
معلقة صغيرة قرفة
رشة حبهان بودرة
1/3 كوب بسكوت مجروش (سافوايار او اى بسكوت تحبيه)

للدهان
بيضة مخفوقة مع معلقتين ماء

للجليز

1/2 كوب سكر بودرة
معلقة عصير برتقال
معلقة زيت برتقال (اختيارى و لكن اضافة ممتازة) روح البرتقال مثل الفانيليا

عمل العجينة

نشطى الخميرة مع السكر و الماء الدافىء
لمدة 15 دقيقة لغاية ماتعمل رغاوى
لو معملتش كده تبقى الخميرة ميتة و يجب استبدالها قبل اتمام العجن
سخنى الحليب و السكر و الزبدة بس مش يغلوا يسخنوا بسيط بس
امزجى المكونات السايلة
و المكونات الجافة و بعدين امزجيهم و اعجنى العجينة
و سبيها فى طبق غويط مدهونة زيت و ادهنى العجينة زيت و غطيها و سيبيها تخمر لغاية ماتتضاعف العجينة


عمل الحشوة

سخنى الزبدة على نار هادية و معاها السكر البنى
و قلبى كويس
و اضيفى التفاح
و قلبى كويس لغاية مايدبل
اضيفى البشر و البهارات
و سيبى المزيج يبرد خالص خالص خالص
افرشى الصينية بورق زبدة و رشى عليه دقيق
افردى العجينة و اعمليها 3 اقسام طولية عشان تعملى ضفيرة
الجزء اللى حاتعملى فيه الحشوة و حطى البسكوت المجروش عليه
ثم الحشوة و ضفرى العجينة
سيبيها تخمر 30 دقيقة فى مكان دافىء
ادهنى وش الفطيرة بالبيض
و بعدين دخليها تتخبز فى فرن سابق التسخين
لمدة 25 الى 30 دقيقة
طلعيها تبرد
بعد ماتبرد حطى عليها الجليز و الجليز لو كان سميك اوى زودى عليه عصير بس مش كتير

المصدر: †† ارثوذكس †† - من قسم: طباخك الخاص

[@M@R!N]

اللللللللللللللللله شكلها جامد موووووووووووت
نبقى نجربهاااااااااااااا
ميرسييييييييييييي

[twaty]

ميرسى بجد يا باسم على الطريقة
تسلم ايدك وربنا تعوضك خير

[marmargogo]

وووووووووووووووواو حلوة اوى ياباسم وشكلها رائع ان شاء اللة اجربها ربنا يعوضك