[دميانه طلبه]

سلام ونعمة

عندما صلب السيد المسيح على الصليب حمل خطايا العالم كله وغفر خطايانا
فلماذا وضع الله فى الكنيسة سر الاعتراف اذا كان هو غفرها لنا بصلبه

المصدر: †† ارثوذكس †† - من قسم: سؤال وجواب

[elphilasouf]

احيكي اولا علي سؤال
انا شخصيا مش بحب اعمل اي حاجه في حياتي الا واكوت مقتنع بيها وبفيدتها
والاعتراف واحد منها
بس ببساطه هقولك

الانسان لما غلط وانفصل عن ربنا
ربنا لانه بيحبه اوي مرضاش ان هو يموت ويبعد عنه
بل تنازل من مجده واخلي ذاته اخذا صوره العبد ليموت من اجله

+ وعن طريق موته ع الصليب حمل خطايا العالم كله وفداهم ( المؤمنين بيه والغير مؤمنين )

لكن الى هيتمتع بالفداء ده لازم يكون ليه شروط محدده ربنا هو الى حددها زي ماقال
" إن اعترفنا بخطايانا فهو أمين و عادل حتى يغفر لنا خطايانا و يطهرنا من كل أثم " (1يو 1 : 9)

+ النقطه التانيه
ان ربنا من صفاته انه طاهر وقدوس مفهوش حاجه غلط او اي حاجه وحشه
معملش اي غلطه او خطيه
وانا دلوقتي عاوز اعيش مع ربنا واستمتع باالحياه والفرح والسلام معاه
هعيش مع ربنا ازاي وانا كلي خطايا ؟
ربنا هو الى بيطرهنا ويقدسنا لانه الوحيد القادر ع كده
طيب هيطهرنا ازاي؟

زي ماقولنا
" إن اعترفنا بخطايانا فهو أمين و عادل حتى يغفر لنا خطايانا و يطهرنا من كل أثم " (1يو 1 : 9)

الاعتراف عشان : 1- غفران الخطايا ( تتمسح )
2 - تطهير من كل أثم ( تطهير وتنقيه )
وعشان اعترف لازم الاول اتوب عشان مرجعش اغلط تاني

لا الاول احاول اقلل واعالج مع ابونا كله خطيه فيا بالترتيب كده وخطوه خطوه بارشاده وبعد كده اعتراف

ومره مع مره هتعود اني مغلطش او ع الاقل خطايا هتقل كده

وعن طريق ممارسه بقي وسائط النعمه ( القراءه في الكتاب المقدس حضور القداسات والصلاه .. الخ )


اكيد في اسئله تانيه في موضوع الاعتراف
ياريت لو تسأليها كمان وانا منتظر مع تحديد السن عشان ده هيفيد في طريقه الاجابه

[دميانه طلبه]

سلام ونعمة
أنا عندى 14سنة ودائماً تقول لنا تاسونى فى الكنيسة أن اب الاعتراف مثل الطبيب
فأنا اذهب له وانا متعبة فيعطينى الدواء لكى اعود الى صحتى.

انا ممكن اكون عارفة الدواء دون ان اذهب الى طبيب
هكذا انا عارفة الارشادات التى يقولها لى اب الاعتراف ممكن اعملها واحاول ابطل خطية واصلى دون ان اذهب الى الكاهن

[elphilasouf]

المشاركة الأصلية كتبت بواسطة دميانه طلبه سلام ونعمة أنا عندى 14سنة ودائماً تقول لنا تاسونى فى الكنيسة أن اب الاعتراف مثل الطبيب فأنا اذهب له وانا متعبة فيعطينى الدواء لكى اعود الى صحتى. انا ممكن اكون عارفة الدواء دون ان اذهب الى طبيب هكذا انا عارفة الارشادات التى يقولها لى اب الاعتراف ممكن اعملها واحاول ابطل خطية واصلى دون ان اذهب الى الكاهن

طيب ينفع بردوا لو انا جالي صداع مثلا اقول انا هاخد دوا للصداع وخلاص ؟؟؟
طب مايمكن انا الصداع ده سببه العين
او يكون سببه ان في حاجه في راسي معينه مش شغاله تمام
انا هعرف منين
مش لازم الدكتور يكشف عليا وهو يديني احسن دوا ؟

يعني انا مش هعرف اكتر من الدكتور ؟!!
طيب ده حتي البابا شنوده نفسه بيعترف زيينا عند ابونا ...
انا بردوا هفهم اكتر من البابا شنوده ؟

ابونا بارشاد الروح القدس هيديني احسن دوا واسهل علاج احل بيه المشكله او الخطيه الى عندي
كمان هيصلبيلي ويتابعني ولو عاوز اعرف حاجه معينه او سؤال في دماغي هو هيجاوبلي عليه ...

كمان هيرشدني لو انا محتار في حاجه معينه

كمان انا هكون فرحان و مرتاح نفسيا اول مااعترف لبونا واخرج كده انطلق بحس ان قلبي بينطط وفرحان اوي اني خلاص بقيت نضيف وحلو ..

[اشورى]

بسم الاب والابن والروح القدس الاله الواحد امين

رغم انى ارثوذكسى الا انى مش بحب موضوع الاعتراف ده ومش مقتنع بيه ..
مهما سمعت من تفاسير ومن اسباب ومن ايات ومن امثله .. لاكن برده مش مقتنع بيه

ازاى اعترف لواحد خاطى زى وتحت حكم الموت زى .. ليه مش اعترف لربنا على طول؟
اما عن موضوع الطبيب وان الاب الكاهن طبيب روحى بالنسبه ليه فعلا الكلام ده مظبوووط هاقولكم ازاى
انا مثلا لما بروح اعترف يكون قدامى فى الكشف فوق 20 شخص واستنى دورى وكل واحد يتحايل على التانى عشان يدخل يكشف وينجز بدرى بدرى زى مايكون بيقدى غرض وخلاص
اما عن الاب الكاهن كل مره ااقوله نفس الكلام وهو يقولى نفس الكلام .. مفيش جديد

الحقيقه انا مش متخيل ان ممكن واحده بنت او ست تقعد قدام ابونا وتقوله انا عندى كذا وكذا وعملت كذا وكذااا !!!!!!!!!! ياجماعه الاب الكاهن ده مهما كان بشر


"من غفرتم له خطاياه غفرت ومن أمسكتموها عليه أمسكت"

ممكن واحد يجيب ليه الايه دى ويقولى ده نص من الكتاب بيؤكد موضوع الاعتراف ..
طب ما المسيح كان بيقول لليهود غفرت لكم خطايكم من غير ما حد يعترف للمسيح بخطايا !!!! واظن ان ده هو المعنى الصحيح للأيه ان المغفره شىء والاعتراف شىء اخر

اعترفوا بعضكم لبعض بالزلات،
حتى الايه دى كمان انا شايف ان معنى الايه برده مش بيقول ان انا اعترف للاب الكاهن على خطايا.. اعترفوا بعضكم لبعض بالزلات .. ياعنى انا مثلا غلط فى حد بمعنى زله يبقى اعترف ليه انى غلط فيه واطلب منه يسامحنى ويغفرلى زلتى ونفس الحال لو العكس


الحقيقه انا شايف ان مفيش ثوابت قويه فى الكتاب المقدس على موضوع الاعتراف ده عشان كده انا برفضه نهائيااااا

انا اسف لو حد اضايق من كلامى


ا

[elphilasouf]

المشاركة الأصلية كتبت بواسطة اشورى بسم الاب والابن والروح القدس الاله الواحد امين رغم انى ارثوذكسى الا انى مش بحب موضوع الاعتراف ده ومش مقتنع بيه .. مهما سمعت من تفاسير ومن اسباب ومن ايات ومن امثله .. لاكن برده مش مقتنع بيه ازاى اعترف لواحد خاطى زى وتحت حكم الموت زى .. ليه مش اعترف لربنا على طول؟ اما عن موضوع الطبيب وان الاب الكاهن طبيب روحى بالنسبه ليه فعلا الكلام ده مظبوووط هاقولكم ازاى انا مثلا لما بروح اعترف يكون قدامى فى الكشف فوق 20 شخص واستنى دورى وكل واحد يتحايل على التانى عشان يدخل يكشف وينجز بدرى بدرى زى مايكون بيقدى غرض وخلاص اما عن الاب الكاهن كل مره ااقوله نفس الكلام وهو يقولى نفس الكلام .. مفيش جديد الحقيقه انا مش متخيل ان ممكن واحده بنت او ست تقعد قدام ابونا وتقوله انا عندى كذا وكذا وعملت كذا وكذااا !!!!!!!!!! ياجماعه الاب الكاهن ده مهما كان بشر "من غفرتم له خطاياه غفرت ومن أمسكتموها عليه أمسكت" ممكن واحد يجيب ليه الايه دى ويقولى ده نص من الكتاب بيؤكد موضوع الاعتراف .. طب ما المسيح كان بيقول لليهود غفرت لكم خطايكم من غير ما حد يعترف للمسيح بخطايا !!!! واظن ان ده هو المعنى الصحيح للأيه ان المغفره شىء والاعتراف شىء اخر اعترفوا بعضكم لبعض بالزلات، حتى الايه دى كمان انا شايف ان معنى الايه برده مش بيقول ان انا اعترف للاب الكاهن على خطايا.. اعترفوا بعضكم لبعض بالزلات .. ياعنى انا مثلا غلط فى حد بمعنى زله يبقى اعترف ليه انى غلط فيه واطلب منه يسامحنى ويغفرلى زلتى ونفس الحال لو العكس الحقيقه انا شايف ان مفيش ثوابت قويه فى الكتاب المقدس على موضوع الاعتراف ده عشان كده انا برفضه نهائيااااا انا اسف لو حد اضايق من كلامى ا

معلش ماهي تفسيرات ايات الكتاب المقدس لا يصح اننا نفسرها ع مزاجنا
وعندي سؤال
ماالميزه في الارثوذكسيين عن الطوائف الاخري ؟؟ في ميزه مهمه فيهم ياريت تقولهالي


وبخصوص حاله الملل من الاعتراف
فسر الاعتراف يحتاج اولا توبه عن كل خطا واثم بتعمله قبل الاعتراف
بمساعد تصميمك ع التوبه والحياه النقيه مع المسيح اولا و الصلاه والصوم ووسائط النعمه وارشاد اب الاعتراف هتقدر تتخلص من كل خطيه

لكن إن في عدم تقدم في حياتك الروحيه فده لاسباب خاصه لكن مش سبب عام في سر الاعتراف بزاته ..

ولا أحد يزعل من كلامك طبعا ده مجرد نقاش

[دميانه طلبه]

شكراً جداً يا قدس أبونا

[elphilasouf]

المشاركة الأصلية كتبت بواسطة دميانه طلبه شكراً جداً يا قدس أبونا

العفو ... بس صدقيني انا مش ابونا
انا من الشـعـــــــــب خدام المسيح

[elphilasouf]

مفسرين الكتاب المقدس ....
يعتمدون في تفسيرتهم ع ارشاد الروح القدس أولا

بجانب أن تفسير الكتاب المقدس بيكون من اللغات الاصليه للكتاب المقدس
العبريه واليونانيه و مفسر الكتاب المقدس مش اي حد طبعا لانه بيعتمد علي
مجموعه من الدراسات العلميه والابحاث والمعلومات والكتب وتفسيرات الاباء القديسين الاولين واجزاء الكتاب المقدس الاخري

وليس من الطبيعي أن يفسر أي شخص مهما كان أي اي من الكتاب المقدس ع تفسيراته الخاصه