كلنا كغنم ضللنا ملنا كل واحد فى طريق, واكل الجراد منا سنيا عديده ليس لها حساب .....كل هذا ونحن مازلنا قساه نظن اننا ابرار بلا اصنام والحقيقه اننا ياسيد نخفى ذلك الصنم فى طيات نفوسنا ونسمع كل مايقوله لنا فى حرص ونسرع لننفذه فمرات عديده تنادينا ياسيد ولانسمع لنداءاتك الحانيه ولكن حين تنادينا الذات نلبى النداء فى الحال لكن ياسيد اذ ليس لنا خلاص فى انفسنا مازال الشوق فى داخلنا لذلك النهار الجديد الذى تملك انت فيه وتنزع ونحطم كل صنم فى ذواتنا
صفحه جديده !!...
سنين عدت علينا واحنا لسه بعيد
وكل يوم يطلع لينا سيد جديد
وينده صوتك علينا ونبعد اكتر واكتر
ويزيد البعد فينا قساوه وعند اكبر
بس لسه القلب فيه اشواق ليوم جديد
يوم ماتملك انت فيه وتبقى الحب الوحيد
ندهت ذاتنا علينا خدتنا لكوره بعيد
غابت شمس النهار صبحنا فيها عبيد
وتغيب الشمس علينا والضلمه تكتر وتكتر
وتئن قلوبنا فينا كان ايه خلانا نرحل
بس لسه القلب فيه اشواق ليوم جديد
يوم ماتملك انت فيه وتبقى الحب الوحيد
اشرق يارب علينا فجر لنهار جديد
نفتح صفحه جديده صفحة عهد جديد
ونورك انت فادينا يبان فينا ينور
ويشوف العالم فينا يسوع واضح منور
ويرجع القلب يرنم فى فجر يوم جديد
يوم بس انت فيه وحدك الحب الوحيد
كلمات
م / صموئيل عبيد
مشاهدة صفحة طباعة الموضوع
أرسل هذا الموضوع إلى صديق
من وحى الابن الضال : كلمات ترنيمة صفحة جديده كلمات م/ صموئيل عبيد
المواضيع المتشابهه
العرض الشجري