تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد


  †† ارثوذكس †† > كل منتدايات الموقع > منتدى المــرأة > طباخك الخاص

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


جميع اصناف البيتزا على طريقه المحلات العالميه

هنبتدي بإيه دلوقتي احنا دخلنا المطبخ وهنبدأ نجهز طلبات البيتزا وأول حاجة هتجهزيها هي عجينة البيتزا، لأنها محتاجة وقت علشان العجينة تخمر، وبيني وبينك كده فيه أكتر من

اضافة رد

 
أدوات الموضوع انواع عرض الموضوع

رقم المشاركة : ( 1 )
الصورة الرمزية cute girl
cute girl
ThE PrInSeSs
cute girl غير متواجد حالياً
 
رقم العضوية : 103579
تاريخ التسجيل : Apr 2010
مكان الإقامة : فى بلاد الله الواسعه
عدد المشاركات : 37
عدد النقاط : 10
قوة التقييم : cute girl is on a distinguished road
New Asa جميع اصناف البيتزا على طريقه المحلات العالميه

كُتب : [ 06-14-2010 - 11:44 PM ]


هنبتدي بإيه
دلوقتي احنا دخلنا المطبخ وهنبدأ نجهز طلبات البيتزا وأول حاجة هتجهزيها هي عجينة البيتزا، لأنها محتاجة وقت علشان العجينة تخمر، وبيني وبينك كده فيه أكتر من طريقة لعمل عجينة البيتزا يعني فيه ناس بتعملها ببيض ولبن وفيه ناس بتعملها من غير بيض ولا لبن، واحنا هنقولك على الطريقتين واللي يعجبك فيهم اعمليه..
جميع اصناف البيتزا طريقه المحلات 1q.gif

جميع اصناف البيتزا طريقه المحلات un4ax.gif
العجينة على طريقة نابولي



المقادير:

3 أكواب دقيق
2 ملعقة خميرة بيرة
2/1ملعقة صغيرة ملح
• كوب ماء دافئ
3معالق كبيرة زيت ذرة

الطريقة:

1- اخلطي كوب ونصف دقيق مع الخميرة والملح وبعد كده ضيفي الميه والزيت، واضربيهم كلهم بمضرب البيض الكهربائي على سرعة عالية لمدة 3 دقائق.
2- ضيفي باقي الدقيق إلى الخليط السابق وقلبيه باستخدام ملعقة خشبية.
3- انقلي العجينة على رخامة المطبخ أو على لوح خشبي وابدئي في عجنها بإيدك لغاية ما تلاقيها بقت طرية ومطاطة وسهلة التشكيل على شكل دوائر كبيرة.
4- انقلي العجينة إلى الطبق البلاستيك أو طبق زجاجي كبير وادهنيها بالزيت وغطيها بقطعة قماش وسيبيها في مكان دافي لمدة ساعتين علشان تخمر وحجمها يزيد...
جميع اصناف البيتزا طريقه المحلات 1q.gif
جميع اصناف البيتزا طريقه المحلات un4ax.gif

العجينة على طريقة ملاينو


المقادير:

2 كوب دقيق
2 بيضة
2 معلقة زبدة
كوب لبن
ذرة ملح وفلفل
2 معلقة خميرة بيرة
2/1معلقة سكر

الطريقة:

1- اخلطي الخميرة مع السكر.

2- هاتي طبق زجاج أو بلاستيك كبير وحطي فيه السمنة واضربيها بالمضرب الكهربائي وبعد كده ضيفي إليها باقي المقادير والخميرة والسكر واضربيهم مع بعض بالمضرب هتلاقي إن العجينة بقت جامدة شيلي المضرب واعجني العجينة بإيدك لغاية ما تلاقيها بقت طرية ومطاطة غطيها وسيبيها لمدة 3 ساعات عشان تخمر.
بس يا ستي دول كانوا أشهر طريقتين لعمل عجينة البيتزا في إيطاليا وحبيت أقولهم في الأول لأن زي ما إنت عارفة إن أهم حاجة في البيتزا هي العجينة وعلى فكرة العجينة دي هتستخدميها في عمل أي نوع إنت عايزاه من أنواع البيتزا.
.
وفيه حاجة تانية مهمة لازم تكوني عارفاها علشان هتحتاجيها في عمل كل نوع من أنواع البيتزا وهي..

جميع اصناف البيتزا طريقه المحلات 1q.gif
صلصة البيتزا

جميع اصناف البيتزا طريقه المحلات Kamar_04.jpg

المقادير:

4 حبات طماطم مقشرة ومقطعة مكعبات صغيرة
4 ملاعق كبيرة معجون طماطم
2 ملعقة كبيرة زيت ذرة
1 ملعقة صغيرة زعتر جاف ومطحون
1 ملعقة صغيرة أوريجانو، أو نعناع، جاف ومطحون
1 ملعقة كبيرة ملح وفلفل

الطريقة:

1. سخني الزيت في طاسة على نار هادية، وبعد كده ضيفي الطماطم ومعجون الطماطم والزعتر والأوريجانو أو النعناع و4/3 كوب ماء وسيبي الخليط على النار لمدة نص ساعة علشان يتسبك...

بعد ما تلاقيه اتسبّك أو بقى تقيل شيليه من على البوتجاز واستخدميه في عمل البيتزا زي ما قلنا.
جميع اصناف البيتزا طريقه المحلات 1q.gif
ودلوقتي هنعرف ازاي تعملي كل نوع بيتزا
جميع اصناف البيتزا طريقه المحلات un4ax.gif

بيتزا بالخضروات

جميع اصناف البيتزا طريقه المحلات Kamar_05.jpg

المقادير:

عجينة بيتزا
1 حبة فلفل أخضر مقطعة مكعبات أو عيدان
2/1 كوب صلصة بيتزا أو "معجون طماطم"
2 حبة طماطم مقطعة قطع صغيرة أو حلقات
بصلة متوسطة الحجم مقطعة حلقات
1 كوب عيش الغراب شرائح
2 فص ثوم مفروم
1 ملعقة صغيرة زعتر
2/1 كوب جبنة موتزاريلا مبشورة
2/1 ملعقة صغيرة فلفل أسود
عرقان من الكرفس مقطعان قطعا صغيرة
زيتون أسود مقطع دوائر
أوراق ريحان للزينة "حسب الرغبة"

الطريقة:

1- قطعي عجينة البيتزا إلى قطع صغيرة مدوّرة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا وبعد كده حطيها في الصينية اللي هتسويها فيها بس خدي بالك إنك قبل ما تحطيها تدهني الصينية بالزيت.
2- ضيفي صلصلةالبيتزا فوق العجينة ورشي الثوم المفروم وضيفي الفلفل الأخضر والطماطم والبصل والكرفس والزيتون الأسود وعيش الغراب ورشي الفلفل الأسود وقطعيالبيتزا على شكل مثلثات.
3- رشي الجبنة الموتزاريلا والزعتر من على السطح.
4- سخني الفرن على درجة حرارة "220 - 200 ْ مئوية" بعد كده دخلي صينية البيتزا في الفرن لمدة 15 دقيقة وبعد ما تلاقي وشها احمرّ خرجيها، واوعي تاكلي صوابعك وراها.
جميع اصناف البيتزا طريقه المحلات 1q.gif

جميع اصناف البيتزا طريقه المحلات un4ax.gif

بيتزا بالسجق

جميع اصناف البيتزا طريقه المحلات Kamar_06.jpg

المقادير:

عجينة بيتزا
1 حبة فلفل أخضر مقطعة مكعبات أو عيدان
2/1 كوب صلصة بيتزا أو معجون طماطم
بصلة متوسطة الحجم مقطعة حلقات
2 فص ثوم مفروم
2/1كوب جبنة موتزاريلا مبشورة
2/1 ملعقة صغيرة فلفل أسود
عرقان من الكرفس مقطعان قطعا صغيرة جدا
سجق مقطع
2/1 كوب زيتون أسود أو أخضر مقطع شرائح

الطريقة:
1- قطعي عجينة البيتزا إلى قطع صغيرة مدورة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا وبعد كده حطيها في الصينية اللي هتسويها فيها بس خدي بالك إنك قبل ما تحطيها تدهني الصينية بالزيت.
2- ضيفي صلصلة البيتزا
فوق العجينة ورشي الثوم المفروم وضيفي الفلفل الأخضر والبصل والكرفس والزيتون الأسود والسجق ورشي الفلفل الأسود.
3- رشي الجبنة الموتزاريلا والزعتر على السطح وقطعي
البيتزا على شكل مثلثات.
4- سخني الفرن على درجة حرارة "220 - 200 ْ مئوية" بعد كده دخلي صينية البيتزا في الفرن لمدة 15 دقيقة وبعد ما تلاقي وشها احمرّ خرجيها واوعي تاكلي صوابعك وراها.
جميع اصناف البيتزا طريقه المحلات 1q.gif

جميع اصناف البيتزا طريقه المحلات un4ax.gif
يبتزا باللحمة المفرومة وعيش الغراب

جميع اصناف البيتزا طريقه المحلات Kamar_07.jpg

المقادير:

عجينة بيتزا
ربع كيلو لحم مفرومة
1كوب عيش الغراب شرائح
1حبة فلفل أخضر،مقطعة قطعا صغيرة
1بصلة صغيرة مقطعة شرائح
1 فص ثوم مفروم
2ملعقة كبيرة معجون طماطم
2كوب جبنة موتزاريلا
2ملعقة كبيرة زيت ذرة

الطريقة:

1- قطعي البصل إلى شرائح وبعد كده سخني الزيت في طاسة كبيرة على نار هادية وابدئي في إضافة اللحمة المفرومة مع التقليب المستمر علشان اللحمة ما تلزقش منك لمدة عشرة دقائق بعد كده ضيفي عيش الغراب والبصل والثوم والفلفل الأخضر وشوية ملح وفلفل وقلبيهم كلهم مع بعض وسيبيهم على النار حوالي 10 دقائق كمان.
2- قطعي عجينة البيتزا إلى قطع صغيرة مدورة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا وبعد كده حطيها في الصينية اللي هتسويها فيها بس خدي بالك إنك قبل ما تحطيها تدهني الصينية بالزيت.
3- ضيفي صلصلة البيتزا فوق العجينة وبعد كده رشي عليها خليط اللحمة المفرومة اللي عملتيه عليها ورشي الجبنة الموتزاريلا على السطح البيتزا وقطعي البيتزا على شكل مثلثات.
4- سخني الفرن على درجة حرارة "220 – 200 ْ مئوية" بعد كده دخلي الصينية في الفرن لمدة 15 دقيقة وبعد ما تلاقي وشها احمرّ خرجيها واوعي تاكلي صوابعك وراها.
جميع اصناف البيتزا طريقه المحلات 1q.gif

جميع اصناف البيتزا طريقه المحلات un4ax.gif
بيتزا بالجمبري

جميع اصناف البيتزا طريقه المحلات Kamar_08.jpgالمقادير:

عجينة بيتزا
نص كيلو جمبري متوسط مقشر.
4 ملاعق صلصة بيتزا أو معجون الطماطم
1فص ثوم مفروم ناعم
2/1حبة فلفل أخضر مقطع مكعبات صغيرة
2/1 حبة فلفل أحمر أو فلفل حار مقطع مكعبات صغيرة
1حبة طماطم مقطع مكعبات صغيرة
1 بصلة مقطعة شراح
1كوب جبنة موتزاريلا مبشورة
2/1كوب جبنة شيدر مبشورة
2ملعقة كبيرة زيت ذرة
ملح وفلفل
نص حزمة كرفس.

الطريقة:

1- هات الجمبري ونظفيه كويس واغسليه أكتر من مرة وبعد كده ضيفي إليه الثوم المدقوق مع الملح والفلفل.
2- سخني الزيت في طاسة على نار عالية وبعد كده ضيفي إليه الجمبري والثوم مع التقليب لغاية ما لون الجمبري يتحول إلى اللون البرتقالي.
3- قطعي عجينة البيتزا إلى قطع صغيرة مدورة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا وبعد كده حطيها في الصينية اللي هتسويها فيها بس خدي بالك قبل ما تحطيها تدهني الصينية بالزيت.
4- تضاف صلصة البيتزا فوق العجينة ثم يضاف الجمبري ثم يضاف الفلفل الأحمر والأخضر والطماطم والبصل وترش الجبنة الموتزاريلا والشيدر من على السطح وتقطع
البيتزا على شكل مثلثاث.
5- سخني الفرن على درجة حرارة "220 - 200 ْ مئوية" بعد كده دخلي صينية البيتزا في الفرن لمدة 15 دقيقة وبعد ما تلاقي وشها احمرّ خرجيها واوعي تاكلي صوابعك وراها.
وعلى فكرة طريقة عمل "بيتزا السي فوود" شبه طريقة عمل "بيتزا الجمبري" بس كل الحكاية إنك هتضيفي إلى المقادير "كابوريا مقشرة" و"سبيط مسلوق"
جميع اصناف البيتزا طريقه المحلات 1q.gif

جميع اصناف البيتزا طريقه المحلات un4ax.gif
بيتزا بالفراخ



جميع اصناف البيتزا طريقه المحلات Kamar_09.jpg

المقادير:

عجينة بيتزا
2/1 كوب صلصة بيتزا أو معجون طماطم
2/1 كوب ريحان أخضر الأوراق فقط "اختياري"
2/1كيلو صدور دجاج
• 2 ملعقة كبيرة زيت زيتون
2/1 كوب جبنة رومي مبشورة أو بارميزان
2/1 كوب جبنة موتزاريلا مبشورة
1 كوب عيش الغراب أو شرائح زيتون أخضر
ملح وفلفل
بصلة صغيرة مقطعة قطع صغيرة

الطريقة:

1- قطعي صدور الفراخ إلى قطع متوسطة الحجم وتبليها بالملح والفلفل والبصلة الصغيرة وسيبيها لمدة ساعة ونص وبعد كده شيليها من البصل.
2- سخني زيت الزيتون في طاسة على نار متوسطة وبعد كده ضيفي إليها الفراخ مع التقليب لغاية ما تحسي إن الفراخ بدأت تستوي اطفي البوتاجاز.
3- قطعي عجينة البيتزا إلى قطع صغيرة مدورة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا، وبعد كده حطيها في الصينية اللي هتسويها فيها بس خدي بالك إنك قبل ما تحطيها تدهني الصينية بالزيت.
4- رشي صلصة البيتزا على العجينة وضيفي إليها قطع الدجاج وبعد كده رشي عليها عيش الغراب أو الزيتون ونصف كمية أوراق الريحان. واخلطي الجبن الموتزاريلا والجبن البارميزان وبعد كده رشيهم على سطح البيتزا وقطعي البيزا على شكل مثلثات.
5- سخني الفرن على درجة حرارة "220 - 200 ْ مئوية" بعد كده دخلي صينية البيتزا في الفرن لمدة 15 دقيقة وبعد ما تلاقي وشها احمرّ خرجيها واوعي تاكلي صوابعك وراها.
جميع اصناف البيتزا طريقه المحلات 1q.gif


وبكده نكون خرجنا من المطبخ وعملنا أكتر من صنف من أصناف البيتزا الشهية اللي بنحبها..

وبالهنا والشفا على قلبكو جميع اصناف البيتزا طريقه المحلات 10300.gif




رد مع إقتباس
Sponsored Links
بياناتي
 رقم المشاركة : ( 2 )
اتوسي
ارثوذكسي شغال
رقم العضوية : 87666
تاريخ التسجيل : Dec 2009
مكان الإقامة :
عدد المشاركات : 88
عدد النقاط : 10

اتوسي غير متواجد حالياً

Soccer رد: جميع اصناف البيتزا على طريقه المحلات العالميه

كُتب : [ 07-07-2010 - 12:46 PM ]


ميرسي كتير .............
بس انا جوعانة و دورت بكل الموضوع اذا في صورة لطبق البيتزا و ما لقيت
و الحل ؟؟؟؟؟؟؟؟؟؟هههههههههههه


رد مع إقتباس
بياناتي
 رقم المشاركة : ( 3 )
menovich
Iesus Naserenus
رقم العضوية : 50284
تاريخ التسجيل : Feb 2009
مكان الإقامة : ANY WHERE
عدد المشاركات : 6,206
عدد النقاط : 27

menovich غير متواجد حالياً

افتراضي رد: جميع اصناف البيتزا على طريقه المحلات العالميه

كُتب : [ 07-07-2010 - 03:54 PM ]


ميرسى على الطرق الجميلة والمفيدة لعمل البيتزا

ربنا يباركك

رد مع إقتباس
بياناتي
 رقم المشاركة : ( 4 )
نادر شحاته
ارثوذكسي مكافح
رقم العضوية : 84636
تاريخ التسجيل : Nov 2009
مكان الإقامة :
عدد المشاركات : 185
عدد النقاط : 10

نادر شحاته غير متواجد حالياً

افتراضي رد: جميع اصناف البيتزا على طريقه المحلات العالميه

كُتب : [ 07-07-2010 - 04:10 PM ]


جميله وتجوع


رد مع إقتباس
بياناتي
 رقم المشاركة : ( 5 )
*only*
love jeses
رقم العضوية : 108953
تاريخ التسجيل : Jun 2010
مكان الإقامة :
عدد المشاركات : 1,791
عدد النقاط : 10

*only* غير متواجد حالياً

افتراضي رد: جميع اصناف البيتزا على طريقه المحلات العالميه

كُتب : [ 07-31-2010 - 11:39 AM ]


ميرسي ع البيتزا
تسلم ايدك


رد مع إقتباس
بياناتي
 رقم المشاركة : ( 6 )
twaty
ارثوذكسي ذهبي
رقم العضوية : 97627
تاريخ التسجيل : Mar 2010
مكان الإقامة :
عدد المشاركات : 8,075
عدد النقاط : 60

twaty غير متواجد حالياً

افتراضي رد: جميع اصناف البيتزا على طريقه المحلات العالميه

كُتب : [ 10-12-2010 - 04:26 AM ]


ميرسى بجد على الطرق الحلوة دى
بجد تسلم ايدك


رد مع إقتباس
بياناتي
 رقم المشاركة : ( 7 )
اشرف الكومندا
ارثوذكسي جديد
رقم العضوية : 119030
تاريخ التسجيل : Oct 2010
مكان الإقامة :
عدد المشاركات : 22
عدد النقاط : 10

اشرف الكومندا غير متواجد حالياً

افتراضي رد: جميع اصناف البيتزا على طريقه المحلات العالميه

كُتب : [ 11-17-2010 - 12:35 PM ]


انواع رائعة تسلم الايادى


رد مع إقتباس
بياناتي
 رقم المشاركة : ( 8 )
مارى بنت رب المجد
ارثوذكسي شغال
رقم العضوية : 127162
تاريخ التسجيل : Mar 2011
مكان الإقامة :
عدد المشاركات : 54
عدد النقاط : 10

مارى بنت رب المجد غير متواجد حالياً

افتراضي رد: جميع اصناف البيتزا على طريقه المحلات العالميه

كُتب : [ 03-25-2011 - 11:31 PM ]


ميرسى كتير ربنا يباركك

رد مع إقتباس
بياناتي
 رقم المشاركة : ( 9 )
ماري جمال جرجس
ارثوذكسي صانع
رقم العضوية : 81753
تاريخ التسجيل : Oct 2009
مكان الإقامة :
عدد المشاركات : 505
عدد النقاط : 10

ماري جمال جرجس غير متواجد حالياً

افتراضي رد: جميع اصناف البيتزا على طريقه المحلات العالميه

كُتب : [ 05-21-2011 - 01:45 AM ]


تسلم ايديكم


رد مع إقتباس

اضافة رد

مواقع النشر (المفضلة)

الكلمات الدلالية (Tags)
طريقه, اصناف, البيتزا, العالميه, المحلات, جميع, على

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كتاب صلاة ينفع يتعمل للاربعين وذكرى السنوية george_sobhi الصلوات وطلبات الصلاة 5 06-22-2017 02:55 AM
قراءات يوم الاثنين من البصخة المقدسة ماروجيرافك قسم الحان اسبوع الالام 1 04-29-2013 04:50 PM
برنامج تحويل جميع الوسائط المتعددة Format Factory 2.20 bassem8800370 قسم البرامج 3 02-17-2010 05:06 PM
دى يا جماعة الاجبية من جهازى سيزر الروش الصلوات وطلبات الصلاة 4 10-17-2009 03:28 PM
البيتزا andro dodo طباخك الخاص 11 07-09-2009 04:13 PM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 09:54 AM.