[بنت الراعي]

القداس اللي المفروض اننا فيه في السما
اللي اقدس من كده مفيش للاسف بنكدب فيه ايوه بنكدب
كلنا بنسمع ابونا بيقول "اين هي الان قلوبكم او ارفعوا قلوبكم "
وكلنا بمنتهي الثقه والانسحاق بنرد "هي عند الرب"
طب ياتري بتكون فعلا عند الرب ولا في مكان تاني واجسادنا هي اللي في الكنيسه عند الرب

هل هي عند الرب ولا مشغوله باللي داخل واللي خارج
مشغوله مع استايل ولون شعر ولبس البنت او الولد اللي قدامي او جنبي

هل هي فعلا عند الرب ولا مشغوله بمعاد خروجنا من القداس وكل شويه عيونا رايحه جايه علي الساعه واللي ربنا يكرمه ويمسك خولاجي يفضل يدور باقي اد ايه ويخلص ولو ابونا قال لحن او الشماس لحن شويه تبقي مصيبه


ومش بس كده ده كمان ابونا يرد يقول
"فلنشكر الرب "
وطبعا كلنا بنفس الثقه والانسحاق نرد"مستحقا وعادل"
هل فعلا بنكون راضين وشايفين انه مستحق وعادل
ولا ساخطين وغضبانين عليه وكل شويه نقوله ليه وليه وليه .........؟؟؟
وبنلوم ونتذمر علي كل حاجه يقدمها او يعملهالنا


يا جماعه ارجوكم القداس ده حياة مش مجرد روتين وطقوس
ده حياه متجدده كل يوم ياريت نقدر نسلك بتدقيق ونكون فعلا مركزين وفرحانين مع القداس وحاسين اوي بيه
وربنا يهدينا

المصدر: †† ارثوذكس †† - من قسم: مناقشات دينية وروحية

[beedo]

شكرا جزيلا
فعلا موضوع محير ربنا يدينا كلنا اننا نقدر نعيش معاة

[merrete]

تسلم ايدك يا بنت الراعى كلامك جميل اوى ياريت فعلا نعيش القداس كانه حياه مع ربنا ومش نهتم باى حاجه واحنا واقفين فيه غير ربنا بس ربنا يباركك يا قمر

[مينا الحديدى]

شكرا بنت الراعى على الموضوع الجميل دة
وربنا يدينا ان لما نكلمة يبقى الكلام نابع من قلوبنا
ومتاكدين منة
مش كلام بنقولة لانة مفرض ان احنا نقولة

[elphilasouf]

ربنا يهدينا يا ايمى ونحس بطعم القداس الحلو
وتختلف نظرتنا ليه من وقت روتينى ممل
الى متعه واستمتاع ومشاركه بكل طقوسه الحلوه ومعنيه الجميله

كان فى وعظه لسيدنا الاسقف العام
هو كان اسقف عام
مين بقى الله اعلم
المهم هو كان بيشير ان سبب رئيسي اننا بنمل من الطقوس الكنسيه اننا مش عارفين معناه او معنى الطقوس الى فيها

ده طبعا + نظرتنا الخاصه للقداس انه وقت روتينى او الهدف منه اكل الجسد والدم فى الاخر وخلاص

ميرسي ايمى للموضوع الحلو
وجميل اننا نحاول ندور ع الاسباب ونشوف الحلول الى ممكن احنا نقدر نحلها بنفسنا
ميرسي ليكى

[koko_4m]

ربنا يجعل قلبنا بالفعل تكون عنده بس المشكلة فى حاجه تانيه انى فى ناس عندها حب الاستطلاع ومبيسوش حد فى حاله وبس الناس دى ساعات بنكدب بسبب عدم رغبتنا معرفتهم حاجه عنانا

[Narmar]

بنت الراعي : مميزة طول عمرك وبتقري افكاري بصراحة ههههه انا بحب المواضيع اللي من النوعية دي اوي لان مش بحب الطقسيات وخلاص ودة اللي بتكلم فية دايما شكرا يا قمر على الموضوع الجميل ,

[M@@@NOOOO]

بجد فعلا موضوع احيكي عليه يا ايمى
لآن فعلا كتير اوى بنقول كلام مش حاسينه ومش عارفينه ومش فاهمينه
ربنا يدينا النعمه نحس بكل كلمه بنقولها ليه ف صلاتنا
ميرسى ليكى يا ايمى على طرحك للموضوع الرائع ده

[كيرو رافت]

كالعاده طبعا موش بلاقى كلام ارد بيه على جمال وقوة موضوعاتك لانها بتلمس الروح والعقل
وبتكون فى قمه القوة والروعه
احنا فعلا كلنا قلوبنا موش بتكون مع ربنا لكن احنا بنلتمس فى مرة من المرات ان نعمه وحنان ربنا يلمسنا ويغيرنا
وتكون فعلا قلوبنا مع ربنا
انا شخصيا دايما بطلب من ربنا فى الجذء ده تحديدا بطلب من ربنا وبقوله
اجعلها ترتفع عندك يا رب
لاننا لوحدنا موش هانقدر يا ايمى

ربنا رحمته كبيرة وحتى ولو قلناها موش من قلوبنا ربنا اكيد بيلمس كل واحد فينا
بلمسته الحانيه واكيد فى يوم من الايام هانسلم قلوبنا وحياتنا ليه

ميرسى يا ايمى على موضوعك الاكثر من رائع ده

[بنت الراعي]

المشاركة الأصلية كتبت بواسطة beedo شكرا جزيلا فعلا موضوع محير ربنا يدينا كلنا اننا نقدر نعيش معاة

انا اللي بشكرك علي الرد والمرور الجميل
امين
ربنا يباركك ويفرح قلبك

المشاركة الأصلية كتبت بواسطة merrete تسلم ايدك يا بنت الراعى كلامك جميل اوى ياريت فعلا نعيش القداس كانه حياه مع ربنا ومش نهتم باى حاجه واحنا واقفين فيه غير ربنا بس ربنا يباركك يا قمر

صدقيني يا ميريت هو مش كانه عايشين مع ربنا
ده فعلا بنكون في اقدس لحظات عمرنا في القداس
ميرسي كتير يا قمر
نورتي الموضوع
ربنا يباركك ويفرح قلبك

المشاركة الأصلية كتبت بواسطة الناى الفريح شكرا بنت الراعى على الموضوع الجميل دة وربنا يدينا ان لما نكلمة يبقى الكلام نابع من قلوبنا ومتاكدين منة مش كلام بنقولة لانة مفرض ان احنا نقولة

امين
ميرسي كتير يا مينا نفسي بجد نحس بيه اوي
نورت الموضوع ودايما ردودك بتفرحني
ربنا يباركك ويفرح قلبك