[MICKEY]

اللي مخنوق يدخل يتكلم

نحن منتظرين فضفضة الجميع
ومن لا يريد ان يدخل بعضويته
يدخل بعضوية فضفضلي

وشكرا

[فضفضلي]

هاى يا جماعه.. ازيكوا؟ يارب تكونوا كلكوا تمام..


بس انا مش تمام

انا واحده معاكوا هنا ف المنتدى وبجد محتاجالكوا اوى اووووىىىىىىىىىىىىىىىىى

انا كنت كتبت هنا قبل كدا عن انى خايفه احب وانى لو فى حد حسيت انه مععجب بيا بخاف على طول وبرجع ف كلامى

دلوقتى فى مصيبه
انا من كام اسبوع او يعنى شهر وى.. اتعرفت على شاب على النت شاب طيب اوى اوىىىىىىىىىىىىىىىىىىىىىى وبيخاف عليا اكتر من اى حاجه ف الدنيا وحنيين بطريقه فظيعه وبجد انا اتعلقت بيه جداااااا بس كالعاده مش ععاوزه اقول ان دا حب انا يا جماعه ف سن مراهقه وبجد الفتره دى بتعدى عليا بصعوووووووبه اى حد ممكن اتعلق بيه ودا اللى انا خايفه منه ان هو كمان ف سن المراهقه بصوا هو اتعلق بيا جاااااااااااامد حصل انى حبيت اوضحله اننا اخوات والكلمه جت بالصدفه

بعد اما قولتها...
حسيت انه اتغير اوىىىىىىىىىىىىىى وبجد اتغير بطريقه فظيعه وحسيت انه تعب اوى حتى هو قالى انا همشى عشان تعبان شويه.. انا بصراحه كنت هتجنن ساعتها

قعدت ازن عليه واقوله ايه اللى مضايقك فى ايه وكدا لغايه ما اخيرااااااااااااااااااااا اااااااا وانا ماشيه قولتله ريحنى باه وقولى ان انا اللى زعلتك صح؟؟ قالى من الاخر انا فهمت حاجه غلط


انا اكيد فهمت واتكلمنا وقولتله بس انا لسه مش هقدر احب دلوقتى وكمان دى حاله تعود وكدا اتعودنا اننا نتكلم كل يوم

بصراحه انا كنت بتكلم وبكتب وايدى بترتعش على الكيبورد بس عارفين اول لما قالى انه من ساعه لما عرفنى وهو معتش بيكلم اى بنت ف اى حته ومعتش بيكلم غيرى واتشدلى اوى وكدا بصراحه انا مش عارفه اعمل ايه انا هغيب اسبوع عنه اصلا كدا كدا قولتله يفكر بعقله وانا مسافره ويحاول يكلم اى حد تانى هيلاقى نفسه اتعلق بيها بردو قالى مانا كنت بكلم بنات كل يوم بردو ومتشدش لحد ولا اتعلقت بيه زيك كدا انا يا جماعه مش عارفه اععمل ايه بس وهو بيقولى كدا انا كنت فرحانه اوىىىىىىىىىىىىىىىىىىىىىىى ىىىىىىىى وخايفه وبفكر بس كنت فرحانه جدااااااااا وكنت مستغربه على نفسى اول مره افرح كدا لما حد يقولى كدا كانى كنت مستنيه اسمعها منه قالى اانا هفكر بس ياريت انتى كمان تفكرى اهم حاجه... يا جماعه انا فرحانه اوى وخايفه جدا ومش عارفه ارد اقوله ايه بعد الاسبوع دا وانا مش عاوزه احب حد واعلق نفسى بحد اكتر من كدا... ابعد؟؟ بس انا مقدرش ابعد عنه ابدا بصراحه ااانا مش عارفه بس استحاله يكون حب.. يا جماعه انا دماغى تعبت من التفكير وبجد معتش عارفه اركز ف اى حاجه انا مليش غيركوا دلوقتى انصحونى اعمل ايه باااااااااااااااااااه انا تعبت تعبت تعبت

[فضفضلي]

انا سيده عندى 28 سنه متزوجه من 3 سنين و نصف عيشت قصه حب قويه فى الجامعه

وقابلت مشاكل كتير قوى والحمدلله اتحلت بفضل شفيعى البابا كيرلس

بس للاسف بعد الزواج الحياه اتغيرت حسيت انه شخص تانى غير الشخص اللى قابلته فى الجامعه

اصبح اهتمامه الاول عائلته تم شغله تم انا

وانا ميش عارفه اعمل ايه انا عايزه ارجع تانى لقصه الحب بتاعت زمان

وميش عارفه اعمل ايه

ممكن اكون عصبيه قوى بس احساسى بالوحده بيقتلنى

كل ما بتكلم معاه علشان نكون مع بعض زى زمان بيقولى انا بحبك زى زمان بس انا حسه بغير كده

ميـــــــــــــــــش عارفــــــــــــــــه اعمــــــــــــــــل ايـــــــــه


ممكن يكون المشكله فى الجواز هو اللى بيقتل الحب


امضاء
زوجه ميش عارفه تعمل ايه

[ملكه الاحزان]

انا اول مره ادخل الموضوع وبصراحه روعه اوي اوي
اولا انا هاجاوب علي المشكلتين نبدا بالي هيا خايفه تحب
هاقولك علي حاجه بسيطه
الحب مش خوف او جبن او او او
بالعكس الحب انك لما تحبي حد وتحسي انتي بخوف هو يحميكي مش انتي تخافي
جايز يكون عندك حاجه بتقولك ان الحب صعب وجرح بس انتي مش جربتيه
لو بجد جربتيه هاتحسي باحساس تاني خالص وهاتحسي نفسك انك بجد
في دنيا غير الدنيا الي كنتي فيها من غير حب لان الحب امان مش خوف
وكمان امان ملهوش حدود انتي كده بتعذبي نفسك انك بتتغطي علي نفسك
وعلي مشاعرك وعلي قلبك وده غلط زي الانسان الي بيدوس علي قلبه بحاجات تقيله
انتي مش هاتقدري ابدا تقفي قدام الحب لان الحب اقوي من اي انسان مش هاتقدري صدقيني
بس تفكري الاول صح وكويس اوي بس انتي بتقولي ان التفكير بيخليكي تخافي ؟؟
لكن فكري في السعاده وفي الحب الي هاتلقي ماتفكريش في الجرح
وبعدين لو فضلتي تهربي من الحب هاتهربي لامتي؟!! مسيرك في يوم مهما كان اليوم ده بعيد بس برضو مش هاتفلتي من الحب صدقيني
نصحتي ليكي انك تجربي الحب بجد ومن قلبك للشخص ده مدام هو في كل الصفات الجميله دي يبقي بجد هايبقي انسان طيب جدا وحنون عليكي وكمان هايخاف عليكي اوي وهايشيل من قلبك وفكرك احساس الخوف وهايحط مكانه سلام وامان صدقيني جربي الحب وبجد مش هاتندمي واتمني اني اكون افدك بائ حاجه حتي لو كانت بسيطه اوي اوي ويارب يوفقق في حياتك

[ملكه الاحزان]

2 المدام الي حاسه ان زوجها اتغير في التعامل
اولا ده من حاجات كتير جدا اولا: المشاكل زي البيت والمصريف ولو في اولاد
2 بيبقي طغط علي ويمكن مفيش وقت زي زمان لما كان يقعد معاكي
وكمان انتي كمان مشغوله في البيت والاطفال لو في اطفال وخصوصا لو صغيرين بتبقي مفيش وقت
لكن لو عايزه ترجعي جزء بسيط من زمان ممكن ازي؟
اولا انك لما يجي مثلا من شغله تبقي متشيكه وكل حاجه فيكم تمام هايستغرب مالها؟
تقوليله وحشتني كده هو لوحده هايرجع زي زمان ويمكن اكتر
ممكن مثلا بليل اكله رومانسيه مع romantc music شويه هاترجعي جو حلو بتاع زمان
وحاولي تاخدي وتغيري جو
ولو كل ده مانفعش
اقعدي معاه بالعقل والتفاهم انت لي بتعمل كده واتنقشي معاه
صرحي بكل مشاعرك وكل حاجه في بالك واكيد هو هايفهمك
وحاولي تحلي كل مشاكلك بهدوء من غير زعيق او عصايه
لان ده بيحل المشاكل بهدوء وبتتحل لكن الزعيق مش هايجيب
اي فايده غير العصبيه والزعيق والجيران تعرف المشاكل
وده شي غير مرغوب في
بجد لو عايزه ترجعي جوزك
حاسسي انك انتي بتحبيه اوي وبتهتمي بي وهايرجعلك تاني

[miso]

المشاركة الأصلية كتبت بواسطة فضفضلي هاى يا جماعه.. ازيكوا؟ يارب تكونوا كلكوا تمام.. بس انا مش تمام انا واحده معاكوا هنا ف المنتدى وبجد محتاجالكوا اوى اووووىىىىىىىىىىىىىىىىى انا كنت كتبت هنا قبل كدا عن انى خايفه احب وانى لو فى حد حسيت انه مععجب بيا بخاف على طول وبرجع ف كلامى دلوقتى فى مصيبه انا من كام اسبوع او يعنى شهر وى.. اتعرفت على شاب على النت شاب طيب اوى اوىىىىىىىىىىىىىىىىىىىىىى وبيخاف عليا اكتر من اى حاجه ف الدنيا وحنيين بطريقه فظيعه وبجد انا اتعلقت بيه جداااااا بس كالعاده مش ععاوزه اقول ان دا حب انا يا جماعه ف سن مراهقه وبجد الفتره دى بتعدى عليا بصعوووووووبه اى حد ممكن اتعلق بيه ودا اللى انا خايفه منه ان هو كمان ف سن المراهقه بصوا هو اتعلق بيا جاااااااااااامد حصل انى حبيت اوضحله اننا اخوات والكلمه جت بالصدفه بعد اما قولتها... حسيت انه اتغير اوىىىىىىىىىىىىىى وبجد اتغير بطريقه فظيعه وحسيت انه تعب اوى حتى هو قالى انا همشى عشان تعبان شويه.. انا بصراحه كنت هتجنن ساعتها قعدت ازن عليه واقوله ايه اللى مضايقك فى ايه وكدا لغايه ما اخيرااااااااااااااااااااا اااااااا وانا ماشيه قولتله ريحنى باه وقولى ان انا اللى زعلتك صح؟؟ قالى من الاخر انا فهمت حاجه غلط انا اكيد فهمت واتكلمنا وقولتله بس انا لسه مش هقدر احب دلوقتى وكمان دى حاله تعود وكدا اتعودنا اننا نتكلم كل يوم بصراحه انا كنت بتكلم وبكتب وايدى بترتعش على الكيبورد بس عارفين اول لما قالى انه من ساعه لما عرفنى وهو معتش بيكلم اى بنت ف اى حته ومعتش بيكلم غيرى واتشدلى اوى وكدا بصراحه انا مش عارفه اعمل ايه انا هغيب اسبوع عنه اصلا كدا كدا قولتله يفكر بعقله وانا مسافره ويحاول يكلم اى حد تانى هيلاقى نفسه اتعلق بيها بردو قالى مانا كنت بكلم بنات كل يوم بردو ومتشدش لحد ولا اتعلقت بيه زيك كدا انا يا جماعه مش عارفه اععمل ايه بس وهو بيقولى كدا انا كنت فرحانه اوىىىىىىىىىىىىىىىىىىىىىىى ىىىىىىىى وخايفه وبفكر بس كنت فرحانه جدااااااااا وكنت مستغربه على نفسى اول مره افرح كدا لما حد يقولى كدا كانى كنت مستنيه اسمعها منه قالى اانا هفكر بس ياريت انتى كمان تفكرى اهم حاجه... يا جماعه انا فرحانه اوى وخايفه جدا ومش عارفه ارد اقوله ايه بعد الاسبوع دا وانا مش عاوزه احب حد واعلق نفسى بحد اكتر من كدا... ابعد؟؟ بس انا مقدرش ابعد عنه ابدا بصراحه ااانا مش عارفه بس استحاله يكون حب.. يا جماعه انا دماغى تعبت من التفكير وبجد معتش عارفه اركز ف اى حاجه انا مليش غيركوا دلوقتى انصحونى اعمل ايه باااااااااااااااااااه انا تعبت تعبت تعبت

يا جميلة لو قريتى اللى انتى كتباه هتلاقى نفسك بتجاوبى على نفسك من غير ما تحسى
بصى انا فالاول افتكرتك كبيرة عندك 25 او 23 سنة على الاقل بس استغربت دلوقتى لما قولتى انك فى سن المراهقة وانتى قولتى ان الفرتة دى صعبة اووووووووى
حبيبتى اللى بتمرى بيه ده عادى جدااااااااااااااا جداااااااااااااااااااا
انتى حسيتى ان فى حد مهتم بيكى اوى واى بنت فالسن ده بتبقى فرحانة ان فى حد مهتم بيها
وهو رد فعله وكلامه عادى بس انتى ليه واثقة اوووووى كدة انه مش حب قبلك وان كان بيكلم بنات كتير وبطل يكلمهم لما عرفك
حبيبتى انتى لو لقيتى حد اهتم بيكى زى الولد ده هتلاقى نفسك مشدودة ليه
دى فترة اعجاب بتمر على اى حد بس ده مش اسمه حب يا حبيبتى لان دى فترة مش مستقرة فعواطفك
حاولى تفهميه انكم اخوات وانتى بتقولى انك مش مستعدة للحب دلوقتى وانا معاكى فده
ياريت مش تستعجلى على الحب ركزى دلوقتى فدراستك لو بتدرسى واصبرى شوية
الحب هيجيلك لوحده وياريت مش تثقى فى حب النت ده اوووووووى
احنا بيبقى قدمنا ناس وبتعرفهم وبنتخدع فيهم ايش حال حد مشوفتوش
انا من رايى تصبرى شوية لحد لما تعدى فترة المراهقة دى علشان تستقرى فعواطفك وتحبى بجد وترتبطى وتعيشى حياة سعيدة لان التسرع مش هيخسر حد الا انتى
حاولى تبعدى عنه او تفهميه ان مش هينفع تبقو غير اخوات
ولو تشغلى بالك بحاجات تانية علشان الموضوع ده مش يسيطر على تفكيرك ومش يخليكى تفكرى فحاجة الا فالموضوع ده
حبيبتى اصبرى شوية على مشاعرك .
ربنا يسعدك ويوفقك

[miso]

المشاركة الأصلية كتبت بواسطة فضفضلي انا سيده عندى 28 سنه متزوجه من 3 سنين و نصف عيشت قصه حب قويه فى الجامعه وقابلت مشاكل كتير قوى والحمدلله اتحلت بفضل شفيعى البابا كيرلس بس للاسف بعد الزواج الحياه اتغيرت حسيت انه شخص تانى غير الشخص اللى قابلته فى الجامعه اصبح اهتمامه الاول عائلته تم شغله تم انا وانا ميش عارفه اعمل ايه انا عايزه ارجع تانى لقصه الحب بتاعت زمان وميش عارفه اعمل ايه ممكن اكون عصبيه قوى بس احساسى بالوحده بيقتلنى كل ما بتكلم معاه علشان نكون مع بعض زى زمان بيقولى انا بحبك زى زمان بس انا حسه بغير كده ميـــــــــــــــــش عارفــــــــــــــــه اعمــــــــــــــــل ايـــــــــه ممكن يكون المشكله فى الجواز هو اللى بيقتل الحب امضاء زوجه ميش عارفه تعمل ايه

ايه رايك لو بقينا واقعيين شوية بس يا جميلة اكيد انتى عارفة ان فترة الخطوبة وفترة الجامعة بتختلف كتييييييييير عن الحياة الزوجية لان الحياة الزوجية مسئولية كبيرة
وكمان بعد الجواز مش بيقل الحب بس التعود بيبقى اكتر يعنى اى حد مكان جوزك بيعمل كدة
بس المهم انتى تحاولى تقلللى عصبيتك اللى بتقولى عليها دى
كمان انتى قربى منه اخرجى معاه اقعدو اتكلمو سوا
استغلى اى مناسبة علشان تحتفلو فيها مع بعض
لو حاسة ان الحب قل بايدك انتى تزوديه خصوصا انك بتقولى واخدين بعض عن حب
بس حاولى تفهمى ان الحياة بتاخد الانسان شوية عن الحب والرومانسية
اللى كانت ففترة الخطوبة والجامعة
فاعذريه لو انشغل عنك شوية اصل هو بيشتغل لمين مهو بيشتغل علشان يوفرلك حياة كويسة
الموضوع فايدك انتى قربى منه شوية
ههههههههههه بس صدقينى كل الستات غالبا بتعانى من المشكلة دى مش انتى بس وسببها روتين الحياة .
ربنا يسعدك

[شمعة]

المشاركة الأصلية كتبت بواسطة فضفضلي انا سيده عندى 28 سنه متزوجه من 3 سنين و نصف عيشت قصه حب قويه فى الجامعه وقابلت مشاكل كتير قوى والحمدلله اتحلت بفضل شفيعى البابا كيرلس بس للاسف بعد الزواج الحياه اتغيرت حسيت انه شخص تانى غير الشخص اللى قابلته فى الجامعه اصبح اهتمامه الاول عائلته تم شغله تم انا وانا ميش عارفه اعمل ايه انا عايزه ارجع تانى لقصه الحب بتاعت زمان وميش عارفه اعمل ايه ممكن اكون عصبيه قوى بس احساسى بالوحده بيقتلنى كل ما بتكلم معاه علشان نكون مع بعض زى زمان بيقولى انا بحبك زى زمان بس انا حسه بغير كده ميـــــــــــــــــش عارفــــــــــــــــه اعمــــــــــــــــل ايـــــــــه ممكن يكون المشكله فى الجواز هو اللى بيقتل الحب امضاء زوجه ميش عارفه تعمل ايه

اولا بجد بجد منورنا كتير خالص يا عسل
وانتى صغيورة خالص فى بدايت عمرك الجميل
وزجك بقالة فترة صغيرة اوى يعنى لسة بتفهموا بعض لسة
واكيد ودة عشان احنا رومنسينا جدااااااااا وبننساء نفسنا
ونفضل نحلم بالجزيرة ونفوق على واقع وهى اننا فى حياة
وهو لية ناس تانية غيرى مهتم بيهم
انا شايفة اولا انك بتغيرى علية جداااااااااااااااااااا
من حبة لاهلة وانهم عندة اهم منك بس حبيتى
فكرى كويس انة عايش معاكى انتى مش مع اهلة
يعنى انتى رقم واحد والوصية الى احنا بننساها فى يوم لاكليل
بتقول اترك ابك وامك والتصق بالمراتك
يعنى انتى وهو شخص واحد بس
بلاش رومانسيا زيادة وفكرى فى الحياة ولاسرة الى مع المسيح
بيكونة معاكم يكفى يا حبيتى انك انتى وزجك والمسيح
بتكونوا كنيسة صغيرة
يعنى انتى عندة اغلى وحدة فى الدنيا
بس مش المطلوب انك تكونى لوحدك مصدر اهتمامة
عشان فية ناس تانية فى حياتة
ايام الكلية وقصة الحب يا حبيتى
بتكونى بعيدة شوية مش صبح وليل ونهار معاة
غلط اننا نقول الحب اخرتة الزوج
بالعكس الحب بدايتة الزوج
وبيت مقدس يدخل يلاقيكى ناسية اى حاجة
حتى لو هو مقصر معاكى
يكفية دموعك على تعبة وحزنة وفرحك لم ولدتة تدعيلة
عشان بيسال علية وفرحت اختة واخوة باخوهم الى انتى مش ختفطية منهم
حبيتى الحب اكبر بكتير من انة كلمة بحبك
الحب هو انك تخلى زوجك دة اسعد شخص بابنسامتك وفرحتك وتعبك عشانة
وبالعكس تشجعية ان يكون فى حياتة لاهم منك وهم عائلتة
بلاش تقعى فى غلط انك عايزة هو وبس ومش عايزة اى حد معاة
انتى دخلتى عائلة اكسبى حب الصغير ولكبير
الحب انك تسمعى بحبك بفرحتة بيكى وبسعادتة بعقلك وحنانك
ربنا يا حبيتى يفرح قلبك ويسعدك

[kottah_sh]

بالنسبه للحاله الاولى
البنوته اللى خايفه تحب
حبيبتى انتى رديتى على نفسك وقولتى انك فى سن المراهقه
وهوه كمان فى سن المراهقه يعنى مينفعش
يكون فيه حب دا مجرد اعجاب واهتمام وتعود مش اكتر
لكن الحب اللى تكون بدايته الجواز
لسه مجاش
وانتى صح مليون فى الميه انك لسه فى سن مواهقه
بلاش تتسرعى فى الحب لسه بدرى عليكى اوى
وازاى اتأكدتى انه مش بيكلم بنات غيرك واتغير
من وقت ماعرفك
وانتى بتقولى يادوب من شهر بس
حبيبتى خلى بالك على نفسك وبعد الاسبوع ده
قوليله خلينا اخوات افضل واحنا لسه صغيرين
ودا مجرد اعجاب بس
لو فعلا بتحبوا بعض هتفضلوا مع بعض علطول والحب مش هيقل
لو قولتيله كده بالعكس المفروض انه يفرح بتفكيرك
ربنا يحافظ عليكى
وياريت تبقى تطمنينا عليكى


اما بالنسبه للمدام
عايزه اقولك ان جوزك بيحبك جداااا والحب بعد الجواز
مش بيقل بالعكس دا بيزيد
يمكن كلمات الحب هيه اللى ممكن تقل
انا عارفه انك مشتاقه انك تسمعى كلمه حلوه منه
بس صدقينى دا بيبقى فى ايد كل واحده فينا
هيه اللى بتخليه ينطق ويتكلم ويبقى هيتجنن عليكى
ومشتاق انه يروح البيت بسرعه علشان يشوفك
حاولى تقللى العصبيه شويه علشان دى مش حلوه
ابتدى انتى بالكلام الحلو ومتستنيش منه فى نفس الوقت يرد
عليكى بنفس الاسلوب
بس بامانه مره على مره هتلاقيه هوه اللى يتكلم
ويسمعك احلى كلام ويحس بيكى
كلام فى سرك الرجاله اطفال صغيره
تعرفى تضحكى عليهم بكلمه صغيره
ههههههههههههههههههههههههه

عايزه اسألك سؤال
لو بعد الشر كنتى تعبانه فى مره تفتكرى هوه مش بيكون
مشغول وقلقان عليكى ؟؟؟؟؟؟؟

اتأكدى ان الحب مش بيقل بس مشغوليات الحياه
والضغوط هيه اللى بتخلى الكلام الرومانسى يقل
وتاكدى ان كله فى ايديك ياسكره
ربنا يحافظ عليكى وياريت تبقى تطمنينا
على النتيجه
المهم انك تسمعى الكلام
ههههههههههههههههههههههههه هههههههه

[SAMOOOOO]

بصراحه الواحد مبسوط ان عندنا بنات فى المنتدى قمه فى العقل زى كده وبيعرفوا يردوا كويس على الاسئله المهمه دى

بجد ربنا يكملكم بعقلكم يا بنات ويبارك حياتكم

واستمروووووووووووووا فى الردود الحلوه دى