هو مفيش امل فيا ؟!

مشكلتى هى ان انا اصلا مشكلة لوحدى
انا حد للاسف بيروح كنيسة وبيتناول بس من غير اعتراف بس لما بيتعب شوية بيتناول كل شهر كدة عشان ربنا يسكن فية ويبطل اللى بيعملة دة
كل ما بيلاقى خطاياة زادت يجرى على المناولة ولما يتناول يرتاح شوية بس يرجع تانى ويعمل خطية تانى
للاسف انا خادم فى الكنيسة يعنى بعلم اجيال
ومسئول للاسف عن حاجات كتيرة اوى وقدام الكل حد كويس والناس بتحبنى وبتحب تتكلم معايا وبيرتاحولى فى الكلام
بس انا حد تانى خالص غير اللى هما عرفوة
انا لما بيبقى قدامى فلوس مبعرفش امسك نفسى من غير ما اخد منها حاجة وللاسف فلوس الكنيسة مش فلوس عادبة
من وانا صغير اتعودت على كدة محدش خد بالة منى ولا قالى انة غلط حسيت انة بقى مرض عندى حتى لو معايا فلوس بردو باخد من فلوس الكنيسة
لما كبرت عرفت طبعا انة غلط داحنا اللى لازم نحط فى الكنيسة مش ناخد منها وبقيت
بعد ما اخد الفلوس ببقى عاوز ارجعها بس مش عارف وصلت لدرجة جيت فى مرة خدت مبلغ كبير 100 جنية وخدتة غصب عنى عمال اقول يارب مش عاوز اخد لاقيت ايدى لوحدها خدت الفلوس ومشيت بجد تعبت اوى
بقيتاقول يارب متاخدش نفسى الا لما ارجع الفلوس دى يارب قوينى وفعلا رجعتها ومحاولتش اقرب ناحية حتة فيها فلوس تانى عشان ماخدش حاجة بس انا دلوقتى مش عارف هل لو اتحطيت فى حتة فيها فلوس ايدى هتتمد تانى ولا لا؟
كمان افاكرى كلها زفت فى زفت بشوف مواقع وحشة واقرا قصص وحشة وعادة سرية وحاجة قرف
بكدب كمان عشان اطلع قدام الناس حد عاقل كويس محبوب
حاسس انى ضايع بجد دة غير طبعا كل الخطايا الباقية بعمل كل حاجة بجد كل حاجة وبفكر فكر شرير فى الناس واتخيل انى بعمل حاجات مع ناس
فعلا تعبان تعباااااااااااااان من كتر تعبى وياسى من نفسى بعدت عن الكنيسة لانى حسيت ان مجرد وجودى فى الكنيسة والخدمة دى خطية بعد كل اللى بعملة دة
ومش قادر اعترف مش عارف ازاى اكلم ابونا اقولة اية وهو فاكر عنى انى ابن ربنا بجد
ابونا نفسه فاكر انى كويس وبيعتمد عليا فى خدما كتير انا مش مجرد خادم عادى للاسف
خايف ومش عارف انطق حتى بخطيتى دى قدام اى اب كاهن
واب اعترافى بيتحايل عليا اروح اعترف لانة عارف انى بقالى كتير مش بعترفابونا دة حنين اوى اووووووووووووى
بقى يقولى يابنى طيب لوو بتعترف عند اب كاهن تانى قولى المهم اطمن عليك
اقولة لا مش بعترف عند حد تانى ويدينى معاد وقول خلاص هاروح يارب ساعدنى
بس مبروحش خوفى هيقتلنى
بعدين جة مرة ابونا مسكنى وقالى تعالى خايف من اية
صدقونى كل مرة بشوفة من بعيد ببقى نفسى اترمى فى حضنة ومش عارف من جوايا ببكى بدل الدموع دم ومش عارف اعمل حاجة فى نفسى
خدنى فى مرة وخلانى اعترف بس مكنتش مرتب افكارى طبعا وفى حاجات كتير ناسيها
بس بالنسبة لحكاية الفلوس قالى قدرها وحطها فى الكنيسة لما تشتغل لانى مش شغال دلوقتى
بس انا موافق بس فين الشغل نفسى احط الفلوس بجد عشان احس ان خطيتى دى اتغفرت وانى مرجعلهاش تانى
وكمان باقى الحاجات اعترفت عنها
وخدنى فى حضنى كان نفسى افضل حاضنة كدة واعيط واطلع كل اللى جوايا بس حاسس بكسوف
مش عارف كان نفسى اقعد عند رجلة وابكى ومحدش يشوفنى ولا هو يسالنى بتعمل كدة لية
بس معرفتش
المصيبة انى بعد كل دة مرحتش اعترفت تانى ورجعت اكتر من الاول ومش عارف اعمل اية فى نفسى بجد تعبت وزهقت
حتى ربنا مش حاسة ومس حاسس انى بحبة زى مثلا لو جيت وحبيت بنت بتبقى كل حاجة ليا
مش عارف اعمل كدة مع ربنا
دانا حتى مش قادر اكلمة مش قادر اصلى بقف ساكت قدامة ممكن اعيط بس مش عارف اتكلم
لما يجى اجتماع صلا فى الكنيسة مش بروح
ببقى نفسى اقولة كل اللى جوايا
مش عارف حتى اقولة فى سرى مش عارف اوريلة وشى ولا اقف قدامة
حتى القديسين اللى بحب اتشفع بيهم كانوا الاول معايا وبجد كنا اصدقاء اوى واى حاجة بطلبها منهم كانوا بيبعتولى الرد علطول كنت بحس انهم معايا ومش سايبينى لكن دلوقتى مفيش بحس ان كلهم سابونى
وبقيت لوحدى
بقيت اقولهم يعنى لو انا بقيت وحش تسيبونى ؟
طيب مش كنا اصحاب لو شوفتونى غلطت وتهت عن طريقى تشدونى ولا تسيبونى كدة ؟
بقيت اقول طيب هتسيبونى كدة ضايع وتايه وبنادى عليكوا ومبتردوش
تعباااااااااااااان اوى زعلانين ماشى هاتونى بس وورونى الطريق بعدين عاتبونى خلونى اوصل لربنا وكل حاجة هتتصلح صدقونى
مش عارف بجد تعبان اوى وحاسس كل حاجة ضاعت منى وحياتى بقت حاجة اقل حتى من التراب
انا اسف طولت عليهم بس جوايا كلام صدفونى لو قعدت اكتبة من هنا للصبح مش هيكفى
صلولى كتير اوى انا محتاج صلواتكوا
ومحتاج حد يقولى حل فعلى اعملة مش كلام كتب انا عاوز اعرف هامشى ازاى واعمل اية ارجوكوا