[menalouka]

سلام ونعمة لكل حبايبى وإخواتى أعضاء وعضوات المنتدى

مش عارف أبدأ كلامى إزاى
بس بجد أنا من زمان اوى وأنا نفسى فى حاجة ونفسى أحققها
اللى هى ... طبعاً كلنا عارفين أوبريت الضمير العربى
ومع فارق الشبه طبعاً ... أنا نفسى نعمل حاجة زى كده يبقى أوبريت كلمات قوية ولحن كمان قوى جداً
وإيه رأيكو لو إخترنا الأوبريت دا يبقى على الكنيسة على صمودها .. على الحروب اللى واجهتها فى عصورها الأولى والآلآم اللى واجهتها الكنيسة ..... إلخ
بجد يا جماعة هتبقى فكرة حلوة اوى اوى
ياريت بقى بجد كل إخواتى اللى بيكتبوا فى المنتدى يدخل ويقول بيت حلو وقوى وفى الآخر خالص يبقى نجمعهم على بعض كلهم
ويبقى شئ رائع بجد لو كلنا إهتمينا بالموضوع دا وكلنا بقينا إيد واحدة فى الموضوع دا
وأكون شاكر لأخوتى المشرفين لو تم تثبيت الموضوع دا لفترة بسيطة علشان لفت النظر
ربنا يعوض كل من له تعب
صلوا من أجل ضعفى

المصدر: †† ارثوذكس †† - من قسم: القسم الادبي

[tamatem]

مهما أحاطوكى بالأسوار
مهما أحاطوكى بالأفكار
فأنتى كائنة ياكنيستى وسط الأخطار
--------------
موضوع رااااااااااااااائع ياريت الكل يشارك فية
مرسى للموضوع الجميل

[my_life]

فكرة جميله اوووووووووووووووووى
ربنا يقويك ويباركك ويبارك كل اخواتنا الاعضاء

[menalouka]

ياجماعة ياريت كل اللى يدخل ويحب يشارك
قبل ما يكتب البيت اللى هيكتبه
ياريت كمان يكتب الأبيات اللى اتكتبت قبله
علشان الفكرة كلها تتواصل مع بعضها
وشاكر جداً للأخت tamatem وللأخت my_Life

[menalouka]

يا جماعة هو أنا حاطط الموضوع دا فى قسم الأدبى ليه ؟؟؟
علشان إخواتى اللى فى القسم دا اللى بيكتبوا كلام حلو الكل يدخل ويشارك

عموماً ميرسى كتير أوى أوى لإهتمامكم الفائق وميرسى كتير لإخواتى المشرفين لإهتمامهم وتثبيت الموضوع
ربنا يديم محبتكو ويديم المنتدى الجميل دا
صلوا لأجل ضعفى

[بنت الراهب الصامت]

مهما أحاطوكى بالأسوار
مهما أحاطوكى بالأفكار
فأنتى كائنة ياكنيستى وسط الأخطار
ومهما الانسان تعب وناح
لابد يرجع علشان يرتاح
مانتى ياكنيستى بئر الامان
اللى فيه الانسان بيرتاح
بندة عليكى فى كل اوان
افتحى بابا لكل انسان
يجى ويشوفك يانبع الحنان
ويتملى قلبه بالامان

[بنت الراهب الصامت]

ميرسى ليك يامينا على موضوعك الرائع ده

[menalouka]

ميرسى كتير يا نانا على مرورك الجميل ومشاركتك الرائعة
ربنا يفرحك ويحافظ عليكى

[jakleen]

مهما أحاطوكى بالأسوار مهما أحاطوكى بالأفكار فأنتى كائنة ياكنيستى وسط الأخطار ومهما الانسان تعب وناح لابد يرجع علشان يرتاح مانتى ياكنيستى بئر الامان اللى فيه الانسان بيرتاح بندة عليكى فى كل اوان افتحى بابا لكل انسان يجى ويشوفك يانبع الحنان ويتملى قلبه بالامان

كنستي ثابتة عليا وقوية... كنستي بدم الهنا محمية
كنستي عريقة لانها قبطية... تاريخها يدل إنها أرثوزوكسية

دم شهدائها كان ليها عمود... وكل اباها كانوا للكلمة شهود
ابنائها جهدوا علشانها من جيل لجيل … حتى اصبحت هي منارة للإنجيل
كنيستنا شاهدت اضطهادات كتيرة ... لكن الهنا طمنا إنه معانا في المسيرة

علامة الصليب هي رأيتها المرفوعة ... اللي في قلب ولادها دايما محفورة
الهنا يحفظها ويجعل أبوابها دايما مفتوحين ... وتكون كنستي الغالية منارة ترشيد التايهين

موضوعك مميز كالعادة يا مينا... بجد مرسي جدا لإختيارك لاجمل المواضيع ... أنا طبعا قلت لازم أشارك ولو بـكام كلمة صغيرة ... حاجة كده على ادي... شكرا ليك مرة تانية وربنا يكمل على خير

[menalouka]

ميرسى ليكى كتير يا جااااااااكى
بجد كلامك اانتى اللى فى منتهى الروعة
ومنتظرين مشاركة إخواتنا الباقيين