[عماد حسنى]

اجمل اهداء لميرا الاموره
والاجمل من الكلمات ان ميرا بتقول الموضوع بصوتها اللى كلنا شايفين انه رائع جدا جدا

الى اجمل ميرا وشعب فلسطين

الموضوع الاول

انا فلسطينيه

انا بنت فلسطينيه
هاكلمكم بدموع عينيا
هاحكى للانسانيه
هاتكلم لكل البشريه

هاحكيلكوا عن اصعب اوقات .. عن اخر واكبر ازمات
هابدء من ليله الميلاد .. عن ايام المفروض اعياد

انا بنت رقيقه صغيره .. مع اصحابى والفرحه منوره
راجعين من مدارسنا فرحانين .. وأهالينا على الغدا مستنين

وفجأه أتفرض الحصار .. وسمعنا طلقات النار
وقنابل محرمه ووقود .. ومجازر بتصنعها اليهود

جرينا أنا صحابى مرعوبين .. وتحت الأنقاض مستخبين
بس العسكر قربوا علينا .. من غير رحمه ضربوا فينا

أخدنا بعضنا فى حضننا .. ورصاص الغدر فى ضهرنا
وبقوا شهداء وهما اطفال .. راحوا للسما ملايكه ابرار

وبكينا وصوتنا ملا المدينه .. ووصل صوت صراخنا لأهالينا
سمعوا صراخنا قاموا مفزوعين .. بقت النار فيهم نارين

ملحقوش يجولنا من المحتلين .. كانوا بيضربوا فى كل الميادين
كانوا بغارتهم زى المجانين .. وغزه انهارت فى غمضه عين

الصوره أبشع من أى كلام .. الصوره مليانه بالالغام
وطيارات بتحرق بأنتقام .. لونت فلسطين بالدم والاحزان

مدارسنا فى لحظه بقت حطام .. وبيوتنا انهدمت من الجدران
شعب فلسطين بقى بركان .. شعب دمروا فيه العنوان

هاتكلم وأحكى عن معاناه .. هاصرخ وأقول ألف آه
عن عدو نسى الله .. يعرف بس صاروخ وطلقه

انا بنت فلسطينيه .. بنادى فى كل البشريه
ولأخر نقطه دم .. فلسطين صامته وقويه

الموضوع التانى

هانصليلك يا فلسطين

من مخدعى فى خلوه الأله .. رافع إيدى بالدعاه
رافع صوتى بالندا .. لشعب محتاج للصلاه

رافع ايدى ليسوع .. لشعب فلسطين الموجوع
طالب من فرط رحمته .. يشمل ولاده وراعيته

بصلى وقلبى هناك .. مع اطفال وسط الهلاك
مع ابرياء حياتهم دموع .. يتامى بس ابوهم يسوع

بصلى وكلى ايمان .. ان الهنا يعوضهم الحرمان
يبدل كل أحزانهم .. يدافع عنهم ويصونهم

هانصليلك يا فلسطين .. فى كنيستنا على طول فاكرين
بنذكرك كل حين .. ومسيحنا صادق وامين

وطبعا احلى مافى الموضوع
اللينكات دى
الموضوع والكلمات بالقاء اجمل صوت لبنت فلسطنيه

http://www.mediafire.com/?zy2zunwlykz

http://www.mediafire.com/file/zy2zunwlykz/mera.mp3



انا حاولت اكتب حاجه تعبرعن شعب فلسطين وقت المحنه
وحاولت على اد ما اقدر
ربنا مع شعبه فى كل مكان
ومع ميرا وكل اخواتها هناك

المصدر: †† ارثوذكس †† - من قسم: القسم الادبي

[ميرا الامورة]

بجد بجد بجد
مش عارفة شو اقول يا عماد

سدق مين قال انك شاعر المنتدي

بجد خجلتني كتير بزوقك الي انا مش قدو ابدا ....

بجد كلامتك روعة واشكرك علي الاهداء والكلمات الرائعة ومشاعرك الرقيقة

ولو زي ما بتقول القاءي الجميل

لاء كلامتك الجميله الي جعلت من القائي شي جميل ورائع

مش لاقية اي كلام غير شكرا مع انها قليله عليك

اسمحلي اقلك :

عماد حسني شاعر المنتدي
اسمك كبير وفي قلبنا

اشعارك حلوة وحكايات
اشعارك جنان ورويات

اشعارك تدخل القلوب
والقلب فيها يدوب يدوب

انت شاعرنا وشاعر كبير
انت بجد كاتب خطير




اقل حاجة ممكن اقدمها خلال ثواني بجد ميرسي الك يا عمدة
وانا بفتخر في صداقتي واخوتي ليك

[nermos1982]

الكلمات جمييييييييييييلة بجد يا عماد وطبعا ميرا محدش يقدر يتكلم عليها
ميرسى بجد يا عماد انت وميرا . ربنا يعوض تعبكم ويكون معاكم

[b o b b a]

الكلمات بجد مؤثره اووووي
وبجد وانا بقراها اتخيلت كل كلمه فيها
رااااااااااااااااااااااائ ع ياعماد بجد
ربنا معاك

[kamel]

هاتكلم وأحكى عن معاناه .. هاصرخ وأقول ألف آه
عن عدو نسى الله .. يعرف بس صاروخ وطلقه


انا بنت فلسطينيه .. بنادى فى كل البشريه
ولأخر نقطه دم .. فلسطين صامته وقويه

قلوبنا وأرواحنا معكم كل حين
وإذ كان العدو جبار ومهين
فنحن نسق فى اللة المعين
بجد كم كانت الكلمات صعبة عليا ومؤثرة
الرب يفرح قلوبكم ويكون معكم
ومشكووووووووووووووووووووو وووووووورين ياعمدة
لأهداءك الجميل لأجمل صوت وسط الحزن ولكنة جميل
الرب يفرح قلبك

[nariman]

ميرا الأمورة


الرّب يحمي شعبه أينما كان وفي كلّ مكان...


رائعة جدا

تحيّة إكبار للمشاعر الإنسانيّة

[ادروسيس]

جميل ياشاعر
كلمات مؤثرة
يتمجد اسم ربنا مع شعبة فى فلسطين

[ميرا الامورة]

انا باسمي وباسم كل الفلسطينية بشكر اخواتي في المنتدي علي الكلمات المعزية

شكرا الكم كتير فرد فرد

[kiko]

هاسكت احسن ومش هاتكلم

[ميرا الامورة]

هههههههههههه عادي يا كيكو
الله كبير