[المحامي / شيرين شوقى]

دمك غالي يا شهيد
ـــــــــــــــــــــــــ ــــــــــــــــ

مش راح نسكت تاني ..
دمك غالي علينا يا شهيد ..
***
شرف فوق صدورنا طوالي
نور سماوي طاهر ومجيد ..
***
ولاد الشهداء صوتهم عالي
وقت الجد رجال عزم حديد ..
***
صليبنا فوق رصاص الإرهابي
فوق كل شر وغدر ووعيد ..
***
نوعد كل شهيد بالغالي
مش راح نركع ونقول ونعيد ..
***
حقى هأخده منك يا أناني
أحرار احنا مش عبيد ..
***
هصلي وجرسي فى حضن قبابي
يرن ويهتف لكل قريب وبعيد ..
***
قبطي مصري جذوري واجدادي
ولا بنخاف من سيف تهديد ..
***
ديني مسيحي كنيستي داري
إنجيلي علمني الحب أكيد ..
***
وعمر الحب ما يخاف ويداري
أسود فى حقوقنا وبقلب عنيد ..
***
عمر الموت ما هيهزمنا يا جاني
كنيسة الشهداء فردوسها نشيد ..
***
إلهنا وعدنا حصنه باقى
مجده وسطنا وعهده جديد ..
***
مش راح نسكت تاني
دمك غالي علينا يا شهيد ..
***

المحامى / شيرين شوقى
مدونة مشوار الحنين
3/1/2011

المصدر: †† ارثوذكس †† - من قسم: القسم الادبي