[elphilasouf]

احم احم ممكن اتفلسف شويه ؟!!
ييييييي طيب طيب بسرعه متوجعش دمغنا ..

فى علاقات انسانيه بتربط الانسان بالانسان زي علاقه الصداقه او علاقه الزماله او العلاقه العاطفيه " بين الزوجين " وزي مافى علاقات طيبه وساميه ونبيله فى علاقات كمان وحشه لا تليق بأولاد المسيح كما انها لا تليق بالانسان بشكل عام مفيش داعى اجيب امثله .

طيب نيجى للعلاقه بين الولد والبنت بالتحديد..
ممكن بردوا تكون العلاقه بينهم علاقه عاطفيه او علاقيه زماله او علاقه صداقه؟

وطبعا لأننا فى مجتمع شرقى فالموضوع معقد حبتين لأنها بين ولد وبنت
يعنى العلاقه كزملاء متوافق عليها فى اغلب الاحيان لكن فى وجود حدود كتيره .
العلاقه العاطفيه متوافق عليها بشروط وهى طبعا الجديه وان الموضوع ياخد شكل رسمى
طيب علاقه الصداقه مرفوضه ومحظوره كمان ..

انا عاوز اتكلم فى علاقه الصداقه والزماله ... الصداقه بين الولد والبنت
راي الكنيسه ع ما اعلم ان الصداقه بين الولد والبنت مش مرفوضه لكن لازم تكون وسط مجموعه "group" ولو طلعت بره المجموعه يبقى مرفوضه

طيب هل ينفع صداقه ع الميل مثلا ... ده الى عاوز اوصله
فى امثله نجحه ؟ اينعم
فى امثله فشلت ؟ اينعم

+كل الاشياء تحل لى لكن ليس كل الاشياء توافق
انا زي ماعندي مشاعر
عندي عقل
وعندي أب اعتراف

طيب دي كلها كده كانت مقدمه انا عاوز اوصل للموضوع بقى

طيب لما ولد يكلم بنت ع الميل او عمتا فى الكنيسه فى الكليه فى فى
من الكلام والمجاملات والهزار يحصل مشاعر بينهم .. مشاعر جميله وحب - مش لازم حب زوجين يعنى -
وديما بيحاولوا الاتنين يسموا المشاعر دي بأسم
وفى الغالب بيكون اسم العلاقه العاطفيه هو المرجح فى أغلب الاحيان
رغم ان ممكن تكون فى عدم توافق بينهم للموضوع ده

لا . فى اسامى علاقات تانيه ساميه ونبيله جدا زي الصداقه والزماله زي اخوات ماهى كلها مسميات بردوا لمشاعر حلوه موجوده مش لازم يكون كلها باسم واحد يعنى

واخيرا المقصود من الموضوع
مش لازم تكون كل العلاقات بين الولد والبنت اخده الشكل العاطفى اوالارتباطى لأ فى علاقات ساميه وكويسه زي الصداقه او الزماله وغيرها ،

أهداء الى موضوع https://www.orsozox.com/forums/f37/t39502/
سلام المسيح

المصدر: †† ارثوذكس †† - من قسم: الموضوعات الشبابية

[miso]

ههههههههههههههههههههه يا سلام عليك بقى كل ده علشان ترد
على ممكن تنصحونى
يابنى ممكن تبقى فى صداقة بين ولد وبنت بس هتلاقى فى خطوط كتييييييييييير
اهم حاجة ان كل واحد يبقى عارف ان ده صديق علشان كتير
بتقلب بنحنحة بقى وتقلب معاهم بحب
وتظهر قصص فاااااااااااااااااااااااش لة

[elphilasouf]

المشاركة الأصلية كتبت بواسطة miso يابنى ممكن تبقى فى صداقة بين ولد وبنت بس هتلاقى فى خطوط كتييييييييييير اهم حاجة ان كل واحد يبقى عارف ان ده صديق علشان كتير بتقلب بنحنحة بقى وتقلب معاهم بحب وتظهر قصص فاااااااااااااااااااااااش لة

شكلك مفهمتيش الموضوع خالص
طيب ميرسي لردك....

[miso]

ههههههههههههههههههههههه المشكلة انى فاهم الموضوع خالص
طيب العفو يا سيدى

[kamer14]

لا . فى اسامى علاقات تانيه ساميه ونبيله جدا زي الصداقه والزماله زي اخوات ماهى كلها مسميات بردوا لمشاعر حلوه موجوده مش لازم يكون كلها باسم واحد يعنى

عندك حق ياابو الفلافيل زى هنا ف المنتدى فى اصدقاء بنات ووللاد كتير وفلة يمكن احسن من اصدقاء الواقع بس ساعات طرف بيبقى عنده احتياج للحب او مثلا مراهق فيترجم معاملات الصديقة دى على انها بتحبه او العكس هى ممكن تترجم تصرفات الصديق دة على انه بيحبها وهو يكون مثلا بيساعدها وبيكلمها بغرض الصداقة ليس الا يعنى فى كل حاجة فى استثناءات ومشاكل وميرسى لموضوعك ربنا يباركك

[elphilasouf]

المشاركة الأصلية كتبت بواسطة miso ههههههههههههههههههههههه المشكلة انى فاهم الموضوع خالص طيب العفو يا سيدى

[elphilasouf]

المشاركة الأصلية كتبت بواسطة kamer14 لا . فى اسامى علاقات تانيه ساميه ونبيله جدا زي الصداقه والزماله زي اخوات ماهى كلها مسميات بردوا لمشاعر حلوه موجوده مش لازم يكون كلها باسم واحد يعنى عندك حق ياابو الفلافيل زى هنا ف المنتدى فى اصدقاء بنات ووللاد كتير وفلة يمكن احسن من اصدقاء الواقع بس ساعات طرف بيبقى عنده احتياج للحب او مثلا مراهق فيترجم معاملات الصديقة دى على انها بتحبه او العكس هى ممكن تترجم تصرفات الصديق دة على انه بيحبها وهو يكون مثلا بيساعدها وبيكلمها بغرض الصداقة ليس الا يعنى فى كل حاجة فى استثناءات ومشاكل وميرسى لموضوعك ربنا يباركك

مافى ناس بتفهم اهيه وزي الفل
ركزو بقى

[miso]

ههههههههههههههههه هفكر واشوف اركز ولا

[elphilasouf]

ههههههههههه
ياريت متركزيش عشان متهيسيش

[emmmy]

يعجز لسانى وقلمى عن الشكر والتقدير لمحبتك يا فيليسوف واهتمامك بالموضوع
فى طبعا صداقة واخوة بس بمعنى اية؟
الهدف منها اية وحدودها لحد فين
انا لو عارفة نفسى ضعيفة ومش هقدر اوضع حد للصداقة يبقى بلاش منها خالص احسن ولو حسيت وانا فى وسط العلاقة ان الموضوع اخد اكبر من حجمة اوضع حد فورا ولو عارفة انى مش هقدر يبقى بلاش منها خالص احسن ومش مهم المسميات المهم اكون صادق مع نفسى والهى
مرسى على الموضوع الجميل دة ربنا يباركك