الأول : الاتوبيس ده بيروح مصر الجديدة؟
الثاني : على الحديدة !!... ليه انت طالب احسان؟
الأول : بذرة الكتان !! لا ..دي تلاقيها عند العطار
الثاني : جزار !! اه ..قوللي كده .. عايز تشتري لحمة
الأول : . الدنيا زحمة ...علشان ده ميعاد خروج الموظفين
الثاني : نور الدين !! لا والله .. ماعرفوهش
الأول : ما بتشربوش!! ليه ...كفا الله الشر؟
الثاني : رأس البر !!! ..ده مــصيف هادي
الأول : عايز تركب للمعادي... دي منطقة جميلة
الثاني : بليلة ؟!! انت شكلك كده جعان
الأول : عيان ؟!!! أي والله ...طيب ما تروح للدكتور
الثاني: الحنطور ! احسن من الأتوبيس ، وبيوصلني للباب
الأول : هبــــاب !!! وانا اللي كنت فاكرك محترم
الثاني : اتخـرم !! هو مين ؟؟
الأول : عاوز اسـبرين ! ليه انت عندك صداع ؟
الثاني : قراع !!! يانهار اسود .. ده مرض خطير
الأول : لا مش عايز فطير تقيل على المعدة وتمنه غالي
الثاني: خالي.. انت تعرف خالي ؟ ده راجل كبير في السن
الأول : الجن .. نهارك مش فايت ...انت عليك عفريت !؟
الثاني : لا والله.ممعاييش.انت عايز الكبريت ليه عايز تولع؟
الأول : أدّلع ! أدّلع عليك انت !؟ انت ما تملاش عنيا
الثاني : يقبضوا عليا !! ليه !؟
الأول : انت غريب يا راجل انت..شكلك شحات
روح اشتغل شغلة تاكل منها عيش
الثاني : خيش !! ده صوف انجليزي
الأول: بنتك زيزي !!! ربنا يخلّي
الثاني : إنتاج محلي !!! ده مستورد
يمر شاويش .. يلفت انتباهه الحوار، : بتعمل ايه يا جدع!!!
الاتنين: مافيش يا شاويش ...احنا مستنيين الأتوبيس
الشاويش : نهاركم مش فايت ....... جواسيس !!! قدامي....................
المواضيع المتشابهه
العرض العادي
