فجأة بقيت لوحدى ماتت امى فى عملية عادية جداً ورائها ابى من كتر الحزن و طبعاً تأنيب الضمير يقتلنى و بقيت لوحدى وفى شدة الاحتياج لهما ظهر فى حياتى شخص لا يقاوم مع انى متزوجة و عندى اطفال و بالتدريج قادنى فى سكة ليس لها نهاية من الاخطاء احتاج فقط الى من اكلمه بدون ان يعرفنى احتاج احتاج احتاج بشدة.....................

المصدر: †† ارثوذكس †† - من قسم: حوار من الاعماق

[أبوميرا]

ربناينور طريقك

[armia1987]

كلنا اخواتك هنا اتفضلى اتكلمى هنسمعك

[emmmy]

انتى عايزة تتكلمى وحد يسمعك ازاى لو تقصدى هنا اتكلمى واحنا سمعينك وربنا يتدخل ونقدر نساعدك ومجرد انك تفضفضى دة هيريحك جدا وهتحسى ان فى حد شايل معاكى همومك واحزانك كلنا اخواتك وكلنا بنغلط وكلنا ضعف
ولا انتى تقصدى حد يسمعك ازاى ممكن توضحى ؟
ربنا معاكى ويخفف عنك ويشفى هو قادر يشفى جراحك
ا

[مينا اوحنا]

سلام ونعمة ومحبة ربنا يسوع المسيح للجميع,اختى ام اولادك سلام ونعمة انا افهم مشاعرك واحتياجك هذا لأنه من طبيعة دراستى,اداب علم نفس,لكن خديها نصيحة انتى يا اختى محتاجة حاجتين مش حاجة واحدة محتاجة تحكى ومحاجة علاج, طب لما هتحكى مع حد فى النت يبقى فين العلاج, بصى يا اختى انتى ممكن تلاقى دا فى اب اعترافك ولو خايفة وقلقانة وانا متفهم ردك مسبقا انتى ممكن تروحى لأب كاهن فى بلد غريبة وتقعدى تحكى معاه كل حاجة ومش تخافى قولى مع داود الوقوع فى يد الله خير من الوقوع فى يد انسان, صدقينى يا اختى انتى متضمنيش مين ممكن يبيعك ويبيع اسرارك,انا قابلت اكتر من حد عنده نفس مشكلتك وبقولك مفيش حل غير اب كاهن ولو احتاج الأمر ومعتقدش يبقى جمب الأب الكاهن حد يسمعك يكون امين ابن او بنت ربنا كخادم او خادمة لكن خدى بالك لتقعى فى يد ناس متعرفش ربنا فى النت او غير النت فما اكثرهم
ربنا معاكى يا اختى وليس عبد بلا خطية ولا سيد بلا غفران ,روحى واترمى فى حضن الكنيسة

اخوكى مينا اداب علم نفس

[خالد يعقوب تادرس]

ارجعى يا اختى من الطريق اللى انتى ماشية فيه الخطوة الاولى قد تكون من وحهة نظرك صعبة لكن لو صليتى من قلبك وصومتى من اجل الموضوع ده ربنا ها يمد ايده قبل ما تنحدرى فى الطريق ده واعرفى ان عدو الخير هايعمل كل الطرق علشان تسقطى و ياحسرة بمجرد سقوطك هايفضحك و يفضح اولادك واسرتك اتمسكى بالرب ورنا مش هايتخلى عنك لانه قال من يقبل الى لا اخرجه خارجا والانبا غرغوريس المتنيح ليه كلمة دايما كان بيقولها النجاح بيولد مزيد من النجاح والفشل يولد مزيدا من الفشل الجئى الى اب اعترافك وقدمى توبة وربنا مش هايسيبك لانك بنته الغالية جدا على قلبه

[marian magde]

على فكرة انتى مش لوحدك بجد دة مش مجرد كلام بس انتى لازم يبقى عندك مقاومة ووعى بخطورة موقفك وانك لازم تقفى مع نفسك واقفة جامدة ولو محتاجة تتكلمى مع حد انا من الاول الاشخاص الى هستنى منك رسالة خاصة وهبعتلك اميلى الخاص ونتكلم زى ماانتى عايزة وبخصوصية وربنا معاكى ومعانا

[توميان الغلبان]

أختي العزيزه Jeen
ربنا معاكي و يقويكي.

عايزك تفكري في كذا نقطه هاقولك عليهم.
أولاً: اللي إنتي بتعمله ده اسمه ايه؟
ثانياً: ايه موقفك قدام جوزك لو عرف.. طب ولادك.. و جيرانك.. و أقاربك

ثالثاً: هل اللي بتعمليه ده يستاهل اللي ها يحصل لما جوزك يعرف (تخيلي شويه اللي هايحصل و توابعه)
(فضيحه - طلاق - عار - حرمان من ولادك - حرمان ولادك من كرامتهم - إنعزالك عن العالم)

روحي في أي مكان في العالم و إتكلمي مع اي أب كاهن في اي كنيسه تلاقيها قدامك. بس مش ده الحل. ده مسكن بس.

الحل في تلات حاجات:
1- تقطعي كل علاقه ليكي فوراً بالحرامي ده و يارب ما يكونش ماسك ليكي ذله (صوره او فيديو) لأن ده طبعاً إنسان مش بيحترمك ولا بيقدرك.

2- التوبه، لازم تتوبي و بسرعه عن الموضوع ده. المهم إنك تتناولي كتير يومياً عشان ده يساعدك على التوبه.

3- لازم تعرفي ايه سبب اللي حصل ده. سامحيني لو في مشاكل مع جوزك حليها. لو مش بتحسي بالسعاده في العلاقه مع جوزك برضو يها حل. مهما كان عندك من مشاكل، يكفي سعادتك باولادك

[bassem8800370]

اتكلمى مع ربنا من قلبك هو اللى الوحيد اللى هيرشدك الى الطريق الصح

[brokenheart]

بصى انا هقولك كلمتين .. فى ناس اكتر منك وحصلهم بلاوى اكتر منك انا عارفه ان الاب والام دول حجاه صعبه بس نصيحه كدا اولا تبعدى عن الشخص اللى ظهر ف حياتك دا بكل الطرق حااااااااولى ماشى دى حاجه الحاجه التانيه زى ماللى قبلى قالولك روحى لاب كاهن ف كنيسه تانيه عشان مش هتقدرى تقولى لاب كاهن كنيستك انا عارفه عشان خاطر ربنا ولو كنتى فعلا كاتبه الموضوع دا عشان تسمعى نصيحتنا يبقى تسمعى كلامنا احنا كلنا عاوزين مصلحتك


اختك مارينا