[rosssy]

انا تعبانة جداااااا عايشة فى بيت كئيب جداااا خلاص انا هموووووت عايشة وسط اهلى غريبة مش طايقة اتكلم مع حد ولا اشوفهم ولا ارد عليهم مش عارفة اعمل اية طول النهار شكل و خناق وتعب طول النهار ماما بتتخانق مع بابا


وانا واخويا كبار مش صغيرين انا خلصت الجامعة وامى طول النهار بتتشاكل مع بابا وصوتها عالى والجيران بيسمعوا كل مشاكلنا وحياتنا وبيسمعوا الفاظ مايصحش حد يسمعها والناس بيقولولهم حرام عليكوا هتوقفوا حال عيالكم ودول لا حياة لمن تنادى احنا مش مهمين عندهم




اعمل اية انا مش طايقة اعيش فى البيت ومخنوقة وعندى اكتئاب ساعات بخرج ومش لاقية مكان اروح فية اروح اقعد عند جدتى او امشى فى الشارع لاكن بدون جدوى


مش لاقية حل خالص قولولى اعمل اية

المصدر: †† ارثوذكس †† - من قسم: حوار من الاعماق

[RimoneRizk]

أزيك الأول
أولا واضح أنك محملة نفسك أكتر من اللازم . على فكرة أغلب البيوت فيها مشاكل و زعيق بصوت عالى دلوقتى و الناس معذورة عشان ضيق الحال و ضيق الوقت .
هو الى انت بتقوليه ده مش أكتئاب هو بس ضيق و ملل و انت مش مستحملة اكتر من كدة
لو عاوزة تحلى مشكلتك و هى انك مش مستحملة يبقى لازم تحاولى تهدى باباكى و مامتك و ده ازاى:
1- صلى أوى عشان ربنا أكيد يقدر يحل المشاكل المتكررة بينهم
2- ممكن تتكلمى مع باباكى فى جلسة فردية كدة يعنى ممكن تعزميه مرة على شاى برة البيت أو حتى فى البلكونة و تشرحيله أد أيه انت متأذية من مشاكله مع مامتك و تطلبى منه انه يستحمل عشان خاطرك انت
3- لو كان ليك طريقة تطلبى من احد الكهنة انه يزوركم فى البيت كل شهر حتى مرة و كأنه افتقاد عادى يعنى مش جاى عشان المشاكل يكون هايل لأن زيارات الكهنة المتكررة بيكون معاها سلام عجيب فى البيوت ربنا بيديه للناس
4- حاولى تكررى قعدتك مع باباكى لوحدكم و تسمعيه كويس و اديله فرصة يحكى لك عن كل الحاجات اللى بتغيظه و حسسيه انك فاهماه أوى و أنك مقدرة كل اللى هو فيه و مش تنتقضيه كل شوية
و بالطبع ده مع مامتك برضوا
5- حاولى تخلى البيت مريح أوى لما يكون باباكى موجود يعنى نضيف و لما ياكل قدميله الأكل بطريقة فندقية كدة تفتح النفس و حضريله سرير مريح و نوم فى هدوء و حاولى تخلى الألوان الفرش و المفارش فاتحة و هادية
6- مفيش مانع انك تشجعى باباكى و مامتك بمكافئات كل ما كانو هادئين و مش بيتخانقو
يعنى بطريقة لطيفة كدة تديهم كل واحد وردة بسيطة فى يوم او شيكولاتة و تقوليلهم ده عشان انتو حلوين و مش بتتخانقو
بصراحة ربنا معاكى أنا شخصيا حاسس أوى بالخنقة اللى انت فيها بس انا واثق انك طالما كتبتى عن مشكلتك انك هاتعرفى تخطيها ان شاء الله

[youssef_fawzy2001]

اولا : كويس انك مش راضية على الاسلوب السىء ودة علشان متتعلميش هذا الاسلوب ثانيا : حاولى تستغلى طاقاتك فى اعمال مفيدة للبيت او المجتمع يعنى لو تقدرى تشتغلى فى مكان كويس او تخدمى فى الكنايس ثالثا : حاولى تطرحى الموضوع قدام ربنا على المذبح وخلى ابونا يصلى رابعا : داومى على الصلاة باستمرار الى الله ربنا معاكى وينور حياتك

[كراكيب]

• انا اولا برحب بيكي وعاوز اقول حلول عملية لاني بكره الكلام النظري مبدئيا بجد الصلاة هامة جدا جدا جدا وده مش كلام نظري لا ده اول الطريق
• ثانيا فين اب الاعتراف بيعمل ايه المفروض انه يتدخل هتقولي بابا وماما مبيسمعوش كلام حد اوكي ع الاقل يشغلك انتي وقتك عن طريق الخدمة داخل الكنيسة ع الاقل احسن ميت مرة من المشي في الشارع بلا جدوي لان دي مصيبة تانية لوحدها الاكتئاب ده هيفضل جواكي طول ماانتي مدية لنفسك احساس بانك استحالة تتغيري
• بصي انا عاوزك تتحدي نفسك ولنفترض ان ده واقع انتي عايشاه وان بعد الشر بابا وماما مش هيتغيروا يبقي خلاص تكيفي مع الوضع ده لحد ماربنا يبعتلك واحد من ولاده يتجوزك ولحد ده ميحصل اقعدي شوية عند جدتك وشوية في الشغل وشوية في الكنيسة ده هيريحك قوي قوي قوي بس ابداي البداية هي اللي هتريحك خصوصا لو حسيتي بنجاح في الخدمة اتو الشغل بس متكسليش وابداي وربنا معاكي

[anosh]

انا مش هاقولك صلى علشان الناس كلها قالت لك ده الاول
بس انا هاقولك حاجه
كانت مره بنت صغيره فى مدارس الاحد سمعت من الخادمه بتاعتها ان اللى بيعمل حاجه غلط ربنا بيزعل منه و مش بيدخل السماء و اللى بيشتم و اللى بيغلط و اللى بيشرب حاجات وحشه
راحت البنت قالت لها يعنى بابا كده مش هايدخل السماء
قالت لها الخادمه : ليه يا حبيبتى
قالت الطفله : علشان بابا كل يوم بيقعد يشرب حاجات وحشه فى البيت
قالت الخادمه : خلاص انتى كل ماتشوفيه جاب الازازه و هايشرب ادخلى انتى اوضتك و صلى لربنا
و بقت الطفله بتعمل كده فعلا و كانت سبب لخلاص ابوها
كانت بتصلى كل يوم علشان خاطره بدموعها
و فى يوم الاب جاب ازازه و حطها على الترابيزه راحت وقعت و اتكسرت جاب واحده تانى برضوا ادحركت من على الترابيزه و برضوا اتكسرت
جاب واحده تالته برضوا اتكسرت
سمع و هو واقف صوت بنته و هى بتعيط من اوضتها
دخل لاقاها بتصلى بدموع علشان ربنا يرحمه من اللى هو فيه و كانت سبب لخلاصه من الهلاك اللى كان عايش فيه

حبيبتى انتى اكيد عندك اب اعتراف خليه مره يجى البيت عندكم يصلى
حاولى تضغطى على ماما شويه و خليها تنزل معاكى الكنيسة تحضر اجتماع تحضر قداس
حاولى انتى اللى تحاربى علشان تخرجى الشيطان ده من وسطيكم
صدقينى والدتك و والدك امانه و لازم تدورى على خلاصهم و راحتهم
حاولى تحصنى نفسك بالصلاة و الصوم المقدس اللى احنا فيه و اسمعى ترانيم كتير تعزيكى و افتحى الانجيل اسمعى صوت ربنا فيه

صدقينى لو طلبتى ربنا مش هايتاخر عليكى
و يمكن يكون الموضوع ده سبب علشان تقربى لربنا اكتر من كده

ربنااااااااااااااااا معااااااااااااااااااكى
و يحافظ عليكى و ام النور ترعاكى
و صلى لى كتييييييييييييير معاكى

[apo galal]

حاولى تبعديى عن اى حاجة تزعليك وتكونى مضايقة وحاولى تقعدى مع ماما وتعرفيها ان كدا غلط وتقربيها الى الكنيسة هى وبابا واخواتيك وصلى وتكلمى مع ابونا اب اعترافيك وعرفية عن مشاكل الى بتزعليك منهم وصدقينى الصوم والصلاة والتناول من الاسرار المقدسة انتى وكل الى عنديك صدقينى بشفاعة ام النور وجميع القديسين يكون معاكى انتى وبابا وماما واخواتيك وربنا معاكى

[totty fruity]

بجد انا مش عاوزاكى تصلى للحاله ده
عاوزه اقولك ان بجد الصلاه بتعمل المستحيييييييييييل
انتى ممكن تقولى ما انا بصلى ومابيحصلش حاجه
صدقينى اطلبى من ربنا كل يوم
اول ماتحسى انهم بيتخانقوا صلى جواكى وربنا هيهدى كل حاجه
عارفه انتى لو حاولتى تقربى مامتك من ربنا والكنيسه
يعنى فى يوم فى اجتماع خديها معاكى واطلبى من ربنا ان كلام الوعظه يلمس قلبها
صدقينى ربنا ايده قويه ويقدر يغير جامد بس سلميله وسبيها عليه
وصدقينى لما كلمة ربنا تملى قلب ماماتك هتبقى هاديه وشويه بشويه تقربى باباكى
وربنا يساعدك ويكون معاكى
ويفرح قلبك

[عائد]

ابنتى العزيزة
للاسف بيوت كتيرة مليانه مشاكل والحل موجود حوالينا لكن للاسف ماحدش عايز يحل / حتى انتى يابنتى / افولك ازاى , انتى خريجة جامعة يعنى كبيرة وفاهمه وعارفه ان المكان اللى فيه مشاكل يبقى الشيطان هو اللى مسيطر عليه / طب انتى عملتى ايه عشان تطردوه بره البيت ؟ لازم يابنتى انتى واخوكى تكرسوا وقت كبير للصلاة ف البيت عشان ربنا له المجد يدخل بيتكم ويباركه وهو اللى يطرد الشيطان
اطلبى يابنتى من ربنا ف صلاتك انه يرشد والديكم لطريقه اطلبى بالحاح من كل قلبك وفكرك
ابنتى العزيزة / الحل عند ربنا بس لا عند جدتك ولا ف اى مكان تانى روحى لربنا بفلبك واطلبى منه يفرش بيتكم بمحبته صلى كتير وياريت اخوكى كمان وربنا يبارككم ويجعل والديكم يصلوا من جوه قلوبهم ثقى فى الله ثقة كبيرة لانه هو فقط اللى ف اللى عنده الحل
مش هو برضه اللى فال تعالوا يا متعبين ؟
وانتى تعبانه ليه ماتلبيش ندائه وتروحيله ؟
الرب يبارك بيتكم بمشيئة محبتكم له ...... آمين .

المشاركة الأصلية كتبت بواسطة rosssy انا تعبانة جداااااا عايشة فى بيت كئيب جداااا خلاص انا هموووووت عايشة وسط اهلى غريبة مش طايقة اتكلم مع حد ولا اشوفهم ولا ارد عليهم مش عارفة اعمل اية طول النهار شكل و خناق وتعب طول النهار ماما بتتخانق مع بابا وانا واخويا كبار مش صغيرين انا خلصت الجامعة وامى طول النهار بتتشاكل مع بابا وصوتها عالى والجيران بيسمعوا كل مشاكلنا وحياتنا وبيسمعوا الفاظ مايصحش حد يسمعها والناس بيقولولهم حرام عليكوا هتوقفوا حال عيالكم ودول لا حياة لمن تنادى احنا مش مهمين عندهم اعمل اية انا مش طايقة اعيش فى البيت ومخنوقة وعندى اكتئاب ساعات بخرج ومش لاقية مكان اروح فية اروح اقعد عند جدتى او امشى فى الشارع لاكن بدون جدوى مش لاقية حل خالص قولولى اعمل اية

[عائد]

انا ماكنتش قرأت الردود على الموضوع قبل ما اكتب الرد السابق
بصراحة كل الردود جميله جدا وكلها بتدعوكى للصلاة لأنها فعلا عى الحل الاكيد
صلى بقلبك وربنا اكيد هاينفذ الحل الاجمل
ربنا يحفظكم جميعا آمين.

المشاركة الأصلية كتبت بواسطة rosssy انا تعبانة جداااااا عايشة فى بيت كئيب جداااا خلاص انا هموووووت عايشة وسط اهلى غريبة مش طايقة اتكلم مع حد ولا اشوفهم ولا ارد عليهم مش عارفة اعمل اية طول النهار شكل و خناق وتعب طول النهار ماما بتتخانق مع بابا وانا واخويا كبار مش صغيرين انا خلصت الجامعة وامى طول النهار بتتشاكل مع بابا وصوتها عالى والجيران بيسمعوا كل مشاكلنا وحياتنا وبيسمعوا الفاظ مايصحش حد يسمعها والناس بيقولولهم حرام عليكوا هتوقفوا حال عيالكم ودول لا حياة لمن تنادى احنا مش مهمين عندهم اعمل اية انا مش طايقة اعيش فى البيت ومخنوقة وعندى اكتئاب ساعات بخرج ومش لاقية مكان اروح فية اروح اقعد عند جدتى او امشى فى الشارع لاكن بدون جدوى مش لاقية حل خالص قولولى اعمل اية

[emmmy]

عزيزتى روسى /
اولا انتى منورة المنتدى واحنا مبسوطين بوجودك فى وسطينا
ثانيا زى ما قالوا لك اخواتى وانا هقولهالك تانى بس دة مش لكثرة الكلام او لانى مش لاقية حاجة جديدة اقولها -- لا
لانى هى دى البداية فعلا الصلاة ثم الصلاة ثم الصلاة صديقنى الصلاة مفتاح كل الابواب الصعبة وحل كل المشاكل متسنهونيش بلحظة ترفعى فيها قلبك لربنا وتتطلبى منة التدخل فى حياتك
هتلاقية سامع ومستجيب لانة ابرع جملا من بنى البشر
ثانيا حاولى تعملى انتى جو هادى وتشوفى اية الاسباب اللىبتدفع بابا وماما للخناق يعنى لو ماما مؤثرة فى حاجة بالنسبة لطلبات بابا اعمليها انتى لو هى مش بتعرف تختار الوقت المناسب للحوار معاة فهميها انتى بالراحة وبالحب
حاولى تشغلى نفسك باى شئ بتحبية شوفى مواهبك واستخدميها واسمتعى بنعم ربنا ليك واجعليها سبب مجد اسم اللة لو رسم لو شعر لو صوت جميل لو شغل ابرة اى شئ وممكن تمسكى خدمة كنيسية تتعلمى وتعلمى غيرى
كلنا عندنا مشاكل صحيحدرجات بس صديقينى مفيش بيت خالى من المشاكل بس بالمسيح بنتغلب على كل حاجة
حاولى تدخلى المسيح حياتك وقلبك وشوفى النتيجة بنفسك
ربنا معاكى صلى من اجلى