انا محتاجة مساعدة وياريت القيها عندكم انا بنت عمرى 18 وعندى مشكلة كبيرة اووووووووووووووى انا شايفة انها كبيرة لانى مش عارفة احلها لوحدى ومش عارفة اصارح حد بيها هو انى بصراحة انا كتير بحلم بيوم فرحى بس مش هى ديه المشكلة المشكلة انى بحلم بالتفاصيل الجنسية اللى بتحصل داخل الزواج وساعات بحلم بيها وانا صاحية او وانا نايمة بس انا مش بحلم بشخص معين هو اللى هتجوزه وده لانى مش مرتبطة اصلا وانا مش عارفة هل ديه عادة سرية ولا لأ مش تعتبر عادة سرية وفى حاجة كمان انا بتشدنى اوى المناظر المثيرة سواء فى التليفزيون من افلام اجنبى او من على النت من صور وكمان للاسف انا بتمادى فى المشاهدة وبعد فترة من المشاهدة بقول ايه اللى انا بعمله ده واروح اقفل اللى بتفرج عليه علطول واندم انى عملت كده وساعات بقوم اصلى او اقعد مع ربنا واعتزرله بس للاسف بترجع ريما لعادتها القديمة وبجد انا مش عارفة اعمل ايه وفى حاجة انا نسيت اقولها انا ساعات وانا بتفرج على الحاجات دى بتحصلى زى تشنجات فى جسمى وجسمى كله بيتربط فى بعض ونا اسفة انى طولت عليكم بس محتاجة الرد بسرعة لانى بجد محتارة اووى وكل ما أبطل اعمل كده او اتفرج على اى حاجة وحشة بستمر فترة وبرجع تانى ارجوكم محتاجة مساعدة من شخص عنده خبره..؟؟؟؟؟؟؟؟؟؟؟؟؟؟

المصدر: †† ارثوذكس †† - من قسم: حوار من الاعماق

[Team Work®]

ارجو الرجوع لاب اعترافك افضل من اى شخص يجيبك

[menalouka]

هى كده الخطية يا أختى الغالية
تركت كثيرين جرحى وكل قتلاها أقوياء
وللأسف كلنا فى وقت الخطية بننسى ربنا وبنفكر فى الخطية وحلاوتها
بصى يا أختى العزيزة أنا مع الأخ تيم وورك إنك ترجعى لأب إعترافك طبعاً
وأكيد هيرشدك تعملى إيه
ولما يجيلك الفكر فى عمل الخطية
أطرديه بصلوة سريعة انتى حفظاها أو ترنيمة معينة
وربنا يبعد عنك كل فكر شرير ويحافظ عليكى

[megomagamego]

أختي الحبيبة
معني إنك يبقي مش عاجبك اللي إنتي بتعملية وتكوني من جواكي رفضاه دي حاجة كويسة وبتدل علي إنك بنت طاهرة وضميرك صاحي ومتيقظ لأي حاجة وحشة وعمال ينبهك للغلط ويقولك كفاية كدة لا تدنسي روح الله القدوس الساكن فيكي وعلي فكرة إنتي أفضل من ناس كتير ضميرها خلاص مات بعد ما حاول كتيير ومالاقاش أي نتيجه
لكن المهم إنك لازم ترجعي في حضن أبوكي السماوي رب المجد يسوع المسيح اللي بيحبك وواقف منتظر رجوعك وفاتحلك حضنه ومستنيكي ومش عارف إنتي منتظرة إيه !!! ومش عايزة تيجي ليه !!! هو اللي هيحررك من أي عبودية للخطية فقط منتظرك ترجعي وتقولي له أخطأت سامحني ، وهو هيسامحك علي طول لأنه أبوكي وإنت بنته حبيبه قلبه
هو يعني الطفل لما بيوسخ نفسه ... باباه ومامته مش بيجوا ينظفوا ، ولو رجع تاني بينظفوه تاني وتالت ورابع وطول العمر
أنا رأي إنك دلوقتي تقومي تعتذري لربنا وتقولي له سامحني وتنزلي تعترفي في أقرب وقت وماترجعيش تاني للحاجات الوحشة دي
بس خلي بالك من حاجة مهمة جداً إذا إنتي تماديتي في اللي إنتي بتعمليه هيحصل الآتي :
1 . الضمير هيفضل يبكت فيكي ويصرخ علشان ينجيكي لكن لو ضميرك مات وده اللي هيحصل بعد فتره هتيأسي جداً ومش هتلاقي حاجه جواكي بتنبهك لعدم الخطأ وهتشعري إن ربنا سابك وإنك لوحدك
2 . الموضوع ده ممكن يسيطر عليكي ويتحول إلي عاده شريرة مش هتقدري تبطليها إلا بعد عذاب .
3 . ماتضحكيش علي نفسك وتقولي إن الأفكار اللي بتجيلك وإنتي نايمة بليل بتيجي لوحدها دا نتيجة تخزين العقل الباطن لكل اللي بتشوفيه في النهار .
4 . الشيطان ممكن يفقدك متعة العلاقة الجنسية المقدسة في الزواج في إنك تتفرجي علي حاجات شريرة لأن ما هي المتعة والسعاده والقداسة اللي هتجديها بعد لما تتفرجي علي العلاقة الجنسية في الأفلام ، هتيجي لما تتزوجي مش هتشعري بأي متعة لأنك جربتي متعتها في خيالك ، وكمان الشيطان هيجذبك نحو طريق العادة السرية المميته والتي تشبه في قوتها الإدمان وتصبحي زي البنات اللي بتتفرجي عليهم في النت تماماً دون أدني إختلاف .
5 . كل صورة أو منظر حضرتك بتشوفيه بيتخزن رصيد في خيالك والشيطان بيعملك أرشيف في خيالك وأول مايلاقي إنك وقفتي تصلي يبدأ يجيب من الأرشيف ويفكرك بالمناظر المثيرة اللي حضرتك إتفرجتي عليها وممكن وإنتي في الكنيسة تجيلك الأفكار وفي القداس ماإنتي عندك رصيد الشيطان متحكم فيه .

أرجوكي إشتري نفسك وروحي لأب إعترافك وإركعي أمامه وإحكي له علي كل الحاجات دي وهو هيعرفك الطريق الصحيح
إنتي بنت المسيح وروح اللي ساكن فيكي وإنتي طاهرة وجميله ونقية وليكي مكان في الفردوس ربنا مخصصة ليكي ، بلاش تفرطي فيه علشان شهوة رديه وشوية إستمتاع هيزولوا في خلال ثواني وبعد كده يستلمك شيطان اليأس في إنك ماليكش رجاء و... و... و... .
ربنا معاكي وأنا آسف إني طولت عليكي
ماجد

[armia1987]

وانا معاك برضه فعلا صلو وصومى وارجعى لاب اعترافك بالصوم والصلاة تنقلان الجبال

[MARMORAM]

اولا حاولى تبعدى نفسك عن المؤثرات الى من النوع ده
ثانيا اهم حاجه واحسن حاجه انك عارفه ان ده غلط وده الى هايحفزك انك تبعدى بس واحده واحده وبعدين انتى بتقولى انك مش مرتبطه عاوزه اقولك انك لو مش بطلتى الموضوع ده من دلوقتى لما ترتبطى هاتحبى تعمليه مع خطيبك وسامحينى ساعتها هايقول انك مش كويسه فحاولى تبعدى نفسك عن المناظر الى بتوثيرك نهائيا واول ماتحسى بحاجه كده ولا كده علطول قومى صلى وانا واثقه ان ربنا هو الى هايجذبك ربنا يملاكى بنعمته اسفه للاطاله.

[سيزر سامى]

انا اسمى سيزر من الاسماعيلية وانا كمان بفضل ان ترجعى لاب الاعتراف وحاولى طول مانتى صاحية نايمة تقرى مزامير وتقرى فى الانجيل على طول وكمان حاولى تشغليى نفسك بحاجة كويسة لكى لا ترجعى الى هذة الاشياء والشيطان يرميكى فى الخطية دى

ودة اميلى على الياهو :-
lion_smsm2002 @ yahoo.com

ربنا معاكى

[مارسيلكو]

القصة هى .. مين اللى بيشبعك .... الحاجات دى ولا وجودك فى محضر ربنا . طول ما انتى شايفة مكان الشبع هتجرى علية... هو فين بقى المكان دا
السامرية لما عطشت راحت البير طيب انتى لما بتعطشى بتروحى فين علشان تشبعى

ربنا يباركك

[aymonded]

سلام لنفسك يا محبوبة الله الحلوة
أولاً في هذا السن دائماً ما يحدث ميول غير منضبط لأهواء الجسد ودائماً السبب هو الهروب من الواقع !! وتتعدد أسباب الهروب فربما تكون من قلة الاهتمام من الآخرين أو صنع صداقات سليمة ، او ربما بسبب الوحدة والشعور بالأهمال الأسري أو ربما بسبب الأحساس بالذات واضطرابات البلوغ ، و أحياناً البحث عن شيء يستلذ منه الإنسان لأن لا يوجد ما يشبعه ويشغل أوقات فراغه !!! وأحياناً يكون بسبب الملل وعدم التفكير في شيء إيجابي !!! أو ربما من أوقات الفراغ الطويلة !!!

عموماً الموضوع يحتاج لأب محنك يفحص الأسباب والدوافع ليعطي العلاج الصحيح والسليم في مثل هذه الحالة ولكن مبدئياً ممكن اللجوء لبعض الحلول البسيطة مثل :
1 - أنشاء صداقات صحيحة وسليمة وبخاصة مع من هم لهم فكر ثقافي وعلمي
2 - الربط العائي وتقضية الوقت معهم وتصحيح العلاقات على قدر الإمكان
3 - البحث عن هوايات تشغل أوقات الفراغ لتشعرك بأهمية ذاتك
4 - الاشتراك في الرحلات الصيفية وفي أوقات الفراغ
5- العمل ومساعدة الأسرة في المنزل والعمل على انشغال الوقت دائماً
6 - التقليل من مشاهدة الكليبات التلفيزيون والدش وعلى الأخص المناظر التي تُثير الحواس ...

وحذاري من نوم الكسل أو الذهاب للنوم في حالة نشاط أو بعد مشاهدة التلفزيون او الكليب ، لأن هذا يُساعد على الاستمرار في التلذذ بالأفكار الجنسية الغير مستحبة ...

صلي وصومي وأطلبي الله بقوة وأصرار حتى يكون لك علاقة واضحة وسليمة بالحب معه ؛ النعمة معك يا أجمل أخت حلوة

[omero]

اهم شي انك لا تيأسي لان الياس اول سلاح يحاربك به الشيطان ويحسسك ان توبتك غير مقبولة ثم داومي علي الصلاة والتناول ودائمآ اشغلي وقت فراغك سواء بالقراءة او الاعمال المنزلية ........او غيرها اما من ناحية انها عادة سرية ام لا فهي عادة سرية لان العادة السرية هي شهوة سواء بالممارسة او بالنظر او بالفكر او بالكلام ولكن المهم هو عدم التراخي والسماع لكل فكر شرير
++++++++وربنا معاكي ويقويك++++++++