[kottah_sh]

ياجماعه قبل ما ابتدى كلامى الموضوع ده منقول
جائتني دعوه ع الايميل للانضمام الي ما يسمي
face book
قبلت الدعوه واخذت اتصفح هذا المجهول الجديد لاري
رايت موقعا للتعرف الي الاصدقاء واجراء محادثات
مش مشكله عادي
الغريبه ان الموقع ده بلا خصوصيه
يعني انت تعرف اصدقاء وتثق بهم تتحادث معهم وتتبادل معهم صورك وافلامك
وتفاجأ بان كل شئ متاح
لاصدقاء صديقك
واصدقاء صديق صديقك
واصدقاء صديق صديق صديقك
واصدقاء صديق صديق صديق صديقك
الي ما لا نهايه من الاغراب عنك
وجدت صور لفتيات مسيحيات علي قائمة اصدقاء شباب غير مسيحي
وجدت احاديث بين اشخاص لا اعرفهم متاحه لي لاقراها
هل يعرف كل هؤلاء ما يحدث ؟
لا اعتقد ان الجميع يعلم
هل من الواجب التنبيه للمخاطر ؟
اعتقد ذلك
هذا الاختراع الذي بدأ يستشري بين الشباب بصوره غريبه
هل هناك طريقه لاستغلاله في الخدمه الكنسيه مثلما استخدمت كنائسنا الويب سايت والمنتديات وبرامج الشات مثل البالتوك والانسبيك وغيرها ؟
من المؤكد ان هذا الخطر القادم يمكننا تطويعه للخدمه
والسؤال هو كيف ذلك ؟
من هي الكنيسه التي لها السبق في استخراج كنز من المجهول ؟
الكلام اللى فات ده كان الموضوع
اما اللى جاى دا تعليق الانبا رافائيل الاسف العام
اكيد كل شئ له عيوبه وميزاته
انا شخصيا دخلت على الفاس بوك وجدت نفسى تائهاومحتاج وقت كتير عشان اتابع فخرجت بسرعة
لكن اعتقد توجد طريقة من اجل الخصوصية ارجو لمن يعرف تفاصيل هذا البروجرام ان يعرفنا اياها
ربنا يبارككم جميعا

اما دا بقى رأى ابونا فيلوباتير
الخصوصية ف الفيس بوك سهل اختراقها
و قال ان مجموعة من مهندسين الكمبيوتر اللى يعرفهم حاولوا يخترقوا profile بتاع اى شخص تانى
و فعلا شافوا كل الصور و كل حاجة عنده من غير ما يضيفهم او حتى يبعتوا ليه friend request
و انا من ريى ان الفيس بوك تافه
هو مش وحش علشان فكرته وحشة ولا حاجة
هو بقى وحش لان اى حد عنده نت و ليه اصحاب ع النت يدخل عليه و يشترك
اكيد فهمتوا قصدى
الفيس بوك بقى بلم من كل مكان اعضاء
حتى قبل ما اشترك عليه
كان فيه رسايل كتير بتوصل لى ع الميل بتاعى فيها request للاشتراك فيه
الفيس بوك اخد شهرة عالمية و مش كده بس
ده اللى مبرمج و عامل الموقع ده بقى من اغنى اغنياء العالم
يعنى لو اختصرنا و قلنا انك قافل الprofile بتاعك م الprivacy نفسها
اتاكد برضه ان بياناتك متاحة للجميع
و انا اتاكدت من الكلام ده بنفسى

الفيس بوك ف الاول كانت فكرتة بسيطة خالص
ان الاصحاب يتابعوا بعض ع النت
اكيد كلنا شايفين انها فكرة شبابى و بتعجب اى حد
بس للاسف دلوقتى مش كده
دلوقتى الاغلبية بيكونوا اصحاب م النت
و اصحاب النت دول مانعرفش حاجة عنهم .....

الفيس بوك خطر و لو عايز تحفظ نفسك من خطره ابعد عنه قبل ما تكون من مدمنين الفيس بوك من غير ما تحس بكده
سامحونى لانى طولت عليكم بس الموضوع خطير و محتاج وفقة و مناقشة
و سلام المسيح يكون معاكم و يحفظنا من تيار العالم اللى بيزيد يوم عن يوم
و لكل شئ تحت السماء وقت

انتوا بقى ايه رأيكوا فى الفيس بوك

المصدر: †† ارثوذكس †† - من قسم: الموضوعات الشبابية

[روفــــا]

بجد الحكاية دى بدات تضايق الكل ونا معندش بحب ادخل عليه علشان للى بيحصل دة دة مبقتش فى حاجة اسمها احترام عليه بجد والكل عايز يعمل ميت حاجة عليه ملهش لازمة بس نعمل ية بقى الشباب اللى بيعملوا الكلام دة
بجد موضوع مهم

[kottah_sh]

ميرسى يا روفا على اهتمامك
لقرايه الموضوع وردك الجميل
بس فعلا بقى حاجه زفت اوى وانا مش شايفه
فيها اى افاده او متعه
هيه مجرد حاجه جديده والشباب فرحان بيها

[elphilasouf]

اممممممممممممممم
يا جماعه لو ع الخصوصيه
فمعظم المعلومات ممكن تكون خاصه مش عامه
هو بس صاحب البروفيل الى ممكن ميكونش عارف بيعملها خاصه

ولو ع انها ممكن حد يخترقها وكده
فاي حاجه معرضه للاختراق مش الفيس بس

واكيد الفيس ده مهم فى بعض الحاجات
فافى جروبات كتير مسيحيه
وفى برده حاجات مش حلوه
زي اي حاجه تانيه
موجود الحلو والوحش
والمفروض انك تختار الى انت عاوزه

ميرسي كوته ع الموضوع المهم ويارت نسمع اراء تانيه

[كيرو رافت]

بجد يا كوتيه موضوع مهم جدااااااااااااا ورائع جداااااااااااااا
والانبا موسى كان بيكلمنا فى مرة عليه وحزر كتير من خطورته من بعض النقط اللى زكرتيها
ومنها ان معظم حاجاتك الخاصه من السهل ان جميع اصدقائك المسجلين لديك يرونها
وحتى غير المسجلين عندك
الفيس بوك له اضرار كثيرة جدااااااااااااااااا
وانا شخصيا موش بستخدمه لان فيه وسائل اتصال اكثر امانا منه
هو احنا قادرين على الياهو والهوت ميل والاسكاى بى لما كمان هانشارك فى الفيس بوك

ميرسى يا احلى كوتيه على الموضوع المثير والمهم ده
ربنا يحفظ اولاده وبناته من كل شر
وميرسى جدا جدا ليكى يا قمر

[kottah_sh]

انا اللى ميرسى يا احلى كيرو منور فى المنتدى
وفى المنتديات المجاوره كمان
هههههههههههههههههههههههه
بجد ميرسى ياكيرو على ردك الجميل

[mina3338]

اولا شكرا يا كوته لطرحك للموضوع ده
بس القيس بوك مش وحش زي ما انتي فاكرة قوووي كده
لان لو علي الخصوصيه
انتي ممكن حتي تمنعي اصدقاءك اللي انتي ضايفاهم عندك من انهم يعرفوا اي حاجه
اما بقه لموضوع الاختراق
ده مش اي حد يعرف يعمل كده ويخترق بروفايلك
وبعدين الناس اللي بتقدر علي موضوع الاختراق ده تقدر تخترق في اي حاجه مش القيس بوك بس
غير كده انتي المفروض مش بتضيفي عندك غير اصدقائك اللي انتي عارفهم وواثقه فيهم
مش اصدقاء من النت
ومتهيألي ان اصحباني اللي نعرفهم من الكنيسة او الكلية اللي بنخرج ونضحك معاهم
دووول دوول عادي انم يشوفوا البروفايل لانهم اصلا المفروض انهم عارفين اللي فيه (ماهم صحابنا)
فا انا شايف ان الفيس بوك ممنوش ضرر خالص بس لو عرفنا نستخدمه
وفي حاجات كتير مفيد ولذيذ
وانا وصحابي بنستخدمه كتير في الخدمة في الكنيسة
غير انه وسيله لذيذه للترفيه باننا بنعلق علي صور بعض بتعليقات لذيذه وكده

[kottah_sh]

ميرسى يامينا على مرورك وردك ورأيك الجميل ده

[miss soosoo]

ايش نقول لا تعليق

[الناى الحزين]

طب وليه من اساسه نخلى لينا خصوصيات على الفيس بوك
يعنى المشاكل اللى بتحصل للبنات دى واللى بنسمع عنها
ليه تحصل من اساسه
ايه اللى يخلى بنت محترمه تحط صورتها وخصوصيتها على
الفيس بوك


يعنى نجيب المشاكل لروحنا وفى الاخر نرجع ونشكى

ما نكلم كل الناس زى ماحنا عايزين بس فى حدود المعقول
ومن غير التدخل فى خصوصيات

بصراحه الموضوع ده بيضايقنى
غيرو السيره احسن

هههههههههه

شكرا يا احلى كوتا على التنبيه والموضوع الجميل
ربنا يفرح قلبك