[sallymessiha]

سلام رب المجد
دى مقالة عن الفرق بين الشريعة والنعمة
يارب تعجبكم

http://www.mediafire.com/download.php?xmvnytcjd3c
او

http://www.4shared.com/file/40751143..._walneema.html

او

http://rapidshare.com/files/99426843...at_maktoba.doc

المصدر: †† ارثوذكس †† - من قسم: سؤال وجواب

[Team Work®]

لمين هذه العظات

وعلى فكرة فى روابط مش شغال

وشكرا ليكي

[naderwagih]

المقارنة لذيذة بس فيها نقط كتييير قوى ستفتح باب الجدال على مصراعيه... ليه؟ حد يقول ليه؟؟
أقولكم ليه

مثلا النقطة التالتة:
النعمة تقول: طوبى للذي غفرت آثامهم وسترت خطاياهم. طوبى للرجل الذي لا يحسب له الرب خطية (رومية 4: 7و8)
3- الناموس يقول: ملعون كل من لا يثبت في جميع ما هو مكتوب في كتاب الناموس ليعمل به


الآية اللى في رسالة رومية أساسا موجودة فى العهد القديم... فى المزمور 32 يعنى نا ماقدرش أعتبرها فرق بين العهدين... اساسا لان الهنا واحد ماعندوش تغيير ولا ظل دوران لكن المحور الرئيسي للفرق ين الناموس والنعمة هو ان الحياة مع ربنا بقت واضحة بخلاصه العظيم واللى ماحدش طلبه منه .. ده هوّه من نفسه ومن حبه اللى فدانا... وبالتالى محبته وضحت لينا فى عهد النعمة اللى فيه تجسد الابن الوحيد

الاول كانت وصايا كتير هى (ظل للأمور العتيدة ) وكان المفروض يعيشها اليهود بالقلب لكن كانت المشكلة ان اعمال الله العظيمة كانوا شايفينها ارضية زى خروجهم من ارض العبودية (مصر) ووقوفه معهم لحد ما اخدوا ارض يسكنوا فيها.. لكن الخلاص لم يكن قد تم بعد...

والنقطة التامنة مثلا:
النعمة تقول: قد سامحتك بكل شيء
8- الناموس يقول : ادفع الدين الذي عليك

انا ماعرفش ان الناموس بيقول ادفع الدين لان ربنا عارف ان الدين استحالة يوفيه انسان واستحالة الله يكون بيقبل عجول وكباش لتوفية للدين البشري...خصوصا وان النعمة بتقول سامحتك بشروط اللى هى التوبة والمعمودية والحياة بجد مع ربنا والاعتراف والتناول و....... و..... و .....

عموما...

البابا شنودة كتب فصل كامل عن الناموس والنعمة فى كتابه ( النعمة) .... هابقى احمله واديكم الرابط قريب

بس من حيث المبدأ... اللـــه ينوّر ... لازم الناس كلها فعلا تعرف الفرق بين الناموس والنعمة

[naderwagih]

آه .. بيوضح كلامى برضو ان فى العهد القديم اللى عو عهد الناموس كان ربنا بيطلب من الناس انها تكون عايشة معاه بقلوبها .. مش بس بالتقدمات الدموية والطقوس والشريعة والناموس... وده واضح فى اول سفر اشعيا فى الاصحاح الاول:
( لا تعودوا تأتون بتقدمة باطلة.البخور هو مكرهة لي.راس الشهر والسبت ونداء المحفل.لست اطيق الاثم والاعتكاف. 14 رؤوس شهوركم واعيادكم بغضتها نفسي.صارت علي ثقلا.مللت حملها.<A name=ver15> 15 فحين تبسطون ايديكم استر عينيّ عنكم وان كثرتم الصلاة لا اسمع.ايديكم ملآنة دما.<A name=ver16> 16 اغتسلوا تنقوا اعزلوا شر افعالكم من امام عينيّ كفوا عن فعل الشر<A name=ver17> 17 تعلموا فعل الخير اطلبوا الحق انصفوا المظلوم اقضوا لليتيم حاموا عن الارملة. 18 هلم نتحاجج يقول الرب.ان كانت خطاياكم كالقرمز تبيض كالثلج.ان كانت حمراء كالدودي تصير كالصوف.)

واخدين بالكم من الاثم والاعتكاف؟؟
منين اثم ومعاه اعتكاف؟؟!!!
عشان انتشر ان الناس تعمل اللى عليها وتقدم محرقات وعجول وقلوبها لسه حجر .. لسه سودا
ومش ده اللى ربنا عايزه حتى فى عهد الناموس والشريعة
وكأن ربنا بيقول مش بس نفذوا الناموس .. لكن عيشوه بقلوبكم..
لأن ده مشكلتنا فى عهد النعمة.. اننا عايشين فيه بروح الناموس.. بروح طاعة الاوامر الاهية عشان ننجو من النار


هوه آه فيه فرق .. بس انا خايف نزودها شوية لأننا ساعتها مش هنكون بنظلم الناموس.... هنكون بنظلم اللــه واضع الناموس والشريعة... وعموما
مبرئ المذنب ومذنب البرئ كلاهما مكرهة للرب( أم17 : 15 )
هتفهموا الكلام ده لما تقروا معايا الجزء اللى سوف احمله ليكم من كتاب سيدنا البابا شنودة الثالث.... ولو انا فاهم غلط أرجوكم صلحولي

ربنا معانا